سلملى ع الاوتوبيس

[صائد الذباب]

سلملى ع الاوتوبيس
***********

سلملي ع الكراريس و ع الأوتوبيس وطابورالعيش

سلملي ع العشــــاق ومشـــــيتهم ع الكــورنيش

سلملي ع البنت اللي فـاتحـة من زمـــان شـــــــباك

ممكن يعــدّي ابن الحـــــلال لابس هـدوم الجــــيش

سلملي ع الجــرنـان .. موظف شــايله تحت البـاط

سلملي ع الدلـع اللي بيكــهــرب و ع الحـــــركات

يامــــا ألف شـــاعر للعـــيـون والغــــمازات غنّى

سلملي ع الـواد اللي عقله من غـــرامهم شــــــاط

سلملي ع الحـــلــوة وعلى غــنـــوة قــــالتــهــالي

فـاتت عـلـيـهـا ســــنين وتــاه اللـحــن من بــــالي

سلملي ع الصـــــحـبـة و ع الســـــهـيرة وفـلـوكة

مـاشـــية في وسط النيـــل تغني والمـــــزاج عالي

سلملي ع الحــــكايات من الجــــدات و ع البراويز

سلملي على ســـاعة العصارى وضـحكة العواجيز

سلملي على مكنة خـــياطة قـديمـــة في شبرا

سلملي على طـبقين "كـريم كرامِّل" طـعمه لذيـــذ

ســكران و قلبي بالغـنـــــا والفــضــفــضــة والـع

ســكران ببـحـر إســـــكـنـدرية وســـرها البــــاتع

ســكران بليــل القــــــــاهـرة ... سـلّم وســمعـني

دقـة حـوافـر خـيل في عـز الليــل على الشـــارع


تحياتى

الصياد

[Mrs 2ana 7or]

راااااااااااااااااااااااااائعه يا صياد بجد

فكرتنى باغانى محمد منير.... تفتكر يا صياد لو شافها ممكن تعجبه يغتيها ؟؟؟؟؟

[iwcab]

الناس دول بيعملوا كل حاجة .. بس ما ذكرتش بيشتغلوا إيه ؟ ، وبينتجوا إيه ؟ .. وألا حياتهم كلها متع وخلاص

[صائد الذباب]

ممكن يامدام أنا حر أنة يغنيها

بس لما يعرف أن كتبها قبطى

ممكن يشطبنى ويلغيها

ياعم يوساب ...أنت لو تاخد بالك من الكلمات أنى فى بعضها بضحك على حكمة الكسل من المصريين

بس فى البعض الاخر بعرف اللى بيقرأ أن مش كل حياتنا هم وغم وكسل

دة فية حاجات حلوة فى بلدك مصر ...ميحسش بيها ولا يقدرها الا اللى اتغرب عنها

وأنا الحمد للة أننى أتغربت بس رجعتلها

[Mrs 2ana 7or]

لا انا حر صوته مش ولابد يا صياد

خليها هى كده جميله مش مهم حد يغنيها حران نشوهها

مع الاعتذار لانا حر طبعا

[iwcab]

حكمة الكسل من المصريين



حكمة الكسل من المصريين ؟

(MM:}

[knowjesus_knowlove]

آخر حلاوة ياصيااااد

[knowjesus_knowlove]

(MM:}

لقد صبأ الحااااااج يوساب
إنه يستعمل الإسمايليز

)hayP) {{yawka]] (sml22) )danc:{ )Aa:) ({up:) )msk:) (brv1: (BAY:) (hrt: (bay:)) (do:) (OPN:} hi:) (sml19) (sml12)


كفاياك سخرية وهزء ياااااااااااحااااااااااااااج

[fanous2102]

فل الفل ياصياد

[الخواجه]

الاخ صياد - 10(): 10(): 10(): كالعاده بس برضه ليه كلمه كده

القصيده جميله بس - وقفت ليه انا حاسس ان ليها تكمله او بمعني حاسس انها مخلصتش

عاوزه تتكمل لسه ناقصه و لا ايه رائيك

[boraee]

تحفة بجد يا صياد ....واحشني ...فاكرني وللا لأ ؟؟

[غلاباوي]

ما تقولش اية اديتنا مصر ,,... هنقول هاندي اية لمصر
يااااااااااااااااااااااااااااااااااااااااااااااااا ا حبايب مصر طم طم طم

مصر مصر مصر يا حبايب مصر
حبااااااااااااااااايب ماااااااااااااااااااااااااصر

[Safnat_Fa3nash007]

حكمة الكسل من المصريين ؟

(MM:}


افشناك يا يوساب متلبس هههههه
يوساب انت لازم تحلي علشان محطوش ابو طرطور او ابو طرطوع السنه دي هههههه