View Full Version : هل لديكم اي معلومات عن قوانين اللوتري الجديده
Aphex
24-01-2006, 10:38 PM
بسم الثالوث الاقدس
انا طالب في السنه التانيه كليه اداب اسيوط..وفزت ببرنامج القرعه للهجره الجرين كارد.
يعني انشالله معنديش اي مشكله في الحصول علي الفيزا او السفر.لكن اليومين دول مش عارف ايه اللي بيحصل في السفاره الامريكيه بالقاهرة..كل يوم يطلعوا بقوانين جديده..
من شهرين بدأوا يرفضوا غير الحاصلين علي اي شهادات ..قلنا ماشي دول مش متعلمين ومش هيعرفوا يعيشوا في امريكا...امبارح واحد قريبي حاصل علي دبلوم ذهب الي السفاره لكنه فوجئ بموظف بينصحه انه ميدخلش المقابله لأنه غالبا هيترفض لأنه حاصل علي دبلوم..ونصحه الموظف بالتصرف في اي شهاده خبره بالتزوير حتي..
اما اليوم فسمعت عن اخر بدعه في السفاره وهي انهم لن يقبلوا الطلبه... يعني انا هيرفضوني ..
سمعت ان فيه فساد في السفاره الامريكيه في القاهره وان الاخوه الموظفين ومعظمهم مسلمين بيحاولوا عرقلة حصول الاقباط علي فيزا الهجره... حسب مجله الكتيبه الطيبيه..
ارجوكم من لديه اي خبره او اية معلومات فليتكرم بالرد علي تساؤلاتي ..وهل شروط الهجره قابلة للتغيير حسب مزاج القنصل ...كده معظم الفايزين غير مؤهلين للفيزا...
ارجو ان تكون كل هذه تراهات واشاعات...
لكم جزيل الشكر
Aphex
25-01-2006, 02:41 PM
ارجو من الساده الاعضاء ان يفيدونا اذا كان لدي احد اي معلومه...
وشكرا
الخواجه
25-01-2006, 04:05 PM
الي جميع الاخوه ارجوا من يعلم ان يفيد الاخ في الموضوع ده - و علي قد معرفتي ان فزت
في اللوتري بتاع الجرين كارت معندكش مشاكل في السفر و ارجوا من الاعضاء افادت الاخ
zazagigi
jesus_4_us
25-01-2006, 04:23 PM
ارجو من الساده الاعضاء ان يفيدونا اذا كان لدي احد اي معلومه...
وشكرا
كل مايهم السفارة هو الضمان المالى والموقف من التجنيد وعندما تاخذ الموافقة فيجب عليك احضار ترجمة لشهادتك الدراسية حتى يتثنى لك لالتحاق بالجامعة فى امريكا فى البداية هاتكون صعبة عليك اذا كنت دون المستوى فى اللغة الانجليزية لكن كل شئ يهون اذا كان عندك الاستعداد للتعلم لكن يجب ان تذهب الى السفارة وتسال وربنا يوفقك وتيجى امريكا
yaweeka
25-01-2006, 04:44 PM
1- لو رقم الفوز بتاعك اقل من 40 الف فلديك فرصة كبيرة جدا للحصول على الفيزا للهجرة
2- موضوع ان الحاصلين على الدبلومات غير مرغوب فيهم هذا كلام لا أساس له من الصحة ، بس الحصول على شهادة خبرة فى أى مجال طبعا ستزيد من فرصه فى الحصول على تأشيرة الهجرة
3- ايوة بيقبلوا الطلبة ، طالما حاصل على الثانوية ما فيش مشاكل
4- يلزمك اهم شئ:-
تعدى الاختبارات الطبية
الحصول على ضامن من امريكا
Aphex
25-01-2006, 09:27 PM
اشكركم جدا يا اخوتي ... لكم الف شكر علي اهتمامكم
ماقلتوه كله صحيحا .. او كان صحيحا قبل شهرين عندما تم تغيير السفير الامريكي ..
الدنيا اتشقلبت والقوانين اتغيرت ...واحنا مش عارفين نشتكي لمين ؟؟
هل نتصل بالبيت الابيض او وزاره الخارجيه الامريكيه ام سيتهموننا بالتخابر ...
علما بان السفاره بدأت ترفض الحاصلين علي الدبلومات فقط منذ اسبوع فقط؟...
ساعدونا او اخبرونا الي اين نذهب لنشتكي..
وعندما نتصل بالسفاره تلفونيا يرد علينا موظفين عرب ويعاملوننا بمنتهي الازدراء...باسلوب لا يليق بدوله عظمي مثل امريكا
Aphex
25-01-2006, 09:32 PM
بسم الثالوث الاقدس
لسنا نعلم ما اذا كنتم مختصين بمشكلتنا ام لا.. لكن اكيد انكم بتدافعوا عن حقوق الاقباط باي وسيله وفي اي مجال ..
المشكله باختصار تتعلق بالهجره للولايات المتحده الامريكيه..من النوع العشوائي اللوتري..
لكي يكون الفرد مؤهلا للحصول علي فيزا الهجره لابد ان يتوافر فيه احدي شرطين : اما ان يكون حاصلا علي الثانويه العامة او مايعادلها
واما ان يكون لديه خبره في احدي المهن..
طوال السنين الماضيه علي مدار 10 سنين هي عمر برنامج اللوتري كان من تتوافر فيه الشروط البسيطه يعطوه الهجره ...
لكن ابتداء من السنه الحاليه 2006 بدأت عملية غريبه اشبه بعمليه تعجيز للناس وخاصة الاقباط..تاره يرفضون الناس الذين يحملون شهادات خبره بحجه انهم غير متعلمين وتاره يرفضون الحاصلين علي الدبلومات ... علما ان قانون الهجره صادر عن الكونجرس الامريكي ولا يملك السفير او اي من العاملين بالسفاره الامريكيه بالقاهره تغيير شروطه...
وانتشرت هذه الايام ظاهره غريبه وهي ان الفائزين يذهبون في الميعاد لأجراء المقابلات في الميعاد ولكنهم يفاجئون بأناس موظفون يخبرونهم انه سوف يتم رفضهم .. وينصحوهم بعدم اجراء المقابله...فتضيع حقوق الناس البسطاء ولا يحصلون علي الفيزا..
انا شخصيا اشك في هؤلاء الموظفون واعتقد انهم مفسدون او مرتشين...او ان هناك نوعا ما من التأمر لعرقله هجره الاقباط..
وعندما نتصل بالسفاره تلفونيا يرد علينا موظف عربي مسلم ويعاملوننا بمنتهي الازدراء...باسلوب لا يليق بدوله عظمي مثل امريكا.
فلا نعلم الي اين نشتكي..احنا كده بنشكي الواد لأبوه...ارجوكم ساعدونا لكي يلتزموا بالشروط لأن هذا بمثابه تصفيه جسديه لنا.
ماهي الجهات الامريكيه التي لها سلطه علي السفاره ؟؟ او كيف يصل صوتنا الي السفير المريكي ؟
فكرنا بمراسله البيت الابيض او اي جهه عليا .. ولكننا نخشي من اتهامنا بالتخابر مع دول اجنبيه..
علما اننا مظلومين ونستحق الهجره... وتنطبق علينا شروطها ..ارجوكم افيدونا
لقراءه شروط الهجره انقر هذا الرابطhttp://travel.state.gov/visa/immigrants/types/types_1318.html
والرب يعوض تعب محبتكم
شباب من اسيوط