View Full Version : قبطي يحكم مصر ...
amine36
14-03-2006, 12:54 AM
تصور زميلي العزيز القبطي لو أصبحت حاكما لمصر ...
ماذا ستكون أولى برامجك ?
ماهي الخطوط العريضة لسياستك ?
3nter
14-03-2006, 01:13 AM
تبقى فكره حلوه واهى
المساجين تطلع عفوا فى مولد العدرا
ومولد مارجرجس كمان
زى مابيطلعوا كده فى مولد النبى
الأصلاح
14-03-2006, 02:27 AM
على استعداد لأنتخاب رئيس لمصر قبطى او مسلم اويهودى
المهم يكون معروف للشعب بحبه لمصر وتعامله مع كل المصريين بصدق وشفافيه..
لا انظر لديانته لأنها سر بينه وبين ربه ..
وليس كل مسلم يخاف الله ويتعامل بحسن وعدل مع البشر..
وليس كل قبطى يخاف الله ويتعامل بحسن وعدل مع البشر..
وليس كل يهودى يخاف الله ويتعامل بحسن وعدل مع البشر..
كل ديانه ومله وعائلة واسره فيها الحلو والوحش ..فأحكم على فرد ولااحكم على ديانه
لأن من يحارب دين فأنه حاقد ومعتوه..!!
الدين لله والوطن للجميع
makakola
14-03-2006, 02:33 AM
تصور زميلي العزيز القبطي لو أصبحت حاكما لمصر ...
ماذا ستكون أولى برامجك ?
ماهي الخطوط العريضة لسياستك ?
طبعا لو تقصد قبطى المعنى الحقيقى يبقى حأعمل الأتى
1- حذف كلمة العربية من إسم مصر والخروج فورا من جائعة الدول العربية
2- حذف كل كلمة تدل عى أية ديانة من الدستور والقانون
3- تجريم أى تمويل لمنظمة أو هيئة فى مصر من خارج مصر، سواء أمريكا أو السعودية
4- الإستعانة بأساتذة على مستوى عالمى لوضع أسس للتعليم فى مصر
5- إعتبار كل حقبة تاريخية لم يكن فيها حكما للمصريين هو إحتلال، يتساوى فى ذلك الرومان والإنجليز مع العباسيين والأمويين والعرب
6- إطلاق الحريات بطريقة كاملة مع تجريم أى عنف يكون ردا على كلمة
7- منع بث البرامج الدينية فى القنوات التلفزيونية والإذاعية أو الجرائد القومية، وعلى من يرغب فى الحديث عن الدين أن يقوم بتمويل ذلك من جيبه الخاص
8- النص فى الدستور على عدم تكرار رئاسة الدولة أو الحكومة أو الوزارة لأكثر من فترتان
9- إعتبار كل من يثبت إنتمائة لدوله غير مصر، مدانا بجريمة الخيانة العظمى
(ملحوظة : ترتيب النقاط بعالية لا يمثل اهميتها من حيث الأولوية)
(bay:))
The_Lonley_Wolf
14-03-2006, 07:33 AM
أول حاجة هاعملها هاطلب العودة لدستور 1923 الليبرالى الممتاز و حذف الدستور الحالى
تانى حاجة أعمل محاكمة علنية لرموز النظام السابق و رجال الاعمال الفاسدين و الارهابيين
و تالت حاجة اطبق الخصخصة و ادعم البحث العلمى حتى لو على حساب ميزانية الدفاع و الاكل و الشرب بالاضافة لتصليح التعليم
و رابع حاجة هاطلب مستشارين و خبراء من دول الخارج للأسترشاد بهم و ممكن قوات عسكرية دولية لحفظ الامن
bolbol
14-03-2006, 09:08 AM
موضوع حلو...
هشتغل بدستور 23 أو دستور بعد 52 لأنهم خاليين من أي عنصرية و أعتقد أن العزيز مكة كولا قال ملامح جيدة ممكن تكون بداية.
بس أكيد هأكد علي أهمية دور الدولة في رعاية الخدمات و إعادة هيكلة القطاع العام دون خصخصة و نصب.
و علي المستوي الدولي هتبني سياسة إنفتاحية لأسترجاع الهيمنة المفقودة و أعادة خلق علاقات جديدة مع البعد تماما عن جامعة الفجل والخص العربية و هبعد عن القومية الملوخية..
سلام
Youstos El Antouny
14-03-2006, 09:28 AM
بلاش أنا علاشان هحكم بأثر رجعى وهطلع على عنيهم اللى عملوه فينا. على فكره مقصدش مسلمين أقصد اللى بوظو البلد
bolbol
14-03-2006, 09:40 AM
بلاش أنا علاشان هحكم بأثر رجعى وهطلع على عنيهم اللى عملوه فينا. على فكره مقصدش مسلمين أقصد اللى بوظو البلد
أهلا يا يسطس تعرف أنه كان شفيعي في حاجات كتير..
ياريت تروح المنتدي الفني تشوفه أعرف أن ليك ميول فنية..
صلي لينا يا أبونا...
Mena0064
14-03-2006, 09:06 PM
1. الإهتمام بالزراعة و الصناعات الصغيرة.
2. إعادة كتابة المناهج التعلمية من حضانة إلى الجامعات.
3. وضع الكفائات فى المكان المناسب بغض النظر عن الدين و اللون و الجنس، أهم حاجة نستغل ما لدينا بأحسن طريقة ممكنة.
4. تشجيع الإستثمار الأجنبى و المحلى.
5. حد فترات الرئاسة و الوزارات و قيادات الجيش و المحافظات و الجامعات لتشجيع المنافسة و تجديد الأفكار.
6. تشريع عقوبات رادعة على التعصب الدينى و العرقى و أى نوع من أنواع العنف أو بث الكراهية على هذة الأسس.
7. فصل الدين عن الدولة تماما.
8. خلق جو من الأمان و دعوة المصريين المتغربين على العودة للإستفادة بخبرتهم أو على الأقل إستثمار مدخراتهم فى مصر.
9. إطلاق يد الصحافة و الإعلام، و تشجيع الأحزاب و المعارضة على النقد البناء لبناء هيكل يضمن التصحيح المستمر.
10. مراجعة السياسة الخارجية و تحديدها بحسب مصالح مصر و شعب مصر.
11. محاربة الفساد إبتداء من الرئيس و الوزراء.
12. الإستفادة بالجيش فى حاجة مفيدة، مثلا إستغلال البعض فى البناء كجزء من الخدمة العسكرية و تدريجيا تقليص حجم الجيش.
كفاية كدة تلاقيكوا زهقتوا
amine36
17-03-2006, 04:47 PM
وماذا عن القضية القبطية ? هل نسيتموها ?
وماذا عن المسلمين الذين عانيتم منهم ? ماذا سيكون مصيرهم ?
Mena0064
23-03-2006, 12:22 AM
وماذا عن القضية القبطية ? هل نسيتموها ?
وماذا عن المسلمين الذين عانيتم منهم ? ماذا سيكون مصيرهم ?
مين قال نسيناها، فصل الدين عن الدولة و تفريغ المناهج من الإرهاب و عقاب المفسدين. عايزنا نحبس 60 مليون مسلم ولا إية؟ و بعدين إذا كنا هنعمل زيهم يبقى بنبكى على إية؟ القضية القبطية قضية مبادئ، المساواة و المواطنة و العدل مش قضية إنتقام! ولا إنت شايف غير كدة؟