حوض سمك فى الكمبيوتر !

[The_Lonley_Wolf]

بتحب تربية السمك بس معاكش فلوس تشترى واحد؟؟ بسيطة التكنولوجيا حلت المشكلة

فى لعبة أسمها Fish Tycoon تنزلها و تركبها عالجهاز و كأنك عندك حوض سمك بالظبط تأكل السمك و تشتريله دوا لو مرض و تبيع و تتاجر فيه كمان ده غير ان اللعبة واقعية جدا من ناحية الزمن كأنه سمك حقيقى بمعنى أنه بيكبر حتى و انت قافل الكمبيوتر خالص
يعنى مثلا انا جبت السمك و كان لسه صغنن و قفلت الكمبيوتر و نمت و صحيت تانى يوم لقيته كبر كده و بقى حلو و عمال يبرطع فى الحوض قصدى الكمبيوتر و كان جعان (sml22) لأنى نسيت أحطله اكل قبل مانام ... مش هاوصيكم تخلوا بالكم و تحطوله أكل و كده لانوا لو نسيته هاتفتحوا اللعبة تلاقوه مات

http://www.4shared.com/file/1141051/18fe240/fish_tycoon.html

[رسول الله]

حلــــــــو بس انا عاوز سمك مشوي ألقيش عندك نصف كيلو مشوي ومتنساش سلطة الطحينة )Aa:)
(sml11) (sml11) (sml11)

[The_Lonley_Wolf]

هاها ياعم ده سمك زينة مش سمك يتاكل (BAY:)

فى لعبة بياع ليمونادة عندى اطلعهالك و أهى أسمها تسد جوعك شوية ؟؟

اللعبة حجمها حوالى 11 ميجا و معاها الكراك بتاعها واللى اللنك ماتشتغلش معاه يقوللى واللى مايعرفش يلعب اللعبة يقوللى برضو و أنا أفيده بخبراتى

[رسول الله]

يا سيدي ابعت اهي دي الحاجات الحلوة والا بلاش وبالمرة قول لينا لعبة حوض السمك بتتلعب ازاي ومنين نجيب الفلوس اللي بنشتري بيها السمك و اي لعب عندك زي دي ماشي اوكيه اهو حاجة تسلينا .

[The_Lonley_Wolf]

شوف ياعم بتبدى اللعبة معاك تقريبا 300 دولار حلو
فى زرار عليه Supplies بتدوس عليه و تشترى منه مستلزمات الحوض زى مثلا فيتامينات للسمك و دوا فطريات و بيض سمك لسه مافقسش و مولد اكسجين او دودة منظفة للحوض

تشترى على اد ماتقدر الضرورى من الحاجات دى و بعد كده تروح على حاجة اسمها First Tank فوق فى اعلى يمين الشاشة هاتلاقى سمكتين تلاتة هما اللى هاتبتدى بيهم تمسك واحدة و تحطها فى مربع أسفل يمين الشاشة حلو؟؟

و تجيب السمكة التانية تحطها معاها هاتلاقى السمكة طلعت تانى من الحوض تمسكها بالماوس هاتلاقى مكتوب Pregnant مبروك عليك كده السمكة بقت حامل و تعمل العكس بالعكس مع السمكة التانية تحطها فى الحوض الأحتياطى ده و تجوزهم بنفس الطريقة سبهم حبة هاتلاقيهم باضوا و جابوا سمك صغير

بعد كده امسك سمكة سمكة لما يكبروا و حطها فى الحوض الاحتياطى (أسفل يمين الشاشة) و دوس على Spiecies و أرصد سعر معين للسمكة و انصحك ماتزودش عن 20 دولار عشان تلاقى حد يشتريها

أستنى لما يكبر خده و دوس على Sales Tank فى أعلى يمين الشاشة و حطهم فيه و دوس على Sell fish هاتلاقى منظر محل جيه أفضل مستنى فيه لحد ماحد يشترى منك و هاتلاقى الفلوس بتضاف لوحدها على رصيدك و هكذا بقى

بالنسبة للجيمز التانية هاجيبلك لنكاتها بس دى نسخ ديمو لانى مش لاقى الكراك بتاعها و نزلت كراك ليهم فى مرة كان متفيرس و الوندوز وقع

[The_Lonley_Wolf]

ده لنك للعبة حلوة هى عبارة عن انك مدير سينما بتظبط السينما بالفلوس اللى معاك و بتقعد تترقى كل شوية و تاخد فلوس اكتر و هكذا اللعبة مساحتها 15 ميجا و رغم انها ديمو الا انها كاملة المراحل الا انها بعد وقت معين تنغلق أوتوماتك و ممكن تتفتح تانى مفيش مشاكل

http://games.yahoo.com/games/downloads/cinematycoon.html


دى لعبة اللمون اللى قلتلك عليها

http://takegame.com/strategic/htm/limonadetycoon.htm

[ProRathack]

و تفضلو الكيجين لتصبح اللعبة الى ما نهاية و ليس ستين دقيقة فقط و الرح داخل الملف

هذا هو اللينك
http://rapidshare.de/files/17061990/Keygen.rar.html


و شكراااااااا

[The_Lonley_Wolf]

شكرا ياأخ ProRathack بس الكراك المرفق خاص بلعبة اخرى تماما

[The_Lonley_Wolf]

الكراك الذى أرفقه الأخ ProRathack يعمل مع جميع الالعاب فى هذا اللنك و هى أغلبها العاب استراتيجى و تايكوون اهم ميزة بها انها صغيرة الحجم ماعد ياهو سينما تايكون لا يعمل الكراك معها

http://takegame.com/reflexive.htm