إلى كل الأقباط الرجاء الإشتراك [الصفحة الرئيسية] - منتدي منظمة أقباط الولايات المتحدة

saweres

17-09-2003, 02:28 AM

سلام المسيح مع الجميع .
يا إخوة مش جه الأوان يبقى للكنيسة القبطية الأرثوذكسية منبر يسمع منه صوتها للمسيحيين وغير المسيحيين
الإنترنت موجود ما قولناش حاجة بس كام قبطى بيقضى وقته فى المواقع القبطية والمهم يلاقى فيها اللى هو عايزه؟
مشروع محطة تلفزيونية ؟ ما أظنش لأن التكاليف هتبقى ضخمة وهتلاقوا ملايين يرفضوها علشان بس تكاليفها
أومال إيه العمل؟؟؟؟ أظن إن أحسن شىء محطة راديو توصل للكل من المجند فى الجيش اللى بعيد عن كنيسته وطبعا مافيش غير المساجد فى وحدات التجنيد، توصل للفلاح فى غيطه، توصل للطالب فى الجامعة تكون معاك فى كل مكان وبأرخص التكاليف يعنى تجيب راديو صغير وتحطه فى جيبك وبسماعه صغيره تسمع من غير ما حد يعرف انت بتسمع ايه
المحطة يكون نظامها كالآتى :
تبدأ بصلاة باكر وتنتهى بتسبحة نصف الليل مرورا بالصلوات كلها
فى أيام القداسات يذاع القداس كاملا من أول فتح الستر إلى إمضوا بسلام سلام الرب مع جميعكم
تقوم بتعريف الشعب بتاريخ الكنيسة ودروس للغة القبطية وحتى تتضمن برامج مساعدة لخدام مدارس الأحد
تبسط الإيمان المسيحى الأرثوذكسى لعامة الشعب للكبار والصغار
تحتوى على تأملات روحية للأباء القديسين وتفسيرات للكتاب المقدس
تذيع وعظة قداسة البابا الأسبوعية مباشر وهذا يزيح بعض العبء عن الموقع الذى لا يحتمل
تقوم بعرض مفصل لسير القديسين ومعجزاتهم للتأمل بها
يا ريت يا جماعة نتفق ونفكر سوا فقرار مثل هذا ليس فى يد البابا وحده فكنيستنا ديموقراطية عموما ما أظنش إن البابا يمانع حاجة حلوة زى كده المهم نصلى ربنا يهدى وزير الإعلام
يا ريت يا جماعة اللى عنده رأى أو خبره يقول ماهى المحطة هتبقى مننا ولينا
أخوكم ساويرس

hanna3

17-09-2003, 05:37 AM

موافق شرط ان تكون خارج مصر حتي لا يسيطروا عليها بعد فترة بسيطة
واين الي من نتبرع
فقط رجاء فتح حسابات في بنوك استراليا وامريكا واوربا حتي يسهل الدفع والبنوك التي تختاروها انتم
وربنا يوفقك وانشاء ارب الهنا ستنجح الفكرة لاننا لا نعمل حاجة غلط
سلام والرب معك

1

pavnoti

17-09-2003, 12:08 PM

تماما كماقال الاخ حنا الجميع مرحب علي ان تكون خارج مصر

saker_america

18-09-2003, 07:23 AM

الفكرة جميلة وسهلة وصعبة وانا موافق عليها

سهلة لانها مش مكلفة وسهلة الوصول للناس
صعبة لاسباب عديدة منها انها لو كانت من خارج مصر كيف ستصل موجات الراديو الى الناس
وحتى لو وصلت مش هتكون بالجودة زى متكون الازاعة داخلية
وحتى لو كانت من داخل او خارج مصر هيتم الشوشرة والتغطية

لا يوجد حل الا القنوات الفضائية مهما كانت مكلفة

COPTIC KNIGHT

18-09-2003, 12:55 PM

سبق أن طرح الأخ Knight Rider هذه الفكرة في المنتدي الخاص ..

المشكلة مش في تكلفة الأنشاء فقط بل تكلفة الأستمرارية لأنك لا تتوقع أن يكون لها أرباح .. كمان أين الكوادر القبطية التي ستقوم علي الأشراف علي المحطة..
أما مشكلة وصول الموجات فسهل تأجير أي محطة إذاعية علي أي قمر صناعي

saweres

18-09-2003, 02:33 PM

سلام المسيح مع الجميع
يا إخوة أولا قبل كل شىء الإذاعة المفوض تبقى دينية بحتة ولا هتقول مشاكل ولا إضطهاد يعنى علشان المشاكل
ثانيا أنا بتكلم على المستوى المالى للأقباط المصريين عايزها توصل للكل فى مصر حتى للناس اللى ما عندهومش تلفزيون ( مش مستقبل قنوات فضائية ) ده غير إن تأجير محطة إذاعية على قمر صناعى يرفع التكلفة المحطة
ده غير إن الراديو السهل الحمل والصغير والغير مكلف لا يستطيع أن كيستقبل محطات من أماكن بعيدة ولا تستطيع أيضا أن تتنقل بتلفزيون ودش من بيتك لعملك
غرضها الوصول إلى حيث لا توجد كنيسة قريبة يعنى مثلا شبابنا اللى فى التجنيد يسمعوها ويتعزوا لأنهم محاطين فى مراكز التجنيد بالمسلمين من كل جانب وبالطبع لا يوجد غير مسجد فى مراكز التدريب
المفترض إن المحطة هتكون وظيفتها تثبيت أقباط مصر فى الإيمان لأنه لا خوف على أقباط بره المهم أقباط جوه ولو إضطرينا نثبّتهم على الإستشهاد
أما بالنسبة لموضوع الدفع فالموضوع دلوقتى مخرجش عن كونه فكرة وانشاء الرب الهنا هرفعها لقداسة الأنبا بيشوى سكرتير المجمع المقدس لدراستها وهرفع معاها موضوع التبرعات دى ( لو زادت التبرعات ممكن فعلا تبقى فضائية ) المهم تجمعوا الأصوات المؤيدة وكله للأقباط
سلام المسيح مع الجميع
صلوا من أجلى
أخوكم ساويرس

KnightRider

20-09-2003, 10:07 PM

انا اتكلمت في الموضوع دة كثير جدا
وانا كمان اشكر الاخ كوبتك نايت لانة افتكر ماكتبتةاشكرك جدا
ويا اخ ساويرس
انا كتبت في الموضوع دة
كثير بس لحد كبير جدا ما حدش اهتم وانا نفسي اوصل صوتي وافكاري لحد
بس هاعمل اية
انا عندي العديد من الافكار والمخترعات
وبعدين
انا اعلم وان كنت غير متاكد ان تعداد مسيحيي المهجر يقال 3 مليون
يعني فلنفترض جدلا ان كل واحد دفع شهريا 10 دولار
وانا اعتقد ان دة مبلغ هايف جدا بالمقارنة بكل المقاييس خارج مصر طبعا
المبلغ المجمع شهريا هايكون 30 مليون دولار
نخفضة ل 20 مليون دولار
شوف انت مبلغ زي دة ممكن يعمل اية
وكمان مسيحي مصر
يبلغوا علي اقل تقدير حوالي 10 مليون نسمة
يعني ما لايقل عن 2 مليون اسرة
يعني ممكن نقول لو في المتوسط كل اسرة تتدفع مابيين 5 وعشرة جنية
يعني حوالي عشر مليون جنية شهريا انا اعتقد ان المبالغ دي تعمل عمل كبير جدا
ولكن انا اقول لك ان الحكومة المصرية وانا اعتقد ذلك
انها لن تسمح بذلك
ولكن هناك من الطرق الكثير جدا
واولا يجب ان يوجد موقع او موضوع هنا في المنتدي لتلقي كل الاقتراحات والتصورات والخبرات التي يمكن الاستعانة بها
وطبعا فكرة محطة اذاعية كويسة جدا جدا
كبداية
وانها اجمل لانها ممكن توصل للغيط وللمصنع ولمعسكر التدريب بالجيس يعني ممكن تشبع جزء كبير من احتياجات المسيحيين لمادة اذاعية مسيحية
بشكل سهل
وموضوع المحطة الفضائية يجي بعدين
بس من المهم جدا
ان تكون المحطة جاذبة لكل الفءات وليست طاردة
ولكن من خلال منظور مسيحي ذات ايمان قويم
وياريت يحصل وانا اتمني انا اكون احد المشاركيينفي خروج هذا العمل للنور
من اجل منفعة الجميع

saweres

21-09-2003, 03:03 PM

سلام المسيح مع الجميع
رائع جدا يا أخ نايت رايدر احنا قريبين فى التفكير جدا
المفروض دلوقتى نعرّف قيادات الكنيسة بالموضوع ونحاول نطلب الحطة دى فى أسرع وقت وما أظنش إننا لو لحقنا هيرفضوا طلبنا لأن محطة قبطية ممكن تكون فى صالح الحكومة كتغطية لموضوع أسيوط وإلا هنضطر مطالبة مصر أمام العالم بالمساوة لأن المسلمين محطة اذاعية اسلامية ده غير طبعا برامج التلفزيون والأذان و...و...و... فلابد ببعض المساوة
عموما ممكن أرفع الموضوع للأنبا بيشوى قريب وهو يوصله للمجمع المقدس
وبالفعل احنا عايزين اقتراحات من أى واحد عنده خبرة إذاعية فياريت المشاركة يا جماعة
سلام المسيح مع الجميع

CHRIRSTIAN FOREVAR

21-09-2003, 03:56 PM

السلام و المحبة لجميع المسحيين

سلامى لكم

الحقيقة انا دخلت المنتدى دة بالصدفة و شوفت حاجات جميلة جدا و شايف الشباب عنده حماس كبير جد و انا مبسوت على الحماس دة و ياريت يكون كل المسحيين يكونو عندهم نفس الحماس و على فكرة انا مبسوت كمان على الفكرة الى جت للاخ ساويرس و انا برجح ان الفكرة دية عبقرية و انا ثوف ابزل كل جهدى انا اوصل صوتكم فى امريكا و سأبزل كل جهدى فى هذا الموضوع الخطير و المهم و انا بشكر الاستاذ ساويرس انة فجر موضوع بالجمال دة و فى نفس الوقت الخطورة دية و انا بحمس هذا المشروع الشيق و شكرآ

يسوع المسيح يضع يداة فوق رئوسكم

سلام الرب يكون معكم

اخوكم كوكو ((CHRIRSTIAN FOREVAR)) got:)(

pavnoti

22-09-2003, 09:09 PM

اقتراح متواضع

التبرع علي مستوي المنتدي بثمن اعلان مدفوع الاجر في امريكا وكندا واسترليا والبقيه والكفاءات ستظهر تباعا

saweres

26-09-2003, 08:33 AM

سلام المسيح مع الجميع
شكرا يا إخوة على المشاركة وعلى التشجيع
الأخ pavnoti لا أظن أن أقباط أميركا وكندا واستراليا سوف يتحمسون لهذا الموضوع لسبب اصرارى على أن تكون المحطة الإذاعية من داخل مصر أعلم أن هذا صعب ولكن أنا أتكلم بإسم كل الأقباط فى مصر عندما أقول أن هناك نقص فى الوعى الدينى الأرثوذكسى وهذا خطير جدا جدا
على مستوى مصر جنيه من كل قبطى يكفى لقيام هذا المشروع ولكن مازالت المشكلة فى وزير الإعلام
بعد قيام المشروع وتجريبه ونجاحه ان شاء المسيح وإذا أراد أقباط الخارج سماع المحطة عندئذ نفتح باب التبرع من الخارج لكن الآن لا أظن أن هناك من سيتبرع لمحطة لن يسمعها
عموما كله فى إيد ربنا
سلام المسيح مع الجميع

sce37

26-09-2003, 10:27 AM

ربما يمكن توجيه بث من أحد الجاليات - أستراليا مثلا - لفتره زمنيه محدوده ( ســاعتين مثلا )
و بعد ســـنه يمكن تقييم الناتج من حيث :
التكاليف
وجود الماده الدراميه
وجود الكوادر و الهيكل القادر على التعامل مع هذا الحدث الخطير
القدره على التعبير عن المسيحيين و الأقباط

و سنكون نحن الحكم عليها
فأذا كانت محطة شرايط و لا صوت حكومى - ولا عمل موظفين
سنلفظها و نتحول للمطالبه هنا بأنشــاء ميديا تمثلنا

CHRIRSTIAN FOREVAR

27-09-2003, 03:13 AM

بسم الاب و الابن و الروح القدوس الة و احد امين

بعد التحية و سلامى لكل الى فى المنتدى

انا كان فى عندى بس اعتراض صغير على كلام الاخ saweres احنا ممكن نذيع اى محطة من عندنا هنا فى امريكا ياعنى تتقدم من هنا قصدى زاى ما فى هنا عندنا فى امريكا بتيجى كل يوم حد محطة عربية مقدمة للجالية العربية الى عايشين فى امريكا بتيجى كل يوم احد الساعة 4PM الى 6PM بتعد حوالى ساعتن بيتذاع فيها نشرات الاخبار بتاعة الاسبوع كلة و بيجيبو اغانى و مساعدات للناس المصريين الى لسة جايين مستجدين ياعنى بوضوح اكتر بيعلنو على شركات ممكن تاخد منها اكل ببلاش و اشغال و كدة ياعنى المهم نخلينة جوة الوضوع علشان ما نضيعش الكلام انا بس كونت بوضح حاجة يا عنى ممكن بسهولى الحاجات دية توصل للجالية العربية المسيحية فى اى حتة فى العالم مش مصر بس

و السلام ختام و المسيح يكون مع جميعكم

اخوكم

CHRIRSTIAN FOREVAR
got:)(

(bay:)) 10(): (bay:)) 10(): تعالو الى يا حميع المتعبين و ثقيل الاحمال و انا اريحكم تعالو الى يا حميع المتعبين و ثقيل الاحمال و انا اريحكم تعالو الى يا حميع المتعبين و ثقيل الاحمال و انا اريحكم تعالو الى يا حميع المتعبين و ثقيل الاحمال و انا اريحكم تعالو الى يا حميع المتعبين و ثقيل الاحمال و انا اريحكم

saweres

29-09-2003, 01:16 PM

سلام المسيح مع الجميع
أيها الأخوة الأعزاء الرجاء النظر بعين الإعتبار إلى ما أسعى إليه
فأنا أريد القول بأن المحطة لمصر وللمصريين الذين فى مصر لنقص الموارد الروحية الأرثوذكسية لذلك لا بد منا أن نبدأ بتداركم الأوضاع من زيادة التوعية للأقباط وتعليمهم اللغة القبطية بمقدار بدلا من القول أننا تعربنا ولم نعد أقباط لا بد من أن نستعيد مجد كنيستنا العتيدة والرجاء المساعدة فى ايصال صوت الكنيسة الأم لكل قبطى على أرض مصر للتوعية وتصحيح المفاهيم فأقباط المهجر كلهم لهم مساعدات وجمعيات خاصة بهم وهذا غير متوفر عندنا
فالمحطة هى نوع من توحيد الأقباط كلهم تحت راية الصليب
ربنا معاكوا
أخوكم
ساويرس

monner

29-09-2003, 05:06 PM

انا معك يا اخ ساويرس لاننا فى مصر واللى المفروض نمد المهجر بما يربطة بدينة ومذهبة الام اصبحنا اقل منة ارتباطا بسبب الضغوط والاعباء والمشاكل التى تبعدنا حتى عن زيارة الكنيسة بانتظام ولكنى ارى انة فى الوقت الحالى من رابع المستحيلات ان توافق الحكومة المصرية على هذة القناة وربما ان من سيتقدم بهذا الطلب يدبر له حادش اختيال او يلبس جريمة علشان ما يوجعش دماغهم
لكن خلينا نشوف الى قبلنا عملو اية ففى قنوات مسحية وان كانت غير ارثوذكسية يتم تيسجيل مادتها داخل مصر وتبس من خارجها على تردودات عالية حتى لايمكن اعتراضها مثل المونت كارلو فبها فقرات كثيرة مسحية وهى ايضا تذيع بعض القدسات والترانيم فلنتعلم منهموهناك ايضا السات سفن الفضائية فهى كما تصف انت تماما لكنها على التليفزيون ( الدش )
ارجو من اللة ان يوفقنا والمسؤلين عنا من الاباء الى اتمام هذا العمل العظيم المفيد
الرب يعوض جميعكم10)10

saweres

30-09-2003, 09:18 AM

سلام المسيح مع الجميع
أخى منير أنا معك تماما فى نقطة أن الحكومة مستحيل توافق إذا كان مقدم الطلب شخص منفرد
إذا نحتاج لدعم شعبى
الحكومة مستحيل أن ترفض طلب لأكثر من عشرة ملايين مواطن
وإلا انتقلت من خانة الديموقراطية إلى الدكتاتورية
لذلك إذا وافق قداسة البابا على الموضوع وسنموله بالعشور فسنرسل إلى كل كنيسة داخل مصر للدعم المعنوى
لإعلاء صوتنا والإقرار بأننا لم نمت بعد
أما بالنسبة لراديو منتكارلو وسات سفن وأيضا قناة معجزة فهى قنوات بروتستانتية 100% بعيدة كل البعد عن الأرثوذكسية وهذا آخر شيء نريده
حتى فى مرة كنت أشاهد سات سفن فوجدت قس يعترض على معمودية الأطفال ويقول انها غير لائقة
عموما أنا بتكلم عن محطة اذاعية ارثوذكسية قبطية باللغة العربية من قلب مصر وإلى كل مصر
أخوكم
ساويرس

christian_warrior

01-10-2003, 11:12 AM

فكره رائعه
و علي حسب معرفتي الضئيله في هذا المجال فانه من الممكن انشاء محطه راديو محدوده من المنزل بتكلفه رخيصه جدا
جهاز كمبيوتر مزود بالادوات اللازمه
لكن ستواجه تعقيدات للترخيص لها مع الحكومه اذا اردتم الترخيص لها

saweres

03-10-2003, 06:42 AM

سلام المسيح مع الجميع
كاتب الرسالة الأصلية : christian_warrior
فكره رائعه
و علي حسب معرفتي الضئيله في هذا المجال فانه من الممكن انشاء محطه راديو محدوده من المنزل بتكلفه رخيصه جدا
جهاز كمبيوتر مزود بالادوات اللازمه
لكن ستواجه تعقيدات للترخيص لها مع الحكومه اذا اردتم الترخيص لها
هو ده اللى أنا قاصده يا أخى كريستيان فمحطة راديو سهلة التمويل
والمشكلة فعلا فى الترخيص لأن إذا سمع الناس صوتنا ويعرفوا ديننا ممكن يحصل موجة واسعة جدا من الإرتداد بالنسبة للأخوة المسلمين
فالحكومة ممكن تعارض فى مثل هذا الموضوع لأن الحكومة والأزهر عارفين عواقب رفع صوتنا
بس كلنا واثقين فى ربنا وواثقين فى قدرته فقبل التمويل وقبل قرار الحكومة لازم ناخد موافقة ربنا الأول ونصلى
سلام المسيح مع الجميع
أخوكم ساويرس

modi_dodi

09-10-2003, 08:01 AM

اولا بحب اوجه الكلام ده ف المقام الاول للحمار اللى فسر الايات اللى قال عليها شيطانيه لعنه الله اشد لعنهانه لو كان كمل الايات فى سورة التوبه الشريفه ولن يزيد الا بايه واحده فقط ليس اكثر كان عرف سماحه الاسلام
الايه رقم 6 بسورة التوبه هى
بسم الله الرحمن الرحيم
"وإن أحد من المشركين استجارك فأجره حتى يسمع كلم الله ثم أبلغه مأمنه ذلك بأنهم قوم لا يعلمون"
صدق الله العظيم
الايه دى تنطبق عليكم كليا و جزئيا " بأنهم قوم لا يعلمون" فعلا انتم قوم لا تعلمون عن الاسلام شى انتم مجرد شلة جهلة و يريدوا التضليل فالاسلام متسامح لاقصى حد و اعترف بسيدنا عيسى عليه و على سيدنا محمد افضل الصلاة والسلام
اما بالنسبه للبنى ادم اللى مبيفهمش اللى بيقول كل الرسل سواء كلهم متساوون بالشيطان الا سيدنا عيسى عليه و على نبييى محمد الصلاة والسلام ان الاسلام احترم كل الاديان و كل الانبياء ومن اركان الايمان فى الاسلام " ان يئمن المرء بالله و ملائكته وكتبه ورسله" فهذا شى بسيط كى يفهم بعض الغوغاء الجهلة قدرهم و عدم المساس بحرمة الاديان و خصوصا الاسلام
واحذر بشده كل من يحاول التعدى على الاسلام او اى دين اخر من ان الموقع هذا السفيه سوف يكون نهايته بسبب المنتدى الغبى هذا و شكرا لسعة صدركم واالاحترام للكل من اصغر سفيه لاكبر جاهل
Modiiiiiiiiiiiiiiiiiiiiiiiiiiiiiiiiiiiiiiiiiiiiiii iii
(kill: (kill: (kill: (kill: (ki:
(n(noo:)) (noo:)) (noo:)) (noo:))
(do:) (do:) (do:) (do:) (

sce37

09-10-2003, 02:56 PM

يــا مــــودى يا حبيبى 00 نحن واثقون من سماحة الأسلام و حسن خلق المسلمين 0
يبدو يامودى أنك غير متمكن من أستخدام الكومبيوتر او مش عارف النظام فى هذا المنتدى 0

أنا دورت عن الكلام اللى أنت رديت عليه فلم أجده بهذا الموضوع الخاص على الأطلاق 0

يبدو أن أحدهم اثارك فى أحد المواضيع الأخرى فرديت عليه 0 وقع ردك هنا بالغلط 0

نصيحتى لك سحب مداخلتك من هنا , و البحث عن الرابط الصحيح للرد عليه و عدم نبح صوتك على الفاضى 0

كمان انصحك - لو قبلت منى النصيحة - ألا تستفز من أنسـان تثق انه لا يعرف , بل جاوبه بالحكمة يمكن ربنا يفتح عينينا0 و تكون أنت سبب بركة بدل الحدة غير البناءة 0

من فضلك ! أزا شفت أن الحق أن تسحب مداخلتك اللى جت هنا بالغلط , أعلمنى لكى أسحب أنا كمان تعليقى و يعود الموضوع الأصلى لمساره الطبيعى 0

saweres

11-10-2003, 03:56 PM

ليه كده يا مودى دودى
داخل شمال طوالى مش تستنى شوية وتشوف انت بترد على مين وفين(dig:{
حرام عليك بوظت موضوعى الله يسامحك (kill:
عموما لو كان حد زعلك ادى راسك ابوسها والمسامح كريم وانت الكبير
ربنا يهدى النفوس

monner

14-10-2003, 06:39 PM

من الواضح ان اعصابك تعبانة قوى انا من راى انك تعمل ذى ما كل الوزراء اللى التاريخ شهد لهم بانهم ذو شرف واللى فعلا اثرو بالايجاب فى هذا البلد الغالى عارف كانو بيعملو اية ( كانو بيعدو فترة نقاهة من العالم وتعبة وغشة وينقو انفسهم فى دير " عارف لية " علشان دا المكان الوحيد اللى الانسان يقدر يهرب فية من الخداع والنفاق والغش ) فحاول تعمل ذيهم يمكن ربنا يشفيك
اما بالنسبة لموضوع المحطة فماذلت عند راى انها مش ممكن تتعمل داخل مصر وكمان لو اتعملت خارجها هيكون فى ميت محاولة للشوشرة على الارسال
وانا لما ذكرت القنوات المسيحية الموجودة فعلا ما كنتش اقصد المادة المذاعة فيها انا عارف اننا عايزين قناة ارثوذكسية لكنى كنت بقصد الطريقة اللى وصلو بيها لانهم يقدرو يذيعو ((نعرف الطريقة علشان نقدر نزيع ولما نزيع نزيع افكار ارثوذكسية )) ارجو من اللة ان يوفقنا فى هذا الامل الذى ان تحقق سيكون بادرة حسنة فربما يتحقق بعدة امال كثيرة لانجروء ولا حتى على التفكير فيها فى ظل النظام الحاكم بامراللةcr:: cr:: cr:: (noo:)) cr:: (do:) (noo:)) cr::

sce37

14-10-2003, 09:26 PM

أحب أشــير لمحطة أرثوذكســية تذيع باللغة العربيـة
صوت موســكو
و أعتقد سينتفعوا منا أذا بثوا لنا 3 ســاعات يوميا

saweres

16-10-2003, 01:37 PM

كده بقى عندنا أفكار كتير
بس موضوع اننا نشوف الآخرين عملوا ايه ونعمل زيهم ما تنساش إن لهم موارد ضخمة بمعنى ان فيه دول بأكملها بتصرف عليهم
وموضوع صوت موسكو يا راجل حرام عليك ده الواحد لازم يجيب راديو بتمن دِش علشان يستقبل المحطة دى
احنا بنتكلم للترخيص بحيث ان المواطن العادى واللى أقل من حلاتى ( يعنى تحت الصفر )
يقدر يجيب راديو أبو 20 جنيه وبطاريتين ويسمع المحطة من غير ما يتكلف أكتر من كده
عموما احنا بنصلى
اللى خلى المعز لدين الله يبنى كنيسة
يخلى صفوت الشريف وحسنى مبارك يفتحوا محطة

Shady

19-10-2003, 01:01 PM

موجة راديو للأقباط
فكرة جميلة جدا يا جماعه
ربنا معانا وتكمل أنشأ اللة
و دي فعلا أكبر فكرة تقربنا أكتر من الكنيسة
بس عدو الخير مش هيخلي تنفيذها سهل
بالنسبة للدولة و الوزراء
أعتقد أن موقفهم يصعب عليهم فكرة الرفض
لأن هناك الكثير من الموجات الأسلامية *
و معظم الموجات الحكومية مملؤه بالبرامج الأسلمية
و أنه لا يوجد مساحة كافية لنا في الأعلام المصري
و رفض هذة الفكرة يعتبر عدم مساواة بشكل فاقع الوضوح *
هم مدركون أن مهما أن عملوا لن يستطيعوا منع هذة الفكرة *
حيث أنه هناك الكثير من البدائل مثل أذاعتها من الخارج
كما انهم عالمين أن مجرد رفضها يبقي فية فضايح لهم
وبعدين بعد أحداث أسيوط و الأنبا أنطونيوس من الممكن أن تكون الموافقة أسهل قليلا *
ربنا يوفقكم
بالنسبة للمساندة الشعبية
فكل الأقباط ورأكم قلبا و قالبا

بس عندى ملحوظه صغيرة
مهما توافرت مصادر التمويل لا تلغوا الأذاعه و تستبدلوها بقناه فضائيه

لأن الراديو هو الأوسع في الأنتشار والأرخص كما قال الأخ ساويرس
وأذا توافرت الأمكانيات ممكن نضيف قناة فضائية

TINA_bent_yaso3

12-01-2005, 11:59 AM

thats good ideas but now we need to work

and not any work but hard work

liliansaad

12-01-2005, 04:08 PM

dear all,
i beleive this is a great idea, because these days we really need to be attached more to our religion. In addition many people, including me donot know much about the holy bible and many important things in christianity. May be because of the shortage of time! anyhow , after reading all the replies, i beleive that a radio chanel is a great idea. Do you know why? simply because everyone in egypt is listening 104.2 and 100.6 FM or may be tapes, not to mention the TV!!, so if people just find a very well designed orthodox christian radio chanel, they would definitly listen to it. and of course all sectors of christians will be listening to it.
I only have a small comment, that people who will be handeling this chanel should be very selective to the topics and tarateel and everything so as to target every sector i.e, educated and noneducated people , and also different ages.
May God bless this idea and complete it according to his will.

New_ManII

12-01-2005, 07:04 PM

Zagal

12-01-2005, 09:17 PM

يوجد بالفعل اذاعات علي مدار الساعة و تبث للمنطقة العربية
منها علي سبيل المثال لا الحصر راديو المحبة و راديو المسيح-اليوم
http://www.jesustoday.org/
http://www.radioalmahabba.com/
المشكلة في المادة المقدمة و الافتقار للحرفنة في الاذاعة.

اري دعم القائم افضل من الانفاق علي جديد
تحياتي

هل هذه الاذاعه لاتحتاج الى كمبيوتر.. ؟؟

محتاين اذاعه تعمل فى الراديو العادى وليس الكمبيوتر فقط ..

لان الشخص الفقير او غير المتعلم هو المستهدف اما بالنسبه للكمبيوتر فنسبه قليله فى مصر يستخدمونه فى المنازل حيث سعره مابين 2000 و 4500 جنيه وهذا لايتسنى لشخص خريج او حتى موظف ...

mol4u

12-01-2005, 10:14 PM

موافق على التبرعات بشرط ان يكون الدفع عن طريق موقع على الأنترنت

mol4u

12-01-2005, 10:15 PM

و انا متحمس جدا

afanous

13-01-2005, 02:33 AM

هذه فكرة رائعة وانا مستعد للمشاركة لكن لدى بعض الاقتراحات:
1. نريد سؤال مهندس اتصالات او اثنين عن تكاليف مشروع مثل هذا (دراسة جدوى)، وعن امكانية بث محطة راديو من الخارج وهل فعلا يمكن للحكومة المصرية التشويش عليها؟ يعني مش عايزين نشتغل ونتعب وبعدين يطلع ده كله على فاشوش. وطبعا لازم نحط في بالنا اننا عايزين نوصل صوت المحطة للمناطق النائية والقرى والنجوع في مصر.
2. نريد ايجاد مجموعة من المهندسين الاقباط المتطوعين ليصبحوا مسئولين عن المشروع. اللي يعرف مهندس اتصالات شاطر وعايز يخدم يقول لساويرس على طول.
3. بما احنا هدفنا خدمة الاقباط في مصر، وطالما هناك محطات اذاعة مسيحية غير قبطية في المنطقة، يبقى انا رأيي اننا نركز ويكون هدفنا انشاء محطة اذاعية قبطية، مش مسيحية وخلاص.
اوكي، يا ريت ساويرس باشا يتولى الموضوع ويقولنا على اخر التطورات. ممكن كمان نعمل لكل الناس اللي عايزه تشارك ياهو جروب علشان نسهل الكوميونيكاشيون بيننا.
ربنا يبارك، اندرو

vico

13-01-2005, 03:17 AM

ليه ياجماعة بتستضعفوا المسيحيين داخل مصر احنا ممكن تعمل اى حاجة بس ياريت نراعى عدم العشوائية يعنى الموضوع ده مثلا اكيد البابا مش هيعترض عليه فمن الممكن احد الاساقفة المهتمين بمثل هذه الامور يكون هو القائد ويقوم بتوزيع العمل وجمع التبرعات واكيد لو نجحت القناة الاذاعية سوف يتشجع الجميع وينفقوا على محطة فضائية ارثوذكسية متكاملة ( تعليمية-تثقيفية- روحية- اخبارية) 10)10

churchill2

16-01-2005, 02:03 PM

في يوم الثامن من ديسمبر (يوم الثورة (MM:} )كان في غرفة البالتوك حوالي 200قبطي مما ادي الي فتح عرفة ملحقة لأستيعاب هذا العدد الزائد
وبهذا قد صار البالتوك بمثابة fox news القبطية ,وانا لا اظن انة يليق ةبالشعب القبطي العظيم ان تكون غرفة علي البالتوك بمثابة المصدر الأعلامي الوحيد
لماذا القناة الفضائية وليس اذاعة راديو:
1-لانة الدش الأن دخل كل بيت في مصر تقريبا
2-لآننا شعب كبير وعظيم فيجب ان تكون احلامنا وامالنا كبيرة
واليكم بعض الأمثلة علي شعوب صغيرة تمكنت ليس فقط من انشاء قناة فضائية ولكن اقمار صناعية:
1-الأكراد:عددهم لا يزيد عن 15الف ولهم عدة قنوات فضائية علي القمر الأوروبي
2-الأسرائيلببن:(5مليون) هذة المداخلة لأعد عدد قنواتهم الفضائية ولا حتي الأقمار الصناعية