الهجره لامريكا

[cucu]

الجرين كارد نتيجته ظهرت وعايزين نعرف اسماء الفايزين او ايه الطريقه او الجهه اللي نتاكد منها

[Aphex]

فيه طريقة واحدة تعرف بيها انك من الفايزين
الطريقة ببساطة انك تقعد تنتظر لما يجيلك جواب امريكا
مفيش اي وسيلة اخري لأخطار الفائزين سواء كانت اونلاين او اوفلاين
تحياتي

[malak2006]

يا ترى ما هو ميعاد التقديم في الهجرة القادمة, وما هى أفضل وسيلة للتسجيل.

[Aphex]

ميعاد التقديم في الهجرة القادمة لم يحدد بعد
لمعرفة ميعاد بدء التقديم داوم علي دخول هذا الموقع http://www.dvlottery.state.gov/
غالبا فترة التقديم تستمر شهرين و تبدأ في شهر 10 او 11 و تنتهي في 12 غالبا.
و افضل وسيلة للتسجيل يا استاذ ملاك هي عن طريق هذا الموقع بكل بساطة.
تحياتي

[boraee]

هو الرد بيجي على البريد وعلى الايميل؟؟؟؟؟

[sant1]

هو الى بيختروة بيبعتولة جواب على العنوان الى كتبة فى الموقع دة اكيد ممكن يبعتةلك بردة ايميل ودة مش اكيد(sml7)

[disapointed]

i think you have a better chance if you apply through coptic churches i dont know what is the relation but definitely pplying through churches increase the oddsof being picked up by the lottery sytem bless USA land of the freedom and religious equity

[COPTIC KNIGHT]

ممكن لو جالك الجواب الأول و عرفتال CASE NUMBER
بتاعك تقدر تتابع حالتك علب موقع السفارة الأتي :

http://cairo.usembassy.gov/consular/iv8.htm
و ممكن تبدأ أجراتك دون وصول الجواب التاني بمجرد ظهور رقم حالتك

[Host]

الموقع الرسمى للهجره ( وزاره الهجره الامريكيه )

http://www.dvlottery.state.gov/

والتقديم يكون عن طريق الموقع فقط ولكل شخص مره واحده فقط والرد يكون عن طريق العنوان البريدى ( البوسته ) فقط

[Aphex]

هو الرد بيجي على البريد وعلى الايميل؟؟؟؟؟

البريد العادي
انتظر دورك و حظك
تحياتي

[malak2006]

هل اللي قدم في الهجرة في السنوات الماضية ولم يسعفه الحظ فرصته تكون أكبر لما يقدم السنه دي؟
أقصد هل الموضوع موضوع قرعة فقط أم هناك معايير تذيد من فرص الفوز؟

[boraee]

صلوا لي نفسي اسيب الخرابة اللي انا فيها دي

[برنسيسة الاسكندرية]

بسم الاب البادى والابن الفادى والروح القدس علية قوتى واعتمادى hapbirth:)
واللى مش عارف يقدم ازاى يعمل اية وخايف يقدم غلط تروح علية المرة اللى من حقة فى التقديم ارجو الرد
ابنة المسيح والاسكندرية (sml11)

[Aphex]

هل اللي قدم في الهجرة في السنوات الماضية ولم يسعفه الحظ فرصته تكون أكبر لما يقدم السنه دي؟
أقصد هل الموضوع موضوع قرعة فقط أم هناك معايير تذيد من فرص الفوز؟

سواء قدمت من قبل ام لم تقدم الفرصة واحدة
و القرعة عشوائية 100% و الجميع لهم فرص متساوية
فيه ناس بتجيلها من اول مره تقدم فيها ... و ناس اديلها 7 سنين تقدم بلا جدوي
تحياتي

[Aphex]

صلوا لي نفسي اسيب الخرابة اللي انا فيها دي

ربنا يوفقك و يطلع حظك حلو يا برعي و تجيلك اللوتري
انا محتاج صلواتكم كلكم يا شباب..المقابلة بتاعتي خلاص باقي عليها اقل من شهر
و نفسي يارب اخد فيزا الهجره...ده حلم حياتي و مش عارف لم رفضوني هعمل ايه ؟
(dig:{ (dig:{ (dig:{ (dig:{

[Aphex]

بسم الاب البادى والابن الفادى والروح القدس علية قوتى واعتمادى hapbirth:)
واللى مش عارف يقدم ازاى يعمل اية وخايف يقدم غلط تروح علية المرة اللى من حقة فى التقديم ارجو الرد
ابنة المسيح والاسكندرية (sml11)

عزيزتي برنسيسة الاسكندريه
لو مش عارفة تقدمي بنفسك اطلبي المساعدة من اي شخص يكون بيعرف يقدم..
معظم سايبرات و مقاهي الانترنت بتقدم للناس مقابل اجر بسيط 5 جنية بالكتير.
و اظن ان كتير من الشباب هنا في المنتدي مستعد يساعدك
الرب يحفظكم
{{yawka]] {{yawka]] {{yawka]] {{yawka]]

[Aphex]

اخوتي و اخواتي اعضاء المنتدي
ابشركم انه تم الغاء الضامن في عمليات الهجرة العشوائية..
مر اكتر من شهرين و لم يطلبوا اي ضامن ممن اجروا مقابلاتهم بالسفارة الامريكية.
هذا علي حد علمي في محافظة اسيوط....
نرجو من اي شخص لدية معلومات بخصوص الهجرة عامة و العشوائية خاصة يضعها هنا للفائدة العامة...

[smile]

الكلام ده غير صحيح بالمره ولا تغير فى قوانين الهجره

[Aphex]

الكلام ده غير صحيح بالمره ولا تغير فى قوانين الهجره

أخي سمايل عن أي قوانين تتحدث..؟؟؟
قوانين الهجرة العشوائية لا تتحدث عن أي ضامن أو مستندات للضرائب أو شئ...
الضامن لم يكن يطبق قبل عدة سنوات..و كانوا يكتفون بحساب لك في أي بنك داخل مصر..
الآن لم يعودوا يطلبونه وذلك ليس بفتوي شخصية مني و لكن طبقا للأشخاص الذين يجرون مقابلات الشهور الماضية...و هم في بلدتي فقط بالمئات يا عزيزي..و كلامي هو بالظبط ما حدث معهم...فلم يطلب منهم احد اي ضامن...و بالرغم من ذلك المقابلة الخاصة بي بعد عدة اسابيع ...قد احضرت ضامنا ...خشية أي شئ غير متوقع ...أو اي تغيير في مزاجهم..
و انصح أي مقبل علي مقابلة هجرة لوتري الآن أن ياخد الضامن معه احتياطا...

من حق يا سمايل انت بتتكلم كلامك ده علي أي اساس .
حبي و احترامي

[Aphex]

أيها السادة اليكم آخر الأنباء
منذ عدة أيام تم رفض بعض الأشخاص غير الحاصلين علي أي شهادات.
و ذلك بدعوي أن امريكالا تحتاج الي المهن الخاصة بهم.
و قد صرح واحد جدع رفض ذكر اسمه ان السفارة الأمريكية حتي العام الماضي لم تكن ترفض
منح تأشيرة الهجرة العشوائية حتي للأميين غير الحاصلين علي أي شهادات...الذين يعملون في أي مهنة بلا أي شروط....
و المدينة التي أعيش فيها و هي أحدي مدن الصعيد يوجد بها المئات من الفائزين باللوتري كل عام
الغالبية الساحقة منهم من المسيحيين..و هذا العام تم رفض حوالي نصفهم لأنهم كانوا غير حاصلين علي أي شهادات..علي الرغم من توفر شرط الخبرة المهنية لديهم..
تخيلوا يا شباب ممكن اتنين يعملوا المقابلة في نفس اليوم.الأتنين مش متعلمين و معهم نفس الخبرة.
مبيضين محارة مثلا؛؛ ممكن واحد يقبلوه و التاني يرفضوه...بدون أي سبب وجيه.
و طبعا مش من حقك تعترض أو تتكلم..و قرار الرفض نهائي من القنصل و غير قابل للمراجعة
أو الفحص و التمحيص...و عوضك علي الله في تعبك و قرفك و الآلاف اللي دفعتها..تروح تموت أحسن..
لو عندكم أي اخبار بهذا الخصوص رجاء المشاركة يا جدعان...المقابلة بتاعتي خلاص قربت أيام.
و ربنا يستر انا مرعوب...بالرغم من اني متعلم و حلو وزي الفل...و ابن ناس طيبين..
تحياتي

[dodo_mrmr]

ممكن تكتبوا لنا موقع الهجرة بالضبط علشان ندخل عليه

[Aphex]

الموقع هو :
http://www.dvlottery.state.gov

و شروط الهجرة اللوتري باللغة العربية علي الرابط التالي :
http://egypt.usembassy.gov/consular/dv_07.pdf
تحياتي

[الذهبيالفم]

ربنا يكرم تمنياتي بحظ سعيد

[Aphex]

ربنا يكرم تمنياتي بحظ سعيد

أخي ذهبي الفم
شكرا علي مشاعرك الحلوة
ربنا يباركك

[Aphex]

يوم 19\6\2006...بنت خالتي و زوجها و أولادها الأثنين عملوا المقابلة ...و الحمد لله اخدوا الفيزات..لكن كان فيه مشكلة بسيطه هي ان زوجها كان يعمل في الكويت منذ عدة سنوات و لكن الراجل استقر في مصر من سنتين...
و بالرغم من كده طلبوا منه فيش و تشبيه من دولة الكويت..و لستر ربنا كان معاه ورقة من الكويت تثبت أنه لا احكام عليه...
و استلموا الفيزات بعد المقابلة بيومين...و المعتاد هو اسبوع علي الأقل من يوم المقابلة..
و ده شئ كويس و مبشر بالخير..
عندنا في البلد تقريبا كل اسبوع لازم واحد علي الأقل يعمل مقابلة..و انشالله سوف امدكم بآخر الأخبار في حينها..
تحياتي

[كريم عبدالسيد]

انا والله حلم حياتي اني اسافر ويارب يكون لي حظ كويس ادعوليssssssssss10

[TERMINATOR]

نتيجة اللوترى ظهرت للمرة الثانية

بالتوفيق للجميع

انا بمبة كالعادة

[steven]

مش أنت لوحدك يا ترميناتور
أنا كمان بمبه كبيرة قوي - ربنا مش رايد.

[abomeret]

وكمان بمبة تالتة اهى .. خيرها فى غيرها ..(sml16)(sml16)(sml16)

[elmafdy]

و انا و مراتى بومبتين كمان . . . . يبقى المجموع خمس بومبات . . .


قربنا نكمل كيس بمب فى المنتدى

المفدى

[شيرين بنت اسكندريه]

ههههههههههههههههههه وانا كماااااااااااااااااااااان وجوزىيبقى 7 بومباااااااااااااااات

[sant1]

اية البومب دة كلة المنتدى كدة مش هايستحمل ........... وانا كمان اخدت بومبتين ssssssssss10

[BIANCO]

البمب علامة الفرح و الإحتفال و الإبتهاج
فلنقبل مشيئة الله و نشكره عليها لأنه يختار لنا الأفضل دائما حتى لو يبدو لنا عكس ذلك حسب تفكيرنا المحدود .
أنا متفائل برغم كل الأخبار السيئة اللي بنسمعها و حاسس أن كله هيتصلح بإذن الله

http://www.youtube.com/watch?v=kEVZtWWeInA

[تحتمس]

نتيجة اللوترى ظهرت للمرة الثانية

بالتوفيق للجميع

انا بمبة كالعادة

اين ظهرت النتائج ؟
في الموقع الرسمي المخصص للهجرة العشوائية لازالت لم تظهر هناك النتائج الرسمية
http://www.dvlottery.state.gov/

[abomeret]

أخى الغالى تحتمس
بعد اللينك اللى حضرتك وضعتة ادخل على اللينك دة

http://www.dvlottery.state.gov/ESC/

[تحتمس]

HAS NOT BEEN SELECTED
(sml5)(sml5)(sml5)(sml16)
للاسف

[engmms2011]

وانا كمان
مش عارف ربنا عايز لينا أيه بس كله للخير

[engmms2011]

يار يت لو حد عنده خبرة أو أدنى معرفة بكيفية الحصول على فيزا سياحة وشروطها وتكاليفها والمدة طبعاً لأمريكا ... يا ريت لأنى الواحد أقرف وعايز يمشى مش عارف...شاكر ليكم تعبكم