رســـالة مــخــتـــل عــقــلــيــاً

[pharaonegypt]

====== رســـــــالــــة مــخــــتـــل عـــقــــلــــيــــاً ======
بلدى يا بـلــد الــمــعـتـــقـــلات والتزوير فى الإنــتــخـابــــات
بلدى يا حاصله على النياشين فى الحجر عـلـى الـحـريــــّات
غصبٍ عنــّى يـا بلدى باغنـّى وحلقى عـشانـك كـلـه مــــرار
بلدى يا ورده تايهه وشــارده مــركـب وجــرفـهـا الــتــيّـــار
كـنـتى زمــان بــلــد الأمــجــاد وتـــاريــخــك مـــلــيــان روّاد
مصرى وعايش ويّا المصرى ولا كان ظلم ولا إســتـعــبـــــاد
أقـبـاطـك هـــدمــوا الأصـنــام بـإيـمــان إتحـدّوا الأيـّـــــــــــام
وقـت ما كان فى العالم جهـل وقت ما كان فى الدنيّا ظــــلام
عبدوا إلــــه واحـــد قـــدّوس راح منهم عـلـشـانــه نـفــوس
دم الـشـهــدا فـى كـل مـكـــان روى أراضيكى يا إيـجـيبتوس
ظهـر الـسـيـف ولقى له مبرّر خلف شـعـار الـديـن متــســتــّر
حـلّـل نـهْــب وحـرْق وسـلْـب قـصـور الـمجـد اللّـى مـاتتقدّر
إمتى يا بلدى تفوقى وتصحى مـرّ الأيـام بـان فـى مـلامــحى
نفس الـسـيف عالغدر ناويـلك من ضحاياه كان عمّك نصحى
عُــدنــا لـعــصـر الإسـتـشـهـاد فى شـمـال وجــنـوبـك يـا بــلاد
جرجس و كمال شهدا الأقصر والــزقــازيـق آدى عــم فــــؤاد
عجبى عليك يا زمن ويادنيـّا ناس غـوغـاء يـدبـحـوا أبـريّــا
الـجـانـى بـرئ طـبعـاً مـؤمـن والمـجـنـى عـليه مـالـهـوش ديّه
وإنت يا قاضى ياللّى بتشكى من ظـلـم حــكــومــتك وبــتبكى
ليه فى قضايا الـقـبط بـتـظلم ولّلا فى ده مايصحـّش نـحــكـى
كـل وزير خـايـف عـالكرسـى واللّــى يـسـيـبه بـيصبح منـسى
مهما جمعت هاينتهى عمرك زيّ الخلق فـى تربـه هـاتـرسى
كلمة مصرى دى كلمة أونطه قـومـيّـة وضاعـت فـى الصـلطة
نـسـبـونـى لـلـعــرق الـعـربـى والـديـن محطوط تحتيه شَـرطـه
قـوللى لغاية إمتى يـا مسـلـم رافـــض يـــوم إنـــك تــتــكــلّـم
حـقى وحـق ولادى فى إيـدك قـافــل بــابــك لــيــه ومــسـلـّــم
غـنـّى يـا ثـروت للـحـضـارات كــل الــنـاس شـبـعـت شـعـارات
غنـّى لـريـّس شغـله الـشاغـل يـــجــمـع للأنـــجــال ثـــــــروات
ميرا رؤوف عـلشان قـبـطـية الــكــفــاءات مــالــهـــا أهــمـيــة
وهالة عشان نقلت فضايحهم تـحـريـض عـالـفـتـنة الـطائـفــية
إتــفــرّج وإقــرا الــمــقـــالات الإخــــلاص فـى الـتـحرير مــات
ناس بايعين ضمايـرها وناس قـــابضين من صدّام كـوبـونــات
غنّى يا شاديه يا ليلى يا عين أدخــلــوهـا ســالـمـيـن آمــنــيــن
كــل مـعـارض قـلـمُـه سلاحه ولا فـيـش تعـذيب صــحــفـيـيـــن
أيمن نور كان شـمعة طفوهـا وآمــال حــزب الــغــد نــفـوهــــا
صحفى وشاف مالإهانات ياما وعـبـيـر والشـرقـاوى وصفوهـا
رئـيـس تـحـرير بيقول الحــق يـتـحـاكـم عــلـــشـان قــــــــال لأ
بكره هانسمع لـمـا هـايـخــلى الـعــرش وريـثـه وإبـنـه أحـــــقّ
بنـتى يا نورعمرى ووجـدانى خـطـفـوكى مــن بـيـن أحـضـانـى
لما صرخت وقلت دى قـاصـر تزوير وجواز كانوا فـى ثــوانـى
محتاج تبنى كنيسة فى قريـة فيها عـشـرات عـائـلات مسيحية
إزاىّ بقى تجرح مشاعرهم؟ صـلــواتــك هــاتــهــد الـــدنــيّـــا
أفـضـل لـو فــكــرت كويّــس تـبـنـى لـك كـبـاريــه وتــهـــيّـص
التصريح هايكون فى ثوانـى مـش مـحـتـاجـه قـرار من ريّس
الـكـبـاريـه هـايـلـمّ إخــوانـنا ودولاراتــهـم هـاتـروّق حــالــنــا
سيب الـشـعـب يـفـك شـويّـه هــانـطـنـّش ونـغـمّـض عــيــنـنـا
شفت يابـوالطظات ياعزيزى بــلاد بـتـشـجّـع فــيـفى وزيــزى
وإنت خرجت عـلينا بـفـتـوى وقـلـت الـحـل فـى والـى ماليزى
نـفـسى تزول كـلـمـة عـربـية ويـنـتـهـى عـصـر الإخـوانــجـيـة
والأحـزاب تــكـبـر وتـلـعــلـع مـن غـيـر شـعـاراتـها الـطائـفية
مـيـنا زمــــان وحّـد قــطـريـن حــلــم وعـــاش عـلـشـانـه سنين
ممكن مـصـر تعود من تانى دولـــــــة لــكــل الــمــصـريــيـن؟
طـبـعـاً مـمـكـن لــو فــكّــرنا ومــن الـعــصـبـيـة إتـــحــــرّرنــا
سيبوا الناس تختار أديـانهـا بـإيـمـان هـانــكــمــل مـشـوارنــا
لـف الـدنيـّا بطول أو عرض ماسـمـعـنـاش عـن ديـن بالفرض
أصــل إلـــه الـديـن الـراسخ مـش مـحـتـاج حُـرّاس عـالأرض
إفـهـم يـاللــى ضميرك ِبعـته وقـلـبـك للـشـيـاطـيـن ســلـّـمــتـه
حـكّـم عـقـلـك فـتـش جـوّالك عـالإنـسـان الـلـى إنــت دفــنـتـه
===================================
فـــــرعــــــون مـــــصــــــر

[nabil fathi]

انا معرفش بصراحة انت مين
بس مجرد كلامك عبر عن كل الضيق اللى فى نفوسنا تجاه الظلم و اقهر
باحييك على كلامك و يا ريت لو كلنا فى المنتدى اتسجنا يبقى سجنى معاك يمكن تنفيد بعض && شد حيلك و تسقط مصر و يسقط مبارك

[hopaea]

انا رأيي إنه مش مختل عقلياً ولا حاجه

[Gregory]

10)10 10(): 10)10 10(): 10)10 10():
جميلة جدا يا فرعون

[carmen]

انا كمان مش شايفة إنه مختل عقلياً فعلاً دية حاجة حقيقية

[mahirbaik]

يا راجل؟؟؟!!!يسقط حسني مبارك أه والف أه بس تسقط مصر!!!!!مش حلوة منك