PDA

View Full Version : هتافات مظاهرة التحرير - بقلم شريف عرفة

Mico
07-10-2003, 12:12 AM
فوجئت بأن الكثير من المصريين لم يعلموا شيئا عن مظاهرة ميدان التحرير يوم الأحد الماضي 28-9-2003 00
كنت هناك... و سمعت هتاف المصريين الغلابه و الذين لم يتخلوا حتى في محنتهم عن خفة الظل التي طالما اشتهرنا بها معشر المصريين....هتافات عجيبة لا تملك و أنت تسمعها الا ان تبتسم و تحزن في نفس الوقت... تبتسم من طرافتها و تحزن من مضمونها المرير
لم يقرب الأمن أي من المتظاهرين و لذلك حكمة...... فمؤتمر الحزب الوطني كان منعقدا في هذا اليوم و لا يريدون أن يظهروا بصورة الحكومة الديكتاتورية و يعتقلوا الجميع.... ( و بالمناسبة هذا المؤتمر لم يثمر شيئا سوى تأكيد الرئيس - مشكورا - انه سيحل اخيرا مشكلة جنسية ابناء المصرية المتزوجه من اجنبي ..و تفضل - غير مشكور - بتأكيد استمرار قانون الطوارئ اللعين !!!! )0
و لهذا السبب - و بسبب كـــلاب السلطه الموجودين في المجموعة للأسف - فلن أذكر الأسماء التي ذكرت في الهتافات رغم أنها جزء من أمانة نقل الخبر !!0


الهتافات
البهوات يلبسوا عالموضه ..........و احنا نعيش العشرة في أوضة !0

***

يا (فلان ) يا حبّـوب...........الشعب المصري بياكل طوب !0

***

..أنور غلّا رغيف العيش....................جاتله رصاصه في وسط الجيش

يــالي بتـغلّي الأســعار.................بيننـا و بيـنك طلقـة نـار !!!!!!0

***

عايزينها تبقى حرة..................دا العيشة بقت مرة

***

يا حرية فينك فينك ؟؟..............صف العسكر بيننا و بينك

يا حرية فينك فينك؟؟................أمن الدوله بيننا و بينك

يا حرية فينك فينك؟؟.................. الطوارئ بيننا و بينك

***

الـنهارده في العـراق............................ بكره يضربوا الورّاق ( حي شعبي في مصر)0

الـنهارده في فلـسطين........................... بكره يضربوا التبّـيـن ( حي شعبي أيضا)0

يا ( فلان ) اصحا اصحا............ بكره هايضربوا كفر مصيلحا !!!!!! ( مسقط رأس مبارك )0

***

يا حاكمنا بالمباحث ..........كل الشعب بظلمك حاسس !!0

***

يا جمال باقولها بجد ............بكره يبيعوا النيل و السد !!!!0

***

احلف بسماها و بترابها..............الحزب الوطني الي خربها !0
أحلف بسماها و بترابها............. ( فلان الفلاني ) الي خربها !!0

***

و قف احدهم و سط المظاهره و امسك مكبر الصوت و قال :0
ايها المواطنون..اثبتت الاحصائيات أن جرائم السرقة توقفت في مصر تماما في اليومين الماضيين ...عارفين ليه ؟؟؟؟

عشان الحراميه كلهم كانوا بيحضرا مؤتمر الحزب الوطني !!!!0

***

عايزينها تبقى حرة .............. دا العيشه بقت مرة !!!!0

*****
د. شريف عرفة
رسام كاريكاتير سياسى
وُضع قانون الطوارئ لأمثاله

http://mico.netfirms.com/mozahra1.jpg
http://mico.netfirms.com/mozahra2.jpg
http://mico.netfirms.com/mozahra3.jpg
http://mico.netfirms.com/mozahra4.jpg
http://mico.netfirms.com/mozahra5.jpg
fanous2102
07-10-2003, 10:31 AM
مش هانطاطى مش هانطاطى خلاص بطلناالصوت الواطى
أتعلم يابوجمال أنور مات وسط الرجال
أتعلم يأبو علاء أنور هوي من علاه
ياالى بتلعب بالحديد والنار بينك وبينهم طلقه نار
النهارده فى أسيوط.... بكره يضربوك بالشلوط
واحد زهق من الظم والافتراء
فانووووو ووووووووووووس
Pharo Of Egypt
07-10-2003, 10:37 AM
ياباشمهندس مكيو .. إيه دليلك علي أن مظاهرة التحرير دي حصلت؟ ليه مايكونش اللي بتقول عليه ده هو السراب بعينه؟ أنا أصلي أتصلت بواحد صاحبي ساكن في ميدان التحرير وصعيدي كمان قاللي ماسمعش عن المظاهرة دي .. دي حاجة تموخل بصحيح ..
(do:) (do:) (do:)
peace33
07-10-2003, 10:46 AM
الواحد لو كان يعرف بالموضوع ده كان راح اشترك معاهم
حتي لو ماعرفتش اقول كلام
اهو ازألهم بالطوب مع العيال وخلاص

(&tkou):
masri40
07-10-2003, 02:30 PM
اعتقد ان الصور ليس لها علاقة بهذه المظاهرة

ربما هى صور من تظاهرة الحرب ضد العراق فى شهر مارس الماضى
Mico
07-10-2003, 03:31 PM
كاتب الرسالة الأصلية : Pharo Of Egypt
ياباشمهندس مكيو .. إيه دليلك علي أن مظاهرة التحرير دي حصلت؟ ليه مايكونش اللي بتقول عليه ده هو السراب بعينه؟ أنا أصلي أتصلت بواحد صاحبي ساكن في ميدان التحرير وصعيدي كمان قاللي ماسمعش عن المظاهرة دي .. دي حاجة تموخل بصحيح ..
(do:) (do:) (do:)

أخى فرعون مصر،

انا مش شريف عرفة ... الكلام دة قايله شريف عرفة مش انا .. انا مجرد نقلت...


سلام
knowjesus_knowlove
07-10-2003, 03:45 PM
كاتب الرسالة الأصلية : peace33
الواحد لو كان يعرف بالموضوع ده كان راح اشترك معاهم
حتي لو ماعرفتش اقول كلام
اهو ازألهم بالطوب مع العيال وخلاص

(&tkou):


هاهاهاها..إنتى صحيح بنت ثورجية فجلاوية أصيلة...
بس أنا متأكد إنك وإنتى بترمى الطوبة بتغمضى عينيكى و بتدعى فى قلبك وتقولى ...
يارب ماتيجى فى حد...
يارب ماتيجى فى حد...


(kill:
knowjesus_knowlove
07-10-2003, 04:00 PM
يا فانوووووس يا فانووووس..... بينا ع الظلم نقوم وندووووووس .

يلا يافرعون يلا يابييييس ...............نعلن ثورة ضد التيييييس

قوم يامصرى وإنت ياميكووو........ رجعوا مصر لعهد ماضيكووو

hi:)
COPTIC KNIGHT
07-10-2003, 06:49 PM
عارفين نفسي المظاهرة ديه تبقي حقيقة لعدة أسباب منها :
أكيد وراها الأخوان المسلمين لأن مش معقولة الناس الطيبين يخرجوا إلا لو في حد منظمهم و بيعرف كمان يختار التوقيت المناسب
يلا خلي عم حسحس يشرب ثمن تخريجه لزمرة القتلة من الأخوانجية و علي رأسهم كرم زهدي
peace33
08-10-2003, 04:57 AM
كاتب الرسالة الأصلية : knowjesus_knowlove
هاهاهاها..إنتى صحيح بنت ثورجية فجلاوية أصيلة...
بس أنا متأكد إنك وإنتى بترمى الطوبة بتغمضى عينيكى و بتدعى فى قلبك وتقولى ...
يارب ماتيجى فى حد...
يارب ماتيجى فى حد...


(kill:

وعرفت ازاييييييييي

(sml22)
knowjesus_knowlove
08-10-2003, 03:17 PM
كاتب الرسالة الأصلية : peace33
وعرفت ازاييييييييي

(sml22)

متعرفيش إنى أقدر أقرأ كل أفكارك ومن عينيكى أقدر أقول لك كل أسرارك
)msk:)



عينيكى اللى فى الإسمايل دى ---> (&tkou):


الله يرحمك ياعبد الوهاب

(kill:


ملحوظة ..برجاء ألا تسرح أفكااار حبايبنا أصحاب الفكر بعيدااااااا بعيداااااا
أنا أمزح مع أختى بيييس
Smiley
08-10-2003, 08:14 PM
كاتب الرسالة الأصلية : COPTIC KNIGHT
عارفين نفسي المظاهرة ديه تبقي حقيقة لعدة أسباب منها :
أكيد وراها الأخوان المسلمين لأن مش معقولة الناس الطيبين يخرجوا إلا لو في حد منظمهم و بيعرف كمان يختار التوقيت المناسب
يلا خلي عم حسحس يشرب ثمن تخريجه لزمرة القتلة من الأخوانجية و علي رأسهم كرم زهدي

لا ماظش..لو كانوا الاخوان اللي منظمينهم كنت حتسمع هتافات مختلفة شوية .. ;)
modi_dodi
09-10-2003, 07:48 AM
(do:)
ما بلاش كلام العبط بتاعكم ده
و بلاش نتكلم ان مصر هترجع للعصر القديم اوى اللى بتحلموا بيه انتم متنيلين عايشين بره تتدخلوا بنا ليع يا ولاد ويا بنات العنطوووووسى
مالكم انتم بمصر اذا كنتم اصلا مش فيها
وثانيا الريس ربنا يخليه احسن من غيره كتير اينعم الله يرحم السادات و عبد الناصر بس مبارك هو اللى مشغل البلد
ايامهم مكنش فى لا مواصلات الا بالضرب و الطرق منيله و الحياة كانت نيلا انتم بتتكلموا فى ايه بس متتنيلوا وبلاش تتدخلوا ف امورنا بقى احمونا
(do:)
(noo:)) (noo:)) (noo:)) (noo:)) (noo:)) (noo:)) (noo:))
(kill: (kill: (kill: (kill: (kill: (kill: (kill:
COPTIC KNIGHT
09-10-2003, 01:50 PM
يا أخ modi_dodi إن كنت أعترف إن مبارك أفضل من السادات ( لكن عبد الناصر كان الأشرف رغم ديكتاتوريته) غير أني أسئلك ما سبب الأزمة الأقتصادية الطاحنة التي نمر يها ؟ ما سبب إقالة الجنزوري رغم نجاحه و محبة الشعب له ؟؟؟ ما السر وراء بقاء عطفطف في الوزارة رغم أنه ودا البلد في60000000000 داهية ؟؟
أما عن أحبائي أقباط المهجر فهم في الأصل مصريين كل ما يحدث في مصر يهمهم لأن في مصر الأب و الأم و الأخ و الصديق ..؟؟لو عندك صاحب في بلاد تركب الأفيال ألن يهمك ما يحدث في هذه البلد ؟؟؟ كفاكم أتهامات لنا و لأقباط المهجر .. ده لولا المهجر كنت زمانكم في مجاعة و حرب أهلية علي الفول .. صحيح المحمديين دول قطط ]اكل و تنكر)dnc:( (do:) (bay:))
Mirage Guardian
09-10-2003, 07:27 PM
كاتب الرسالة الأصلية : Pharo Of Egypt
ياباشمهندس مكيو .. إيه دليلك علي أن مظاهرة التحرير دي حصلت؟ ليه مايكونش اللي بتقول عليه ده هو السراب بعينه؟ أنا أصلي أتصلت بواحد صاحبي ساكن في ميدان التحرير وصعيدي كمان قاللي ماسمعش عن المظاهرة دي .. دي حاجة تموخل بصحيح ..
(do:) (do:) (do:)

طبعا دى تورية.. يؤسفنى أخيب ظنك لأن مظاهرة التحرير مشهرة قبل حدوثها بشهر كامل بواسطة "اللجنة الشعبية المصرية لدعم انتفاضة الشعب الفلسطيني" ولها مطالب خمسة محددة (منهم مطلبين مستحيلين)

الخبر ده كان عندى قبل المظاهرة بعشرين يوم تقريباً http://www.elahwa.com/ahwa/showthread.php?s=&threadid=2082
knowjesus_knowlove
09-10-2003, 11:13 PM
كاتب الرسالة الأصلية : حارس السراب
طبعا دى تورية.. يؤسفنى أخيب ظنك لأن مظاهرة التحرير مشهرة قبل حدوثها بشهر كامل بواسطة "اللجنة الشعبية المصرية لدعم انتفاضة الشعب الفلسطيني" ولها مطالب خمسة محددة (منهم مطلبين مستحيلين)

الخبر ده كان عندى قبل المظاهرة بعشرين يوم تقريباً http://www.elahwa.com/ahwa/showthread.php?s=&threadid=2082



غلطة فرعوووووون وصاحبه إنهم مايعرفوش حد فى شعبة أمن أسيوط

)Aa:)