ديانا الضبع

[marimina]

امبارح فى حلقه البيت بيتك على القناه التانيه بالتلفزيون المصرى كانوا بيناقشوا موضوع العلاج بالقرآن وبصراحه محمود سعد ومنى الشرقاوى كانوا كويسين جدا واصروا على انه ممكن يكون علاج نفسى ايمانى لكن مش عضوى يعنى مايغنيش عن الدكاتره

وفضلوا طول الحلقه مهاجمين للست "ام حسين" (تقريبا اسمها كده) اللى استضافوها فى حلقه سابقه وادعت انها بتشفى الناس من السرطان بالقران ومن غير فلوس

وعرضوا تقرير لواحده ست ودت ابنها عندها تعالجه وطلبت منها 25 الف جنيه والولد حالته بقت اسوأ .. يعنى فضحوها وبينوا كذبها

المهم بقى فى الموضوع .. اتصال الصحفيه المبجله ديانا الضبع اللى جت تكحلها عمتها..
اللى عرفته انها صحفيه فى روزاليوسف
واظاهر انها مسيحيه

قالت ايه الاستاذه .. قالت ان البرنامج المفروض يناقش الموضوع للطرف التانى فى المجتمع .. المسيحين يعنى .. لان فى ناس مسيحين بيروحو الكنيسه ويفضلوا يصرخوا ويصوتوا ولو واحد مشلول يجروه من على الكرسى علشان يخف بالصلاه والانجيل .. فالجهل ده موجود سواء عند مسيحين او مسلمين !!!

متخيلين ان واحده مسيحيه تقول كده !!!
هى عمرها ما سمعت عن البابا كيرلس ولا ابى سيفين ولا ايه

ده مره امنا ايرينى كانت بتحكى عن معجزات ابى سيفين فى شفاء امراض العيون وقالت اسم دكتور مسلم مشهور وانه بقى يبعت الحالات المستعصيه للدير عندهم وبقت تضحك وتقول "مش عارفه احنا اللى بنجبله زباين ولا هو اللى بيجبلنا زباين"

ربنا يسامحها ..
بس كنت نفسى ساعتها ابونا مرقس عزيز مثلا يكون سمعها ويتصل يرد على كلامها البايخ ده بحكمته الحلوه او اى كاهن يعنى .. ياريت حد يرد عليها يوم الاربعاء اللى جاى لانهم لسه هايكملوا كلام فى نفس الموضوع

وربنا ينورلك طريقك يا ديانا.. وماتبقيش عار على الاقباط ومن عينه جمال اسعد

[makakola]

أخى الحبيب marimina

بكل أسف أعترض على كلامك وأتفق مع ديانا الضبع

يجب أن نفهم الموضوع بعقل أكثر إنفتاحا

المسيحية بها معجزات لا يمكن أن ينكرها إنسان، لكن أن يترك الإنسان الطب ويقف ينتظر معجزة فهذا أمر ترفضه المسيحية نفسها

أتمنى أن يتم فعلا عمل حلقة عن هذا الموضوع ووقتها سيتضح الفارق بين الإسلام والمسيحية فى هذا الأمر، فالإنسان الذى يعالج بالقرأن يعطيه المشايخ بعضا من وصفات الطب النبوى، وبهذا فالإنسان يعتقد نفسه يتناول دواء ويتوقف عن الأطباء منتظرا شفاء العشب النبوى، لكن فى المسيحية الأمر يختلف، فالمريض يتم الصلاة عليه، بدون تناول أى نوع مما يعتقد أنه دواء أو علاج ويستمر المريض فى زيارة طبيبه المعتاد بدون توقف
فرق كبير بين الفريقين فى التعامل مع المرض

[garang]

مارمينا قال
-----------
متخيلين ان واحده مسيحيه تقول كده !!!
هى عمرها ما سمعت عن البابا كيرلس ولا ابى سيفين ولا ايه
----------------
حبيي انت عمرك ما سمعت عن يسوع ؟
انا مريض بالقلب والصدر والكبد والمعدة منذ اكثر من 20 عام وقد قيل لي بعد سنة تموت لا يعد 3 لا بعد كذا
واكثر من مرة دخلت الانعاش لكن كلمة واحدة تجلعك تعيش وللابد هي مفتاح الحياة
هي الباص وورد للخالق وللمعجزات
يسوع heart
لو قالها مسيحي او حتي مسلم لشفي من اي مرض
وخلاف هذا تضييع وقت ولا يحقق شيئا بل يبعدنا عن نور المسيح في وقت نحن في امس الحاجة الية ليغير العالم
لا تزعل مني ولا تدخل في مجادلة لا معني لها فانت حبيبي heart واخي في المسيح

[marimina]

اساتذتى الكبار makakola و garang

اظاهر انى ماوضحتش وجهه نظرى صح
انا ضد تماما ان الواحد يتجاهل الطب والدوا لان دى نعمه من ربنا
ومع حضرتك تماما أ. مكاكولا فيما قلته
لكن أن يترك الإنسان الطب ويقف ينتظر معجزة فهذا أمر ترفضه المسيحية نفسها


لكن حضرتك اخدت بالك هى قالت ايه عننا وفى التلفزيون المصرى ..
(لان فى ناس مسيحين بيروحو الكنيسه ويفضلوا يصرخوا ويصوتوا ولو واحد مشلول يجروه من على الكرسى علشان يخف بالصلاه والانجيل .. فالجهل ده موجود سواء عند مسيحين او مسلمين !!!)
انا محبتش ان احنا نشوه صورتنا بايدنا وحتى لو عندنا مشكله ننقاشها فى كنيستنا هما ملهومش دعوه بينا لانهم هيفرحوا فينا وبس

وحضرتك قلتها
لكن فى المسيحية الأمر يختلف، فالمريض يتم الصلاة عليه، بدون تناول أى نوع مما يعتقد أنه دواء أو علاج ويستمر المريض فى زيارة طبيبه المعتاد بدون توقف

هما مش هيفهموا كده خالص وكلامها مبينش النقطه دى

أ جارنج
طبعا اولا الف سلامه لحضرتك والمرض صليب كبير ناس كتير تتمناه لانه بيدخل السما علطول ..زى امنا ايرينى ماكانت بتحب صليب المرض..
وطبعا اسم ربنا يسوع المسيح هو سر الشفاء الحقيقى وراء اى معجزه
لانه ليس اسم اخر تحت السماء به ينبغى ان نخلص

لكن ايه المشكله فى ان احنا كمان نطلب شفاعه العدرا مريم ام النور وصلوات القديسين زى البابا كيرلس سواء فى مرض او مشكله .. طلبنا لمساعدتهم مش معناه ان احنا بننسى اسم ربنا يسوع المسيح .. طبعا لا

وانا لما قلت كده كان قصدى ان أ. ديانا الصحفيه كان لازم تفهم الفرق بيننا وبينهم وان احنا مش بنتبع خرافات وادويه نبويه زيهم .. احنا بنتبع قديسين عظام ببركه صلواتهم ربنا يسوع بيدينا الشفا مع عدم اهمال الناحيه الطبيه برده

وانا شاكره ردكم جدا وارجو تكونوا فهمتونى

[Tarnema]

سلام المسيح مع جميعكم
اتفق واختلف من الرأى المطروح
اتفق لان بالحق شفاعة القديسين فعلت معجزات لا يمكن ان يتصورها عقل بشر ولا ننكر ان الايمان هو الصخرة القوية التى بسببها تحدث تلك المعجزات فايمان مثل حبة الخردل يقدر ان ينقل جبال
ولكن ايضا اختلف لان لا نستطيع انكار ان هناك قله من مدعى القداسة وايضا جمع من الجهلاء الذين لا يفرقون بين المعجزة الحقة والضحك عالدقون بل والادهى نجد مسيحين يلجئون للسحر والشعوذة باسم وايات ومزامير من الكتاب المقدس !! هل يوجد ابشع من هذا؟؟؟
فلا يجب ان ننقاد عالعميان وراء اى شخص يدعى ان يقدر ان يشفى بل ان الطب لابد ان نتأكد انه من الرب واللجوء له ليس بقله ايمان بالعكس ولابد ان يكون ايماننا فى جمييييييع الاحوال هو القائد لافعالنا
فالمسيح قال سييأتى من بعدى انبياء كذبة كثيرون بل وسيفعلون معجزات كثيرة !! فلا يجب ان ننبهر باى شيئ يكون ضد او مخالف لايماننا فقط لاحساسنا باليأس بسب مشكله او مرض نمر به والمرجعية الاولى لنا فى هذا كتابنا المقدس ارائع

احترامى للجميع

[marimina]

احبائى
النقطه الاساسيه اللى مضيقانى هنا هى ان أ. ديانا الصحفيه من الواضح انها مكلفه باظهار نقط ضعف الاقباط فربما منكم من قرا ايضا مقالها فى روزاليوسف عن جيتوهات الطلبه المسيحين .. وللاسف لم تتناول المشكله بكل جوابنها وطلعتنا احنا اللى سلبين ومنعزلين .. دون مناقشه اسباب ظهور هذه التجمعات للطلبه فى الجامعات

المشكله اللى كانوا بيتكلموا عليها فى البيت بيتك وهى الاعتماد على القران فى العلاج وترك الدواء .. دى مشكله نادرا ما نقابلها فى الكنيسه .. الاغلبيه العظمى من المسيحين يقرنوا شفاعه القديسين والايمان بقوه شفاء ربنا يسوع جنبا الى جنب مع ادويه الاطباء وان كان فى نسبه بسيطه جدا من المسيحين البسطاء لا يلجاون للدواء ويكتفوا بالايمان والصلاه -وان كنت لا اعتقد بوجودها- فهى نسبه لا تكفى الى حد تناولها كظاهره ومناقشاتها على الملأ فى التلفزيون المصرى الذى يتصيد الاخطاء للاقباط .. ام نسيتم مشكله الطلاق وكيف تناولها نفس البرنامج واظهر الكنيسه انها متشدده فى نظامها ..
اذا ما الداعى لاظهار ان الكنيسه والمسيحين يعانوا من هذا الجهل .. وهم لا يعانون منه اصلا

ولو هى نيتها كويسه .. مش كان احسن تقول ان كل كتب معجزات الشفاء من الامراض بتكون مقرونه بالاشعات والتحاليل وتقارير كبار الاطباء مما يدل على ان المسيحين لا يهمشوا دور الطب

[Tarnema]

عزيزتى مارى مينا الاعتراف بالحق فضيلة
شيئ هام جدا ان نبادر باخراج القشة من عيوننا اولا بدل ميجى من هب ودب يشلها لينا
ان اعترفنا بمشاكلنا نحن نكون بكده اكتر مصداقية ولا يقدر ان ياتى شخص من اياهم ميسواش بصلة ويقول مانتم عندكم وعندكم
عزيزتى ديانا الضبع كاتبة جيدة وان تابعتى مقالاتها فهى شخصية من الجرأة ان تستنكر ما يحدث عندنا ايضا
فهمت فكرتك ان بما معناه انها دخلت زيد فى عبيد فالموضوع عن القران ومكانش له لزوم نحشر روحنا بدون داعى وقد اتفق معك فى تلك النقطة ولكن لنفترض حسن النية الى ان يثبت العكس ساعتها نطلعلك عينيها الاتنين ولا تزعلى ابدا
ثم معلش ومتزعليش منى اصلا برنامج البيت بيتك ده برنامج ساقط من عاشر دور ويكفى المذيع النص كم الارهابى تامر امين بسونى اللى بيهدد المسيحين علنا ويوما ما طالب بحرق ابونا زكريا بطرس!
بروجرام زى ده متابعته ااسخفاف بعقولنا اصلا اللهم لو تابعناه من باب العلم بالشيئ فقط لكن متاخديش منه لا معلومة ولا بتاع لانهم عالم بتاعت هجص وبس ده ناهيك عن قله ادبهم الله ينور................

[marimina]

عزيزتى ترنيمه
شيئ هام جدا ان نبادر باخراج القشة من عيوننا
ان اعترفنا بمشاكلنا نحن نكون بكده اكتر مصداقية
معاكى طبعا
لكن مشاكلنا تتحل فى بيتنا .. فى كنيستنا .. على ايد ابائنا كهنتنا واسقفتنا
مش فى البيت بيتك .. التلفزيون المصرى .. على ايد محمود سعد ومنى الشرقاوى مع احترامى ليهم طبعا

بدل ميجى من هب ودب يشلها لينا
ولا يقدر ان ياتى شخص من اياهم ميسواش بصلة ويقول مانتم عندكم وعندكم

للاسف أ. ديانا هى اللى اقحمتنا فى الموضوع ومجتش منــــــــــهم يعنى هى اللى خلت اللى ميسواش يدخل فى شئون كنيستنا


عزيزتى ديانا الضبع كاتبة جيدة وان تابعتى مقالاتها فهى شخصية من الجرأة ان تستنكر ما يحدث عندنا ايضا
بصراحه انا بس قريتلها موضوع جيتوهات الطلبه المسيحين وفى تعليق عليه هنا فى المنتدى وللاسف هى استنكرت اللى بيحصل عندنا لكن من غير ما تبين مبرراته ولو قريتى تعليقات المشاركين هنا فى المنتدى على الموضوع ده هتعرفى ان انغلاق الطلبه المسيحين مجاش من فراغ وانه رد فعل .. مش فعل .. ازاى طالما هى كاتبه جيده ماتخدش بالها من حاجه زى كده وكان بالاولى وهى مسيحيه تاخد بالها كويس من مشاكلنا مش تنقض والسلام ..

دخلت زيد فى عبيد فالموضوع عن القران ومكانش له لزوم نحشر روحنا بدون داعى
مش ده قصدى .. انا قصدى انها ادت صوره وحشه عن الكنيسه والمسيحين وعلى الملأ فى برنامج بيتابعه نسبه عاليه جدا من المصريين .. وياريتها صوره صح كنا نقول الحقيقه ولازم نواجهها
انتى عمرك شفتى فى كنيسه حد بيسحب واحد مشلول من على كرسيه وعايزه يخف بالعافيه !!
عمرك قابلتى حد مسيحى تعبان وقف الدوا والدكتور وراح لابونا يقراله الانجيل !!

يعنى حتى ياريتها قالت الحقيقه .. كنا قلنا فعلا حسن نيه وعايزه تحل مشكله عندنا
لكن الصوره اللى نقلتها دى لو بتحصل يبقى واحد فى المليون مش قاعده تتكلم عليها فى التلفزيون
وانا اسفه يا ترنيمه انى اقول انها حتى لو مشكله عندنا فحلها مش هيكون فى برنامج ضايع زى ما قلتى .. وكان الاولى ننقاشها فى مؤتمر فى الكنيسه او فى اجتماع مع البابا مش مع محمود سعد
مع انى مازلت مقتنعه ان دى مش مشكله بنعانى منها خالص

وزى ما قلت قبل كده اكبر دليل ان دى مش ظاهره عندنا زيهم كتب معجزات القديسين اللى بتكون مليانه تقارير كبار الاطباء مش بس قبل الشفاء وكمان بعده .. ايه اكتر من كده يبين عدم استخفاف المسيحين بالطب زي ما هما بيعملوا

احب اوضح تانى وجهه نظرى فى الموضوع
المسلمين بيستبدلوا الطب والدوا بالقران للعلاج
المسيحين بيستعملوا الطب والدوا بايمان بان قوه الشفا من عند ربنا
وده اللى كان لازم توضحه الصحفيه

بس انا باشكرك جدا على حوارك الجميل معاى والنزول لمستواى
وانا اسفه لانفعالى لكن انا غيرانه على كنيستى وماحبش يتقال عليها حاجه غلط مش فيها

[الذهبيالفم]

الإيمان ينقل الجبال
ويستطيع الله عمل ما لا يستطيعه الطب و الأطباء .

ولكن لنسعي في الأرض بالإيمان ، اقول نسعي اي نعمل ما علينا ولا ننتظر في داخل العِش ، لأن السماء لا تُمطر ذهباً ولا فضة .

[marimina]

ولكن لنسعي في الأرض بالإيمان

رائع جدا وده مبدأ كــــــــــــل المسيحين تقريبا

يبقى ليه نشوه صورتنا فى التلفزيون .. ليه محدش يتصل بيهم الحلقه اللى جايه ويصلح الصوره اللى شوهتها الصحفيه .. بس هو ده اللى بطالب بيه .. حد يبين صوره الكنيسه وايمانها الصحيح الحقيقى

[honeyweill]

المسيحيه فيها من المعجزات مايكفيها والباء بيعملوا معجزات باسم المسيح يسوع الرب الخالق لهذا الكون
ومنهم امنا ايريني ومكاري يونان وغيرهم
.............................
لكن الطب له اهميه كبيره ولا يجوز الاستغناء عنه
...............................
اخي ماريمنيا اتفق معاك بانه تم من هذه السيده اهانه الكنيسه بقولها هذا فهي اخطات حينما خلطت بين الامور التي تحدث في المشايخ وبين ما تفعله كنيسه ربنا في العلاج من دون اي شيء يذكر سوي معجزات الايمان بيسوع ربنا وفادينا

[الذهبيالفم]

سيأتي يوم يعرف العالم كله
اننا نحن المسيحين نعبد الها حقيقي يقوم ويصنع ما لا يقدر عليه احد .
فكل شئ مستطاع لديه .
حتي نقل الجبال قد نقله .

[3586489]

هذه سيدة شوفتها عاى برنامج البيت بيتك أنا عن نفسى بقول أن الموضوع ده كلام فارغ

و أنهم مش لاقيين حاجة يعرضوها فعرضو الموضوع المتخلف دهfire (hrt:


الموضوع أن الست أمينة دى قال أيه بيبقى الواحد عنده المرض الوحش (بعد الشر علينا) و أيه يروحلها وتقرا له حبة قرأن و يروح يعمل أشاعة

يلاقى نفسه مشفى (بلا سحر ولا شعوزة )

أنا عايز رأيكم يا جماعة و هل المسيحين مصدقين الحجات العبيطة دى ؟؟؟؟؟؟؟؟؟

(hrt: (hrt: (hrt: (hrt: (hrt: (hrt: (hrt: (hrt: (hrt:

الرب يسوع يحفظكم

مع صلوات العدرا و القديسين

[besoo]

حبة قرأن و يروح يعمل أشاعة

يلاقى نفسه مشفى (بلا سحر ولا شعوزة )

نسيت تكمل الوصفه
1- لازم و حتما و لابد من شرب كوبايتين بول بعير (sml3) و ان لم يوجد بول بعير ممكن يشرب بول حمير ( بس كوبايه واحده ) علشان لو شرب اتنين بعيد عنك تجيله حاله كده تلاقيه كل ما يقابل حمار يقول اخوياااااااااااااااااااا
2- يقرا عديه ياسين بالمقلوب 3 مرات قبل الاكل و بعده
3- ينكحله غلا مي ن حلوين كده
معلش بقا اكملك بقيه الوصفه لما ارجع
+ ارحمنا يا رب +

[الذهبيالفم]

يا جماعة الناس دي غريبة جدا لسه عايشة علي اوهام الجاهلية .

[churchill2]

garang wrote
انا مريض بالقلب والصدر والكبد والمعدة منذ اكثر من 20 عام وقد قيل لي بعد سنة تموت لا يعد 3 لا بعد كذا
واكثر من مرة دخلت الانعاش لكن كلمة واحدة تجلعك تعيش وللابد هي مفتاح الحياة
هي الباص وورد للخالق وللمعجزات
يسوع
لو قالها مسيحي او حتي مسلم لشفي من اي مرض
وخلاف هذا تضييع وقت ولا يحقق شيئا بل يبعدنا عن نور المسيح في وقت نحن في امس الحاجة الية ليغير العالم
لا تزعل مني ولا تدخل في مجادلة لا معني لها فانت حبيبي واخي في المسيح
الأعلامية العظيمة مي شدياق التي حاول نظام الشر السوري-الأيراني اغتيالها بوضع اكثر من 400جرام من المتفجرات تحت كرسي سيارتها ونجت منها بأعجوبة
قالت في حديث بعد ان ذكرت دور القديسين في انقاذها خاصة انها كانت قد خرجت من مزار احد القديسين قبل ان تدخل سيارتها ويحدث الأنفجار قالت :
اللة لم يرد ان اموت لأنني لم اتم رسالتي بعد واراد اللة مني ان اكمل رسالتي "

واعتقد ان اللة يريدك ايضا ان تكمل رسالتك العظيمة يا اخ garang
بالنسبة لدور القديسين فمهما بلغت درجة علمانيتي وتوجهاتي الليبرالية فلا استطيع ابدا ان انكرة لأني لمستة في حياتي اكثر من مرة
فوجودي في الكلية التي انا فيها للقديس العظيم البابا كيرلس دور كبير فية
ولشفيعي القديس الأنبا بولا مواقف كثيرة وانقاذات من ضيقات كثيرة

ولكن الأمر يتعلق ببعض البشرالذين يدعون قربهم من اللة والقديسين ويستخدمون هذا الأدعاء في النصب والدجل وهذا مرفوض ويجب ان نرفضة