اللى بيفهم واحد على الألف من فهم البابا يتفضل! [الصفحة الرئيسية]

sammy

19-02-2007, 01:16 PM

طبعا إنتم مش موافقين على كلام البابا شينوتى الثالث بشأن عدم المطالبة بتعديل أو إلغاء المادة الثانية من الدستور المصرى!

وطبعا حضراتكم أحكم واعلم وأذكى وابعد نظرا من البابا...
وعندنا عشرة ملايين قبطى, ولكن منهم خمسة عشر مليون قادة وأصحاب رأى أشجع وأجدع وأحكم من البابا...!
وياسلام بقى لما تقلوا أدبكم كمان على البابا فهذا يثبت أنكم راس براس وإن كل واحد فيكم يفهم قد البابا عشر مرات....!

ممكن جدا البابا يقصدنى أنا وغيرى بكلامه عن أقباط المهجر وممكن جدا يتبرأ منى ومن أفعالى... وممكن كمان يتهمنى ويقول عنى ما ليس فى...
ولكنه يظل فى كل هذا رئيسى وزعيمى والحكمة كلها مجسدة وأنا بجانبه بصراحة مجرد ساذج وقصير النظر وعصبى وقليل الخبرة... وكذلك جميع من يعارضه ... على الأقل فى رايى...

وعلى من يعتقد فى نفسه علم أو حكمة بأكثر مما لدى البابا, عليه أن يثبت لنا ذلك, يعنى يعطينا أمارة حتى نصدقه ولا نظن أنه كداب زفة ومن نوع زغردى ياللى إنت مش غرمانة...
عليه أن يقول لنا مرة على موقف أو ازمة إستطاع أن يعبر بها بحياة الآخرين بنجاح أو بأقل الخسائر!

إنتم بتستهزأوا وتقللوا من قيادة البابا لسفينة الأقباط خلال الثلاثين سنة الأخيرة فى ظل وتحت حكم جمهورية طالبان المصرية!؟
الخسائر التى لحقت بالأقباط خلال الثلاثين سنة الأخيرة هى فى أقل القليل ولولا حكمة البابا كنتم شفتم شىء عمركم ماتحلموا بيه وإرجعوا للتاريخ وشوفوا كان بيحصل إيه للأقباط!
وليه التاريخ شوفوا حصل إيه لليهود العراقيين خلال حملة الفرهود التى لها فقط أربعين سنة.. شوفوا حصل إيه لليهود المصريين وفى جميع الدول العربية خلال الأربعين سنة الماضية... ولا هو الكلام فى الطراوة سهل؟

وأخيرا أقول لكل من تجرأ على شخص البابا أو حتى على تقييمه للأمور ...
عيب, إختشى, خللى عندك شوية...

سلام ومحبة

honeyweill

19-02-2007, 01:17 PM

يا جماعه لونوا الخطوط يا جماعه
..................................
بص يا سامي انت فتحت موضوع لوحده علشان نتخانق فيه براحتنا ماشي ياعم
(sml22) (sml22) (sml22)

شوف يا سيدي انا سالتك في الموضوع التاني اسئله انت مردتش عليا فيها
..............................
ولكن اريد ان اسال سؤال اخر : هل معني ان انسان له من العلم الكثير انه يكون له حنكه وقدره علي وزن كل اامور .
اعتقد لاءه لسبب بسيط جدا ان الذي يعرف ويقرا وله علم من الممكن انه لايستطيع ان يزن امر او ياخذ قرار معين او يحكم في ميزان شيء معين وياتي شخص اخر ليس بنفس القدره العلميه ويكون له حكم وحنكه اكبر
..........................
بدليل ان رئيس الجمهوريه مبيحكمش لوحده ومش كلهم علي نفس الدرجه العلميه وكل الشعوب الديمقراطيه في قلبها تتكلم وتقول رايها وتوافق او تعارض الحاكم هاذا ان كنا نتكلم عن حاكم مدني وليس ديني اما في موضوعنا هنا عن قداسه البابا الحاكم المدني الديني الكنسي الكهنوتي في نفس الوقت فتاكد ان اختيار العنايه الالهيه في السماء اختاره وهذا صحيح ولكن سيحاسبه علي افعاله وعلي تقديراته للمور علي كل شيء وهل هو نصر الايمان المسيحي ودافع عنه وقدره ورفع صليب الفداء واحترم هذا ام وضعه تحت نير الاحتلال اي كان الاحتلال
......................
ومنتظر الردود علي المداخلتين معاك اخ سامي

sammy

19-02-2007, 01:30 PM

ولكن سيحاسبه علي افعاله وعلي تقديراته للمور علي كل شيء وهل هو نصر الايمان المسيحي ودافع عنه وقدره ورفع صليب الفداء واحترم هذا ام وضعه تحت نير الاحتلال اي كان الاحتلال

ما أهو إنت رادد على نفسك فى نفس السطر أهوه...
وبعدين مين قال لحضرتك إن البابا ماعندهوش مكتب إستشارى ومين قال لحضرتك إن البابا بيتصرف من دماغه وحسب إلهامه بدون إستشارة أحد؟
لعلك تقصد إنه لم يستشرك أنت شخصيا أو أخذ موافقة من حضرت أصحاب المنظمات القبطية العباقرة اللى مش بيتخانقوا كل يوم عشر مرات على الأقل بينهم وبين بعض؟؟؟
يجوز.....
وطالما --يجوز-- أن احدا عنده حكمة اكبر من اللى عند البابا فيجب على البابا أن لا يتخذ أى قرار عشان --- يمكن--- ويجوز--- حد تانى عنده حكمة أكبر ورأى تانى أفضل...
فكر كده فى كلامك وشوف قد أيه معقول؟؟

honeyweill

19-02-2007, 01:45 PM

###
ـــــــــــــــــــــــــــــــــ
عندما تريد قول رأيك فلك ذلك
لكن عندما تتحدث عن قداسة البابا أتمنى أن يكون ذلك بأدب

The_Lonley_Wolf

19-02-2007, 02:49 PM

احنا مش بنقول بنفهم اكتر من البابا
احنا بنقول ان الموقف ده من البابا غلط

يعنى مثلا ياأخ سامى لو البابا قال جواز بنات 9 اعوام صح
هاتيجى انت تقول البابا بيتكلم صح و ننفذ كلامه لانه البابا مختار من ربنا ؟؟؟ و نبقى احنا غلطانين لما نقول ان جواز البت اللى عندها 9 سنين غلط ؟؟؟؟؟ و هاتطلب مننا نثبت اننا بنفهم و بنفكر صح؟؟؟

على كده بقى المسلمين هما كمان ليهم حق يقولوا و يصدقوا و يقتنعوا ان محمد صح فى اى حاجة عملها و قالها لانه موحى له من الله و جواز الاطفال و دبح غير مسلمين حلال

الطاعة العمياء و ممنوع التفكير و المناقشة و الكبير دائما على حق

ماهو مبدأ الطاعة العمياء برضو

makakola

19-02-2007, 03:07 PM

طبعا إنتم مش موافقين على كلام البابا شينوتى الثالث بشأن عدم المطالبة بتعديل أو إلغاء المادة الثانية من الدستور المصرى!
من قال أن قداسة البابا لم يسمح بالمطالبة بالتعديل؟
المقال الخايب يضع عنوانا مثيرا، بأن قداسته يحذر الأقباط من المطالبة بتعديل المادة الثانية
بينما فحوى المقال تتحدث عن الإلغاء وليس التعديل، كما أن الأنبا مرقس أعلن فى لقاء مصور سابق المطالبة بتعديل المادة الثانية من الدستور وليس المطالبة بالإلغاء، وضرب أمثلة عديدة تستخدم فيها المادة الثانية وتضر بنصها الحالى بالأقباط

أسف يا عم سامى على الإقتباس من مشاركتك، لكن الكلام عام وغير موجه لك بصفة شخصية

GOD SAVE US

19-02-2007, 03:18 PM

احنا مش بنقول بنفهم اكتر من البابا
احنا بنقول ان الموقف ده من البابا غلط

يعنى مثلا ياأخ سامى لو البابا قال جواز بنات 9 اعوام صح
هاتيجى انت تقول البابا بيتكلم صح و ننفذ كلامه لانه البابا مختار من ربنا ؟؟؟ و نبقى احنا غلطانين لما نقول ان جواز البت اللى عندها 9 سنين غلط ؟؟؟؟؟ و هاتطلب مننا نثبت اننا بنفهم و بنفكر صح؟؟؟

على كده بقى المسلمين هما كمان ليهم حق يقولوا و يصدقوا و يقتنعوا ان محمد صح فى اى حاجة عملها و قالها لانه موحى له من الله و جواز الاطفال و دبح غير مسلمين حلال

الطاعة العمياء و ممنوع التفكير و المناقشة و الكبير دائما على حق

ماهو مبدأ الطاعة العمياء برضو

اولا فاليسمح لي الاستاذ سامي بالاشتراك

الاخ الفاضل

المثل الذي ذكرته لا علاقة له بالموضوع ولا يوجد اي وجه شبه بينهم

يوجد اشياء واضحة للجميع مثل المثل الذي ذكرته ومن المستحيل أن قداسته يقول مثل هذا الكلام

ستقول لي هذا مثل

سأقول لو قال قداسة البابا هذا الكلام لن أوافق لان هذا الشيء (الواضح جدا ) غير صحيح

والان نرجع لما نحن بصدده

هل أنت تعرف كل ما يتعلق بالمواضيع المطروحة والتي تعترض عليها ؟؟؟

هل لديك الخبرة والطريقة في التعامل مع رؤساء الدولة في مواقف مماثلة ؟؟

هل وضعت نفسك ولو مرة بدلا من قداسته ( في كل شيء )

وكيف تعرف إنه أخطأ أو إنه اصاب ؟؟

مع محبتي

BIANCO

19-02-2007, 03:31 PM

انا اقترح عزل قداسة البابا شنودة وتعيين احد الحكماء المتظاهرين بانهم متنصرين حديثا للأنهم اكثر علما وايمانا من قداسة البابا!!!!!!!!!!!!!
صحيح اللى اختشوا ماتوا .
ودى غلطة اللى بيعطوهم كل هذه المساحة لبث سمومهم .
هو الاقباط ناقصين ؟؟؟)tik:}
شكرا للاستاذ سامى على فتح الموضوع ده لان الهجوم على قداسة البابا زاد قوى من كل من هب ودب ودى حاجة مش ممكن نقبلها

The_Lonley_Wolf

19-02-2007, 03:38 PM

اولا فاليسمح لي الاستاذ سامي بالاشتراك

الاخ الفاضل

المثل الذي ذكرته لا علاقة له بالموضوع ولا يوجد اي وجه شبه بينهم

يوجد اشياء واضحة للجميع مثل المثل الذي ذكرته ومن المستحيل أن قداسته يقول مثل هذا الكلام

ستقول لي هذا مثل

سأقول لو قال قداسة البابا هذا الكلام لن أوافق لان هذا الشيء (الواضح جدا ) غير صحيح

والان نرجع لما نحن بصدده

هل أنت تعرف كل ما يتعلق بالمواضيع المطروحة والتي تعترض عليها ؟؟؟

هل لديك الخبرة والطريقة في التعامل مع رؤساء الدولة في مواقف مماثلة ؟؟

هل وضعت نفسك ولو مرة بدلا من قداسته ( في كل شيء )

وكيف تعرف إنه أخطأ أو إنه اصاب ؟؟

مع محبتي

المثل اللى قلته مناسب جدا لانه بيبين ازاى الأستاذ سامى بيفكر بنفس الطريقة اللى ياما قلنا انها غلط و سبب فى ايمان المسلمين بقذارات كالاسلام

البابا ده بنى ادم فى الاخر بيغلط
لسه اسمه البابا شنودة الثالث مابقاش اسمه يسوع المسيح

ثم انت بتقول ان لو البابا قال نتجوز الاطفال مثل "واضح" انه غلط و انك مش هاتوافقه فيه
انما تدخله فى السياسة انت شايفها حاجة "مش واضحة" أنه غلطان !!!!!
انت كده عامل زى بت مغربية كنت بكلمها من كام يوم شايفة برضو ان القمار حرام لكن جواز البنات الصغيرة حلال

اجابة لكل اسألتك انا مش معترض على اسلوب البابا فى السياسة انا معترض أصلا على دخوله حلبة السياسة مفهوم ده و لا مش مفهوم؟؟؟
هاتقوللى البابا مادام دخل السياسة يبقى بيتصرف صح؟؟؟
هاقولك انت و هو على عينى و راسى بس انا شايفه غلطان بليون المية
لان المنطق بيقول ان الدين لما يخش السياسة ده بيخرب و ده بيخرب و الناس عندها التاريخ تقرا و تشوف و تتعلم
سيادتك تسمع عن حال اوروبا فى القرون الوسطى؟؟؟؟ أشك لانك من كلامك واضح انك ولا سمعت عنها

GOD SAVE US

19-02-2007, 03:57 PM

اجابة لكل اسألتك انا مش معترض على اسلوب البابا فى السياسة انا معترض أصلا على دخوله حلبة السياسة مفهوم ده و لا مش مفهوم؟؟؟
هاتقوللى البابا مادام دخل السياسة يبقى بيتصرف صح؟؟؟
هاقولك انت و هو على عينى و راسى بس انا شايفه غلطان بليون المية
لان المنطق بيقول ان الدين لما يخش السياسة ده بيخرب و ده بيخرب و الناس عندها التاريخ تقرا و تشوف و تتعلم
سيادتك تسمع عن حال اوروبا فى القرون الوسطى؟؟؟؟
أشك لانك من كلامك واضح انك ولا سمعت عنها

سلام ومحبة

نعم لم اسمع عنها

يكفي أن تكون أنت قد سمعت عنها

لا تشتت الموضوع

اين إجابة اسئلتي ؟؟؟

مع الشكر

sammy

19-02-2007, 03:58 PM

الظاهر كمان نسينا القراءة فضلا عن الفهم!
[QUOTE][يعنى مثلا ياأخ سامى لو البابا قال جواز بنات 9 اعوام صح
هاتيجى انت تقول البابا بيتكلم صح و ننفذ كلامه لانه البابا مختار من ربنا ؟؟؟ /QUOTE]

ممكن سيادتك تدلنى أين بالضبط قرأت لى أن ربنا إختار البابا؟؟؟
ممكن يعنى على الأقل نقرأ قبل ما نتكلم... بلاش نفكر بس نقرأ, ممكن؟

مش عاوز البابا يتكلم فى السياسة؟ ماشى كلامك وانا كمان موافق... لكن هل ممكن تقوللى ياحضرة مين اللى يتكلم فى السياسة عن الأقباط فى الوقت الحالى والظروف الحالية؟ حضرتك؟ ولا فى حد تانى فى تفكيرك مثلا عشان برضه نشوف يعجبنا ولا لأ؟ وإذا عجبنا هايعجب غيرنا ولا لأ؟ وإن عجب غيرنا هايعجب غير غيرنا وغير غير غيرنا ولا لأ؟
ياعزيزى الذئب الوحيد مش عيب أبدا إننا نفكر غلط أو تركب فكرة غلط فى راسنا... أنا شخصيا ياما حصلت لى, بل من المحتمل جدا أن تكون أفكارى هنا غلط وأفكارك أنت صح... لكن لا بد أن يكون لنا قائد ونرضى ونثق فى قيادته ولو يتهيألنا إن قرارارته مش هى الصحيحية والمركب اللى ليها ريسين بتغرق... وتخيل إن فيه مركب وكل واحد متهيأله إن القبطان بتاع المركب مش صح وإنه مش لازم يكون قبطان بل لازم يكون 1ضابط أول او ريس بحارة بس... مثلا مثلا...
تمشى المركب؟
طبعا لأ.
سلام ومحبة

موسي الأسود

19-02-2007, 03:58 PM

من قال أن قداسة البابا لم يسمح بالمطالبة بالتعديل؟
المقال الخايب يضع عنوانا مثيرا، بأن قداسته يحذر الأقباط من المطالبة بتعديل المادة الثانية
بينما فحوى المقال تتحدث عن الإلغاء وليس التعديل، كما أن الأنبا مرقس أعلن فى لقاء مصور سابق المطالبة بتعديل المادة الثانية من الدستور وليس المطالبة بالإلغاء، وضرب أمثلة عديدة تستخدم فيها المادة الثانية وتضر بنصها الحالى بالأقباط

أسف يا عم سامى على الإقتباس من مشاركتك، لكن الكلام عام وغير موجه لك بصفة شخصية

بدووووووووووووووووووووووووووووون تعليق .........................

sammy

19-02-2007, 04:03 PM

كلمة أخيرة
حكاية لو حصل كذا ولو حصل كذا دى مش طريقة مناقشة دى طريقة حلق حوش..

وممكن نسألك هل تظل مسيحى لو أن المسيح كان قد قال ممكن تتجوز بنت سبع سنوات؟
طب لو ثلاثة سنوات؟
وهكذا وهكذا يصبح الأمر مسخرة فأرجو الإلتزام بالموضوع وبالواقع...

churchill2

19-02-2007, 04:05 PM

اية اللي بيحصل يا جماعة
هو انا اغيب شوية عن المنتدي اجي الاقيكم ماسكين في شعر بعض
اولا احنا لسة مش عارفين مقدار التحريف الذي مارستة صحيفة الأخواني اليوم
انا متأكد ان هناك تحريف ولكن الأختلاف هو فقط في مقدار هذا التحريف
ثانيا
ليس من حق البابا او اي شخص اخر ان يعارض نقطة هي محل اجماع للشعب القبطي (الا في قوانين الكنيسة والشئون الدينية فقط)
ونتذكر ان في ثورة البشموريين تعاون البابا مع الخليفة الأسلامي ليهدئ ثورة البشموريين وكانت النتيجة هي الأبادة الجماعية للبشموريين

###
ـــــــــــــــــــــــــــــــــ
عندما تريد قول رأيك فلك ذلك
لكن عندما تتحدث عن قداسة البابا أتمنى أن يكون ذلك بأدب
مهما كانت درجة اختلافنا مع الأخ هوني فليس من حق الأدارة ابدا ان تتبع هذا الأسلوب الأقصائي معة
الموضوع ما يستاهلش اللي احنا بنعملة يا جماعة واعتقد انة كان من الأحري ان نتعامل معة بسياسة "كبر الجمجمة " يعني ندخل التصريحات دي من الودن اليمين ونطلعها من المناخير الشمال

AleXawy

19-02-2007, 04:08 PM

اية اللي بيحصل يا جماعة
هو انا اغيب شوية عن المنتدي اجي الاقيكم ماسكين في شعر بعض
اولا احنا لسة مش عارفين مقدار التحريف الذي مارستة صحيفة الأخواني اليوم
انا متأكد ان هناك تحريف ولكن الأختلاف هو فقط في مقدار هذا التحريف
ثانيا
ليس من حق البابا او اي شخص اخر ان يعارض نقطة هي محل اجماع للشعب القبطي (الا في قوانين الكنيسة والشئون الدينية فقط)
ونتذكر ان في ثورة البشموريين تعاون البابا مع الخليفة الأسلامي ليهدئ ثورة البشموريين وكانت النتيجة هي الأبادة الجماعية للبشموريين

بأدب
مهما كانت درجة اختلافنا مع الأخ هوني فليس من حق الأدارة ابدا ان تتبع هذا الأسلوب الأقصائي معة
الموضوع ما يستاهلش اللي احنا بنعملة يا جماعة واعتقد انة كان من الأحري ان نتعامل معة بسياسة "كبر الجمجمة " يعني ندخل التصريحات دي من الودن اليمين ونطلعها من المناخير الشمال

>> راجع كلامك يا باشا <<..
وركز شويتين قبل ما تكتب..

churchill2

19-02-2007, 04:30 PM

>> راجع كلامك يا باشا <<..
وركز شويتين قبل ما تكتب..

عيني
اركز 3 شويات مش شويتين
بس اركز علي اية ؟!!!!!!!!!!!
هو انا قلت كلمة ابيحة ومش واخد بالي !!!!!!!

scorpion_man

19-02-2007, 06:29 PM

عاوز ارد عليكم مش عارف اقول ايه لاكن كل ما اقوله اتركوا هذا الموضوع لحكم التاريخ وقتها ستتضح الامور جليا ان البابا ريه هو الصائب ولولا حكمه البابا لمات الاقباط ذبحا فى كثير من المواقف
وان لم يكن ما تريد فارد ما يكون
وصدقونى الى هيحصل الى هما عاوزينه فخليها تيجى بجميله مننا بدل متيجى غصب عننا

AleXawy

19-02-2007, 06:36 PM

عيني
اركز 3 شويات مش شويتين
بس اركز علي اية ؟!!!!!!!!!!!
هو انا قلت كلمة ابيحة ومش واخد بالي !!!!!!!

كلامك كلة تجريح يا باشا !

مثلاً :
ليس من حق البابا او اي شخص اخر ان يعارض نقطة هي محل اجماع للشعب القبطي
ليه نسيت ان فيه حاجة اسمها حكمة ؟!
وهل يوجد من هو اكثر حكمة من البابا ؟؟ ومن هو ؟؟

مهما كانت درجة اختلافنا مع الأخ هوني فليس من حق الأدارة ابدا ان تتبع هذا الأسلوب الأقصائي معة
اومال المفروض ان الإدارة تعمل ايه ؟؟
تقول برافو علي كلام خارج ؟؟ ( مع احترامي لهني طبعاً ).

يعني ندخل التصريحات دي من الودن اليمين ونطلعها من المناخير الشمال
بذمتك ده اسلوب مسيحي ؟؟
هل المسيحية بتقولك " كبر الجمجمة " ؟؟

ولا بتقول " أَطِيعُوا مُرْشِدِيكُمْ وَاخْضَعُوا ، لأَنَّهُمْ يَسْهَرُونَ لأَجْلِ نُفُوسِكُمْ " (عب 13 : 17)

besoo

19-02-2007, 06:59 PM

صدقونى الموضوع مايستاهلش
ده صحفى قذر فى جريده قذره

ارجوكم لا تعطوا الموضوع اكبر من حجمه

اكرر رجائى مره اخرى لا تعطوا الموضوع اكبر من حجمه الطبيعى و سوف تظهر مع الايام حقيقه ما قاله البابا شنوده

honeyweill

19-02-2007, 07:47 PM

شكرا للاخ تشيرشل ......................... معلش هما الاقباط كده
................................................
مع اني اتحدي الاداره تحط ردي تاني والناس تحكم انا ايه الغلط الي قلته
................................................
انا مش داخل المضوع ده تاني ولا ليها لزمه علي راي المثل انا واجع دماغي وبحرق دمي علي ايه علشان الاقباط ياسيدي من جملت الاضطهاد مدام هما راضيين
اوجع راس ليه بقيت انا وحش وببث سموم
كده جميل اوي
الرب يبارك الاقباط والجميع

scorpion_man

19-02-2007, 07:48 PM

صدقونى الموضوع مايستاهلش
ده صحفى قذر فى جريده قذره

ارجوكم لا تعطوا الموضوع اكبر من حجمه

اكرر رجائى مره اخرى لا تعطوا الموضوع اكبر من حجمه الطبيعى و سوف تظهر مع الايام حقيقه ما قاله البابا شنوده

كلامك جميل جدا وانا متفق معاك فى هذا الرائ
كلام كتير بينسب للعظماء علشان يعطى له قيمه وهو بدون نسبه ليس له اى قيمه

The_Lonley_Wolf

19-02-2007, 07:57 PM

الظاهر كمان نسينا القراءة فضلا عن الفهم!
[QUOTE][يعنى مثلا ياأخ سامى لو البابا قال جواز بنات 9 اعوام صح
هاتيجى انت تقول البابا بيتكلم صح و ننفذ كلامه لانه البابا مختار من ربنا ؟؟؟ /QUOTE]

ممكن سيادتك تدلنى أين بالضبط قرأت لى أن ربنا إختار البابا؟؟؟
ممكن يعنى على الأقل نقرأ قبل ما نتكلم... بلاش نفكر بس نقرأ, ممكن؟

مش عاوز البابا يتكلم فى السياسة؟ ماشى كلامك وانا كمان موافق... لكن هل ممكن تقوللى ياحضرة مين اللى يتكلم فى السياسة عن الأقباط فى الوقت الحالى والظروف الحالية؟ حضرتك؟ ولا فى حد تانى فى تفكيرك مثلا عشان برضه نشوف يعجبنا ولا لأ؟ وإذا عجبنا هايعجب غيرنا ولا لأ؟ وإن عجب غيرنا هايعجب غير غيرنا وغير غير غيرنا ولا لأ؟
ياعزيزى الذئب الوحيد مش عيب أبدا إننا نفكر غلط أو تركب فكرة غلط فى راسنا... أنا شخصيا ياما حصلت لى, بل من المحتمل جدا أن تكون أفكارى هنا غلط وأفكارك أنت صح... لكن لا بد أن يكون لنا قائد ونرضى ونثق فى قيادته ولو يتهيألنا إن قرارارته مش هى الصحيحية والمركب اللى ليها ريسين بتغرق... وتخيل إن فيه مركب وكل واحد متهيأله إن القبطان بتاع المركب مش صح وإنه مش لازم يكون قبطان بل لازم يكون 1ضابط أول او ريس بحارة بس... مثلا مثلا...
تمشى المركب؟
طبعا لأ.
سلام ومحبة

انا فاكر انك قلت حاجة زى كده فى الموضوع التانى عموما لامؤاخذة العتب عالنظر

فى مثل بيقول الغلطتين ماتعملش صح واحدة
اللى اقصدة ان مش عشان مفيش قيادة سياسية للاقباط (اول غلطة)
نقوم نخلى البابا راس القيادة السياسية (الغلطة التانية)
ماينفعش ابدا نصحح الغلط بغلط برضو احنا كده بنزود المشكلة مش بنحلها

معنى كلامك ان الوحدة و المركزية لينا كأقباط أهم من قيادة مختصة مخضرمة سياسيا و انا مش متفق معاك لانى لسه مقتنع ان الغلط عمره مابيتعالج بغلط

الحل انه يبقى فى قيادة غير كنسية لها خبرة سياسية منتخبة
لو مفيش الكلام ده يبقى نسعى عشان نحققه مش نجيب البابا و نقول قائد نتجمع حواليه و المركب ام شراعين تبرطع و ام ريسين تغرق و مش عارف ايه لا ماينفعش الكلام ده خالص

شالوم

The_Lonley_Wolf

19-02-2007, 08:05 PM

من قال أن قداسة البابا لم يسمح بالمطالبة بالتعديل؟
المقال الخايب يضع عنوانا مثيرا، بأن قداسته يحذر الأقباط من المطالبة بتعديل المادة الثانية
بينما فحوى المقال تتحدث عن الإلغاء وليس التعديل، كما أن الأنبا مرقس أعلن فى لقاء مصور سابق المطالبة بتعديل المادة الثانية من الدستور وليس المطالبة بالإلغاء، وضرب أمثلة عديدة تستخدم فيها المادة الثانية وتضر بنصها الحالى بالأقباط

أسف يا عم سامى على الإقتباس من مشاركتك، لكن الكلام عام وغير موجه لك بصفة شخصية

يااخ مكة كولا و هو ليه يتكلم فى السياسة اصلا؟؟؟
بغض النظر بقى بيدعم انهى راى ولا بيقول ايه

AleXawy

19-02-2007, 08:08 PM

شكرا للاخ تشيرشل ......................... معلش هما الاقباط كده
................................................
مع اني اتحدي الاداره تحط ردي تاني والناس تحكم انا ايه الغلط الي قلته
................................................
انا مش داخل المضوع ده تاني ولا ليها لزمه علي راي المثل انا واجع دماغي وبحرق دمي علي ايه علشان الاقباط ياسيدي من جملت الاضطهاد مدام هما راضيين
اوجع راس ليه بقيت انا وحش وببث سموم
كده جميل اوي
الرب يبارك الاقباط والجميع

ايه يا هني !!
انت قفشت ليه كدة ؟؟

شكلك زعلت مننا !!

besoo

19-02-2007, 08:21 PM

مع اني اتحدي الاداره تحط ردي تاني والناس تحكم انا ايه الغلط الي قلته

الحبيب هنى
العمليه مش تحدى ولا حاجه
شوف مين الى مسح ردك و اتكلم معاه على الخاص
اكيد هو ليه وجه نظر فى مسح ردك

انا مش داخل المضوع ده تاني ولا ليها لزمه علي راي المثل انا واجع دماغي وبحرق دمي علي ايه علشان الاقباط ياسيدي من جملت الاضطهاد مدام هما راضيين
اوجع راس ليه بقيت انا وحش وببث سموم
كده جميل اوي

محدش يقدر يقول عليك كده
انت اضافه كبيره لينا فى المنتدى
و انا شخصيا احترمك جدا و اقدر رأيك
فما الداعى لمثل ذلك الكلام

The_Lonley_Wolf

19-02-2007, 08:23 PM

طيب عشان اريحك ياعم gad save us

هل أنت تعرف كل ما يتعلق بالمواضيع المطروحة والتي تعترض عليها ؟؟؟

هل لديك الخبرة والطريقة في التعامل مع رؤساء الدولة في مواقف مماثلة ؟؟

هل وضعت نفسك ولو مرة بدلا من قداسته ( في كل شيء )

اجابة السؤال الاول: لا ماعرفش طبعا
اجابة السؤال التانى: لا مش عندى
اجابة السؤال التالت: اه كتير و لقيت حلول كتيرة امال انا متضايق ليه؟؟

ارتاحت بعد لما جاوبت اسئلتك؟؟
اهم حاجة تبقى مبسوط

sammy

19-02-2007, 08:43 PM

مش عارف أضحك ولا أعيط...
واحد بيقوللك إن فيه إجماع من الأقباط على رأى والبابا مش ماشى عليه!!!!!؟؟؟؟؟

طبعا الإجماع ده فى دماغ سيادته هو فقط...
ولما فيه إجماع من الأقباط أمال إحنا والبابا إيه.... مسلمين؟؟؟
أو يمكن مسلمين ولا نكون مسلمين؟؟؟؟؟؟؟؟
شىء يجنن...

وبعدين واحد متضايق عشان عنده حلول مختلفة كتير!؟؟؟
زى ماسألت سابقا... هل عند سيادتك سابقة أعمال عشان نطمئن للحلول بتاعت سيادتك... ولا بعد شوية هتقول لنا آخ... أصل حصل... ماكنتش واخد بالى... أو يمكن تقولنا هو كده واللى مش عاجبه يشرب من البحر...
أما ليه البابا يتكلم فى السياسة أصلا...
معلهش سامحه... غلط... مبسوط؟
كلام البابا فى السياسة غلط؟ ماشى... كلامك إنت صح؟ صح قوى يعنى ولا نص نص؟؟؟ عاوزين نفهم برضه...
شالومين وحتة...

هدوا نفسكم شوية ياشباب وضعوا ثقتكم فى قائدكم حتى لو ظننتم أن إختياره ليس هو الإختيار الصائب وبغير ذلك سنفشل وتذهب ريحنا على رأى إخواننا إياهم..
ومافيش حاجة إسمها إجماع.. دايما فيه إختيارات والقائد هو الذى يقرر وعلى الشعب أن يتبعه... والقائد الحالى هو البابا والأيام اثبتت حسن إختياراته فلماذا نقلل من تعضيده الآن... هل نشكك فيه أم نعضده فى كل طلباته؟
وارجو المسامحة من أى أحد أكون قد جرحت مشاعره..
وسلام ومحبة من القلب...

besoo

19-02-2007, 08:54 PM

هدوا نفسكم شوية ياشباب وضعوا ثقتكم فى قائدكم حتى لو ظننتم أن إختياره ليس هو الإختيار الصائب وبغير ذلك سنفشل وتذهب ريحنا على رأى إخواننا إياهم..
ومافيش حاجة إسمها إجماع.. دايما فيه إختيارات والقائد هو الذى يقرر وعلى الشعب أن يتبعه... والقائد الحالى هو البابا والأيام اثبتت حسن إختياراته فلماذا نقلل من تعضيده الآن... هل نشكك فيه أم نعضده فى كل طلباته؟
وارجو المسامحة من أى أحد أكون قد جرحت مشاعره..
وسلام ومحبة من القلب...

سلمت اناملك استاذى سامى 10():

10)10 10)10 10)10 10)10

The_Lonley_Wolf

19-02-2007, 08:55 PM

هاها حلوة شالومين و حتة دى ياسامى باشا
بص يامعلم لا انا هاقتنع بكلامك و لا انت هاتقتنع بكلامى
عشان كده تلاقى منطقتنا من اكتر المناطق استهلاكا للكلاشنكوف
و السلام ختام يامعلم

AleXawy

19-02-2007, 08:59 PM

سامي باشا ،
انت اللي فاتح الموضوع فهل تسمح بغلقه بعد اذنك ؟؟

besoo

19-02-2007, 09:45 PM

سامي باشا ،
انت اللي فاتح الموضوع فهل تسمح بغلقه بعد اذنك ؟؟

رجاء الى الاداره بغلق الموضوع

مع الاعتذار لباقى الاعضاء

sammy

19-02-2007, 10:33 PM

سامي باشا ،
انت اللي فاتح الموضوع فهل تسمح بغلقه بعد اذنك ؟؟

مضطر أن أحترم رغبتكم رغم أنى مش كنت عاوز أقفله أنا كنت عاوز أثبته...
لأن كل مرة البابا يتخذ فيها قرار يطلع لنا فيها زيط ومعيط ونطاط الحيط (والله العظيم ما اقصد أى واحد من المشاركين أو المتحاورين فى هذا الموضوع بالذات لكن الكلام عمومى عن الكل وعن جميع المواضيع) باقول كل مرة يطلع لنا واحد رأيه مختلف عن رأى البابا وهات ياشتيمة أو كلام بدون أى إحترام...
البابا مش يسوع ولا الله ويمكن كتير ارائهم أفضل من أراءه لكن هو القائد ولغاية ما يعين قائد غيره يجب أن نظل جميعا نحترمه ونسمع لأوامره حتى لو قال لى إرمى نفسك فى النيل...
وعشان خاطركم موافق على غلق الموضوع...
سلام ومحبة

besoo

19-02-2007, 10:37 PM

شكرا يا استاذ سامى لتفهمك و سعه صدرك

+++++++++++++++++++++++++

menaa2005

20-02-2007, 01:13 AM

احبائى من غير عصبية وكلام جامد
انا عندى رأى صغير جدا قبل ماالموضوع يتقفل
قداسة البابا شنودة شخصية تاريخية عظيمة شخصية اول مانذكرها كلنا بنشعر بالسعادة والبركة
قاد شعبه القبطى بحنكة وحكمة وشجاعة فى عصر امتلأ بالجبناء وبالتحايل وبالمكر وبالتعصب مفيش قرار اخده البابا كان مضر للغاية نقدر نقول انه ضيعنا ، ولكن هناك مواقف كتيرة اخذها البابا لحماية شعبه من اخطار كادت ان تقضى علي شعبنا القبطى فإنجازات البابا شنودة واضحة للجميع .ولكن...
من حقى ان اعترض على موقف او قرار لاننا بشر والاختلاف جائز ولكن اين اعترض وبأى طريقة هنا الاختلاف.
البابا ممكن يغلط لان الارثوذكسية لاتعتقد فى عصمة البابا ولكن وان اختلفت معه فيجب ان انفذ قراره لانه يعتبر قرار كنسى وده اقوى من القوانين المدنية بالنسبة لى فإن كنت بأنفذ قرارات الدولة وقوانينها وان لم اوافق على بعضها فكم بالاحرى قرارات الكنيسة
اما موضوع عمل الكنيسة فى السياسة . فكلنا نتمنى ان الكنيسة تبعد عن السياسة ولكن فى الوقت الحالى مفيش غير الكنيسة ، والخطأ وارد فى السياسة ، رؤساء الدول العظمى بيغلطوا اذن فالكنيسة المتمثلة فى البابا معرضة للخطأ ، فنصبر ونحاول نساند كنيستنا ونقف جنبها ، الكنيسة دلوقتى بتتكلم وبتناقش وبتحاور بخبرة سياسية عالية وشوفوا الانبا مرقص لما اتكلم على المادة الثانية للدستور وشوفوا ابونا مرقص عزيز وهو واقف امام وزارة الاوقاف والمجتمع المسلم فى مشكلة كتاب محمد حمارة .
اذن الكنيسة رأيها ومطالبها بتعبر عن اللى كلنا عايزينه لان الكنيسة يعنى احنا واحنا يعنى الكنيسة فالصبر مطلوب لغاية ماالمؤسسات والمنظمات بتاعتنا يكون لها صوت قوى فى المجتمع المصرى وتساند الكنيسة بقوة بعد كده الكنيسة تبتدى تنسحب من العملية السياسية ، ولكن كل ده مش هاييجى فى يوم وليلة فرفقا بالكنيسة ورفقا بالشعب القبطى المحاصر وبلاش انشقاقات .
من رأيى لو نفتح موضوع يحتوى على قراراخدته الكنيسة ونناقشه هايكون مفيد اكتر من الموضوع ده اللى بيفرق بيننا على اساس مين مع البابا ومين ضده ولكن انا واثق ان كلنا هنا بنتكلم علشان اهلنا وعلشان قضيتنا اللى مش ممكن ننسوها .
وربنا يحميكم كلكم
اخوكم الصغير