لذوى القلوب الرحيمة

[makakola]

بيت المحبة هو الاسم الذي اختاره أعضاء كورال قلب يسوع قلب مصر ليكون الاسم للمكان المقيمين فيه وهو بيت بسيط لتربية الكفيفات وله دور هام وفعال في حياة أفراد الكورال الدور الذي أدى للوصول بكل أفراد الكورال إلى الدراسات الجامعية وبمجاميع رائعة وأكثر من رائعة

http://heartjesus.heartegypt.googlepages.com/280x200_2.jpg

هؤلاء الكفيفات يجتاجن بعض المساعدة المادية الأن لينتقلوا من مكانهم الحالى لتعرضهم لبعض المضايقات

فلمحبى عمل الخير والمساعده يجد التفاصيل على الرابط التالى
http://heartjesus.heartegypt.googlepages.com/

[boulos]

شكرا حبيبى مكا كولا على الموضوع والتنبيه. أعتقد ان كلنا لازم نشارك فى حاجة زى كده.

[The_Lonley_Wolf]

+ نداء مهم جدا +
+++++++++

http://heartjesus.heartegypt.googlepages.com/

الى كل قلب حنين و كل قلب رحيم.
برجاء زيارة هذا الموقع دة وياريت لو تقدر أو تقدرى حتى لو بأى مبلغ
نساعد الشابات دول زور الموقع اولا وياريت نكمل قراءة الكلام اللى كاتبة
البنات دى للاسف محرومين من نعمة الابصار.
النعمة دى احنا مش مقدرنها أوحتى بنشكر ربنا على نعمتها
النعمة دى للاسف احنا مش بس مش بنشكر على ان ربنا مديهالنا.
دة كمان للاسف بنستغلها فى الشهوات والمناظر اللى بتحزن أبونا السماوى
وممكن بتكون سبب رئيسى لشهوة الجسم كلة.
البنات دى عاملين كورال جميل اسمة قلب يسوع
محتاجين مساعدتنا بجد عشان يكملوا مشوارهم

أنا مش جاى عشان أحاسب حد بالعكس أنا كلى خطية سامحونى بس عاوز أحكى
اية سبب ندائى دة.
السبب هو ان البنات دى عايشة فى شقة صغيرة جدا فى حى الهرم والشقة دى
موجودة وسط جماعة من الاخوان والجيران الغير مسيحية بمنطقة المطبعة
بالهرم.
صدقونى أبسط حقوق ليهم مش قادرين يعيشوها.
مجرد أما البنات دى بترنم لرب المجد بيسمعوا كلام منتهى السخرية.
للاسف عشان بيرنموا اتعمل كذا محضر ازعاج ليهم من الجيران .
دة غير الكلام اللى بيتقال و هم ماشيين فى الشارع الضيق جدا اللى يقع
فية المعهد
اللى بترعاهم بنعمة ربنا طاسونى سهير بنعمة ربنا سافرت بيهم الولايات
المتحدة الامريكية
وعملت معاهم أكثر من كورال كنسى كان الرب معها.
البنات دى مش طالبة حاجة صعبة او معونة من انسان
بس عاوزين يعيشوا مرتاحين بعيد عن المضايقات وأساليب الاستفزاز اللى قلت
صورة مبسطة عنها.
بنعمة ربنا طاسونى والزملاء اللى ربنا قدرهم لرعاية البنات دول قدروا فى
منطقة الهضبة بالهرم يلاقوا فيلا صغيرة بسيطة جدا تناسب حياتهم ويمارسوا
فيها أبسط حياة تمجيد لرب المجد من تسابيح و تراتيل و تدريبات روحية
بنعمة ربنا كان ثمن الفيلا حوالى 300000جنية مصرى قدروا من عطايا ربنا
يجيبوا حوالى نصف المبلغ وفاضل النصف الثانى
وأنا بسعى من كل طريق أحاول أشوف اى سكة مع حد من ولاد ربنا يساهم فى
تكملة باقى المبلغ.
المبلغ اللى قدرت الجمعية تحصلة عن طريق المعونات والتبرعات من الخارج
والداخل
ومدام سوزان مبارك أما سمعتهم وشافت المجهود المبذول اللى وصلتلة
البنات دى ونعمة ربنا فيهم قد اية صدقونى تكريما للبنات دى السيدة
سوزان مبارك انحنتلهم تبجيل لذاتهم بس التعاطف وحدة مش مجدى.
أنا بكتب لكم دلوقتى عشان لو انت او انتى تعرفوا حد من ولاد ربنا يقدر
يساهم او يساعد فى تكملة باقى المبلغ مش هوصفلكم ثوابة عند رب المجد
هايكون قد اية.
أنا اتأثرت جدا أما سمعت قصتهم وافتكرت قد اية ياما بصرف فلوس عشان
الشهوة وأمور العالم ولذتة ولحاجات ماتستاهلش والحاجات الضرورية وشدة
الاحتياج أنا غفلان عنها

وقول ربنا (أريد رحمة لا ذبيحة).
الامانة طاسونى سهير بتحاول انها تتقابل مع كهنة كنايس مصر الجديدة
وبيوت كتيرة من كنايس ربنا بس للاسف مشغوليات الكهنة مابين الافتقاد
والاجتماعات وحل المشاكل الزوجية والاعترافات و............ ...
وياريت لو انت أو انتى تقدروا توصلوا كلامى أو ندائى لحد من الكهنة أوحد
من ولاد ربنا المقتدرين عشان نساهم فى تكملة باقى المبلغ وأنا واثق ان
ربنا مابينساش ولادة.

(خرافى فى يدى لا أتركها)

أرجو من كل انسان يقرا الكلام دة يوصلوا الى كل منتدى كنيسة بيراسلة
ويساعد فى نشرة الى كل ارجاء كنايس ربنا فى مصر و خارجها عشان البنات
دى تقدر تكمل باقى المبلغ المذكور وتعيش ابسط أمور حياتها متنعمة بمحبة
ربنا

أذكرونى فى صلواتكم وسامحونى.

منقول من مجموعة بريدية لضمان اكبر عدد من المشاهدة