طاب مشورة: مشكلة فى الهارد

[just_jo]

سلام لكم ...

عندى مشكلة قديمة حديثة تؤرقنى و هتجننى (do:)(do:)

انا كنت تغيبت عن المنتدى بسبب مشكلة فى الكمبيوتر سببها لى انقطاع فى الكهرباء

حيث ان منذ ذلك الحين عندما كنت افتح الجهاز لا يعطى اى اشارة على الحياة
شاشة سوداء

فجربت و شلت كل وصلات الIDE
و ركبتهم واحدة واحدة المهم النهاية انى افتكرت ان ربنا ستر و الوضع اصبح طبيعى بعد ما الكمبيوتر اشتغل تمام المذر بورد شغالة من غير توصيل الهارد

لما بوصل الهارد المذر بتعطى شاشة سوداء و لا تستجيب
المهم مع محاولاتى المستمرة لجعل المذر بورد بعد ما مسحت معلومات البيوس لتتعرف و ترى الهارد و تشتغل طبيعى لانى كشفت على الهارد عند واحد من اصحابى و شغال تمام

فكنت بعمل ريستارت كتير فحرقت الرامة ال256
و افتكرت انى طيرت المذر بورد حيث انى لم استطع تجربتها لكنى جربت الرامة عند زميل و طلعت محروقة


:::::المهم اشتريت بوردة و رامة ::::::::::

و رجعت المنتدى تمام التمام

رجعت المشكلة تانى من فترة مع الحر الشديد

ان كل ما اولع الجهاز يعطى شاشة سوداء كان المذر بورد انحرقت او طار منها البيوس

لكن كل ما اشيل الهارد تشتغل تمام بدون اى مشاكل

المهم جربت مليون حاجة
المهم بردك ان المذر بورد الجديدة حديثة
شركة جيجا بيت

لقيت طريقة لتشغيل الهارد
و هى انى بشيل فيشة الكهرباء و ادوس زرار البور
حوالى من 5 الى 9 مرات

كل محاولة يولع و بعدين يطفى الجهاز خالص و شاشة سوداء
و لما تدوس زرار البور لا يفتح الجهاز اساسا

لازم اشيل فيشة الكهرباء مرات عديدة جدا و ادوس بور
عشان يبتدى يفتح و معظم المحاولات السبعة الاولى دائما فاشلة

لحد ما يكرم و فجأة يشتغل و يتعرف على الهارد من المحاولة التاسعة مثلا crycry

دلوقتى الشغلانة دى فى مرة ثوف تحرق البوكس بتاع كهربة الكيسة او تحرق المروحة بتاعت البروسيسور

و المشكلة دائما فى الهارد مش فى اى حاجة تانية لم ارى فى حياتى هارد يعمل كل هذة المشاكل
و لا اعرف السبب لهذا الجنون

و ماهو الحل
و الغريب ان الهارد هادىء جدا و لا بيطقطق و لا حاجة [ يعنى الهارد الميديا بتاعتة شغالة ما طارتش ]
و مواصفاتة :
الشركة: Western Digital
الموديل :WDC WD1200LB

سعتة التخزينية: 120 جيجا

اللى يعرف فى مشاكل الهاردات يرد عليا اكون شاكر(sml10)

[وطنى مخلص]

صديقى و اخى الحبيب / Just_Jo
كما تعلم انا لست خبيرا و لكنى سأسأل على خبراتى الشخصية فقط
هل تقصد بشاشة سوداء انه حتى لا يظهر cursor و رسالة بأدخال ديسك النظام ؟؟
اعتقد انه لو كانت المشكلة فى الهارد (أما انه تالف او كابل الداتا بينه و بين الموذر مقطوع او كابل الباور اليه مقطوع مثلا) فأن المفروض ان الجهاز يشتغل بيوس و بعد نهاية البيوس كاملا سيطلب البيوس منك ادخال ديسك النظام لانه لم يتعرف على الهارد او لم يحس بوجود هارد اصلا
اذا كان الجهاز شاشة سوداء تماما فلن تستطيع ان تدخل على البيوس لتعرف اذا كان حاسس بوجود الهارد ام لا و لكنك تقول ان الجهاز يعمل بكفاءة بدون الهارد
OK لماذا لا تجرب ان تجعله يعمل بهارد آخر يخص صديق على سبيل التجربة
فمسألة الشاشة السوداء تماما و أى الجهاز لا ينطق اصلا فهذا معناه ان هناك مشكلة فى ال chip set التى تحمل البيوس
حدث معى ما تصفه تماما و كان السبب هو ال chip set و قمت بتغيير الموذر بورد ففى البداية كان يشتغل الجهاز بعد محاولتين ثم بعد ثلاثة ثم بعد اربعة ثم اصبح يشتغل بعد اربعة او خمسة محاولات ثم عشرة ثم صمت تماما
خصوصا ان كابل الداتا الموصل للهارد جديد و انت متأكد ان كابل الباور شغال و يوصل كهرباء للهارد من الباور سورس
و كذلك فانت متاكد ان الهارد سليم بدليل عملها على جهاز الصديق بكفاءة

ربنا معاك و اتمنى من احد الخبراء ان يدلى براى خبير

[موسي الأسود]

اخونا الحبيب just_jo

مع اني لست خبيرا في اي شيء الا اني احب ان اعطي افكارا فقط و يرجي التجريب .

بالنسبة الي حالة جهازك ممكن ان تكون المشكلة في عدة نقاط من أهمها :
1- كابلات الداتا وخاصة كابلات الداتا الموجودة حاليا بمصر في منتهي السوء فيرجي استعمال كابلات اوريجنال .
2- ممكن ان تكون المشكلة في الباور سبلاي و ضعف الفولت او زيادة الفولت 5.5 فولت و 12 فولت وخصوصا بعد احتراق الرام لديك .
3- حضرتك لم تخبرنا بنوع المازر بورد القديم اذا كانت جيجا بايت ام نوع آخر فممكن ان تكون المشكلة في المازر بورد لذلك حاول ان تحصل علي هارد احتياطي من أحد الزملاء ومحاولة تنزيل نظام تشغيل عليه .
4- تأكد من تركيب فان البرسسور بطريقة سليمة وأن سرعتها مطابقة للمواصفات و درجة حرارة المازر و البرسسور طبيعية من الـ Setup الخاص بالمازر بورد بعد فترة تحميل واعادة تشغيل الجهاز .
5- حاول تقسيم الهارد مرة أخري علي جهاز آخر و أن تركبه ماستر علي الجهاز المضيف والذي ستقسم عليه الهارد .
6- حاول ان تركب الهارد الخاص بك بدون اي جنبر علي أول كابل الداتا و ان يكون وحده علي الكيبل لا شريك له (sml9) .
يعني السي دي علي كابل لوحدها و الهارد علي كبل الاي دي الأول بشرط ان يكون في مقدمة الكابل وبدون جنبر .
ارجو ان تحل مشكلتك سريعا و سأفكر لك في اقتراحات أخري لعلها تنفع .
محبتي

[AleXawy]

كان عندي نفس المشكلة دي بالظبط ( تقريباً ).

وجبت مهندس وصلحه في 3 دقايق..

حط سي دي بوتابل ,, واعد يلعب فيه شوية كدة وبعدين الجهاز اشتغل..

[وطنى مخلص]

اعتقد ان اهم خطوة لتشخيص حالة الجهاز هى التجربة بهارد آخر عليه نظم تشغل لترى هل جهازك سيعطى شاشة سوداء ايضا ام سيحس بوجود هذه الهارد و ستعرف هذا من فتح البيوس حيث ستجد به اسم الهارد
لان اغلب الظن ان المشكلة فى السوكيت التى يركب بها كابل الداتا الواصل من الهارد للموذر على الموذر بورد
لأن لو المشكلة فى الهارد فالجهاز لن يعطى شاشة سوداء تماما بل سيشتغل بايوس كاملا و كل ما هنالك انه لن يحمل ويندوز لانه لا يحس بوجود الهارد او لانه يحس بالهارد و لكن غير قادر على القراءة منها

[steven]

انا اعتقد ان هذه مشكلة شحنه Electrostatic في جزء ما من الكمبيوتر - وغالبا ستكون في الموزر بورد واقترح التالي
1- توصيل كابل ارضي بالجهاز - واذا لم يتوفر ذلك هات سلك واحد مللى مصمت يعني مش شعر - وشيل العازل بتاعه من كل السلك - يعني هيبقى سلك عريان - واربط احد اطرافه باي مسمار خارجي في الجسم المعدن للكيسه والطرف الاخر للسلك ثبته بمسمار طوله 5 سم في اسفل الحائط (لا تستخدم مسمار فيشر لان الجزء البلاستيك يعزل المسمار عن الحائط وبالتالي لا تفرغ الشحنه المطلوب التخلص منها -
اذا كنت لا ترغب في دق مسمار بالحائط فيمكنك استخدام سلك طويل عاري تماما - يثبت أحد اطرافه في الجسم المعدني من الكيسه ويوضع باقي السلك تحت سجاده مثلا بحيث يكون جزء كبير منه ملامس بصفه ملاصقه للارض - وكلما كان السلك طويل كلما كان افضل.- يعن الجزء الملامس للارض لا يقل عن متر.
ملاحظه هامه جدا
بعض انواع الموبيل راك الموجوده في مصر تتسبب في ان البيوس لا يرى الهارد وذلك بسبب ان مقاومة الجزء المتصل بكابل الداتا كبيره - وهذه مشكله شائعه -
لذلك مع الرأي بتوصيل الهارد بكابل داتا مباشر ومستقل - وياريت يكون من النوع الشيلد الحديث وثمنه حالي من 25 جنيه الي 30 جنيه - لان هذا النوع من الكابلات انا استخدمه شخصيا - واشعر بفرق سرعه في ال responce .
نفذ وطمني يا شاغلني - LOL

[steven]

افضل ربط المسمار بالحائط - لان بعض انواع السجاد يخرج شحنات - فبدل من ان نفرغ الكمبيوتر من الـ Electrostatics نعطيه نحن شحنه زياده
للمره الثانيه اذا كان عندك موبيل راك استغنى عنه - لان مستوردينا يستوردون اسواء الانواع من جمهورية الصين الشعبيه الديمقراطيه الليبيه !!!!!!!!!!!!!!!!!!!!!

[steven]

في حاجه تاني افتكرتها - وهي انه على الرغم ان كهرباء البريزه متغيره alternative current إلا انه احيانا اذا قلبت وضع الفيشه فذلك ربما يعطي بعض التحسن - وإن كانت هذه النصيحة تخص بالاكثر بعض اجهزة التليفزيون لوجود ما يسمى بالـ line وهذه قصة لا يفيد شرحها هنا - لكن نفذها وخلاص.

[just_jo]

اتشكركم كلكم على الاستجابة السريعة.....

المشكلة ليست فى شحنة كهربية او فى المذر بورد جزئيا على الاقل

فكل الحكاية بيحصل كالتالى بكل تجريدية:

الخطوة [1]
تولع زرار البور بتاع الكيسة و كل شىء تمام فى الكيسة ===> يفتح و تسمع صوت الصفارة و متشفش حاجة على الشاشة كان المذر بورد حست بحاجة غلط و قطعت الكهرباء عن الجهاز كلة
او كان المذر بورد حرقت التشب بتاعت البيوس لان الشاشة سوداء تمام و دة مبيحصلش المذر سليمة لكنها مانعة عن الجهاز الكهرباء بسس الهارد

(يعنى لا تستطيع ان تعمل ريستارت و لا تدوس بور تانى لان الجهاز مغلق عنة الكهرباء بامر من المذر بورد لاحساسها على ما اعتقد بشىء غلط)

الحل للحكاية دى انى بفصل الفيشة و ادوس بور و اكرر الخطوة [1]

حوالى من 5 الى 9 و ساعات يعد ل12 مرة اولع فية و يقطع

لحد ما فى ضربة حظ المذر بورد ترضى عنى و تحب تشغل الهارد
و اوامر البيوس تشتغل و كلة تمام و الهارد متعرف علية

بالنسبة يا استاذ وطنى لتجريب الهارد انا عندى هارد قديم اوى 15 جيجا
جربتة و اشتغل زى الفل الا الهارد ال120 زى ما يكون علية عفريت بالنسبة للمذر القديمة و مركتها "ART" بعد انقطاع الكهرباء من ساعتها و هى مش عايزة تفتح البيوس زى المشكلة بتاعت دلوقتى

بس المذر القديمة كانت بتدينى شرف محاولة ضغط زرار البور و اعادة التشغيل

حتى انى حرقت الرامة القديمة من كتر التجريب و الريستارت عشان المذر القديمة تشتغل و تشوف الهارد ال120 و نفس الحكاية كانت بتشوف الهارد القديم 100%
__[انا كنت بجرب لان سمعت نصيحة واحد خبير قلى امسح الCMOS
بتاع المذر بورد "او المعلومات المتخزنة عليها من اليوزر و هيرجع يشتغل و يتعرف لكن المشكلة ما زالت قائمة و مفيش فايدة العيب فى الهارد و دة الواضح فى المذر الجديدة"

[وطنى مخلص]

مادامت الموذر تعمل عادى مع الهارد القديم اذا لا يوجد اى عيب من قريب او بعيد فى الموذر و لا Chip set و هذا مطمئن لان هذا ما يُخشى منه لانه لا اصلاح لهم غالبا و عند تعطلهما الواحد بيكسر الحصالة و يشترى مكونات جديدة

لكن العجيب هو عمل الهارد على الاجهزة الاخرى بكفاءة ؟؟؟؟
اذا كيف ستبحث عن اصلاح الهارد و هى تعمل على الاجهزة الاخرى بكفاءة

هل انت متاكد انها تصلها كهرباء يعنى بمجرد ضغط زر الباور مصباح البيان الخاص بالهارد يضيئ و لو ثانية واحدة ؟
احيانا فتحات PLUG كابل الباور تتسع قليلا فتجد احد اطرافها الثلاثة غير متصل بالمسمار المقابل له فى الهارد و عند توصيله بهارد اخرى يكون المسمار فيها اكثر سمكا قليلا فإنه يتصل بصورة طبيعية فلماذا لا تنظر داخل ال PLUG الخاصة بكابل الباور المتصل بالهارد لتتاكد من ضيق و ثبات ال girl socket الثلاثة داخل ال PLUG فأحيانا حتى يكون احدهم غير ثابت داخل المادة البلاستيك المصنوعة منها ال plug فيتحرك عند ادخاله او عند تحريك الكابل اثناء تنظيف الجهاز

[yonan_opop]

حل
واسمعني للأخر بص كويس في المزر بوررد
شوف في اي مكسفات منفوخة ( او لونها من فوق متغير ) لو لقيت حاجة زي كده ممكن تكون هي السبب
وده عن تجربة شخصية ابقي غير المكسفات وانشا لله تشتغ البورده كويس