أفكار

[iwcab]

من سنين طويلة وأحمد رجب يقوم ببهدلة رؤساء الوزراء المتعاقبين بطريقة فظيعة وهو يستغل موهبته فى ذلك ، لكن فى نفس اللى بتتم فيه بهدلة رؤساء الوزراء وتجريدهم حتى من ملابسهم ، يتم المحافظة على قداسة من هم أعلى من رئيس الوزراء ولا يتم مسهم بكلمة ، وأى رئيس وزراء لا يجد من يدافع عنه أمام الهجوم الشرس ده - اللى بيتواصل يومياً وبشكل ناجح جداً ومشوق
والموضوع عاوز تفكير فى أسباب الحكاية دية وليه يتم السماح بممرطة رؤساء الوزراء بالشكل ده وإعتبارهم مسئولين عن كل قباحات حياتنا ، وطبعاً هم مسئولين جزئياً ، لكن المسئول الأساسى والوحيد هو رئيس الجمهورية بالإضافة للتراث الإسلامى العربى بكل قيمه المنحرفة
فيه إحتمال كبير إنه بتتم التضحية برؤساء الوزراء لإفتداء رئيس الجمهورية ، وكمان رؤساء الوزراء ليسوا من العائلة الأولى ، لكن هيعمل إيه أحمد رجب لو عينوا جمال مبارك رئيس للوزراء ؟

[fanous2102]

لو جمال مبارك مسك رئاسه الوزراء ها يرسم العاطفين صدقى وعبيد ومعاهم الجنزوري فى نكت فظيعه لانهم سبب وكسه ابن الباشا اللى بيحاول يعمل من الفسيخ شربات

[iwcab]

فيه حاجات كتيرة مهمة بتحصل ولا تذكر هنا فى المنتدى ومنها : منع جريدة القدس العربى من الدخول ، وفيه جريدة الدستور منعوها ، وجريدة الشعب ، وهيكل منعوه من الوصول للناس ، وفى مقال فى جريدة القدس العربى
http://www.alquds.co.uk/index.asp?fname=2004\01\01-24\r095.htm&storytitle=ffالحكومة%20الموازية%20هزمت%20الحكومة%2 0الرسمية%20في%20مصرfff
بيقول إن برنامج رئيس التحرير منعوه ومش معروف من هو الشخص وراء القرار ، وبيقول إن فيه حكومة موازية وهى مجموعة جمال مبارك أصبحت تسيطر على الأمور ، وأبرز عضو فى المجموعة وهو أحمد عز أصبح يحتكر سوق الحديد ورفع أسعاره للضعف
وفى مقال تانى بيتكلم عن الملابس الجاهزة وإن القانون كان عامل تعريفة عالية لإستيراد الملابس الجاهزة وكانت النتيجة إن أصحاب مصانع الملابس الجاهزة كانوا رافعين الأسعار لأقصى درجة
وهكذا يؤدى الفساد الحكومى والخاص والرغبة فى الربح بأى شكل لتدمير المجتمع الذى يحتاج للضمير والمسيحية والعدل حتى يمكن أن ينجو من الهلاك

[Mico]

س: هو الواد دة ماله؟
ص: لسع يا حرام، بيتكلم و يرد على نفسه.
س: يا حرام (sml13) و اللي حصلّه دة من ايه؟
ص: ساعات بيبقى ليه افكار غريبة و اغلب اعضاء المنتدي مش بيدوله فرصة يعبر عن افكاره، و كل مايتكلم يتريأوا عليه.
س: يتريأوا عليه؟ دة بدل ما يقولوله فين الصح من الغلط ولا يحاوروه و يعرفوا وجهة نظره ؟؟
ص: اصلهم حاولوا معاه كتير حتى من ايام المنتدى القديم
س: يعني ايه حاولوا معاه كتير ؟؟ دة اخونا و من مسؤوليتنا
ص: اصله برضو مش بيديك فرصة تتحاور معاه
س: يعني ايه مش بيديك فرصة؟ ايه بيمسك ايدك يعني؟
ص: لأ، يعني مثلاً تقول له: ”عندك كام سنة“ يقوللك ”بلبس مقاس ٤١“
س: برضو ناخده بالهداوة و نتكلم معاه .. الواد دة لو دخل العباسية هيبقى مسؤوليته فى رقابينا.
ص: انا حاولت صدقني كتير، و بحترمه جداً بس زعلان منه عشان مش بيرضي يسمع لحد.
س: خلاص يبقى واحدة واحدة معاه، و اهم حاجة محدش يتريأ عليه او على افكاره و نتكلم معاه بالهداوة.
ص: انا عن نفسى هقوللهم، بس ماتقدرش تتحكم فى تصرفات او لسان البشر.
س: معلش، اهم حاجة نعمل اللي علينا و تقوللهم محدش يتريأ عليه و نتكلم معاه و نعرف وجهات نظره.
ص: خلاص انا هقوللهم

[knowjesus_knowlove]

)hayP) )hayP) )hayP)
(kill: (kill: (kill:
)CRZ:) )CRZ:) )CRZ:) )CRZ:) )CRZ:)

(brv1: (brv1: (brv1:

[Mirage Guardian]

http://www.members.lycos.co.uk/bluerosesmile/Smiles/lol.gif

[iwcab]

شوف ياأخ ميكو .. فيه أفكار شائعة ومسيطرة وممكن تكون غلط ، فيه أفكار نتيجة الإحتلال الإسلامى العربى ، وفيه أفكار نتيجة الإحتلال الغربى العلمانى لعقولنا ، فإحنا لنا ظروفنا الخاصة ، المسلمين أخدوا نصيبهم ، والغرب أخد نصيبه لكن إحنا مالقناش الطريق بتاعنا ( لسه ) فممكن جداً طريقنا يختلف عن الطرق الأخرى وفكرنا يختلف ، ووضعنا فى النهاية هيكون مختلف

[iwcab]

الرئيس مبارك بيقول إن موضوع جمال إشاعة !! ، طب ليه ماطلعتش الشائعات دى على إبن السادات ولا على إبن عبد الناصر ، اللى حصل إن أخبار حدوث عمليات توريث بتجىء من دول كتيرة أفريقية وآسيوية وعربية ، وبعدين جمال بقى فى الحزب الوطنى ( فرع الشباب ) وبعدين إتنقل يلعب مع الكبار وبقى كأنه رئيس الحزب الوطنى ويعطى توجيهات للوزارة ، وبيحضر إجتماعات مجلس الوزراء وله حصة فى الأخبار فى وسائل الإعلام وبيسافر بره كأنه مندوب عن مصر ، وبيعطى تعهدات للدول الغربية ، وسافر مع أبوه للبيت الأبيض ، يعنى كلها مؤشرات تؤكد التوريث والموضوع مش إشاعات

[knowjesus_knowlove]

كاتب الرسالة الأصلية : iwcab
ووضعنا فى النهاية هيكون مختلف

سيبك ياعم يوساب من جمال وأبوه وخلينا فى وضعك إنت...

لو تلاحظ ...
إنت الوحيد اللى فى المنتدى اللى محدش عارف لك راس من رجلين ...
يعنى إنت الوحيد اللى وضعك مختلف..
يعنى لا إنت فجلاوى ولا حتى فكراوى...

إثبت لك على وضع وبلاش لعبة الزءووطة دى....

(bay:))

[iwcab]

أفضل أكون صدقاوى
-----------------------------
فيه ناس عاوزين أمريكا تنجح فى العراق علشان تحرر مصر زى ما عملت فى العراق ، لكن مصر مافيهاش نظام شديد قوى زى بتاع صدام ، ومافهاش بترول ، وبالتالى فهى ليست مغرية لأمريكا
أول حاجة حصلت فى الغرب إنهم قالوا مش عاوزين المسيحية تحكمنا ونحكم نفسنا بنفسنا بعيد عن المسيحية ، وبعدين الأمر تطور إلى إنهم بيتصوروا إن نهضة المجتمع بالديمقراطية والحرية الإنسانية ( حرية الإنسان القديم ) والمسيحية مالهاش دخل ، وإن المسيحية ليس لها تأثير فى المجتمع ، وتطور الأمر بعد كده إلى تصورهم إن كل الأديان ليس لها تأثير فى الإنسان وأن المسلم والمسيحى واليهودى والبوذى والملحد كلهم متساويين ونهضتهم وسعادتهم فى الديمقراطية
وفى الحرب العالمية التانية دمرت أمريكا ألمانيا المسيحية وحاكمت زعمائها ووضعت دستور يمنع فكر الحكام السابقين وحلت الجيش وإحتلت البلد وحكمته وتحولت ألمانيا لبلد حليفة لأمريكا ، وتكرر الأمر فى اليابان البوذية ، ودلوقتى بيكرروا اللعبة فى العراق المسلم ، فهل ستنجح أمريكا فى تكرار اللعبة 3 مرات .. مرة مع ألمانيا المسيحية ومرة مع اليابان الوثنية والتالتة مع العراق المسلم ؟ ، وهل فعلا الدين ليس له تأثير فى الإنسان وإن كل الناس متشابهين ؟ أم سيختلف الأمر ويثبت إن الدين هو المكون الأساسى لشخصية الإنسان ؟
إحتمال كبير إن الأمور تختلف ، وإحتمال يبقى فيه نجاح أمريكى جزئى ، وإحتمال إن أمريكا تنجح جزئياً فى المدى القريب وتفشل كلياً فى المدى البعيد

[knowjesus_knowlove]

(do:) (bob:) (dig:{

[stavro]

أمريكا تتمتاز بأسوأ سياسة خارجية على مستوى الدول الكبرى،والأمبراطوريات التى سادت العالم ولا تملك مقومات الرومان أو الإغريق أو الفرس أو العرب من أجل بسط سيادتهم خارج أراضيهم بالقوة... نقص الثقافة ونقص قراءة التاريخ يجعلهم يرون الشعوب الأخرى بأعين أمريكية. يحاولون تطبيق الديمقراطية فى بلاد ترفض الفكرة، وإن قبلت الفكرة فإلى حين حتى تأتى بحكم إسلامى بغيض ثم تنقلب على أمريكا....
أمريكا لا تتعلم......

[iwcab]

كنت بأنقل روابط المقالات اللى بتعجبنى وبأحطها فى الموقع ، وبعدين بطلت بسبب إختلاف وجهات النظر عن أسباب المشكلة الإسلامية ووسائل علاجها وكذلك بالنسبة للموقف من الغرب ( هل العلمانية هى الحل ؟ ) ، وكذلك بالنسبة لسياسة الغرب فى العراق ، وهى نفس السياسة المفروض إن الغرب هيتعامل بها مع العالم الإسلامى كله
الحل الغربى للمشكلة الإسلامية هو العلمانية والديمقراطية ، العلمانية مش مقبولة إسلامياً لأنه لا صوت يعلو فوق صوت الدين ، والدين الإسلامى هو الشىء الذى يستمد منه المسلمين وجودهم ودولهم ( المؤسسة بواسطة الغزوات الإسلامية ) ، أى أنه لولا الغزوات الإسلامية ما قامت الدول الإسلامية ، ولولا الإسلام ما وصل القادة الحاليين للسلطة ، فالمجتمع الإسلامى عارف إن الإسلام هو وسيلة الوصول للسلطة وهو وسيلة تحقيق مراكز مرموقة فى المجتمع
وبالنسبة للديمقراطية .. فالديمقراطية هى للمجتمع المدنى ، والمجتمع الإسلامى أو مجتمع المسلمين هو مجتمع حربى مؤسس ومستمر بواسطة الحروب والمسلمين يجب أن يكونوا فى رباط ( أى حرب أو إستعداد لها ) إلى يوم الدين ، وكما قال أبونا سرفنت أن مدى الحروب الإسلامية ( المكانى ) هو كل العالم والمدى الزمنى لها هو إلى يوم القيامة ، فالقضية الإسلامية الحالية هى فلسطين ، ولو إستعادوا فلسطين فستصبح القضية هى الأندلس ، ولو إستعادوا الأندلس ستصبح القضية هى إستكمال الغزوات الإسلامية من حيث ما توقفت ، فالمجتمع الإسلامى هو مجتمع حربى وهو فى حالة حرب مستمرة وبالتالى لا يمكن أنه يقبل الديمقراطية ( المخصصة للمجتمع المدنى ) ، طالما الإسلام موجود فالديمقراطية لن تكون موجودة

[iwcab]

س : إنت بتدخل موقع جريدة القدس العربى بتقعد ساعة وبتجىء الموقع هنا تقعد 5 دقائق !!
ص : القدس العربى فيها مقالات وأخبار وحاجات مختارة ، إمبارح قريت إن الجريدة بيتصرف عليها مليون دولار شهرياً ، ففيه فرق بين العمل المحترف وعمل الهواة وفيه فرق بين العمل المجانى والعمل بثمن وبين العمل المنظم والمرتجل
تخيل إنى بأقرأ مثلاً 3 مقالات يومياً من الجريدة يعنى على مدار السنة حوالى ألف مقال بيكلفوا على ناشر الجريدة 12 مليون دولار ، فلو عاوزين حاجة قيمة ومنظمة ومؤثرة فلازم يكون العمل مِتْكلف

[yaweeka]

كاتب الرسالة الأصلية : iwcab
س : إنت بتدخل موقع جريدة القدس العربى بتقعد ساعة وبتجىء الموقع هنا تقعد 5 دقائق !!
ص : القدس العربى فيها مقالات وأخبار وحاجات مختارة ، إمبارح قريت إن الجريدة بيتصرف عليها مليون دولار شهرياً ، ففيه فرق بين العمل المحترف وعمل الهواة وفيه فرق بين العمل المجانى والعمل بثمن وبين العمل المنظم والمرتجل
تخيل إنى بأقرأ مثلاً 3 مقالات يومياً من الجريدة يعنى على مدار السنة حوالى ألف مقال بيكلفوا على ناشر الجريدة 12 مليون دولار ، فلو عاوزين حاجة قيمة ومنظمة ومؤثرة فلازم يكون العمل مِتْكلف



طب ممكن تحل اللغز ده؟
جريدة يتضرف عليها مليون دولار شهريا (اشك فى الرقم"
يعمل بها تقريبا 12 موظف مرتباتهم تصل الى 30 الف استرلينى فى الشهر

تبيع ما لا يزيد عن 300 نسخة بأمريكا كلها بالاضافة الى انها ممنوعة فى اغلب الدول العربية
لا يوجد بها اعلانات تكفى ثمن الطباعة حتى

ممكن تقول لى بأة مين بيصرف عليها؟

[iwcab]

الرقم من موقع أرب تايمز ، وممكن يكون صحيح لأن الجريدة بتصدر 6 مرات إسبوعياً ، ومصدر التمويل فيه أقاويل إن المصدر العراق سابقاً وقطر حالياً

[iwcab]

فيه ناس بيقولوا : المعونة الأمريكية المعونة الأمريكية ، المعونة الأمريكية 70 % منها معونة عسكرية عبارة عن أسلحة .. يعنى لو قالوا إن إجمالى المعونة عبر السنين هو 50 مليار بنلاقى 35 مليار منهم عبارة عن أسلحة
الأسلحة دى بترضى العسكريين وتخليهم راضيين لأنهم بيحسوا إنهم بيكتسبوا قوة جديدة ( لإستعمالها ضد إسرائيل لما يجىء الوقت ) ، وفى نفس الوقت بتوفر جزء من الميزانية ( اللى كانوا هيشتروا به أسلحة ) وما يتوفر لعدم شراء سلاح .. ممكن يعطوه للعسكريين علشان يبقوا مبسوطين ولا يقوموا بإنقلاب
والنهارده أمريكا وأوروبا واليابان والخليج بيعتبروا وحدة واحدة .. فلما أمريكا بتبقى راضية على بلد .. كل الفرقة الباقية يبقوا راضيين عنه ويساعدوه كلهم ، فده اللى بيحصل حالياً وفيه مساعدات كتيرة بتجىء من بلاد متعددة وخصوصاً المذكورين قبل كده ( اللى هم بلاد متقدمة أو غنية ) .. فكل الدول اللى مع أمريكا بتساعد مصر والمساعدات دى متهيألى أضعاف المساعدة الأمريكية ، والمساعدات دى بتتكتب ( لما يتم الإتفاق عليها ) فى الصفحات الداخلية للصحف وبخط صغير ، وبعد كده تدوب ويأخذ أكترها أصحاب النصيب الصالح لتأمين مستقبل الأولاد ، ولا يتم ذكر المساعدات دى فى أدوات الإعلام الجماهيرية ( زى الإذاعة والتليفزيون ) ولا يتم التنويه عنها إلا بإشارة عابرة لكى يشعر الناس إن أى مشروعات تقيمها المساعدات الأجنبية هى من عمل الحكومة وعطاء الحكومة

[iwcab]

أكبر سبب لعدم نجاح المجتمع الإسلامى هو سياسة الكوسة الموجودة فى كل صغيرة وكبيرة من الأمور ، والكوسة يعنى التحيز لأسباب لا علاقة لها بالعدل أو الإنصاف أو المصلحة العامة ، وأول نوع من الكوسة هو الكوسة الدينية يعنى أصحاب دين معين لهم الأفضلية والإكرام عن أصحاب الدين الآخر ، والكوسة التانية هى الكوسة القومية .. يعنى الإنحياز لقومية مستوردة وليس للقومية الحقيقة ، والكوسة التالتة هى الكوسة الشخصية يعنى قرايب وأصحاب كل مسئول لهم الأفضلية على غيرهم من الناس ، والكوسة الرابعة هى الكوسة المالية .. يعنى اللى يدفع ينشأ له مركز عند المسئول أكتر ممن لا يدفع ، واللى يدفع يأخد حقه وأكتر ، واللى مايدفعش مايأخدش حقه
وسبب سياسة الكوسة هو الأنانية والذات والطمع وهى الآفات التى تؤدى لتخلف وفشل المجتمع .. الذى لا ينمو ولا ينجح إلا بإتباع سياسة النزاهة والعدل والأمانة ومراعاة المصلحة العامة

[iwcab]

يظهر إن الغرب فاكر إن عقول الناس هى كرة قدم يشوطوها يمين وشمال براحتهم وعلى مزاجهم : تضارب الآراء حول غزو العراق والأسلحة العراقية ( وكله كذب ) ، وتضارب على قصة القبض على صدام ( ويمكن كله كذب ) ، وتضارب على إنتحار خبير الإسلحة البريطانى ، ولجنة تحقيق بريطانية وكأنها فى العالم الثالث تخرج بنتيجة بتبرئة الحكومة تماماً وأجهزة الإعلام هى المجرمة !!
ومن ناحية تانية باكستان تسرح بينا وتقول إن فيه تعاون بين العلماء الباكستانيين وبين دول تانية بدون علم الحكومة .. تقولش مولد ومزاد على الكذب بالمكشوف وبدون حياء

[iwcab]

يعتبر المال هو عصب الحياة والهدف الأعلى للمجتمع الإسلامى .. الغزوات كان هدفها الأساسى هو المال .. من أسلم كان هدفه هو المال ، القمع والتنكيل من الحكام المسلمين هدفه الأساسى هو الحصول على المال ، فبعد أن يضطهد الحاكم المسلم أعدائه بدعوى خيانتهم أو بإسم توحيد الجبهة لمواجهة العدو .. يخاف أى من كان أن يعترض على الحاكم فى أى شىء فينتهز الحاكم الفرصة ويبدأ فى شفط المال العام كيفما يشاء دون خوف من أن يتكلم أحد أو يعترض ( خوف التعذيب ) ، فى سوريا قام أخ الرئيس السابق بفتح ميناء خاص لحسابه ويقال أنه باع الذهب السورى ، ولا يستطيع أحد أن يتكلم خوف التعذيب ، فكل شىء يجرى فى البلاد الإسلامية هدفه هو المال ، ويستخدم المال فى شراء المتع الجسدانية .. متع للعين ( كالقصور ) ومتع للجسد كالطعام الفاخر أو النساء
---------------------
مش معنى نقد العالم الإسلامى أن الغرب العلمانى على حق ، لكن الجماعة هنا مش بيستحملوا نقد الغرب

[iwcab]

ماحدش علق على تبادل الأسرى بين حزب الله وإسرائيل ، وحزب الله دويلة لها وسائل إعلامها ومنها تليفزيون فضائى ولها جيش وعلم ولها سياسة مستقلة وعندها أسرى وبتتفاوض مع مختلف الدول وبتدعى أنها بتدافع عن لبنان ( جيش لبنان نفسه لا يشتبك مع أحد إلا مع الشعب ) ، وكل موارد حزب الله من إيران ( يقال إن إيران بتدفع سنوياً 100 مليون دولار لحزب الله ) ، وحزب الله نجح فى التعامل مع إسرائيل اللى بتضطر للتراجع بشكل مستمر أمامه ، ويبحث الحزب دائماً عن أى سبب للإشتباك مع إسرائيل لأن لا يوجد سبب لوجوده إلا لمحاربة إسرائيل
وحالياً بيعرض هدنة مع إسرتئيل 10 سنين تقليداً لهدنة محمد مع قريش اللى لم يحترمها محمد وهجم على مكة فجأة وإستولى عليها

[fanous2102]

اسرائيل سوف ترتكب غلطه عمرها لو وافقت
الهدنه دي 100%وراها أسباب خفيه لكن همامافيش من وراهم غير الشر....أكيد بينظموا صفوفهم أو بيحاولوا شراء أو تصنيع أسلحه دمار شامل ...مافيش وراهم غير الشر
وأكيد هانقضوا المعاهده فى أي وقت تحت شعار الحرب خدعه

[iwcab]

الموضوع بقى مستوى ودولة الشيعة الكبرى على وشك الظهور والدولة دى هتبقى متفرغة لمحاربة إسرائيل بعد تحييد أمريكا
-----------------------
سمعت عن حلقة الإتجاه المعاكس اللى قرروا يعاقبوا الجزيرة بسببها .. قلت أدخل أقراها فى موقع الجزيرة ولقيت هناك عدة حلقات ساخنة من الإتجاه المعاكس عن العراق وإيران

[iwcab]

لما جت الحملة الفرنسية عملوا مجلس مش عارف للحكم أو للشورى من رجال الدين المصريين والأدباء والشخصيات العامة ، ودى كانت أول مرة يتعمل مجلس من الشعب المصرى ويطلبوا آرائهم ، لأن الحكم الإسلامى مافهوش آراء .. الدين الإسلامى بيحدد كل القواعد ورجال الحكم من أصحاب السيوف من الغزاة الأجانب وبالتالى مافيش حد له رأى ، وبعد إنسحاب الحملة الفرنسية سلم علماء الدين الإسلامى الحكم لمحمد على اللى قضى على كل المماليك وأصبح الحاكم الأوحد بدون ما يشاور حد
والسيناريو ده هيتكرر فى العراق .. مجلس معين من امريكا هيسلم الحكم لشخص والشخص ده مش هيقبل شريك وهيحرص إنه يكون له حق التصرف فى كل شىء كعادة الحكام المسلمين ، فإسطورة الديمقراطية غير موجودة فى العالم الإسلامى المبنى على الغزو والقوة العسكرية

[koukikou]

لو ده حصل صحيح يبقوا العراقيين محظوظين لأن الناس اللى ممكن تمسك الحكم و تستفرد به فى مواجهة الإسلاميين هم قلائل و معظمهم موالين للغرب و بالتالى هيغسلوا العراق و ينضفوه من العقليات بتاعة اجاهلية الإسلامية إن كانت شيعة و الا سنة - لكن بقى لو مش من حظهم يجى لهم محمد على جديد يبقى قول يا رحمن يا رحيم عليهم لو مسكوهم الشيعة و قلبوها إيران جديدة

[knowjesus_knowlove]

ولو قلبوها إيران جديدة....فهذا سيكون مبرر كاف لأمريكا وإسرائيل لمسحهم من على الخريطة...

[iwcab]

موضوع حزب مصر لازم المسلمين يحاربوه لأنه إذا كان الغزو الإسلامى مؤذى فمعنى كده إن الإسلام يسبب الأذى وشرير ، لكن دلوقتى بيقولوا إن الغزو كان عمل خير أدى لتحرير مصر وده يعنى أن الإسلام خيّر ، بالإضافة إنه لو إستقر الأمر أن مصر مصرية فمعنى كده حرمان الجحافل التى تربح من اللغة العربية من عوائدها
أعتقد إن الحزب هيرُفَض طالما بيقولوا إن الدستور ينص على عروبة مصر ، لكن إستمرار الجدل حول الموضوع ممكن يؤدى لترخيص الحزب

[knowjesus_knowlove]

وهل الدستور مقدس حتى لايمكن تغييره؟؟؟
....لقد تغير الدستور عشرات المرات ويجب أن يتغيرلو وجدت القوة الفاعلة لتغييره....
واجب الأقباط والمسلمين المتنورين هو دعم هذا الحزب لإعادة مجد مصر الحرة مرة أخرى...
بالطبع سينعق بوم الإظلام الإسلامى...ولكن أنا متفائل بالموافقة على هذا الحزب

[iwcab]

سمعت إنه فيه ناس بتقف فى الطريق الزراعى يبيعوا اقفاص فاكهة ، أول صف ( وش القفص ) فاكهة من أحسن نوع ، وبعد كده كل اللى تحت فاكهة رديئة لا تؤكل ، والطريقة دى تلخص سياسة العالم الإسلامى وعالم المسلمين ، شكل خارجى براق ومعتنى به ، وداخل يعج بكل أنواع التجاوزات وعدم الإلتزام ، وأكبر جريمة عندهم وفى حقهم هو من يعبث ( بوش القفص ) فالعبث فى وش القفص يعنى ظهور الحقيقة وضياع قدرة المسلمين على الخداع والتغرير وبالتالى ستتوقف أحوالهم وارزاقهم ، فوش القفص هو مصدر المنافع لهم وعليه تتوقف كل حياتهم ، والإعتناء الشديد بوش القفص هو محور السياسة العامة والخاصة فى عالم المسلمين
-----------------------------
أى حاجة فى عالم المسلمين بأبصلها على أساس إنها ذات وجهين وإن فيه فرق كبير بين الظاهر والباطن ، وكنت بأتعجب من قيام بعض الناس بإنشاء مواقع زى أرابيا ومصراوى لأن المصاريف لابد أنها تزيد عن الإيرادات وبالتالى ما الفائدة التى تعود على إنسان من إنشاء موقع يكلفه خسائر مادية ، وبعدين فكرت إن المواقع دى لازم بتتبع المخابرات وأنهم بيستعملوها لقياس الرأى العام ومتابعة الناشطين على الشبكة
إمبارح عملت جولة ودخلت مصراوى ولقيت مناقشة عن التوريث الجمهورى ، وعاملين إستفتاء حاطين فيه أسماء وأول إسم جمال مبارك ومش حاطين إسم عمرو موسى ، وقريت عدة صفحات من المناقشة الطريفة وإذا بالغالبية عاوزين عمرو موسى ، ولما طالبوا بوضع إسم عمرو موسى فى الإستفتاء رد عليهم مسئول الموقع إن عمرو فى الجامعة العربية حالياً ولا يمكن ترشيحه لرئاسة الجمهورية ( ؟؟؟ ) ، ورغم إن مصراوى كان عامل مناقشة دينية وفيها بلاوى ولم يكونوا يحذفوا شىء ( رغم إنهم حذفوا المناقشة كلها فى الآخر ) لكن وجدت المشرف متدخل ومعدل مشاركات فى موضوع التوريث الجمهورى

[iwcab]

فى جولة إمبارح فى موقع قبطس مقالين عن نشر جريدة صوت الأمة خطاب نسبوه لمنظمة أقباط الولايات المتحدة، والخطاب أصلاً من منظمة أخرى وهيعملوا دعوى على الجريدة
وفيه موضوع خطف بنت من المحلة
وفى جريدة الشرق الأوسط مقال بيقول إن تشرشل وديجول ومانديلا خرجوا من الحكم وبيطالب العرب يعملوا كده ( فى المشمش ) ، وكان فيه مقال جيد بقلم أمريكى عن بوش
إسرائيل يظهر أخدت مقلب جامد من حزب الله أفرجوا عن 400 أسير لديهم وأسهم حزب الله أصبحت فى السماء وده مقابل شخص واحد و3 جثث ، ودلوقتى بيقولوا إن الشخص ده جاسوس لحزب الله وكان قاعد عند حزب الله بمزاجه بإقامة ممتازة ( يعنى مش مخطوف ولا حاجة )
فى مصر والأردن إحتكار للحديد والأسمنت ورفع أسعارهم ، وفى مصر والسعودية دعوات للإصلاح التدريجى ( إبقى قابلنى )

[iwcab]

فى جولة على النت والصحف .. فى الأهالى كلام عن مصادرة أموال التأمينات وإعتبارها أموال حكومية وعدم إعطاء البنك للتأمينات فائدة عالية ، وكذلك سن قوانين وعمل حيل سياسية وقانونية لحماية من إقترضوا مليارات من البنوك بضمانات وهمية ، وفيه مقال إن الحكومة بتقدر ممتلكاتها من المرافق والمبانى بمبلغ 1230 مليار جنيه ، فى موقع الجزيرة بيعرضوا لكتب جيدة منها كتاب عن موقف فرنسا من أمريكا وكتاب عن اليهود الشرقيين والغربيين ، على موقع سى ان ان تقرير عن فيلم المسيح بيقول إنه بيشجع كره اليهود

[iwcab]

فى موقع البى بى سى مناقشة عن موضوع الشيعة والسنة ، والغرب دلوقتى بيقولوا إن إعطاء السلطة للشيعة يعتبر تعددية سياسية ، وفى موقع البى بى سى فى آخر صفحة المناقشات مكتوب عبارة بتقول إن الآراء الواردة لا تعبر عن رأى الموقع .. والكلام ده كذب علمانى لأن الموقع لا ينشر إلا الآراء المتفقة مع فكر القائمين على الموقع ويحذفوا ما لا يعجبهم من الآراء
المهم إن إضطهاد الشيعة كان بسبب تطلعهم لحكم المسلمين ، ولما هيمسكوا الحكم هيقوموا بإضطهاد معارضيهم أضعافاً مضاعفة ، لكن الموضوع كله تقية شيعية فى إنتظار الوصول للسلطة ( يعنى يقولوا إحنا بتوع الديمقراطية وكذا وكذا ولما يمسكوا السلطة يظهر الوجه الآخر من العملة )
والدليل على كده إيران .. هل فى إيران ديمقراطية ؟ وهل للسنة دور هناك ؟ وسوريا هل فيها ديمقراطية وحقوق أنسان ؟
السنة شر ، والشيعة شر مضاعف ، والأقباط عاشوا اسوأ أيامهم تحت حكم الشيعة ( الحاكم بأمر الله )
السنة تمتعوا بالسلطة معظم التاريخ الإسلامى ولكنهم وصلوا لحالة فشل فى التعامل مع الغرب وإسرائيل ، فالشيعة هيزايدوا على السنة فى موضوع إسرائيل ، والدول السنية وافقت على موضوع إسرائيل لكن الشيعة رافضين وهيطالبوا بحكم العالم الإسلامى على أساس أنهم سيحققوا ما عجز السنة عنه ، وستكون مهمتهم الأساسية محاربة إسرائيل .. لأنهم عارفين إن ده هدف ممكن تحقيقه بعكس الحرب مع الغرب اللى ظاهرأنها فاشلة بسبب الفارق التكنولوجى والصناعى والمالى أيضاً