View Full Version : طلب للصيف
steven
11-06-2008, 02:07 AM
ألاخوة والاخوات الاعزاء
كل سنه وانتم طيبون - إحنا داخلين على الصيف وأكيد كلنا محتاج يقرأ موضوعات روحيه او كتب للثقافة الدينية من تفاسير وتاريخ كنيسة وغيرة .... بدل الكتب العلمية اللي احنا قرأنا منها الكثير.
أنا شخصياً أريد أن أقرأ كتاب استفيد منه في النهاية وياريت لو حد متخصص في هذا الكتاب يفتح باب للمناقشة فيه بنهاية مدة معينه - حتى يكون هناك الزام بالانتهاء من قراءة الكتاب في نهاية فترة معينة.
يالا انا مستني وضع لسته للكتب والاتفاق على الكتاب الاول للقراءة ثم الثاني وهكذا.
فكرة راااااااائعة للاستفادة من وقتنا
هاحاول اعرف اسماء الكتب اللي ممكن نبتدي بيها
وياريت باقي الاعضاء يشتركوا معانا
steven
11-06-2008, 12:30 PM
يالا انا مستني - بس يا ريت محدش يقوللي نقرأ بستان الرهبان لحسن انا قربت اعمل قلايه في البيت ههههههههههههههههههههههههه
طيب اكتب في جوجل ( كتب مسيحية ) وسيرش
تاني سايت مكتوب عليه ( مكتبة الكتب المسيحية )
وبعد كده ادخل اول موضوع مثبت ( اكبر مجموعة كتب ) هتلاقي مجموعة كتب كتيرة
شوف كده وقول رأيك
انا بحمل دلوقتي اول كتاب بأسم ( موسوعه كتابات الاباء الاوليين )
معلشي مش قادرة احط الرابط علشان ميعتبرشي اعلان لمنتدي اخر
AleXawy
11-06-2008, 02:39 PM
http://www.islameyat.com/arabic/books.htm
+++++++++++++++++++++++++++++++++++
الحمامة الحسنة
11-06-2008, 02:59 PM
مهرجان القراءة للجميع لصيف 2008
مكتبة متكاملة لأبونا القمص عبد المسيح بسيط :
http://fatherbassit.com/frbassit-books.html
مجموعة كتب فى اللاهوت الدفاعى - والإسلاميات :
http://www.hopeshineministry.com/new_page_2.htm
steven
11-06-2008, 03:22 PM
الاخت سكاي - كتابات الاباء الاولين بالغة الانجليزية وانا مش عايز اترجم -
الاخت الحمامة الحسنه - اشكرك جدا وياريت تنوع المؤلفين وليس لمؤلف واحد -
الاخ الكساوي انا مش بحب الكتب التي لها علاقة بالاسلاميات.
انا فرحت بكتابات الاباء الاولين - بس لو كان باللغة العربية.
steven
11-06-2008, 03:41 PM
ويا جماعة مش لازم يكون كتاب على النت - ممكن يكون كتاب نشتريه من مكتبة المحبة مثلا او مكتبة الكاتدرائية المرقصية بالعباسية او أي من المكتبات المسيحية - انا شخصيا مستعد اجيب أي كتاب ومن اي مكان بس يكون متوافر.
AleXawy
11-06-2008, 04:49 PM
أخي ستيفن..
لماذا لا نبدأ بأعظم وأهم كتاب في الكون ( كتــــــــــاب الحيـــــــــــــــاة ) ؟؟
steven
11-06-2008, 05:14 PM
الكتاب المقدس - هذا شئ اساسي وليس فيه إختيار -
انا عايز كتب بجانب الكتاب المقدس.
تيتو7282
11-06-2008, 05:51 PM
سلام الهنا ملجنا قوتنا ربنا يسوع المسيح
قريت جزء من كتاب كان مع اخويا حلو اوى
اسمه صلاة يسوع
للاسف لم اقراءه كاملا
بس فكرته حلوه جدا
بيتكلم عن اسم يسوع وكيف يكون هذه الاسم المقدس
صلاه عميقه
يجعلك تتأمل فى اسم يسوع وبالتالى تتأمل فى حياته
ومعجزاته
حاولوا تقراءوه كتاب حلو
ربنا يبارك خدمتكم وتعبكم
بصلاة والدة الاله القديسه مريم
ومصاف القديسين والملائكه الاطهار
تقبلوا تحياتى
الضعيف فى نفسه القوى جدا بالمسيح يسوع ربنا
تيتو
أخي ستيفن..
لماذا لا نبدأ بأعظم وأهم كتاب في الكون ( كتــــــــــاب الحيـــــــــــــــاة ) ؟؟
فيه منتديات بتعمل ماراثون لقراءة الكتاب المقدس
بس ايه رايكوا لو نعمل برنامج ( بلاش ماراثون ) يوميا نحدد فيه اصحاحات معينة نقراها واكيد كل واحد فينا هيلاقي معني وتأمل جديد يفيد بيه نفسه والاخرين
واسئله جديدة لمعاني غير مفهومة لبعضنا
لو ممكن يا اخي ستيفن نبتدي بالكتاب المقدس الاول وممكن يكون بجانبه التفاسير وهي موجوده كلها علي النت .. ايه رأيك ؟
يعني ممكن باصحاحات سهلة زي رسايل بولس الرسول مثلا وهي ممكن تقراها وتفهمها بسهولة
ايه رأيكوا
steven
11-06-2008, 06:17 PM
انا موافق - حددوا الجزء الذي سوف نبدأ به - والمدة المطلوبه للانتهاء منه تماما بتفاسيرة وكل ما كتب عنه - اترك لكم الاختيار.
شكرا لكي سكاي.
موسي الأسود
11-06-2008, 07:01 PM
ألاخوة والاخوات الاعزاء
كل سنه وانتم طيبون - إحنا داخلين على الصيف وأكيد كلنا محتاج يقرأ موضوعات روحيه او كتب للثقافة الدينية من تفاسير وتاريخ كنيسة وغيرة .... بدل الكتب العلمية اللي احنا قرأنا منها الكثير.
أنا شخصياً أريد أن أقرأ كتاب استفيد منه في النهاية وياريت لو حد متخصص في هذا الكتاب يفتح باب للمناقشة فيه بنهاية مدة معينه - حتى يكون هناك الزام بالانتهاء من قراءة الكتاب في نهاية فترة معينة.
يالا انا مستني وضع لسته للكتب والاتفاق على الكتاب الاول للقراءة ثم الثاني وهكذا.
منور يا استيفن (sml11)
بالنسبة الي الكتب و من اين تشتريها
هذا شيء جميل وسهل للغاية فلو انت من هواه الكتب الروحية وخصوصا كتابات سيدنا البابا ربنا يديله الصحة و يرجعه لينا بالسلامة فعليك بمكتبة الأنبا رويس بالعباسية ستجد كل كتابات سيدنا البابا و لو محتاج كتب شبابية فعدي علي مكتبة اسقفية الشباب وكتابات الأنبا موسي حبيب الشباب و لو محتاج كتب روحية للأنبا يؤانس المتنيح مطران الغربية زي مثلا بستان الروح (MM:} يبقي عليك يا اما العباسية او مكتبة المحبة او شيكولاني .. ولو محتاج كتب تفاسير الكتاب المقدس وتأملات الاباء فعليك بمكتبة اسبورتنج في الاسكندرية مكتبة رائعة لكل كتابات ابونا تادرس يعقوب .
أيضا لو زرت أي أديرة في الفترة المقبلة قم بزيارة مكتبة الدير ستجد فيها مجموعات من الكتب ( الأمهات ) بحسب انتماء هواياتك في القراءة فمثلا فيه كتب في تاريخ وجغرافية الكتاب المقدس رائعة و فيه كتب في تاريخ الكنيسة و فيه كتابان ايضا اسمهم الخريدة النفيسة لأبونا يوحنا سلامة قديمة شوية لكنها ممتازة
اما لو لا يوجد لديك وقت للف و الدوران علي المكتبات فعليك بمكتبة الكنيسة التي تتبعها وهناك بكل كنيسة مكتبتان مكتبة الاستعارة ودي حاجة ببلاش كدا (sml22) او مكتبة البيع و اطلب من أمين المكتبة ما تراه ناقصا وهو بيعمل علي تدبيره بحكم خبرته في التعامل مع المكتبات الكبيرة .
ولو عاوزني ارشح لك كتب تبدأ بيها
فأتمني أن تبدأ بكتاب الأنبا يوأنس المتنيح بستان الروح وهي مجموعة من ثلاث كتب و من فترة مكتبة المحبة جمعتها في كتاب واحد رائع فعلا .
ايضا ابدا بكتاب سيدنا البابا انطلاق الروح .. جميل جدا (flowers)
AleXawy
11-06-2008, 09:39 PM
هل تعلم أخي موسي اني لفيت ودورت كثيراً علي كتب البابا شنودة كاملة ( سنوات مع اسئلة الناس مثلاً ) ولم أجدها !!
حتي في المرقسية !!
وايضاً سألت عن بعض الكتب المتفرقة التي قرأتها علي الانترنت ولم أجدها !
steven
12-06-2008, 02:27 AM
الاخوة الاحباء جدا موسى الاسود والكساوي
اشكركم جدا لمحبتكم الفياضة - بس انا عايز اقول اني انا عندي مكتبة دينية كبيرة جدا في بيتي لانني من هواة شراء الكتب حتى لو لم أقرأها - كتاب بستان الروح انا قرأته وكتاب الخريدة النفيسة بجزئية موجود عندي وقد قرأت أجزاء منه وحزنت كثيراً لما هو مسجل فيه من أحداث - كتاب انطلاق الروح ايضا قراته كثيرا - انا مدمن لكتابات الانبا اغريغوريوس واحتفظ عندي بجميع الكتب التي كتبها هذا العلامة لكني الى الان لم أقرأ منها إلا القليل ايضا أحتفظ لهذا العلامة بجميع (وأقول جميع) الشرائط المسجلة له لعظاته وقد سمعتها كلها وقمت بتحويلها الي سي دي من زمان وكنت انا أول شخص يقوم بهذا العمل واهديته الم الاخ منير المسئول عن مكتبة المتنيح الانبا اغريغوريوس - احتفظ ايضا في مكتبتي بجميع تفسيرات الكتاب المقدس للاب متى المسكين وايضا بعض مؤلفاته الاخري - عندي مجموعة ليست بقليلة لابونا تادرس يعقوب - عندي ايضا كتب ليوحنا الدمشقي ترجمة الدكتور كمال اليازجي عندي مؤلفات الدكتور طلعت عبدة حنين (خدمت معه انا سنين طويله واعرف زكريات عنه لا تقدر بثمن) - عندي مؤلفات الانبا يوأنس اسقف الغربية - عندي بعض مؤلفات كوستي بندلي مترجمة مثل مواقف الاباء ومشاكل البنين - عندي بعض الكتب للقمص عبد المسيح ثاوفيلس النخيلي مثل وضوح الرؤيا السماويه - عندي جميع مؤلفات الارشيدياكون رمسيس بجيب - عندي مجموعة كبيرة جدا من الكتب لا اول لها ولا اخر -
يالا عايزين نبدا انا عايز نقرأ كتاب كاننا سنمتحن فيه وانا مع الاخ الكساوي والاخت سكاي بان نبدأ بكتاب الحياة وهو الكتاب المقدس (المكدس بالحب لخلاص كل الخليقة) - انا عايزكم تختاروا جزء من الكتاب المقدس بخبرتكم الروحية ونبدأ نحن في قراءة هذا الجزء وقراءة كل التفاسير وربما الاعتراضات التي تخص هذا الجزء (وقد يستدعي الامر ان نكتب هنا اسماء الكتب التي نقرأها حتى يحضرها من ليس معه هذه الكتب لتكون الاستفادة شبه كاملة) - يالا اختاروا الجزء الذي سوف نقرأه - يالا بسرعه مستنيين ايه - فينك يا اختنا الحمامة الحسنه وتحليقاتك في الروحيات ... يالا يا جماعة الاجازة بتعتي هتخلص ههههههههههههه.
موسي الأسود
12-06-2008, 05:22 AM
هل تعلم أخي موسي اني لفيت ودورت كثيراً علي كتب البابا شنودة كاملة ( سنوات مع اسئلة الناس مثلاً ) ولم أجدها !!
حتي في المرقسية !!
وايضاً سألت عن بعض الكتب المتفرقة التي قرأتها علي الانترنت ولم أجدها !
كتب قداسة البابا أغلبها ستجده متوفر في مكتبة الأنبا رويس ودائما يعاد نشر هذه الكتب و مع الأسف ستجدها تسحب بسرعة من المكتبات الكبيرة ..
يمكنك أن تجدها في مكتبات الكنائس الصغيرة أو السؤال علي ميعاد اعادة طباعتها في مطبعة الأنبا رويس .
الحبيب استيفن
انا عندي شعار في هذا الموضوع كثيرا ما أردده لما أجد كتاب جديد مطروح في المكتبات وهو الكتاب البيض ينفع في اليوم الاسود (sml22) .
كنت مرة قضيت فترة في دير البرموس و اتعرفت هناك علي أبونا كيرلس البراموسي ببيت الخلوة كانت أهم عظة بيقولها هي " القراءة " دا عنوانها .
من كلماته لازم تقرأ في كل الامور لا تترك حياتك بدون قراءة .
من أراد أن يستعير منك كتابا فلا تعيره (sml22) واذا استعرت أنت كتابا فحِلُ مني لا ترده (sml22) .
فعلا انت عندك يا استيفن مجموعة ممتازة من الكتب تسمح لي أبقي استعير بعضها (sml22)
عموما فكرتك رائعة جدا دراسة كتاب .. ربنا يبارك في حياتك و في أسرتك ومجهودك و خدمتك لأخوتك .
يالا اختاروا الجزء الذي سوف نقرأه - يالا بسرعه مستنيين ايه - فينك يا اختنا الحمامة الحسنه وتحليقاتك في الروحيات ... يالا يا جماعة الاجازة بتعتي هتخلص ههههههههههههه.
بما انك صاحب الفكرة .. يبقي انت اللي تحدد لنا اي جزء نبدأ بيه
(flowers)
وياريت باقي الاعضاء يشتركوا معانا
steven
12-06-2008, 07:41 AM
طبعا يا اخ موسى تقدر تستعير أي كتاب من عندي ... بس هتقرأه في البيت عندي وقبل ما تخرج تسلمه امانات وانا هشيلهولك عندي متخافش عليه (sml22)
يلا بينا نبدأ - إيه رأيكم نبدأ برسالة بولس الرسول إلى أهل رومية - تبدأ الدراسة يوم الجمعة 13 يونيو 2008 ( معلش يا جماعة 13 ويوم جمعة) وتنتهي الدراسة بنهاية يوم 22 يونيو 2008 يعني مدة الدراسة 10 ايام ايه رأيكم .
يلا بينا نبدأ - إيه رأيكم نبدأ برسالة بولس الرسول إلى أهل رومية - تبدأ الدراسة يوم الجمعة 13 يونيو 2008 ( معلش يا جماعة 13 ويوم جمعة) وتنتهي الدراسة بنهاية يوم 22 يونيو 2008 يعني مدة الدراسة 10 ايام ايه رأيكم .
موافقين
(sml24)
بس فين الباقي ياجماعة
____________________
tigeregypt
12-06-2008, 09:47 AM
طيب في المكتبة المسيحية علي قسم الخواطر ممكن نختار منها
steven
12-06-2008, 09:51 AM
أحد الاصدقاء طلب مني البدء بسفر الرؤية لالقاء الضوء على الاحداث الراهنه والروحيات التي يجب ان يلاحظها المؤمن لئلا تأتي عليه الضربات - ما رأيكم
أحد الاصدقاء طلب مني البدء بسفر الرؤية لالقاء الضوء على الاحداث الراهنه والروحيات التي يجب ان يلاحظها المؤمن لئلا تأتي عليه الضربات - ما رأيكم
اوكي ... نبتدي بسفر الرؤية
انا معاكم المهم نبتدي سوا
steven
12-06-2008, 12:43 PM
وانا موافق - نبدأ من غدا في سفر الرؤيا - وفي نهاية اليوم كل منا يكتب ما يراه من تأملات وتفسيرات لكي يستفيد الاخرون - من غداً الجمعة سنبدأ بسفر الرؤية ولا تغيير - اللي عايز يقول رأيه معاه لغاية الساعة الثانية عشرة مساءً بتوقيت القاهرة اليوم الخميس 12 من يونيو (حزيران) 2008.
net_man
12-06-2008, 01:23 PM
استاذنا الفاضل استيفن لو عندنا عشرة اعضاء ذيك فى المنتدى كان المنتدى اصبح شعلة نشاط .. ادعو الا يخيب الرب ظنك .
وعلى فكرة فى موضوع هنا : بأسم الصليب (http://www.copts.net/forum/showthread.php?t=3545&highlight=%C7%E1%E3%DF%CA%C8%E5)
اسمه المكتبه ستجد مشروع قديم بداته ولكنه لم يكتمل .. ارجو ان تستفيد منه
وعموماسوف اغير فيه شوية واضع لك كتب علمية واخرى متنوعه ..
steven
12-06-2008, 03:37 PM
يا سلام عليك يا نت مان
الله يعوضك خير - اخوك كان لايص ومن الصبح قاعد اطلع كتب التفاسير من مكتبتي - كتب فوق راسي وكتب على اليمين وكتب على الشمال ومكتبي في البيت محدش عارف يمشي فيه من الزحمة اصلا - الله يباركلك - ربنا بعتك في الوقت المناسب - لكن انا احضر للموضوع بجدية شديدة - والعيب الوحيد انني بطئ في كتابة العربي على الكمبيوتر مما سيستهلك وقت كبير مني لكتابة ما اصل اليه من معلومات - لكن انا متحمس جدا فنحن نتقن الامور الدنيوية - فكيف لا نتقن السماوية - الله يعيننا ليخرج الموضوع لمجد اسمه القدوس امين.
ياريت الاخوة اللي بيعرفوا اماكن لكتب على النت يعطونا الـلينك بتاعها.
steven
12-06-2008, 06:30 PM
الاخوة الاعزاء
انتهت مدة التصويت وسنبدأ العمل في تأملات في سفر الرؤيا (أو الجليان كما يسميه البعض) ونتيجة لعمل الملائكة الواضح في هذا السفر - لذا سوف اكتب لكم بحث عن رؤساء الملائكة ثم بحث اخر عن الملائكة - وفي نفس الوقت سوف نكتب جميعا ما توصلنا ايه من معاني حول هذا السفر الجليل
هذا هو رابط موضوه رؤساء الملائكة
http://www.copts.net/forum/showthread.php?t=29444
وعل فكرة الموضوع ظهر مرتان - ياريت احد مسئولي المنتدى يشيل واحد منهم وليكن الاقدم في الوقت ويترك الاحدث - وانا يظهر عملت خطأ بس مش عارف ايه
وضعته في قسم التأملات الروحيه - وياريت كتاباتنا عن سفر الرؤيا تكون هناك منعاً لتشتيت الموضوعات وحسب تقسيمات المنتدى.