النجدة 122 [الصفحة الرئيسية] - منتدي منظمة أقباط الولايات المتحدة

abomeret

02-04-2009, 07:53 PM

أخوتى وأبنائى الأحباء
فية موضوع كنت عاوز ااقولكم علية من مدة..وهو تقصير شرطة النجدة الرهيب..
خلال الشهر الماضى وفى عز النهار تم تحطيم باب شقتى وسرقة كل ماخف وزنة وغلا ثمنة..وإتصلت بى زوجتى أثناء عملى..
أسرعت منزعجا للمنزل ووجدت المنظر فعلا مرعب ومزعج بالشقة...المهم..
المفروض اتصل بشرطة النجدة..وإتصلت..ولكن جرس ولاأحد يرد..ولمدة ساعة..وجبت من الدليل رقم آخر غير مختصر..كذلك جرس ولاأحد يرد..
من الدليل إتصلت بأقرب قسم..ففوجئت بيقولولى انت تبع قسم .... إتصل بيهم..
ومن الدليل إتصلت بمباحث القسم الذى اتبعة..قالولى اتصل بالنجدة علشان يجيلك أقرب دورية ليك...صدقونى اكتر من 3 ساعات النجدة لاترد على التليفون لاأرضى ولاموبايل..وإتصلت بالقسم تانى وأخيرا أخذوا عنوانى بالتفصيل..وحضر ضابط وأمين شرطة للمعاينة...ثم ضباط المباحث وخبراء الأدلة الجنائية...والحمدللة لم يتوصلوا للحرامية..
النجدة 122 كيف تنقذنا ؟؟؟؟؟لو انا فى الشارع وحدث لى سرقة بالإكراة بمن أتصل لإنقاذى..او حادثة فى الشارع نتصل بمين؟؟؟؟
رغم إعجابى بالمباحث وإهتمامهم بالإنتقال والمعاينة..وإهتمام ودقة خبراء الأدلة الجنائية أعجبنى..ولكن إهمال وتكاسل النجدة 122 أفزعنى وقلقنى على مايحدث فى الشارع..
هل انا غلطان فى قلقى دة ؟؟؟

youhana16

02-04-2009, 08:00 PM

يا أبو ميريت قم بتقديم شكوى لمديريه الامن المختصه التى تتبع لها لان النجده عنها دسك بيحتفظ بكل الارقام والمعلومات بتاع اى إتصال....
إذا لم يستجيبوا إبعت فاكس بتفاصيل الموضوع لوزير الداخليه

jaki man

02-04-2009, 08:23 PM

اخى الحبيب والغالى / ابوميريت

لماذا لم تتصل ب112 من التليفون المحمول

عامة نشكر ربنا ان المدام رجعت بعد ما الحرامية خلصو والا كان الأمر قد توتر وانحنى منحنى اخر

ما حدث لك اخى الحبيب يفكرنى بما حدث لى

نشكر ربنا الحمد لله

جـــاكى

tigeregypt

02-04-2009, 08:56 PM

أخوتى وأبنائى الأحباء
فية موضوع كنت عاوز ااقولكم علية من مدة..وهو تقصير شرطة النجدة الرهيب..
خلال الشهر الماضى وفى عز النهار تم تحطيم باب شقتى وسرقة كل ماخف وزنة وغلا ثمنة..وإتصلت بى زوجتى أثناء عملى..
أسرعت منزعجا للمنزل ووجدت المنظر فعلا مرعب ومزعج بالشقة...المهم..
المفروض اتصل بشرطة النجدة..وإتصلت..ولكن جرس ولاأحد يرد..ولمدة ساعة..وجبت من الدليل رقم آخر غير مختصر..كذلك جرس ولاأحد يرد..
من الدليل إتصلت بأقرب قسم..ففوجئت بيقولولى انت تبع قسم .... إتصل بيهم..
ومن الدليل إتصلت بمباحث القسم الذى اتبعة..قالولى اتصل بالنجدة علشان يجيلك أقرب دورية ليك...صدقونى اكتر من 3 ساعات النجدة لاترد على التليفون لاأرضى ولاموبايل..وإتصلت بالقسم تانى وأخيرا أخذوا عنوانى بالتفصيل..وحضر ضابط وأمين شرطة للمعاينة...ثم ضباط المباحث وخبراء الأدلة الجنائية...والحمدللة لم يتوصلوا للحرامية..
النجدة 122 كيف تنقذنا ؟؟؟؟؟لو انا فى الشارع وحدث لى سرقة بالإكراة بمن أتصل لإنقاذى..او حادثة فى الشارع نتصل بمين؟؟؟؟
رغم إعجابى بالمباحث وإهتمامهم بالإنتقال والمعاينة..وإهتمام ودقة خبراء الأدلة الجنائية أعجبنى..ولكن إهمال وتكاسل النجدة 122 أفزعنى وقلقنى على مايحدث فى الشارع..
هل انا غلطان فى قلقى دة ؟؟؟

ابي الحبيب
فكرني كلامك
بتمثيلية شفتها من فترة
عندما اتصلت زوجة استاذ جامعي يحاضر في امريكا تطلب منه الاتصال بالنجدة لان حرامية اقتحموا الشقة
وهي لم تتمكن بالاتصال بالنجدة
علي طول مشغولة
فما كان من زوجها الا الاتصال بالنجدة المصرية من امريكا
المضحك بقي
انها ردت
هههههههههههههههههه

aba kloog daughter

03-04-2009, 03:03 AM

الشرطة فى خدمة الشعب!!!!!!!!!
مقولة عفا عليها الزمن

amanygeorgee

03-04-2009, 07:47 AM

استاذ\ابو ميرت
لولا هذا الاهمال و التكاسل
ليس فقط فى النجدة بالرغم انها المفروض السلطة الحاسمة و الوحيدة التى لا يجب ان تغفل ابدا
و انما يمتدد الاهمال فى كافة مجالات المجتمع
لكانت مصر من اكبرو اعرق بلاد العالم منذ قديم الازل
الرب معك
و هو الوحيد السريع الندهة لنا
ssssssssss8ssssssssss8ssssssssss8

Ayoub Saad

03-04-2009, 10:01 AM

استاذ\ابو ميرت
الرب معك
و هو الوحيد السريع الندهة لنا
ssssssssss8ssssssssss8ssssssssss8

أهو هو ده فعلاً خلاصة كل الكلام التمام..الرب يحفظك

abomeret

03-04-2009, 01:15 PM

أشكركم أخوتى
صدقونى انا حزين من إهمال النجدة..ولكن مفتش مباحث المنطقة إستدعانى بعدها ب3 أيام وسمعنى كويس وأعطانى رقم موبايلة الخاص (لإن المسروقات بجد كانت كتيرة)..
الكل قالولى إصبر شوية ربما شهور وإحتمال يرجعلك الذهب والمصوغات..
وسرقة موبايلين ومعرفة سيريال نمبر لأحدهما ممكن يوصل للحرامية..
صدقونى ورغم صعوبة التجربة ولكن أثبتتلى مدى محبة الناس ووقوفهم بجانبى وكهنة وخدام كنيستى ووقوفهم الشديد...وطبعا بأشكر ربنا ان المدام ماوصلتش وهما جوة الشقة..لإنهم ساعتها مكانش عندهم إلا حل واحد..
صللولى من قلوبكم.

Goddess

04-04-2009, 02:28 AM

ربنا معاك و فداك المهم انكم بخير!

و صدقني انا لسّة كنت بفكر في الموضوع بتاع الاهمال ده..هحكيللك اللي حصل علشان تهون عليك بلوتك!

من 3 ايام تقريبا في العمارة اللي قدامي رجل اتخانق مع مراته خناقة جامدة وصلت لضربها بسكينة طبعا الناس اتلمت و كلموا الاسعاف و النجدة, بصراحة الاسعاف وصلوا في اقل من 10 دقايق بس قالوا لازم معاينة النيابة قبل ما ينقلوا المصابة او حتى يخشوا المكان.....عارف النجدة وصلت امتى؟؟؟ بعدها بساعتين الا ربع كانت الست ماتت متأثرة بالنزيف مع ان الطعنة مكانتش مميته!!!

الحمد لله انها جت معاك على قد كدة و تاني حمدالله على سلامتك انت والمدام

ربنا يحافظ على كل اولاده ssssssssss10