View Full Version : الجديد 1
iwcab
02-10-2004, 02:12 PM
النظام العلمانى مكتوب عنه بطريقة غير مباشرة فى الإنجيل فى مثل صاحب الكرم اللى أعطى كرمه لكرامين وبعدين أرسل لهم رسل ليأخذوا من ثمر الكرم فأهانوا الرسل وبعدين أرسل لهم إبنه فقتلوه ليكون لهم الكرم
فالعلمانيين أخذوا مملكة الله وإدعوا ملكيتهم لها ويرفضوا الإعتراف بحق المالك
والنتيجة هى : أن صاحب الكرم سيهلك الكرامين الأردياء ويعطى الكرم لكرامين آخرين يعطونه الثمر فى وقته
----------------------------
الموقع بتاع أبونا زكريا كان متأخر الشهر اللى فات وبعدين نزلوا إسبوعين متأخرين ، وهو ينطلق بقوة
تأخر المسلمين فى الرد سببه دقة الموضوعات ، وإنفتاح جبهات كتيرة على المسلمين ، فالإسلام كدولة لايهمه الكلام لأنه مهتم أساساً بالحفاظ على الدولة ، والدولة تواجه أساساً تحدياً أمريكياً متفرغين لمواجهته حالياً ، وبعدين تحدى إسرائيلى ، وأصحاب الإتجاهات الأصولية عندهم مشكلة إضافية وهى دولة المسلمين غير الأصوليين اللى بتضطهد الأصوليين
فأصحاب الإتجاهات الأصولية عندهم 3 مشاكل
أمريكا
إسرائيل
دولة المسلمين غير الأصوليين
لكن المسيحيين الشرقيين لم يمثلوا أبداً خطراً على الإسلام وليس لهم حساب ، فمن هنا مافيش مشغولية ( حالياً ) بموضوع أبونا زكريا
المسلمين هيلتفتوا لأبونا زكريا إذا تمكن من جذب عدد كبير بشكل يهدد الدولة
iwcab
03-10-2004, 03:31 PM
أم الشهداء جميلة
http://www.fatherzakaria.com/paltalk/13-9-04/01.ram
---------------------------
عبد الناصر عمل الإتجاه التالت علشان يعمل لنفسه ولمصر زعامة .. يعنى مايقدرش يعمل زعيم على العالم الغربى لأنه متقدم عننا كتير ، ومايقدرش يعمل زعيم على العالم الشرقى الروسى لأنهم برضه متقدمين ، فقرر يعمل تجمع من دول زينا أو أقل مننا علشان يعمل عليهم زعيم ، ولأنه لو إنضم للشرق أو للغرب هيبقى مجرد واحد من ضمن وحايد ومش هيبرز
فعمل 3 دوائر : الدائرة العربية والدائرة الأفريقية ودائرة عدم الإنحياز ، لكن بسبب إن أفكاره غير أصلية فلم تنجح ، ومازال إلى الآن التلات دواير دول شكل ومنظر بدون تأثير فعلى
فحدث مع الأقباط بعد سنة 1855 إن الدولة تبنت الإتجاه العروبى والإتجاه الغربى أو سمحت بوجودهم وتدريسهم ، وأنشأت تعليم ينشر التعليمين ووظائف كتابية خفيفة للخريجين .. فكل الناس تعلموا التعليمين دول ( وخصوصاً بعد 1952 ) ، والتعليم القبطى إشتغل أيام قليلة ولغى
وبالتالى الإتجاهات القبطية أصبحت غير موجودة لعدم وجود تعليم لها ولامؤسسات وغير مسموج بوجودها
فموجود حالياً إتجاهين أو وجودين : إسلامى عربى ، وعلمانى غربى ، لكن الإتجاه التالت اللى كان لازم يكون موجود ومنع ، وهو الإتجاه المسيحى القبطى
فزى ماعبد الناصر عمل الإتجاه التالت .. يجب علينا نعمل الإتجاه التالت ( المسيحى القبطى ) لكن الفرق بيننا وبينه إن الإتجاه التالت بتاعنا أصلى وأصيل
وأتوقع إن التيار التالت يبلع التيارين الآخرين ويسود فى النهاية
iwcab
04-10-2004, 05:03 PM
الصديق كالنخلة يزهو
http://www.fatherzakaria.com/paltalk/17-9-04/01.ram
iwcab
06-10-2004, 03:06 PM
ما هى الخطيئة ؟
http://www.fatherzakaria.com/paltalk/23-9-04/01.ram
لنخرج للحقول
http://www.fatherzakaria.com/paltalk/24-9-04/01.ram
iwcab
31-10-2004, 06:52 PM
قبل عطلة المنتدى كان عدد الزوار ( 30 - 40 ) وبعد الإفتتاح زاد العدد ودخل النهارده أكثر من 60 ، لكن الكتابة قليلة ، ممكن السبب يكون : الخوف
-------------
الناس اللى بتقول إن الكنيسة بتعطل العمل السياسى كلامهم غير صحيح لأن العمل السياسى ممنوع على المسيحيين بأمر الحكومة ، لأن العمل السياسى هيكون هدفه إيه ؟ إما تجميع المسيحيين أو تحريكهم أو عمل محاولات للسيطرة على البلد ، وكل هذه الأهداف مرفوضة وممنوعة من قبل الحكام المسلمين ، الكنيسة وغالبية الشعب معها يرفضوا العمل فى السياسة لعدم تعطيل لقمة العيش ولتربية العيال
iwcab
02-11-2004, 03:27 AM
http://www.asharqalawsat.com/view/leader/2004,11,02,263487.html
فى المقال أعلاه مجدى خليل بيقول إن المسيحيين ينطلقون فى إختياراتهم من الإنتماء للوطن وليس للدين ، ونفس الكلام قاله ميلاد حنا فى قناة الجزيرة ، وكان فيه مناقشة فى موقع وواحد مسيحى قال نفس الكلام
وكل واحد حر فى إختيار مايشاء ويبيع أبديته علشان وطن ( فى يد الغير أساساً ) .. براحته
وإختيار الوطن ببيع الدين هو ماتمخضت عنه الوحدة الإسلامية المسيحية ضد الأوروبيين ، والصح هو بيع الدين مقابل وعد إسلامى بالحصول على وطن ، ولم يتحقق الوعد الإسلامى ( كالعادة )
ولكن ماتحقق هو المحافظة على الجسد ببيع الروح والعقل والضمير ، وفى النهاية لم يحترم المسلمون وعودهم ويستمروا فى إضطهاد المسيحيين
saweres
02-11-2004, 06:04 AM
وكل واحد حر فى إختيار مايشاء ويبيع أبديته علشان وطن ( فى يد الغير أساساً ) .. براحته
يعنى يا يوساب عايز تقول ، ان الدفاع عن الوطن حرام؟؟؟؟؟؟؟
iwcab
02-11-2004, 06:47 AM
ومتى دافع المسيحيون عن الوطن وهو فى يد المخربين من 1350 سنة ، لقد ثاروا فقط ضد الأوروبيين لأنهم غير مسلمين ولأنهم عمروا البلاد ولأنهم أعطوا للمسيحيين حقوقاً متساوية
فهل الثورة ضد المحسنين هى فى صالح الوطن ؟
saweres
02-11-2004, 06:58 AM
يا يوساب أنا بتكلم فى الوضع العام
يعنى انضمام المسيحيين لصفوف الجيش والشرطة حرام؟؟ وضد المسيحية؟؟
iwcab
02-11-2004, 07:53 AM
ومن قال أن الجيش والشرطة تخدم الوطن ؟
الجيش والشرطة يخدموا الإسلام بتخريب الوطن
وكل الدولة شغالة لخدمة الإسلام وتخريب الوطن
iwcab
02-11-2004, 03:22 PM
لا أقصد مما أطرحه من افكار تغييراً عملياً .. لأن التغيير العملى شبه مستحيل
كل ما أقصده هو تفكيك المنظومة الخداعية اللى بنعيش فيها
المسلمين بيخدعونا مرة ، وبعدين نخدع أنفسنا مرة ، وبعدين المسلمين يخدعونا مرة تالتة ، وبعدين نخدع انفسنا مرة رابعة ، حتى إختلطت الأمور وأصبحنا فى حيرة من أمرنا ، وإشتبكت المسالك وأظلمت الطرق أمامنا فلا ندرى فى أي منها نسير
فالهدف من طرح الأفكار هو تفسير الوضع اللى بنعيش فيه لا أكثر ولا أقل
والكلام ده بالنسبة للناس اللى عندهم أدنى إهتمام بأى شىء خارج المنظومة الحياتية من أكل وشرب ومرتب وتربية الأولاد
iwcab
02-11-2004, 04:07 PM
أبونا زكريا حكى عدة قصص فى عظاته فى البالتوك ومنها
إنه كان فى شبابه فى مدارس الأحد وكان فيه أولاد وعاملين شجرة المبلاد ، فكان فيه سلك عريان مسكه ولد فإتكهرب وقعد يصرخ فجرى عليه أبونا زكريا وشده فالكهربا مسكت فى أبونا زكريا وبعدين كان فيه واحد من الخدام مهندس فجرى على سكينة الكهربا وفصلها
وأبونا حكى القصة فى سياق حديثه عن محبة المسيح التى تجذب الإنسان ولو حاول واحد إنه يفصل خراف المسيح عن المسيح ينجذب هو أيضاً لمحبة المسيح
------------------------
والقصة التانية إن أول محافظ لجنوب سينا بعد عودتها لمصر كان مسيحى إسمه فريد وهبه وكان خادم فدعا أبونا زكريا يزور المحافظة ، وكان يرسل له سيارة المحافظ ويركب معاه ومع مدير الأمن والهلمة كلها
فرأى هناك أشجار الشوك وتحت كل شجرة بقعة سوداء فسأل عن البقع السوداء فالمرشد قاله : إن العساكر المصريين لما كانوا منسحبين كانوا يصابوا بضربة شمس ، ولها أعراض صعبة منها القىء فالعساكر فى بحتهم عن الظل كانوا يناموا تحت شجر الشوك ويصيبهم القىء حتى تخرج عصارة المعدة السوداء فظلت آثارها تحت الأشجار
iwcab
03-11-2004, 02:01 PM
كان فيه كلام فى غرفة أبونا زكريا عن المقال المكتوب بواسطة أحد الكهنة الموقوفين من 18 سنة .. يطالب بشلح أبونا زكريا لمنع الفتنة مع المسلمين ، وأول مرة أحس بأبونا زكريا متضايق ، وقال إنه يعرف هذا الكاهن وفيه علاقة جيدة بينهم وتعاطف معه فى الموضوع بتاعه ( إيقافه من 18 سنة )
وقال إن من يعتبروا الإسلام ديناً يعترفون به بصورة ضمنية ، وأن الإسلام هو مجموع من عدة هرطقات ، لكن يزيد عن الهرطقات الأخرى إنشاء دين جديد يعمل على القضاء على المسيحية
knowjesus_knowlove
03-11-2004, 04:05 PM
ومتى دافع المسيحيون عن الوطن وهو فى يد المخربين من 1350 سنة ، لقد ثاروا فقط ضد الأوروبيين لأنهم غير مسلمين ولأنهم عمروا البلاد ولأنهم أعطوا للمسيحيين حقوقاً متساوية
فهل الثورة ضد المحسنين هى فى صالح الوطن ؟
أنا مش فااااااااااااااااااااااااااااااااااااااااااااااااا ااااااااهم (sml18)
هل أنت مع هؤلاء الأوروبيون والغرب العلمانى الكافر الوحش فى نظرك أم ضدهم ؟؟؟؟؟؟؟
حقيقى إنت محتاج طبيب نفسانى يعالجك ياحاااااااج يوساب
iwcab
03-11-2004, 05:04 PM
الأحتلال الأوروبى أحسن من الإحتلال الإسلامى لكنه ليس النظام الكامل ، ولو كان الحكم الأوروبى هو الحكم الكامل ماكان زال ولا راحت أيامه
فالحكم الأوربى له فضيلة وميزة جزئية ، يعنى طبعاً إنجلترا وأمريكا سنة 1950 ليسوا هم إنجلترا وأمريكا سنة 1990
ونتيجة أنهم لم يعتمدوا على المسيحية بشكل كامل لم يستطيعوا معالجة المشكلة الإسلامية بطريقة فاعلة ، والمشكلة مازالت قائمة وتزداد تفاقماً لمحاولة الإعتماد على الحلول البشرية
iwcab
03-11-2004, 07:13 PM
جه واحد فى غرفة أبونا زكريا من الأردن وتغييره جه عن طريق قناة الحياة ، ففرحة أبونا زكريا به كانت كبيرة لأن فيه ناس بيقولوا مافيش فايدة ، ومجهود ضائع لكن وجود ثمر عن طريق خدمته فى قناة الحياة أفرحه ، وطبعاً ده دليل على إن فيه فايدة
----------------
وفيه قصة فلسطينية وفيها معجزات والشريط طوله ساعتين إلا ربع لكن جميل
http://www.fatherzakaria.com/paltalk/28-10-04/06.ram
iwcab
05-11-2004, 11:11 AM
الإنقسام الإمريكى
http://www.swissinfo.org/sar/swissinfo.html?siteSect=105&sid=5311248
تعليقات على أبونا زكريا من مسلمين
http://forum.amrkhaled.net/archive/index.php/t-30899.html
iwcab
05-11-2004, 01:15 PM
نتيجة ضعف الحركة هنا بقيت أدخل نادى الفكر العربى
فيه هناك مجموعة مسيحيين سابقين ألحدوا ( عايشين فى الخارج ) ، وفيه مسلمين ألحدوا ، وفيه إبراهيم عرفات وهو متنصر كان مسمى نفسه تيموثى وهو يقول إنه مسيحى ومعظم رسائله طعن فى المسيحية وتمجيد للهرطقات المختلفة ، ويظهر عايز يعمل مذهب أو دين جديد
وفيه إبن العرب وهو كاثوليكى وعاملين بدعة جديدة هى الخلاص لغير المسيحيين
وفيه مسلمين لكن يمكن مش ظاهرين قوى
وفيه مسيحيين كان فيهم واحد إسمه أبانوب وإنقطع حالياً ، وفيه واحد إسمه زكريا ويظهر إنه إردنى وعنده خلفية قوية عن الأقباط وبيكتب رسائل قوية
وفيه من هنا عبد المسيح والبابلى
yaweeka
05-11-2004, 01:17 PM
نتيجة ضعف الحركة هنا بقيت أدخل نادى الفكر العربى
فيه هناك مجموعة مسيحيين سابقين ألحدوا ( عايشين فى الخارج ) ، وفيه مسلمين ألحدوا ، وفيه إبراهيم عرفات وهو متنصر كان مسمى نفسه تيموثى وهو يقول إنه مسيحى ومعظم رسائله طعن فى المسيحية وتمجيد للهرطقات المختلفة ، ويظهر عايز يعمل مذهب أو دين جديد
وفيه إبن العرب وهو كاثوليكى وعاملين بدعة جديدة هى الخلاص لغير المسيحيين
وفيه مسلمين لكن يمكن مش ظاهرين قوى
وفيه مسيحيين كان فيهم واحد إسمه أبانوب وإنقطع حالياً ، وفيه واحد إسمه زكريا ويظهر إنه إردنى وعنده خلفية قوية عن الأقباط وبيكتب رسائل قوية
وفيه من هنا عبد المسيح والبابلى
وفيه كمان search
(OPN:}
para`o
05-11-2004, 03:18 PM
وما هى طريقة المسيحية فى مواجهة الأسلام
أرجوا التوضيح فأنا بجد مش فاهم يعنى إن تى كادى إروك آن
iwcab
06-11-2004, 10:12 AM
سيرش لم اراه إلا من يومين ، وله مشاركات قديمة من 9 شهور
--------------------
المسلمين قدموا عرضهم الخداعى بسبب وجودهم فى حالة ضعف أمام الإنجليز ، ولإبطال الحجة الإنجليزية ببقاء إنجلترا لحماية الأقليات ، فبيقولولهم : آدىالأقباط اللى إنتم جايين تحموهم بيرفضوا وجودكم
وأوجه الخداع الآتى :
الإدعاء أن الحرب ضد الإنجليز هى بسبب وطنى
الإدعاء أنهم وطنيين وأنهم الأقدر على خدمة البلد
الإدعاء برضاهم بالتساوى مع المسيحيين
الإدعاء بعدم إضطهاد المسيحيين
والعرض متقدم على الطريقة الإسلامية اللى بتقول بعمل اى شىء للإنتصار الوقتى وبعد تحقيق الغرض يكون لكل حدث حديث ، وتعود الأمور لما كانت عليه اولاً
والمسيحيين قبلوا العرض خوفاً وخدعوا أنفسهم بالتالى :
الإدعاء أنهم قبلوا العرض بإرادتهم الحرة وليس بالإكراه
صدقوا إن المسلمين ( غير المحافظين على عهودهم وبدلالة مئات السنين من التلاعب ) أمناء وصادقين
صادقوا على إن الإنجليز أشرار ومخربين وأن المسلمين أبرار ومعمرين ( يقوموا بالتعمير )
صدقوا أن المسلمين سيقوموا بإعلاء الإنتماء الوطنى على الإنتماء الدينى
من غير المعقول أن المسلمين وهو لا يؤمنون بالله الحقيقى ، ولايعملون لخير الوطن لكن يعملوا على تخريبه لصالح الإسلام وصالح أنفسهم ، أنهم سوف يراعوا المسيحى العادى ، يعنى الله ذو القوة والجلال لا يعرفوه ، والوطن الذى يمنحهم كل شىء لا يراعونه ، وبعد كده هيراعوا المسيحى الذى بلا قوة ولا يعطيهم شىء ؟
iwcab
06-11-2004, 10:20 AM
لبرا او : الحل هو حل روحى ، والكتاب قال : إن حرركم الإبن بالحقيقة تكونون أحراراً ، فالتحرير شغلة السيد المسيح
دورنا إننا نعيش الحق ونشهد للحق ، وبعد كده ربنا يتولى تدبير الأمور بطريقته
والعريس يجىء فى الهزيع الرابع
iwcab
06-11-2004, 02:05 PM
بعد ثورة 52 التى قام بها ضباط مسلمون فقط ، لم يعترض الإقباط سوى مرة ( عند بداية تنفيذ قانون الإصلاح الزراعى ) على ما يفعله المسلمون ، ومشيت حركة الثورة بدون إعتراضات لغاية لما بدأت أعمال العنف ضد المسيحيين فى السبعينات ، والبابا كان مشارك فى الإعتراض السياسى ، وبعد نفيه للدير ترك طريق السياسة غير المجدى لعدم وجود قاعدة مسيحية عاملة فى مجال السياسة لأنه كله عاوز يعيش
وأصبح ما يسمى بالقضية القبطية شوية مقالات وبيانات إنشائية ودمتم
iwcab
07-11-2004, 07:11 AM
فى فترة الثورة 52 - 72 تمت مصادرة أموال الأغنياء والمدارس القبطية وتوقفت الحركة السياسية ، لكن الطبقة الفقيرة والمتوسطة إستفادت .. تعليم مجانى ( عربى وغربى ) ، وبعد كده أعطوهم وظائف خفيفة أو وهمية ومرتبات مدى الحياة ، لكن المسيحيين لما حصلوا على تعليم عربى وغربى منظم وطويل وعلى مدى 16 سنة لكل واحد ومئات الكتب وساعات الدراسة ، ولم يحصلوا على تعليم قبطى تغيرت هويتهم فإصبح التراث القبطى والإنتماء القبطى غريباً عليهم ، بالإضافة لسماع وقراءة الدعايات الحكومية ليل ونهار والإستغراق فى الجهاد العربى ضد الإستعمار وإسرائيل والرجعية وماأعرفش إيه ، كل الحاجات دى خلت الناس تتغير وأصبحوا عرب فى تفكيرهم وإقتناعاتهم وميولهم وقيمهم إلخ
فلو عملنا تلخيص للفترة دى هنلاقى :
الإغنياء فقدوا ثرواتهم ( ومصر كلها أفلست فى نهاية الحقبة الثورية )
الفقراء والطبقة المتوسطة إستفادوا مالاً
الهوية والإنتماء القبطى ضاعوا
حصلت عملية تذويب عقلى وفكرى وقيمى بسبب الإنصياع لرغبات المسلمين والسكوت عن كلمة الحق
iwcab
08-11-2004, 05:37 AM
إمبارح كان فيه حاجة غريبة .. موقع قبطك هيمن كان فيه 30 عضو و 170 زائر
موقع نادى الفكر فيه كل الأطياف لكن يظهر إن الغلبة للملحدين واللادينيين
يعنى فيه مسلمين وملحدين ومسيحيين هراطقة ومسيحيين لهم وجهات نظر غريبة ومسيحيين عاديين
الموقع هنا بقى نايم كتير ( وألا أنا متهيألى ؟ )
iwcab
10-11-2004, 06:15 PM
عظة لأبونا زكريا بيقول فيها : إن العالم هو كرم الله ، وإنه سلمه لنواطير أى كرامين وحراس ، وإنه سيسأل كل مؤمن عن حساب وكالته ، وبيطالب كل واحد إنه يعرف وزنته ويستخدمها لخدمة الله ومجده
http://www.fatherzakaria.com/paltalk/31-10-04/01.ram
iwcab
12-11-2004, 10:51 AM
عظة عن الصلاة ومحادثة الله
http://www.fatherzakaria.com/paltalk/05-11-04/01.ram
iwcab
13-11-2004, 11:26 AM
يومياً ( تقريباً ) أسمع شوية من موقع أبونا زكريا ، وبصراحة بأستفيد كتير .. فيه حاجات بتكون جديدة ( وخصوصاً فى الإسلاميات ) وفيه حاجات بأكون عارفها لكن بيعملها عملية توضيح ، وبأشكر ربنا إن بعد خرسنا عن الحق 1350 سنة بيظهر ( صوت الحق ) من جديد ، وبنتطهر من الخوف والجبن والدونية اللى بنعيش فيها واللى قرّبت تكون علامة مميزة لنا تهيننا بين الناس
---------------
إمبارح كان فيه موضوع كويس فى موقع قبطس ( كلمة لواحد أمريكى عن الموضوع الإسلامى - المسيحى ) ، وبيستعملوا هناك نفس الحروف الرفيعة المسلوخة المستعملة هنا فعينىّ وجعتنى ونقلت المقال لورد باد وكبرت الحروف علشان أقدر أقرأ
مش عارف إيه سبب إستعمال خطوط مؤلمة للعين هنا وهناك ؟
وكمان فيه الصور اللى ممكن إضافتها للرسائل هنا .. فيها صور غير مهذبة : زى صورة واحد بيلعب بحواجبه وصورة واحد بيطلع لسانه
إقترح حذف الصور دى لأنها غير مهذبة ، وفيه بعض الصور الجميلة فى موقع الفكر العربى ياريت ينقلوها هنا
iwcab
15-11-2004, 08:35 AM
مش عارف ليه لا يتم جمع تبرع لجريدة وطنى لإنشاء موقع يراكم نسخ الجريدة ( حالياً يتم وضع عدد وحذف العدد اللى قبله ) بالإضافة لوضع كل أعداد وطنى على أساس إنها الجريدة الوحيدة المسيحية من 47 سنة ، وتعتبر سجل تاريخى للأحداث والأفكار
--------------------
كلمة إن أبونا زكريا لايمثل الكنيسة القبطية كلمة مؤلمة ، وبصراحة إن لم يكن أبونا زكريا يمثل الكنيسة القبطية ( المعاصرة ) ، فويل للكنيسة القبطية ( المعاصرة )
فبدل من الإعتزاز إن إبن من أبناءها مجتهد وغيور ومتحمس .. يقولوا إنه لايمثلنا .. فعلاً مأساة أن يعتقد المسيحيون أن الوحدة الكاذبة مع المسلمين هى طوق النجاة ( بدلاً من أن يعتقدوا إنها حجر الغرق )
نقدر نلخص الموقف بجملة : الكرازة المرقسية ترفض الكرازة البطرسية
فويل لكم إن قال فيكم جميع الناس حسناً
iwcab
15-11-2004, 11:02 AM
وقع قبطس عملوا صفحة جديدة وحاطين فيها صور برسوم
أعتقد إنها صور غير لائقة
http://www.copts.net/indexhome.htm
iwcab
21-11-2004, 11:53 AM
من عدة سنوات لما عرفت طريق المنتدى كنت فرحان لأنى وجدت مساحة أقدر أعبر فيها عن نفسى ، وقعدت أجمع مقالات وأخبار يعنى كإنى شغال صحفى ، وبعد كل الفترة دى حاسس إنى مازلت فى نقطة الصفر وكأنى بأدن فى مالطة ، كل رسالة يقرأها بين 5 - 10 ممكن ثلثين منهم لا يقتنعوا ، والثلث يقرأ من هنا ويفوّت من هنا ، وكأنك ياأبو زيد ماغزيت
رحت منتديات للمسلمين .. الحالة نفسها .. بس هنا ممكن تشعر إنك بتتكلم مع ناس مغيبين عن الوعى أو موتى أو فاقدى الحركة ، لكن هناك تشعر إنك تتكلم مع حجر صوان لايشعر ولايحس ولاينقبل أصلاً الأفكار لأن الأفكار موجودة عندهم جاهزة ولاتقبل التغيير
فيظهر الحل إن الواحد يتكلم مع ربنا أحسن على الأقل نلاقى عنده الحياة والحكمة والتعاطف