حول إعادة قسم اللغة القبطية القديم

[iwcab]

فى بداية إفتتاح المنتدى طلب عدد من الأعضاء ومنهم الأخ ( أدمن 1 ) عمل دروس لتعلم القبطى ، وقلتلهم عدد طالبى اللغة القبطية قليل جداً ولاحاجة للتعب فى غير المطلوب ، لكن قالوا : هناك كثيرون يطلبون تعلم القبطى ، المهم إشتغلت فترة فى هذا الموضوع ، وكان وقتها البنط غير متوفر وأضع القبطى فى صور ، ولهذا السبب لم أحثفظ بالمنهج ، وبعد كده عملوا تطوير للمنتدى ولغوا كل المنتدى القديم بما فى ذلك قسم اللغة القبطية ، أرسلت رسائل للأستاذ مايكل فوافق على إعادة قسم اللغة القبطية القديم ، وللآن لم يتم التنفيذ
فلو كان المنتدى القديم لغى وأصبح غير موجود فممكن يقولوا لنا حتى ننسى الموضوع
لكن إحنا حالياً أصبحنا معلقين ولانعرف هل القسم القديم موجود أم غير موجود ، وهل يمكن إعادته أم لأ ؟

[yaweeka]

اعتقد ان الاجابة عند تيمو ومايكل وربما جرجس
يعرفون ماذا حدث للمنتدى القديم
كانت الفكرة ان يظل كأرشيف ، وفعلا بقى فترة ولا اعلم ماذا حدث له بعد ذلك بعد ضرب المنتدى من الهاكرز ، لا اظن انه ضاع
ربما يمكن لمايكل ان يعيده

[iwcab]

ياإدارة ياللى ساكنة فى العلالى
ومش ممكن ترد على واحد زى حالى
ليه قسم اللغة القبطية القديم يتشال ؟
وسألنا عليه والسؤال طال
إشتغلنا كتير فى المنتدى ولانستحق الإهمال
القسم هيرجع وألا مش هيرجع ؟ بزيادة بلبال
البوسطجية إشتكوا من كتر مراسيلى
فتكرموا وجاوبوا السؤال

[iwcab]

نادينا الإدارة ، والصوت مش واصل
أصل الإرتفاع كبير وبينا فاصل
ليه سياسة الإهمال والقناصل ؟
وليه الطناش والوضع اللى حاصل ؟
فتحتوا القسم ليه تخفوه ؟
واللى تعب فيه ليه تظلموه ؟
واللى يكتب عندكم ويرسل رسائل ليه تطنشوه ؟
وعلم جايز حد يستفيد منه ليه تخفوه ؟

[yaweeka]

طيب ادينى فرصة اسأل اصحاب الشأن وارد عليك

[iwcab]

حاضر
وربنا معاك

[iwcab]

أخيراً رد علىّ تيمو وقال إن المنتدى القديم كله إتمسح نتيجة هجوم الهاكر
وعليه العوض