engmms2011
11-04-2011, 10:55 PM
لسه جايب 128 89 1300gls
عايز من أهل الخبرة بال 128
يقولوا سعرها كام وهل كويسة ولا
وأعطالها ومشاكلها ومميزاتها ... يعنى كل ما يخصها
ومحتاج لها بطارية ( أيه الاحسن والسعر )
وعلى الله الأجر والثواب....معلش أخوكم مزنوق cry
steven
12-04-2011, 08:33 AM
هل المقصود هو
سيارة 128 موديل 89 سعة 1300 طراز gls
ولا إيه
elmafdy
12-04-2011, 09:32 AM
فيه صفحات على النت بيتعرض فيها سيارات للبيع , ممكن تعرف منها متوسط الاسعار للسيارات المماثله لسيارتك
منها مثلا الصفحه دى
http://www.egyptcars.com/?action=Used-Cars&Page=0&Cat=69&model=5388&submit.x=25&submit.y=9
او الصفحه دى
http://www.contactcars.com/UsedCars_All.asp?MakeID=15&ModelID=135
اعتقد ان متوسط السعر لعربيتك دى ممكن يكون 18 أو 19 الف مثلا
العربيات التمانيه و عشرين عموما فيها مميزات و عيوب
هى عربيه سهله فى الصيانه و الميكانيكا و رخيصه فى قطع الغيار و اى حد بيفهم يشتغل فيها , يعنى عربيه اقتصاديه جدا فى تكاليفها و صيانتها .
بتمشى بأبسط و ايسر السبل و الاحوال , فيها زيت او مافيهاش , فيها بنزين او مافيهاش , فيها عجل او مافيهاش , فى كل الاحوال بتمشى , يعنى مش معقده خالص
عيبها الاساسى انها مش متينه بصوره كافيه , يعنى تقلق انك تسافر بيها و تعطل بيك على الطريق الصحراوى مثلا و تحتاس خصوصا لو معاك العائله .
و خصوصا لما تكون مستعمله ماحدش يضمن حصل لها ايه قبل ما انت تشتريها , الشاسيه اتعوج , الشاسيه ملحوم , الموتور متغير , كده يعنى .
نصيحتى ليك انك تكشف عليها كويس قبل ما تشتريها علشان تكون متأكد انها مش ها تعمل فيك مقالب .
بالنسبه للبطاريه فيه محلات و اماكن بتاخد منك البطاريه اللى فى العربيه و تبيع لك بطاريه جديده و تدفع فرق السعر , ده ممكن يوفر لك شويه .
و فيه برضه اماكن بتبيع بطاريات قديمه و تقول لك بالضمان لمدة 6 شهور مثلا او حاجات كده , طبعا دى ها تكون ارخص كتير بس مش مضمونه زى الجديده خالص .
مبروك عليك العربيه و ربنا يبارك لك فيها
المفدى
samozin
12-04-2011, 09:48 AM
مبروك عليك أجدع عربيه فى مصر
لكن عليك بشراء قطع الغيار الأصليه لأن المضروب منها هذه الأيام كتير جدا
أول نصيحه
غير ترس الأسبيراتير بترس أصلى الترس الأصلى الجديد يعمل 30 الف كيلو متر
التانيه تأكد من صلاحية سير الكاتينه وجودة تضليعاته
إن لم تكن واثق منها غير سير الكاتينه وتروسها عمرها وبلية الكاتينه من 20 الى 30 الف كيلومتر
حتى تتحرك وأنت واثق ومطمئن
لأن الغلطه فى أى مما سبق تكون فادحة التكلفه
engmms2011
17-04-2011, 08:39 PM
أولا كل سنة وانتوا طيبين ...بركة أسبوع الألام ...
شكراً جزيلا أخواتى الأحباء
متشكر للمساعدة وهأعمل بى نصيحتكم...