بن لادن بالنسبة للمسلم، إرهابى ام بطل مجاهد؟!

[Mico]

بعد نشاط اسامة بن لادن المتزايد، و بعد هجمات 11 سپتمبر الإرهابية، بدأت تتداول على مسامعنا فى مصر و البلدان العربية كافة، ان بن لادن ياله من بطل مجاهد. فاردت ان اوجه سؤالاً، على اى اساس مجاهد؟! على اى اساس قتل المدنيين العزل اسميتموه جهاداً؟! فاردت فقط ان اعرف وجهة نظر الاعضاء فى بن لادن و اتباعه، ان كانوا فى نظركم مجاهدين ام إرهابيين؟! و ان قلتم مجاهداً، على اى اساس مجاهد؟!

و الرب الموفق،

مـــيـــكـــو،

[professor]

والله السؤال مهم لكن ما ينفعش تكون الاجابة عامة

اعتقد بالنسبة لعامة الشعب ان اغلبهم يعتقد انه مجاهد وبطل

بالنسبه لطبقة المثقفين ما عرفش لانى اعتقد انه ما فيش مثقفين اصلا

لكن لو بحثنا عن سبب اعجاب عامة الشعب به فاعتقد ان السبب ان اعماله موجهه لامريكا والشعب الامريكى

واعتقد انه لو تم سلام فى الشرق الاوسط النظره لامريكا هتتغير وهيفوتو الفرصة على اللى ذى بن لادن انه

يتلاعب بعواطف الناس

[NEW_MAN]

بعد أن بدأ السعوديين يكتوا بنار الجهاد الاسلامي ، اصبح اسمه ارهاب

واصبح للسعوديين رأي آخر

http://www.elaph.com.:9090/elaph/arabic/frontendProcess.jsp?SCREENID=article&COMMAND=fe.article&FEPAGEPARM=1054326034692924000

[fanous2102]

عارفين جحاقال ايه...مادام الحريق بعيد عن بيتى وأنا مالى...
.بنفس المنطق السعوديين بيقولواعن اسامه بطل....أول ما الحريق طالهم قالوا أرهاب ...دلوقتى مافيش وأنا مالى ..(noo:))

[bush]

يقول بروفيسور ..
(( بالنسبه لطبقة المثقفين ما عرفش لانى اعتقد انه ما فيش مثقفين اصلا ))

لا ياعم بعد كده أنتى فراش مش بروفيسور ..

مصر بلد المثقفين العرب .. وهي منبع الثقافه .. ولكن لما يتكلموا .. ترمونهم انتم يا معشر الإسلاميين الأصوليين بالكفر والزندقه ..

[professor]

انت متعود تنطح كده على طول ... الظاهر ان اللى بيقولوه عليك مظبوط


و مين يا بنى معشر الاسلاميين والاصوليين بتوعك دول ....انت زيهم بالظبط علشان يكون عندك فكرة

[iwcab-11]

الثقافة العربية شوية كلام وخلاص ، وإنتاجها هو عبد الناصر وصدام وإبن لادن
الثقافة العربية هى ثقافة الغزاة الذين يجرى تمجيدهم فى كل مكان تسيطر عليه الثقافة العربية ، وعندما يقلد المعاصرون ما قرأوه فى التاريخ يتهمونهم بالسرقة والإجرام ( كصدام وإبن لادن ) ء
الثقافة العربية مبنية على الغزو المسلح والإستيلاء على بلاد الآخرين وأموال الآخرين وإستعباد الناس وإرهابهم

[signal_II]

صدقنى السوال دا سالتة لواحد صاحبى خربان شوية وبيقول على نفسة انة ماركسى والعبارات مش عارف اية دى
قاللى باللفظ انتم كدا يامسيحين .. مأامريكيا بتضرب فى كل مكان
قلتلة يعنى افهم ان بن لادن ارهابى؟ قالى لو امريكا ارهابية يبقى بن لادن ارهابى

ساءلت دكتورة فى الجامعة قاللتى هو ارهابى ولكن عدو عدوى يبقى صديقى

هذا الكلام قبل ضرب السعودية والمغرب دلوقتى اظنة اصبح الارهابى الاول

ودا مثال ..واحد كان حاطط فى منتدى برامج صور لبن لادن على هيئة البوم الخليجيون كالعادة ادامة اللة ذخرا ووو
بعض المصريين ناقشوهم المشرف العام مسح كل مشاركاتهم فى الموضوع وقفل الموضوع مع دعاء لبن لادن بالنصر
وعلى فكرة اغلب البرامج المسروقة الموجودة على المواقع العربية يجب قبل ان تعملهاsetup
ان تدوس موافق على اللهم انصر الافغان والعراقيون وبن لادن ووو .....

مش عارف لو الصين وهى اللى بتمول اغلب المواقع دى بالبرامج علشان تعمل السيتب تدعو لبوذا هيعملوا اية

http://www.absba.org/vb/showthread.php?s=&threadid=17841&perpage=30&pagenumber=2
)dnc:(

[hanna3]

الاخ بروفيسير انا داءما ارك شخص مودب فلماذا تتجاوز حدودك مع بوش بلا سبب
انت كتبت تقول
------------------------------------
انت متعود تنطح كده على طول ... الظاهر ان اللى بيقولوه عليك مظبوط
و مين يا بنى معشر الاسلاميين والاصوليين بتوعك دول ....انت زيهم بالظبط علشان يكون عندك فكرة
_________________
ا ن من ينطح ليس انسان يا اخي واللة خلقنا متساويين
لا تنابذوا بالالقاب
ان من قال لاخية يا احمق يستحق نار جهنم
-----------------------------------------------------
اليس هذا يا اخي استفزاز لا لزوم لة بينما الادمن لم ينذرك اليس هذا ظلم للاخ بوش؟؟يا ريت الادم يتكرم باعطاء الاخ بروفيسير كارت اصفر للمساواة ليس الا
انني اطلب باحترام متبادل للجميع هنا وبدل من ان نلوم بوش علينا ان نمنع استفزلز البعض لة بلا سبب
ئكرا

Ô got:)( (DOK:)

[bush]

يقول بروفيسور ..

الظاهر ان اللى بيقولوه عليك مظبوط

ها ها ها .. موتني ضحك .. ومين دول اللي يتكلموا .. وبيقولوا إيه ؟؟؟

انا مايهمنيش حد مادام أني مقتنع باللي أعمله .. )Aa:) )Aa:) )Aa:)

[professor]

اعتقد اننا اتعودنا على ان الانسان اللى يمدح فى نفسه مش كويس

لكن الحمد لله انا ارى انى من النوع اللى لا يصيبه الاحباط بسهوله

مع ان اى واحد مكانى كان اصابه الاحباط من زمان من كلام الاخوه امثال bush و knowhate

واخيرا الاخ hanaa اللى بيحط السم فى العسل

بيشكر فيا فى الاول وفى الاخر بيحرض الادمن عليا طب ليه كده دا انا بحبك

اولا الاخ hanna زعلان انى قلت ان bush بينطح وماجبش سيرة انى انا اللى اتشتمت الاول وبيقول عليا فراش هههههههههه

ليه النفاق والتحيز دا ياعم حنا احنا مش بنقول اننا بنحارب التفرقة(kill: (kill: (kill:

وبعدين لما تحب تتوسط لحد اتوسط لحد غير ه لان تاريخه معروف

وبالنسبه ليك ياعم بوش عايز تعرف هما مين هما اللى منعوك من المنتدى ومنعوك لانك تستاهل

واخيرا انا بحب انى اتهاجم بعكس ما يظن البعض لان بيبقى فى متعه لما تلاقى ان ما فيش حد بيعرف يرد عليك بارانويا بقى (do:) (do:) (do:)

[mera1980]

برأيكم أن الإسلام دعى للقتل والتدمير وهذا ما وجدته من خلال تصفحي للمنتدى ..

وبالتالي فكل شخص يقتل أي يهودي أو مسيحي فهو مؤمن فلماذا تسألونا عن {اينا مادام أنكم مقتنعين بذلك

ميرا

[Mico]

ميرا،

بن لادن يفعل ما يفعله بدافع دينى، و ليس لكسب الشهرة او المال مثلاً. فلذلك اردت ان اعرف رأى الاخوة فى نشاطه. اهل هو نشاط جهادى؟ ام نشاط ارهابى؟ و حتى الآن لم تصلنى اى اجابة منكم.

طرح هذا الموضوع، خطر لى من مناقشة مع صديق (تقريباً نفس المناقشة التى دارت بين عماد و صديقه). إلقتيته فى 12 سپتمبر مهللاً و مكبراً. و اخذ يصيح "هذا هو الجهاد، هذا هو الإسلام يا اخوة" فاردت ان اتاكد من كلامه. هل مافعله بن لادن و الاربع خاطفين الإنتحاريين، اصبحوا مجاهدين و مثواهم جنات تجرى من تحتها الانهار؟!كـــــــيــــــــــف؟!

و الرب الموفق،

مـــيـــكـــو،

[NEW_MAN]

ميرا،

بن لادن يفعل ما يفعله بدافع دينى، و ليس لكسب الشهرة او المال مثلاً.


لا طبعا يا ميكو

بن لادن استفاد ماديا كتير

اولا : من تجارة الحشيش عندما كان يزرعه بوفرة في افغانستان

ثانيا : من الاعيب البورصة ، ويكفي ان تعلم انه باع سندات مالية قبل احداث 11 سبتمبر
الشهيرة ، وحقق منها مكاسب مالية

؟؟؟؟؟

[Mico]

اعذرنى يا نيو مان لكن بغض النظر عن انه استفاد ايه.. السؤال ايه هو الدافع؟! بس المال؟! معتقدش، ماهو تاجر كبير، و ابوه تاجر كبير.. يبقى ايه الدافع؟! لو كان الدافع دينى، دة مايتعارضش مع انه استفاد مادياً..

[bush]

يقول بروفيسور لحبيبنا هنا :

دا انا بحبك

إيوه يا عم .. تقيه ... تقيه .. تقيه

تاريخه معروف

ياعم .. فضحت نفسك يا حج .. مش أنتى كومارو .. ولا دينار ..

عموماً لو تفتح بوزك مره تانيه علي بقلة أدب .. حديك بــجــــزمـــه قديمه !!

وبعدين ليه عامل كده في نفسك .. بروفيسور .. ياعمي عاوزين صوره من الشهاده علشان الأدمن يحطها في الواجهه الرئيسيه علشان الناس بتعرف أن منتدانا ده فيه سباك .. عامل بروفيسور .. (kill: (kill: )Aa:) )Aa:)

[professor]

يتميز الانسان بانه يستطيع التحكم فى عواطفه وانفعالاته

لكن الاخ بوش عندما يصيبه العجز عن الرد يفقد هذه الطبيعه الانسانية مش قولتلك انا بفرح لما الاقى مافيش حد بيعرفش يرد عليا (kill:

وايه رايك يا عم حنا فى الكلام ده مش هترد طبعا لانك انت وبوش واحد مش كده ولا ايه

انت وبوش واحد مش كده ولا ايه

على العموم باقولك يا بوش كده العيب والكلام اللى انتى بتقوله يدلل على الوسط اللى انتى منه

[bush]

انت وبوش واحد مش كده ولا ايه

ها ها ها ها .. موتني ضحك الله يخرب بيتك دنتى مسخره ..


أنتى بدوي وجاهل مش كده ؟؟؟ فارد علي عضلاتك يا سباك بيه !!!

على فكره ممكن تقولنا أخر حمام ركبته إزاي ؟؟؟

(kill: (kill: )Aa:) )Aa:)

[george_ber]

سلام و محبة الرب لجميعكم


انا قد رايت و سمعت من معظم زملائنا المسلمين فى الكلية انهم يرونه محرر او بطل فعل ما لم تقد عليه الدول العربية فى الانتقام من الامريكين بالنيابة عن ما يحدث فى فلسطين

حتى انى منذ عدة ايام سمعت فى احد الاماكن يتمنى ان ينتشر مرض سارس فى امريكا و يطول بوش و كل الامريكين ليخلصو منهم


و اعتقد ان المسيحين كان منهم من كان فرحان جدا لضرب العراق و نسينا ان الذين يموتون هم بشر مثلنا كأننا فقدنا ادميتنا و انهم مثلنا دفع السيد المسيح ثمن خطاياهم و لكن لم يستفيدو منه فلابد ان نكون بشر حتى مع من يختلف معنا فى العقيدة


ان فى راى الشخصى سر من اسرار انتشار المسيحية ان البشر كانو يحتاجون ان يحسو بادميتهم و التحرر من الرغبات و الامانى السيئة للاخرين و ازالة الكراهية

لكن نحن للاسف تاثرنا بالعالم بحيث اصبحنا نتمنى الشر لكل من يضايقنا و نسينا ان الرب قال احبوا اعدائكم و لم يقول عاملوهم بالمثل

[mazen]

أولا الاخ بوش و الاخ بروفسير
المنتدى ليس مكاننا للحرب فكلنا أخوه رجاء عدم كتابة ما تقولنه بالمنتدى هنا مكان للعلم لا مكان للحرب والسب

أولا بن لادن بطل و مش بطل
بطل لأنه الوحيد فى العالم ألى قدر يقول لأمريكا لاء وللعلم أمريكا هى ألى دربتله رجالته و هى ألى أمدته بالسلاح فى أول الامر عشان يحار السوفيت و ممكن أبقى أكتب موضوع عن الحته دى
ثانيا مش بطل عشان ألى يقتل المدنين مجرم و أنا مسلم وبقولك مجرم و أيات القراءن فى هذا الصدد كثيره و الاحاديث كثيره
قتل المدنين جريمه شنيعه و يجب أن يحاسب عليها و سيبك من رأى العامه فالقراءن و الحديث فى هذا الصدد واضحين

و شكرا

[signal_II]

كاتب الرسالة الأصلية : mazen

بطل لأنه الوحيد فى العالم ألى قدر يقول لأمريكا لا
ثانيا مش بطل عشان ألى يقتل المدنين مجرم وقتل المدنين جريمه شنيعه

فرنسا وروسيا والمانيا اليسوا ابطال .. الم يقفوا امام امريكا فى حرب العراق رغم ان من الافضل لهم لو هى حرب مصالح تقسيم الكعكة بينهم ؟؟؟ هو البطل من يكون يقتل ويدمر فقط اما م يعارض ولة وزن سياسى يجبر الاخر على قبولة ام المسالة عافية فى عافية والبقاء للاقوى ؟؟؟

تقول يامازن من يقتل المدنين مجرم ومارائيك فى من يقتل المدنين الاسرائليين ويقولون على شهيد فى عملية استشهادية ... بالطبع اانا لاانكر على الشعب الفلسطينى حقة فى المقاومة لدولة فى حدود 67 لكن لية يتشطروا على المدنين بس ؟؟؟


----------------------------
مازن انت فى جامعة اسكندرية مش كدة فاكر مذاكرات التيار بتاعت احلامنا سنة 2020
وارة الاوقاف الفرنسية - بناء مسجد فى البيت الابيض - ولاية امريكية تطبق احكام الشريعة الاسلامية -
السعودية تفوز بكاس العالم فى طهران وفاكر الغلاف اللى بعدة اللهم انصر الافغان ولا اييية ؟؟؟

[hanna3]

يا سيد بروفيسير انا وبوش 2 لان 1+1=2
ولا داعي لاسلوب الاستفزاز للاخ بوش ولي كمان عيب اذا لم يعجبك المنتدي مع الف سلامة اذا استمريت معانا احترم الاخ بوش وهو لن يقول لك كلمة خارجة لا داعي لاستغلال التسامح واستغلال طبيعة بوش المتسرعة لا تستفزة
يا ريت نتعامل باحترام صادق وليس تخابث وليس من الامانة ان تستفزة وتزعل لو رد
سلام

e (@:)

[bush]

مشكر أوي يا عزيزي الغالبي حنا ربنا يبارك فحياتك ..


برفيسور ... (kill: )Aa:)

[mazen]

نعم أخى عماد انا لا زلت مصرا على رأى من أن من يقتل المدنين مجرم و له عقاب شديد عن الله
و لكن الامر يختلف فى أسرائيل فهؤلاء ليسوا مدنين هؤلاء محتلون و يبدو انك لا علم لك بالسياسة الداخلية لأسرائيل
فلايوجد مدنى واحد داخل أسرائيل لاينتمى لحزب يقتل الفلسطينويون لا يوجد منهم شخص لا يؤذى الفلسطينيون
هل تعلم ان اليهود اليهود يثبتون أن دولة أسرائيل دولة حرام أى قامت قبل معادها الذى جاء فى التوراه
هل تعلم أن كل أسره أسرئيليه لها أبن بالجيش ألا و يفتخر انه قتل كذا و كذا من الفلسطيونيون
هل تفرح عندما ترى الدبابات الاسرائيليه تدق باب كنيسة المهد و يمنعمن العيد
أخى انصحك برؤية قناة المنار التابعة لحزب الله لتعلم من هم المدنيون و ترى ماذا يفعلون
و انصحك بقراءة الصحافة الاسرائيليه او متابعة البرامج التى تعرضها بالعربيه لتعلم من هم المدنيون الاسرائيليون

و فى رأى ما علاقة احلامنا التى يصدرها التيار الاسلامى بموضوعنا
انا أرى انه لا يوجد مشكله فى كتابة الكريكاتهير و للعلم تشدد التيار الاسلامى فى الكليات (و ليس التيار الاسلامى الحزب السياسى) ساعات يخرجهم عن الدين و الصواب فلا تأخذ كل كلامهم مأخذ الجد
و شكرا

[maryana]

انا مع جهاد بن لادن للروس في الشيشان

اما بخصوص موضوع 11/9 فهو نفى انه الفاعل في البداية

و لكنهم اصرو على هذا

اذا جاءت اي شخص و قال لك انت قتلت فلان

ثم انكرت و لكنه اصر و انت في كلا الحالتين معاقب اساسا

فماذا ستختار ؟؟؟

لماذا لم يسال اللوبي الصهيوني عن ال 4000 يهودي الغائبين ؟؟؟؟

العين تحلق منذ زمن على افغانستان

لان النفط موجود . و بداية للسيطرة على قلب العالم الاسلامي

و بعدين بالعقل يعني

معقوله امريكا بثوراتها العلمية و تقدمها المرعب لا تقدر على ان تقبض عليه !!!

لماذا ؟؟ و هم يحددون مافي الارض من ماء و نفط و ثروات بمجسات دقيقة من الفضاء !!!!

و من امد بن لادن بالسلاح اثناء قتاله للروس ؟؟ اليست امريكا !!!

و من امد حتى صدام بالسلاح لغزو العراق

اليست امريكا ؟؟؟

تترك الحية ترتع و تنفث سمومها .. و نجري خلف بن لادن !

[Mico]

ماريانا،

انصحك بقراءة موضوع "نظرية المؤامرة" المطروح من قبل العضو: "النسر"، حيث انك تطبقينها بحذافيرها :)

و الرب الموفق،

مـــيـــكـــو،

[signal_II]

اخى مازن
بصراحة احيك على اراءك وان كنت بالطبع اختلف معك فى بعضها
اسرائيل بها حركات سلام تفوق نظيرتها فى الدول العربية التى اغلبها ينادى بالحرب على اسرائيل دائما
اسرائيل بها جنود يرفضون الخدمة العسكرية فى الضفة وغزة
اهولاء يستحق ان نفجرهم
الاسرائلين ليسوا محتلين فباالاتفاقات الموقعة
من اول كامب ديفيد لحد خاطرة الطريق
ستجعلهم شعب يهودى .. ورغم اننى اعرف انة عقاب الله لهم بالتشتيت
لكن اليست هذة الارض ارضهم من القديم ( هذا ليس موضوعنا )
واعرف ان لايعاقب فرد بخطا فرد اخر
فلماذا لانرى الاستشهاديين او الانتحارين ايا كان اسمهم يفعل هذا فى الجيش الاسرائيلى
الذى يدك بيوتهم بدلا من الافراد المدنين الاسرائيلين

اما حكاية شباب الجامعة فانا كنت عاوز اوريلك قد اية الافكار المسمومة بتاثر على فكر الشباب

[bush]

المجاهد ماريانا هانم يقول :


بخصوص موضوع 11/9 فهو نفى انه الفاعل في البداية

ياعم أتنيل بقه .. طالبان نفت التفجير .. وأبن لادن .. خرج بالتلفاز ويعلن مسؤوليته .. والإعتراف سيد الأدله !!!



العين تحلق منذ زمن على افغانستان لأن النفط موجود

أفغانستان غنيه بالغاز الطبيعي مش البترول يا بدوي يا جاهل !!!



معقوله امريكا بثوراتها العلمية و تقدمها المرعب لا تقدر على ان تقبض عليه

غلطتهم أنهم لم يستخدموا النووي من البدايه لأن بن لادن يختبئ بجحور وكهوف لا تستطيع نيران المقاتلات أن تصل إليه !!!


تترك الحية ترتع و تنفث سمومها .. و نجري خلف بن لادن

لعلك تقصد هنا أن الحيه هي رسول الإسلام ؟؟؟ (kill: (kill: (do:) )Aa:) )Aa:)

[maryana]

أفغانستان غنيه بالغاز الطبيعي مش البترول يا بدوي يا جاهل !!!

هاهاهاهاها

و هل يوجد غاز بدون بترول يا بوش !!! (kill:

اي ننوي اللي يستخدموه

لو ينفع كانو استخدموه و لكن الظاهر انك ما تعرف كيف هي سياسة الولايات المتفككة

قبل ان يستخدمو اي شي يحيطهم الرعب

يتحايلون على الراي العام

مش بالسهولة بيستخدمو النووي يا بوش اتمنى ان تقرا اكثر في السياسة الخارجية الامريكية



لعلك تقصد هنا أن الحيه هي رسول الإسلام ؟؟؟

العقل يا رب !! اقصد رسول الله و انا مسلمة و آمنت به و اشهد ان لا اله الا الله و ان محمد رسول الله !!!

بس الحية هي من تسمى بالولايات المتفككة (kill:

[george_ber]

لان ارائك لا يمكن ان تصدر عن انسان مسيحى او انسان اصلا من يشجع على قتل غيره بدافع الجهاد هذا منطق اللانسانية ليس يمكن ان يصدر من انسان يعرف الله فكيف يكون بما فعله بن لادن يجاهد من اجل الله و هو يقتل ناس لم تؤذيه


اما عن نظرية غياب اليهود عن مركز التجارة يوم 11 / 9 فهو شيىء سمعته جعلنى اضحك لان لى اقارب عديدن ممن يعملون بالقرب من مركز التجارة العالمى هناك و عندما سمعو هذا الكلام ضحكو ايضا لان ببساطة لو انا صاحب عمل و فاجاة غاب 4000 شخص ينتمون لجهة مواحدة المنطق يقول انى ساوجه لهم التهمة على الفور فلن تدافع عنهم الولايات المتحدة و تنسى مواطنيها الذين ماتو فى تلك الحادثة و تعتبرهم شهداء حرب للتخلص من العرب و المسلمين


بالله لا داعى للاستخفاف بعقولنا نحن لسنا اطفال يصدقون تلك الادعاءات المستمرة بالمؤمرات

ثم ما يخص التكنولوجيا بتتبع بن لادن هل هناك طريقة تجعلهم يشمون رائحته بواسطة التكنولوجيا لتميزه عن الباقيين

المسئلة ان من حوله لن يبلغو عنه لانهم سيكونون معه لو سقط

كما ان لو كان بطل بحق لماذا انكر بطولته فى البداية


شكرا

[Mico]

مجرد للتوضيح يا چورچ، ماريانا مسلمة و هى لم تنكر ذلك.

سلام،

[george_ber]

ممكن ان تعرف انى عضو جديد فى هذا المنتدى

لكنى ناقشت معها الافكار التى طرحتها عن بن لادن


فهو من الناحية الانسانية و لنترك الدين لا يمكن ان يكون انسان طبيعى

[Mico]

عندما ذكرت ان بن لادن لا يمكن ان يكون انساناً طبيعياً، تذكرت على الفور تسجيلاته التى نشرتها له قناة الجزيرة القطرية، فشعرت و كأنه ذئب جائع لحوم الأمريكان و اليهود، و متعطش لدماء الكفار كما اطلق عليهم. إنسان لا يفرحه إلا مشاهد دماء و قتلى.

يتبعه بعض الشباب الضائع، منهم من فقد اهله، و منهم من فقد نفسه، و منهم من اسرة منشقة، دفعهم هذا الذئب لخدمته بارواحههم! و كأنه إستطاع ان يعميهم عن حياتهم و صاروا منومين نوماً مغنطيسياً، فامرهم بإختطاف طائرتين و قتل انفسهم!

ما حييت لن انسى ضحكته البلهاء عندما رأى جثث الأمريكان تتناثر من مركز التجارة العالمى! فمن يضحك على جثث البشر إلا الذئاب؟!

الله يهديه!

مـــيـــكـــو.

[bush]

الله يهديه!


قصدك .. الله يــهــريــه

[Mirage Guardian]

بصراحة انا جديد هنا ولسه ماخدتش على الجو...

بس ليه التفرع بعيد عن الموضوع الأساسى؟ ليه الحوارات الكتير بين الاعضاء؟ يا جماعة دا منتدى مش ماسنجر..

طبعاً انا عارف ان كتير هايقول ده جديد وجاى يعدل علينا.. هوه من أول ما يشطح ينطح.. وممكن حد من صيادى الأخطاء يعقب انى باستخدم نفس الأسلوب دلوقتى..

ما علينا.. نرجع لموضوعنا عن بن لادن..

بن لادن...هو احد ابناء اشهر العائلات في السعودية..و لها شركة بترول ضخمة تحمل اسمها حتي الان..
بداية تأسيس نظام القاعدة ..لم تكن اسلامية ولا حتي تحت اي منظور ديني..
و انما قامت بتأسيسها ..أمريكا نفسها...
استغلت بعض المنافقين لدعوة بعض ضعاف النفوس و اقناعهم بأن هذا جهاد...
الهدف الاساسي كان هو...التنغيص علي الحكومة الروسية..و جعل روسيا جحيماً..
تم تدريب كوادر هذه المنظمة بمعرفة الـــCIA و الحكومة الامريكية ....
وبتمويل امريكي مائة في المائة..

بعد انتهاء الهدف الاساسي من القاعدة...تم اصدار الاوامر لتسريح افرادها ....و تم وقف تمويلها.
بن لادن ..رفض وهرب ...وقام باعادة تنظيم هذه الكوادر ...و قام بنشر بغض الكلام...
عن الجهاد و اقناع العرب بذلك...و ذلك حتي يحصل علي التمويل الذي يريده..
و لكنه لم يغفر لامريكا ...تخليها عنه...و قرر الانتقام...و خطط له...و كانت النتيجة 11 سبتمبر..

الوضع كله سياسى بحت وعداء بن لادن عداء شخصى لأمريكا ولكل ما هو أمريكى.. ساعده على ذلك بعض الشيوخ البركة اللى بيفتو فى كل حاجة من أول السياسة لحد إن الطلاق بالإيميل غير جائز شرعاً.. وده تطور طبيعى لإنتشار الحركة الوهابية فى السعودية وموجات التكفير اللى على ودنه والمطالبة بقيام الدولة الاسلامية (بلا وكسة) وتسميتها بالدولة الجديدة والتى أساسها العودة لما قبل التاريخ من احكام تخلى الواحد يضرب كف بكف

وكفايه كدا نبقى نكمل بعدين ان عشنا وكان لينا عمر.. تحياتى للجميع

[george_ber]

انا لا اعتقد فى صحة نظرية المؤامرة ان كل شىء خاطىء يكون موامرة من الغير علينا فنقول كل شىء من امريكا و اسرائيل هل نحن بغير عقول يفعل بنا الاخرون ما يريدون بداية حل المشاكل الا نحاول ان نبرأ انفسنا و ان العيب دائما من الاخر


لا اعرف مدى صحة معلومة ان تنظيم كان يموله الامريكين لضرب الاتحاد السوفيتى فقد سمعت ذلك من قبل لكنى لا اعرف مدى صحته , و لكن هل الامريكين فعلو غسيل مخ لكل من دخل القاعدة حتى يقتلو غيرهم بدعوى الجهاد فى سبيل الله

هل الجميع اغبياء لدرجة ان اى شخص يقدر ان يجعله يفعل اى شىء فى اى وقت لا اعتقد ذلك ان بداية المشكلة الحقيقة التى لابد ان نعترف بها عدم وجود مرجعية اسلامية يتفق حولها كل الاراء حتى عندما تقول ان شىء خطأ يلتزم الجميع بذلك لكن انت تجد فتوة من احد الشيوخ فى شىء و ثانى يوم تجد من يفتى بالعكس

فهل تعرف ان هناك شيوخ كانو يقولون ان ما فعله بن لادن جهاد و ليس ارهاب فى الوقت الذى كان فى الازهر فى مصر يصف عمله بالارهاب فبالتاكيد تحدث بلبله فى الاراء و كل شخص ياخذ الفتوة التى تتماشى مع تفكيرة

شكرا

[Mirage Guardian]

عزيزى جورج بير

جهاز الـ CIA لم يكتسب شهرته من فراغ.. فلن تستطيع الإجابة عن أفعاله إلا بالنظريات

جميعنا يعلم بالحرب الباردة التى كانت بين الولايات المتحدة والإتحاد السوفيتى.. هل ترى وسيلة أنجح لخلخلة الروس عن طريق شراء بعض المشايخ وجعلهم يقومون بعمليات غسيل المخ؟

ليس الجميع أغبياء بالطبع.. لكن عندما تنظر للدول الإسلامية أعتقد أنك ستفكر مرتان فى موضوع الغباء هذا.. فهو موروث

لنعود حول نقاشنا حول بن لادن..

كان رجلا مترفاً يعيش فى الفساد.. قابله أحد رجال الدين الاسلامى.. تأثر كثيراً بأفكاره..

يا عزيزى العرب سلالة من القبائل المتفرقة.. تحكمهم العصبية وحب الظهور والتعطش للقتال.. فماذا لو استطعت أن أجعلك تفعل هذا بمسمى الجهاد؟؟ بالطبع ستضع لثورتك دون قضية هدفاً دينياً وماركس قال "الدين أفيون الشعوب" وهذه المقولة تنطبق أشد الإنطباق على الشارع العربى.. (اتخانق فى الشارع وزعق وقول يا ****** يا ابن (....) وشوف الشارع يجرى فيه ايه.. أبو مين ما يخدم)

من السهل جدا غسل المخ بالدين.. أنها أولى الألعاب السياسية

بالنسبة لنقطة الشيوخ اللى بيحللوا بمزاجهم ويسموا ده جهاد..
لست أحب أن أعيب فى رجال الدين الإسلامى لأن المسيحية تقتضى احترامى للأديان.. لكنى لو كنت شيخاً أو إماماً لاستطعت بسهولة شديدة أن أضع يدى فى شوال الآيات وأحاديث الرسول وأمزمز فيها وانا قاعد على المسطبة وأطلع الكذب حلال والصدق حرام والتعصب حلال والمساواة حرام.. فما بالك بالجهاد والأرهاب

تحياتى وتقديرى

[george_ber]

انا معك على قدرة اجهزة المخابرات و خصوصا CIA ولكن اعتقد و هذا مجرد راى شخصى بدون ادلة ان صعب ان يفكر جهاز المخابرات فى تلك الطريقة فى الحرب الباردة لان جهاز مثل CIA يعرف ان بمجرد ان ينهى غرضة من القاعدة سينقلبون ضده

انا شخصيا نظرية الموامرة دائما لانى ارى ان الاساس الخاطىء من الداخل و ليس الخارج فلو كان من وقع فى ايديهم على دراية بالنواحى انسانية على الاقل و ليس الدينية لما كان فعل تلك الافعال

فالمشكلة فى الداخل لتعدد الاراء الاسلامية على طريقة الجهاد فى سبيل الله

لكنى ارى ان ابن لادن لم يكن ينضم لتلك المجموعات الا للوهم بان الدين يامر بذلك و ليس عن تجنيد له

و اكيد لو سئلته عن سبب افعاله سيقول من اجل العرب و المسلمين و فلسطين و ..... ولن يقول انتقام لترك CIA لهم

و هذا راى شخصى يقبل الخطأ او الصحة

الرب يباركك