View Full Version : يايسوع ..أين سلامك ؟؟؟
صائد الذباب
04-03-2005, 01:58 PM
الصياد : ربى.....الهى....أنى أحتاج اليك ...فمهما حاولت وحدى أن انجو من الذئاب....لاأستطع..لاأستطع.....أنى فى عرضة لنوائب كثيرة هذة الايام....ضاع منى السلام.....ضاع منى الصبر....بل ضاع الصياد....ضاعت نفسى ....ضاعت نفسى ياربى.....كلمنى.....أرجوك....أتوسل اليك ....أزرف دمى ودموعى على بابك ....أفتح لصغيرك ....أفتح لصغيرك الضائع المائت....ربى ....أين أنت؟ ...أنا تعبت...قواى تحطمت على أعتاب الاثم ...أين صليبك؟ ...أين دمك المسفوك لاجلى ؟...بل أين أنت؟ ...ربى...ربى...أجيب ..أجيبنى يايسوعى....أجيبنى ياحبيبى القوى الحنون....الهى...الهى...أبى السماوى...تزعزعت ثقتى بكل شىء...كل شىء ...تزعزعت ثقتى حتى بوجودى...تزعزعت ثقتى بحبك لى ....نعم ...أنا أعترف بأننى اضحيت لا أعرف لما أنا هنا !!....لما أنا أحيا فى هذا العالم ...الذى أصبح لا يعرف غير منطق الخيانة والحقد والحرب...أين سلامك...أين حبك؟؟؟...بل أين أنت ياربى ...أين أنت ...أين أنت؟؟؟؟؟
الرب : ياصياد....يا ابنى الصغير الحبيب....لا تحزن ولا تبتأس....أريد منك أن لا تتوخى سلاماً خالياً من المحن ...يجب أن تقاسى ألم المضادات...بل أحسب أنك قد وجدت السلام حتى عندما تكون فى وسط أشد أنواع الالام...والشدائد....وتبتلى بكثرة النكبات
أن قلت أنك لاتستطع أن تحتمل كثرةالبلايا...فكيف ياترى ستطيق عذاب الجحيم ؟؟من الشرين يجب أن تختار دائماً الآهون...أنا موجود ...أنا معك ياحبيبى الصغير...لم أتركك ولو للحظة ...ولكنك الذى تتركنى ببعدك وبعد أفكارك وترتيبك لحياتك....أنت يابنى وهبتك ماهو عظيم وخطير ...ولا تلتفت الية الا لتستمتع فقط بة ....أصرخ لى ..أزرف دموعك ودمك ...بل أنحر نفسك لاجل أن تتمم كل خير لنفسك ولنفوس كثيرة فى مقتبل الايام...
أنا صانع العظماء ...أنا صانع الحياة ...بل أنا الحياة ذاتها....أرجع ياصياد.....أرجع ياولدى الصغير الى أحضانى ...فأنا القوة ...فأنا الحق ...فأنا الحياة
الصياد : ولكننى ياأبى....أحس بأحساس شديد هذة الايام ...كأننى منزل قد ضربة زلزال...كأننى بركان أنفجر بداخلى ...أبكى بدون دموع ...أصرخ بلا صوت ....أحس أننى هواء ...فراغ ....لاشىء....بل أنا أحس أحياناً أننى أحقر من حشرة...أحس أننى العن من يهوذا ...سهام التهم والمسالب لاتتركنى ...أبليس يهيج على الجميع ....القريب والذى يعرفنى....يهيج على حتى من كنت أضعهم فى قلبى ....كل هذا يأتى فى وقت أنا فية ضعيف ...أحمينى فى صدرك ..أرحم ضعفى ...أرجع لى طفولتى التى ضاعت عندماا حاولت أن أكبر على ذاتى
أبتسم الرب أبتسامة جعلت الورود تتفتح حول الصياد وجعلت الشمس تبزغ من بعيد لتحول سماء نفس الصياد الى نور قائلاً للصياد : هب أن كل ما يضربك بتهم الباطل حاصلون على ما يبتغى منهم الشيطان ....ولكن الى كم من الزمن سيدوم أنتصار الشيطان عليك؟؟؟؟
ها أنا موجود ...أنا ترس خلاصك ....أنا درعك القوى.....أنا ملجأ وحصن لكل من يجرى الى ويحتمى بى...لا تقل ..أين ؟؟ ولا كيف ؟؟ بل بالحق قول ياصياد ...أنا أبنك فخذ بيدى وأمشى بى كيفما تريد ياأبى
الصياد : نعم ...نعم ياأبى ....أنا أبنك فخذ بيدى وأمشى بى كيفما تريد يا أبى الحبيب...يا سيدى وربى وياكل حياتى
ياكل حياتى
ياكل حياتى
youssef1122
04-03-2005, 08:43 PM
الرب قريب لمن يدعوة.. 10():
عبدالمسيح أبونقطة
05-03-2005, 03:00 AM
الرب:يا صياد يا حبيبي الصغير إنت عاوز الخلاص لنفسك مش كده روح صيدلك كم دبانه من بتوعك عشان بيعملك تفريغ عصبي
(..بل أنحر نفسك لاجل أن تتمم كل خير لنفسك ولنفوس كثيرة فى مقتبل الايام)
ولو حصل إنك تفجر فيهم بالدناميت يكون أحسن أحسن تخلص نفوسهم هم كمان من عيشة الدبان دي
knowjesus_knowlove
05-03-2005, 03:09 AM
عندك حق يا أبو السااااااااااااام...
الأخ أبو نقطة طلع تقية إبن حرامية وليس يوسابى النزعة....
إنت كسبت المرة دى
(sml19)
sammy
05-03-2005, 03:24 AM
عندك حق يا أبو السااااااااااااام...
الأخ أبو نقطة طلع تقية إبن حرامية وليس يوسابى النزعة....
إنت كسبت المرة دى
(sml19)
واشمعنى المرة دى؟ أنا باكسب فى الحكاية دى على طول... يابنى أنا باشمهم ... أمال مشرف أونطة أنا ...أنا ولا فخر أول واحد عرفت إن كيرلس حقيقى ,غن ساد فور ذات ربنا ينجحه مطرح ماهو موجود حقيقى, وعرفت الفشنك برضه ولا عاوزنى أفكرك؟؟؟
عبدالمسيح أبونقطة
05-03-2005, 04:52 AM
المنتدى هنا في الولايات التحدة يعني في الغرب الناس عندهم أن الاصل في الكلام الصدق والكلام على العموم ما بيموتش حد طيب سيبوني أتكلم انتوا بتحدفوا مواضيعي ما بتردوش عليها
سوتير
05-03-2005, 05:26 AM
ابنى العزيز الصياد
السلام والنعمة
ارجوك ان ترسل لى بياناتك الشخصية على البريد الخاص لعلنا نستطيع ان نساعد بعضنا
saweres
05-03-2005, 06:37 AM
ابنى العزيز الصياد
السلام والنعمة
ارجوك ان ترسل لى بياناتك الشخصية على البريد الخاص لعلنا نستطيع ان نساعد بعضنا
أينعم هتساعده مساعدة عظيمة
هتريحه على الآخر (dig:{ (BAY:)
يا عم ده منتدى عام ، محدش بيبعت بياناته لحد (bay:))
saweres
05-03-2005, 06:54 AM
المنتدى هنا في الولايات التحدة يعني في الغرب الناس عندهم أن الاصل في الكلام الصدق والكلام على العموم ما بيموتش حد طيب سيبوني أتكلم انتوا بتحدفوا مواضيعي ما بتردوش عليها
يعني عاجبك قوي اللي انت كتبته
الراجل بيشتكي ويكتب تأمل
وأنت تيجي ترد بكلام ما يتحطش غير في حوارات الأديان؟!!!!
تعرف يا عم سامي
النقطة دي هي الطاقية بتاعته (hrt: (do:)
sammy
05-03-2005, 11:17 AM
تعرف يا عم سامي
أنا مرة رديت عليه وقلت "أبو نقطة الظاهر جات له نقطة فى نافوخه" لكن حد من المشرفين مسح لى مداخلتى... معلهش ... أنا ألكبير برضه... لكن كان بس الناس ابتدوا يعرفوه على حقيقته...
sammy
05-03-2005, 11:20 AM
طيب سيبوني أتكلم انتوا بتحدفوا مواضيعي ما بتردوش عليها
طب تقدر تقول لنا ياحدق ليه كنا بنمسح مواضيعك مع انك كنت لابس طاقية واحد مسيحى....
تقدر تقول لى أكتشفنا ازاى أنك لامؤاخذة مش أنت؟
سوتير
05-03-2005, 02:03 PM
اسف يا اخى ساويرس ولكن فعلا الطريق الى جهنم ملآن بالنوايا الحسنة
اكرر الاسف .
saweres
05-03-2005, 02:42 PM
اسف يا اخى ساويرس ولكن فعلا الطريق الى جهنم ملآن بالنوايا الحسنة
اكرر الاسف .
مفيش داعي للأسف يا أخ سوتير
المنتدى عام ، وفيه الحمل وفيه الذئب
وما تقدرش تعرف الحمل من الذئب إلا بعد اختباره
يعني بلاش حكاية البيانات الشخصية دي من أي عضو
مهما كانت نيتك حسنة ، لازم يكون عندنا شيء من الحكمة لوزن الأمور
وربنا يباركك وأنا آسف اذا كنت زعلتك
saweres
05-03-2005, 02:44 PM
أنا مرة رديت عليه وقلت "أبو نقطة الظاهر جات له نقطة فى نافوخه" لكن حد من المشرفين مسح لى مداخلتى... معلهش ... أنا ألكبير برضه... لكن كان بس الناس ابتدوا يعرفوه على حقيقته...
أنا اللي تجرأت ومسحتها
أنا آسف يا عم سامي بس العنوان مكنش مناسب أبدا
انت الكبير طبعا ، انا مش عجوز كده )aAA:)
عبدالمسيح أبونقطة
05-03-2005, 03:22 PM
هي نقطة وحدة بس لأ دي نقاط كتيرة بدا من عقيدتي الي تربيت عليها إلى الكنيسة والبابا شخصيا إلى حكاية القومية القبطية الي موجودة في عقلي الباطن نهاية بمشاركاتي الي اخرها طلب إجابة سؤال إنت طرحته أو يمكن ساويرس يعني كدة:
ساويرس:ليه كنا بنمسح مواضيعك مع انك كنت لابس طاقية واحد مسيحى....
عبدالمسيح أبونقطة:ليه..!!!!!!!!!!!!!!!!!
ساويرس: وأكتشفنا ازاى أنك لامؤاخذة مش أنت؟
سامي:أنا أبشمهم شم..!(يبدو أن أحد الثديات الشمامة دخل على الخط)
عبدالمسيح أبونقطة:إزاي
دا هو نص الحوار احذف مشاركتي منه وأمنية خاصة إن المداخلة مابتنحذفش اتكلمو فيني زي ماأنت عاوزين وأنا أتقبل وبالنسبة لمسألة حوار أديان في المنتدى العام حتكلم فيها بشكل مفصل لو انتو عاوزين وبتؤمرو أمر...
knowjesus_knowlove
05-03-2005, 03:47 PM
اتكلمو فيني
وكمان عربى سعودى جعر؟؟؟؟؟
عبدالمسيح أبونقطة
05-03-2005, 04:10 PM
وكمان إرهابي وهابي ديناميتي بس بلاش اسلوب الحذف دا
صائد الذباب
05-03-2005, 04:31 PM
ياراجل ...أنت بتتكلم جد؟؟؟
يعنى أنت مش نصراانى كافر
أنت وهابى مسلم مؤمن وموحد باللة؟؟؟
أنا مش مصدق ياخويا ياعبدو
أنا فكرك مننا ...من الناس الكفرة...أريد أجابة شافية فأنا لاأخد الناس بالشبهات
والمتهم برىء حتى يعترف بجرمة
عبدالمسيح أبونقطة
05-03-2005, 05:06 PM
إنت ديموقراطي قدع ياصياد لكن بدل ماتسألني أنا روح إسأل الجماعة الإي فوق وصدقني إن الكلام اللي بيجي منهم هو الصحيح
iwcab
05-03-2005, 05:16 PM
وكمان عربى سعودى جعر؟؟؟؟؟
ليه كده ؟ ما الطيب احسن
إنت مش عرفت الحب ؟
صائد الذباب
05-03-2005, 05:42 PM
يا عم عبدة...أصل أنت ردك على موضوعى مش كويس خالص
أنا مش بعدل عليك ...ربنا يسامحنا كلنا...انا اكثر انسان هنا خاطىء ولا استحق غير ضربات الرب
لكن لكل مجال مقال....وانت اتكلمت معايا بطريقة غير محببة ولا تصدر غير من ناس تانية
انت فاهمنى اكيد....وطبعاً الناس هنا مخها كبير...وممكن الكبير بيغلط بردة فى حكمة...بس أنت اللى خالليت الناس تغلط فى حكمها عليك
أنا هسألك سؤال واحد
أنت أية هى نظرتك للاقباط ولمشاكلهم وللبلد عموماً؟؟؟
ولاتزعل ولا تحزن ...حاول أن تكون وتظهر محبة المسيح فى فلبك للجميع
وبلاش حكاية أننى أموتلى كام دبانة علشان أعصابى ترتاح...ماهو دة الكلام اللى خاللى حبيبى سامى وكاف كاف يقولة عليك كدة ..وواضح كمان أنها مش أول مرة سامى يمسك عليك أخطاء
محبتى وسلامى للجميع ولك أخى عبدة
أحنا هنا كلنا أخوات حتى المسلم والوهابى والمتطرف
knowjesus_knowlove
05-03-2005, 05:54 PM
ليه كده ؟ ما الطيب احسن
إنت مش عرفت الحب ؟
بالطبع وكعادتك دائما أنك بتفهم متأخر جدا ياحبيبى يوساب..
فأكيد صور لك عقلك إننى عنصرى لا أحب العرب السعوديين وطبعا بنيت قرارك على هذا الأساس . ... وتساءلت عن أننى أعرف الحب أم لا....
ياحبيبى .. أنا أحب كل البشر ومنهم أبو نقطة نفسه سواء كان سعودى أم لا...
وأنا لا أعمم فى أرائى أبدا .. فكما قلت من قبل... فى كل الشعوب يوجد الصالح والطالح...
ماقصدته هو أن أبونقطة هو سعودى وقد عرفته من لغته ... وجعر لأنه كذب علينا إتباعا لتعاليم رسول الشيطان والتقية....
أعتقد أيضا أنك تعرف أننى أكره الخطية ولايمكن أن أكره الخاطئ ..
كلنا خطاة ياحاج يوساب
iwcab
05-03-2005, 06:01 PM
مش إنت علشان تكسبه لازم تظهر له محبة المسيح ؟
sammy
05-03-2005, 06:45 PM
(hrt: (hrt: (hrt:
عبدالمسيح أبونقطة
05-03-2005, 07:06 PM
عزيزي صياد أشكر فيك صفاء معدنك الي اكتشفته من ردك وياريت كل المشرفين يكونو زيك لكن انت بتلومني على سوء مشاركتي ولم تلم الشرفين على حذف مشاركاتي وموضوعاتي وأول مشاركة لي في موضوعك
الرب:ياصياد ياابني الصغير الحبيب انتى بتحرجني أصلو أنا لم أخلص نفسي لما صلبوني أولاد الحرام عاوزني أخلصك روح دورلك على رب ثاني يمكن بوذا ولا كونشوفيس ولا اللات بتاع العرب..!!
حذفت ليه لأنها ما بتنحطش إلا في حوار أديان وهي ليست أول حذف علما بأنيي سبق ونزلت موضوع أربع مرات وأربع مرات مش ينحذف بل يختفي اشتكيت وقلت بريدي عندكم ولم تصلني أي رسالة في موضوع اعلانات تهم المسلمين قلت يا حمقى الله يخرب بيتكم زي ماخربتوا بيوت القبط دينا يقول لأ وتربيتنا بتقول لأ وحضارتنا بتقول لأ وانحذفت المشاركة وبنسبة لمشاركاتي إنت بتسخر من نفسك ودا مش عيب وأنا مابتكلمش معاك بصورة غير محببة إنت راجل نكتي ونحن نمارس نوعا من النقد لاأكثر..وحرسلك رسالة خاصة لأن ثقتي اهتزت في النتدى
صائد الذباب
05-03-2005, 07:11 PM
ياجماعة الحكاية فى غاية البساطة ومش محتاجة كل الكلام دة
لو عبد المسيح دة مسيحى هنعرف مع الايام ولو هو متخفى بردك هنعرف من كثرة احتكاكة بالمواضيع هنا...وفكل الحالات مش مهم تقية والا اصلى ...هو مش هيكسب حاجة ولا هيوصل
لحاجة معانا...بس طبعاً هنكون غلطنين بشدة لو الراجل دة طلع مسيحى....وهنخسر أنسان هنا
وطبعاً لو هو مننا مش ممكن هيسبنا ويمشى....بس اللى مستعجبلة...هو لية مبسوط بلاتهامات دة؟؟؟
اخى يوساب...انت دائماً تغير الحديث وتقلب المواضيع....ما لة محبة المسيح والموضوع دة
يعنى حلو لما يجى واحد يضحك علينا ويعمل نفسة مسيحى لهدف جواة واحنا لاجل المحبة التى
تفهمها غلط نطنش لحد ما يأخد من واحد مننا عنوان والا معلومة ويستغلها ويضر صاحبها؟؟؟
والا حلو لما واحد يجى يعمل نفسة مننا ويقعد يبث سموم ويلخبط فى افكار اخوتى الضعفاء
وطبعا دة كلة هيتصدق كلامة علشان هو بيقول انة مسيحى
انا لا اتهمة بشىء ...والرب هو الوحيد العالم بشخصية الذى يكتب بأسم عبد المسيح أبو نقطة.
ولكن الكذب ملهوش رجلين....طب بطريقة المحبة المسيحية التى داخلك متبعث رسالة لة قولة على عنوانك واسمك ورقم تليفونك الحقيقى يابتاع المحبة ياحلو
انا اوقات بحس ان يوساب ...مش بنى ادم زينا بحس انة انسان الى مبرمج على اشياء لايعرف روح المعاملة بل اشياء فقط معلومات يجيب بها بدون تزوق
أنا أسف بالنيابة عن يوساب ياأخى وحبيبى كاف كاف ...فأنت مخك كبير واعلم ببساطة يوساب
وهنعمل أية ...هو كدة وعمرة ما هيكون شىء اخر غير كدة...
وأخر كلمة لعبد المسيح أبو نقطة...الناس اللى هنا وبالاخص كاف كاف وسامى وسويرس وفانوس ناس حلوة وكويسة جداً حاول تكسبهم وتشوف الكلام اللى هتكتبة قبل ما تكتب...علشان محدش يفهمك غلط...لا تترك المكان
وربنا يجعلة عامر
عبدالمسيح أبونقطة
05-03-2005, 07:20 PM
اخوتى الضعفاء
أنا واحد منهم أنا عندي شكوك وتساؤلات واحتكاكات في ديني وعقيدتي وحضارتي وتربيتي ومش حطول في الكلام
Kyrillos
05-03-2005, 07:32 PM
واحشنى يا عم سامى
لسه فاكر أيام زمان
هيــه .. كانت أيــــام
ربنا يبارك حياتك ويباركلك فى أولادك يا رب ..
صائد الذباب
05-03-2005, 07:51 PM
أية ياعم كيرولس....حد قاللك أن هنا محطة مصر ...كل اللى عايز يسلم يخش هنا
مش كفاية على الخناقة بتاعة عبد المسيح أبونقطة وسامى...ويوساب وكاف كاف
جاى أنت كمان فى الزحمة تسلم على سامى
طب أقعد أشرب شاى او حاجة ساقعة
أنا بهزر معاك ياأخى كيرولس فقط....ياريت متمشيش من المنتدى تانى وتروح وتقول عدولى
sammy
05-03-2005, 08:07 PM
واحشنى يا عم سامى
لسه فاكر أيام زمان
هيــه .. كانت أيــــام
ربنا يبارك حياتك ويباركلك فى أولادك يا رب ..
حبيبى وأخى الصغير سنا الكبير قوى قلبا وعقلا... وهى دى أيام تتنسى؟ دى أحلى ايامى فى غربتى... ... الا أنت فين يأخى الحبيب واحشنى جدا ... فاكر حبوا بعض ياأولاد؟؟؟ كانت أيام لكن الحاضر أحلى... ملاحظ الدنيا كلها بتتغير إزاى؟؟؟ سلاماتى وحبى
sammy
05-03-2005, 08:07 PM
أخى الحبيب أبو نقطة... أحنا ماعندناش أى شىء ضدك بالعكس احنا بنحبك صدقنى...لكن حط نفسك مكاننا وشوف كده تحس بإيه لما واحد عاوز يستغفلك ويضحك عليك؟؟؟ على العموم ياعزيزى هنا ليس مكان مواعظ ولا تبشير... عاوز تفهم اللى نفسك فيه إسأل واحد متمكن زى أخونا نيومان... هو الوحيد اللى ممكن يريح قلبك ويجاوبك عن أى سؤال... هنا منتدى عام يعنى مابنعرفش نرد قوى على الأسئلة الدينية... لكن أحب أعرفك إن الدين هو إيمان فى الأساس وليس أقنعنى وأقنعك ... الحكاية مش معادلة رياضية ... وعلى العموم أنا مسامحك و لو تلاحظ حتى أنا مامسحتش شتيمتك لى... لكن انت لخبط على الآخر بينى وبين أخونا الحبيب ساويرس وحطيت كلامى على لسانه وكلامه على لسانى وده اللى وقعك فى الغلط... لكن أرجع أقوللك أنا مسامحك وتعال نبتدىء من جديد كأنك داخل النهارده ... إيه رأيك؟؟؟ أهلا بيك ياأبو نقطة...
iwcab
05-03-2005, 08:09 PM
أنا مش عارف إبه موضوع عبد المسيح أبونقطة .. رديت عليه مرة أو إتنين ، ومش عارف إيه باقى الحكاية
لكن فهمت من تساؤلك عن حذف موضوع لك ورد ساويرس عليك إنك إنت اللى عملت موضوع عاوزنا نحط بيانتنا فيه
صائد الذباب
05-03-2005, 08:22 PM
يا حبيبى يوساب
الموضوع مكانش بينات واسم
كان عن اى هى هواياتك واحلامك وبتحب تأكل اية وتكرة اية
واشياء من هذا القبيل
وكان هدفى من الموضوع دة هو جعل الاعضاء أقرب لبعضهم بعض
بس ....المهم ...فى الاول والاخر احنا هنا كلنا اخوة وكاف كاف وسامى وانت وانا كلنا بنحب كل الناس لانكرة احد لانة غير مسيحى
بالعكس انا اوقات احب الشخص الغير مسيحى ...صدقنى اكثر من محبتى لنفسى
هى دة محبة المسيح
سلامى لك اخى الحبيب يوساب
sammy
06-03-2005, 12:58 AM
(sml11) (sml2) (sml11) (sml2)
knowjesus_knowlove
06-03-2005, 01:36 AM
انا اوقات بحس ان يوساب ...مش بنى ادم زينا بحس انة انسان الى مبرمج على اشياء لايعرف روح المعاملة بل اشياء فقط معلومات يجيب بها بدون تزوق
أنا أسف بالنيابة عن يوساب ياأخى وحبيبى كاف كاف ...فأنت مخك كبير واعلم ببساطة يوساب
وهنعمل أية ...هو كدة وعمرة ما هيكون شىء اخر غير كدة...
حبيبى الصياد..
صدقنى انا كمان أوقات بحس ان يوساب ...مش بنى ادم زينا ولكنه
hapbirth:)
ملاك أو قديس متوحد عايش فى مغارة بعيدا عن العالم ولكن بميزة واحدة وهى إن عنده كومبيوتر...
ولكن هذا القديس يأتى أحيانا إلى عالمنا ليعكنن علينا حياتنا
ومع كل ذلك ...كلنا بلا إستثناء بنحبه
شفقة عليه
cr::
عبدالمسيح أبونقطة
06-03-2005, 06:13 AM
شكرا لكم إخواني سامي ويوساي وصياد وبالنسبة للأخ نيومان احنا بنزل الموضوع وهو يجي يجاوب الله يخليه وإنت يا سامي حط نفسك في مكان واحد كل ما نزل مشاركة تنحذف في خمس دقائق بدون تفسير واضح كمان أنا شفت مشاركات للناس قطعا مش نيومان بيعرفوا في الإسلام وينزلوا اعلانات ويكتبوا قصائد في الرد عليه ويقراؤ منأمهات الكتب الإسلامية إزاي مابتعرفش في المسيحية الي انولدت فيها وعلى العموم أنا مش عاوز بيانات حد وأقصى حدود للتعارف عندي في الإيميل والإنترنت دي هيا ميزتها ببتكلم بدون إثارة مجتمعك وواليي حواليك
Servant5
20-10-2008, 11:46 AM
رفع للأهمية
------------------------------------------------------
ولإفتقاد الأعضاء القدامى ----------------------------------------