مجلة لوبوان الفرنسية : أقباط مصر يتمتعون بكامل حقوقهم

[غلاباوي]

http://www.masrawy.com/news/imagesbackup/25042004/204796news.htm

باريس: قالت مجلة / لوبوان / الفرنسية الأحد أن أحدا فى مصر لا يجادل فى حقوق الأقباط المشروعة وفى وضعهم كمواطنين مصريين يتمتعون بكامل الحقوق التى يتمتع بها المسلمون .
وأضافت المجلة فى تحقيق صحفى مطول عن العلاقة بين الإسلام والغرب منذ 14 قرنا أن الأقباط فى مصر يلعبون اليوم دورا رئيسيا فى الصناعة و التجارة و قطاع المال والمهن الحرة لدرجة أن المجموعة الصناعية الأولى فى مصر يمتلكها أقباط وهى مجموعة سويرس .

وأضافت المجلة أن الأقباط حصلوا منذ يناير 2002 على قرار بتعطيل العمل فى المصالح والهيئات الحكومية فى مصر احتفالا بعيد القيامة القبطى وهى بادرة إيجابية .

وأرجعت لوبوان تمكن الأقباط من التمتع بكامل حقوقهم فى مصر إلى نجاح الرئيس حسنى مبارك فى استئصال الإرهاب فى مصر منذ 1997 ومقولته الشهيرة لا أرهاب فى مصر بعد اليوم فى إعقاب هجوم الأقصر على السائحين .

وقالت المجلة أنه منذ هذا التاريخ لم تشهد مصر أحداثا إرهابية كبيرة وأن أحدا لا يجادل الآن فى مصر فى حق الأقباط كمواطنين يتمتعون بكافة الحقوق .



تعليق غلاباوي على الانباء :
وشهد شاهد من اهلها

[signal_II]

- أن الأقباط فى مصر يلعبون اليوم دورا رئيسيا فى الصناعة و التجارة و قطاع المال والمهن الحرة لدرجة أن المجموعة الصناعية الأولى فى مصر يمتلكها أقباط وهى مجموعة سويرس .
طيب اين المهن غير الحرة .. مهن الحكومة ؟؟ لماذا فشلوا فيها ؟؟

قرار بتعطيل العمل احتفالا بعيد القيامة القبطى
احتفالا بعيد القيامة دا غلط وهناك احتمالين
1- مجلة لوبوان الخطا منها اذن فقد فقدت مصداقيتها
2- موقع مصرواى ( وهو موقع متطرف شوية ) بيالف ويفبرك اثناء الترجمة لان الميلاد صعبة قوى تبقى ترجمتها القيامة


وأن أحدا لا يجادل الآن فى مصر فى حق الأقباط كمواطنين يتمتعون بكافة الحقوق
اما احنا بنعمل اية اظن ان واحد من المصدرين الرئيسى او المترجم فاقد لمصداقيتة وان الكلام منظرة بتاع بتاع سمير رجب فرع فرنسا


على فكرة ممكن تجيبلنا الرابط الفرنساوى ؟؟؟

[CrocodileTearz]

وأرجعت لوبوان تمكن الأقباط من التمتع بكامل حقوقهم فى مصر

يا بخت الاقباط فى مصر كان نفسى يبائالى نفس حقوقهم الكاملة


إلى نجاح الرئيس حسنى مبارك فى استئصال الإرهاب فى مصر منذ 1997 ومقولته الشهيرة لا أرهاب فى مصر بعد اليوم فى إعقاب هجوم الأقصر على السائحين .

صدقنى يا اخويا الكلام دا فاضى حتى ان الشهر الاخير حدثت عدة حوادث ارهابية, و عدد الاخوان بيزيد فى مصر كل يوم, و ان كان الارهاب الظاهر مش باين زى زمان فجزوره موجودة و عميقة جدا. ربنا يرحم مصر

وقالت المجلة أنه منذ هذا التاريخ لم تشهد مصر أحداثا إرهابية كبيرة وأن أحدا لا يجادل الآن فى مصر فى حق الأقباط كمواطنين يتمتعون بكافة الحقوق .

لا تعليق


تعليق غلاباوي على الانباء :
[SIZE=8]وشهد شاهد من اهلها

يا غلاباوى ساعدنى عشات اتا فهمى بطىء, هما الفرنسيين اقباط؟
اومال اية شهد شاهد من اهلها دى؟
يا اخى ارحمنا شويا من التصنيفات بتاعتكو دى
ناقص تقولى الاقباط بيفرقعوا نفسهم فى الاجانب

[GAZ-MAN]

أولا حكاية ان الشركة الاولى فى مصر يملكها قبطى دى اللى فلقوا دماغنا بيها سببها ان هذة الشركة بدأت خارج مصر و صاحبها كان هربان من مصر خوفا من التأميم اللى طال كل الاقباط من بعد ثورة يوليو الاخوانجية... ثم ان حقوق الاقباط هل تختزل فى ان واحد منهم ناجح "و خلاص"؟؟؟!!! طب و العشرة مليون الاخرين هل يسمح لهم بما يسمح لصاحب الشركة الكبيرة؟؟ ولا بيسمحوا له بحاجات علشان يقولوا " اهوه ... احنا بنعمل كذا و كذا للاقباط"

ايه العبط دا ...!!!!

طب ايه راى المجلة فى ان الاقباط لا يعرفوا يبنوا كنيسة الا بموافقة الجهات الامنية اللى ما بتوافقش ..؟؟

طب واحد مسلم عايز يبقى مسيحى... الدولة ح توافق...؟؟؟ (MM:} " المية تكدب الغطاس" ...بلاش الكلام اللى طق حنك دا

حاجة اسهل من كدة خالص ... واحد قبطى عايز يطلع بطاقة شخصية... يجد نفسه بامر الحكومة بقى مسلم و عليه انه يثبت انه مش مسلم...!!! حتى لو جاب شهادة الميلاد مكتوب فيها من الحكومة انه مسيحى ابا عن جدا... السجل المدنى يقول له اثبت انك ما اسلمتش....!!! (sml15) (sml8)

حد شاف هطل اكتر من كدة...؟؟؟؟ )hayP)

على فكرة.. مش كل اللى يتكتب فى الخارج صحيح... فيه ناس برة بتكتب للى يدفع زى عندنا هنا ف مصر... مثل روبرت فسك... او فسق... دا واحد معروف فى بريطانيا انه بتاع السعودية... تمليك مش ايجار كمان.

ربنا يرحمنا من اعوان ابليس على الارض

{{yawka]] {{yawka]] {{yawka]]

[makakola]

أخى الحبيب غلباوى
أعذرنى، فأخيك (أنا) جاهل فى الفرنسية (OPN:} ، وبالرغم من ذلك وصلت لموقع جريدة لوبيان، وإستطعت البحث فى الأرشيف عن الموضوعات التى تتعلق بالإسلام أو الأقباط، وعندما فشلت فى الحصول على أى موضوع به هذه الكلمات فى التاريخ المحدد فى مقالة مصراوى، شرعت فى البحث عن أى مقال تضمن كلمة مصر (Egypte) وعليها أكسَ طبعا
وللأسف الشديد لم يذكر أى مقال فى المجلة كلمة مصر أو الإسلام أو الأقباط فى التاريخ المحدد (الأحد 25/4/2004) كما يذكر لنا موقع مصراوى

وطبعا لجهلى الشديد فى الفرنسية، فإليكم روابط وعناوين المقالات فى التواريخ القريبة، عل أحد العارفين بالفرنسية يستطيع أن يفيدنا أكثر
Dieu et les lois de l'univers
http://www.lepoint.fr/sciences/document.html?did=146012
29/4/2004

Les quatre dates clés qui ont marqué le conflit
http://www.lepoint.fr/societe/document.html?did=145601
22/4/2004

Interview Samuel P. Huntington*
http://www.lepoint.fr/societe/document.html?did=145602
22/4/2004

Coexistences à risques
http://www.lepoint.fr/societe/document.html?did=145604
22/4/2004

La photographie dans les collections de l'Institut de France
http://www.lepoint.fr/artexpos/document.html?did=145731
22/4/2004

Mapping sitting, attitudes photographiques au Moyen-Orient
http://www.lepoint.fr/artexpos/document.html?did=145747
22/4/2004

Le sommet avorté
http://www.lepoint.fr/monde/document.html?did=144679
1/4/2004

والموقع الرئيسى للمجله هو
http://www.lepoint.fr
للأحباء متقنى الفرنسية علهم يفيدونا

[hanysamir]

طيب غير غلاباوى

ممكن حد من الاخوة المسلمين يفهمنى ليه لما واحد من الزوجين يسلم ياخد حضانة الولاد تحت 18 سنة بقوة الدستور و القانون المصرى بصرف النظر عن احقيته فى الموضوع ده؟؟؟ فين العدل وحقوق الانسان و لا عشان دخل دين الحق كما تزعمون يعمل ما بداله و الزوج او الزوجة المسيحية يخبط راسه فى اكبر حيطة لدرجة انه لو قادر يهرب بره بلده اللى عاش فيها بيطلع باولاده و يقول يا فكيك؟؟ )noP)

بلاش يا ابنى يا اللى لطعت الكلام الاسلوب ده لأن ممكن اجيبلك كلام صحفيين اجانب بيقولوا عكس الكلام ده تماما. الاسلوب ده عارفينه كويس

[fayoumy]

يا جماعه بلاش اضافه تعليقات لحد ما نشوف ايه رد غلاباوي علي رساله الاخ الفاضل ماكا كولا المفحمه

[admin1]

شكرا للأخ مكة كولا على الروابط
المقال الاصلى هنا
http://www.lepoint.fr/societe/document.html?did=145604
وهو يبين تدليس موقع مصراوى الذى ترجم على طريقة "امشى على سطر وسيب سطر"
فبينما نجد المقال موضوعيا يتحدث عن تجربة العيش المشترك بين المسلمين والمسيحيين فى المنطقة و معنونا الجزء الخاص بمصر ب "اضطهاد اقباط اسيوط" يبدأ فيه الكاتب بالحديث عن اسيوط وكيف انها كانت تعتبر بمثابة اكبر تجمع للاقباط فى مصر الا انها لم تعد تتمتع بهذا المركز الآن ، ويبين الكاتب فترات الذل التى عاناها الاقباط تحت الاسلام وانهم فقط بدأوا فى نوال بعضا من حقوقهم مع بزوغ نور الدولة الحديثة على يد محمد على الذى الغى الجزية ثم يعرج الكاتب على الفترة الليبرالية فى تاريخ مصر وكيف ان الاقباط شاركوا بايجاب فى اثراء الحياة السياسية حتى وصل احدهم الى منصب رئيس الوزراء
ثم يتحدث الكاتب عن فترة السادات وكيف انه ساعد على دعم الجماعات الاسلامية ضد الشيوعيين وكيف ان هذه الجماعات اتخذت من الاقباط كبش فداء فى مواجهتها مع الدولة بالاعتداءات المتكررة عليهم وعلى اعمالهم خاصة الصاغة منهم لتمويل عملياتهم الارهابية
ثم يتحدث الكاتب فى لمحة سريعة عن عصر مبارك قائلا انه رغم ان الاقباط لهم ثقل اقتصادى تمثل فى ان مجموعة شركات ساويرس هى اكبر مجموعة اقتصادية فى المنطقة وايضا يتحدث عن التواجد القبطى فى المجال التجارى وفى ممارسة المهن الحرة فى مصر الا انه يقول ان تأثيرهم السياسى محدود جدا

فأين ورد فى المقالة ان اقباط مصر يتمتعون بكامل حقوقهم كما ادعى موقع مصراوى؟
وما لا يعرفه البعض هو ان السلطة الفلسطينية وياسر عرفات شخصيا كان شريكا بنسبة تقريبا 10 % من اوراسكوم تيليكوم وكانت السلطة الفلسطينية تمثل فى مجلس ادارة اوراسكوم !!!!) ثم تم تخفيض نسبة اسهم السلطة الفلسطينية قبل وفاة عرفات بفترة صغيرة

ومن المعروف ان اوراسكوم من اول الشركات المصرية التى دعمت السلطة الفلسطينية (وهى سلطة فاسدة الكثير من اعضائها حرامية ويتاجرون بالقضية الفلسطينية
فهل على نجيب ساويرس ان يعلم انه يمد يده لقوم سيعضونها؟

[hanysamir]

لو كان ساويرس معملش كدة يا ادمن ماكنش هياخد العقد بتاع المحمول!!!
دى كانت عصابة مش سلطة و الكلام ده كام بيسرى على اى شركة اجنبية شغالة فى فلسطين و الفساد عندهم للركب زى عندنا و اكتر هههههههههه.

موقع مصراوى لاحظت انه ابتدا ياخد توجه اسلامى فى الاخبار و حتى فى الجزء الدينى من الموقع عارض الاعجاز العلمى فى القران بتاع بهلول الفشار!!! يعنى بطريقة غير مباشرة بيقول (ربنا يهديكم يا كفرة هههههههه) عشان كده انا بطلت اخش عليه

[makakola]

شكرا أخينا الحبيب الأدمن admin1 لتعبك ومطالعتك المقالات وإتياننا (بالديب من ديله) زى ما بيقولوا

وسؤال يا غلباوى، يا ترى ليه المواقع العربية بتلجأ لمثل هذا التحريف والتحوير، ولماذا لا يترجم الكلام بأمانة تامة كما هو؟
ويحق للموقع أو المترجم إضافة ملاحظاته أو تعليقه بعد ترجمة النص الأصلى كما هو

هل لديك الشجاعة الأدبية لمراسلة موقع مصراوى قائلا لهم (لقد نقلت بعضا من نصوصكم ثقة منى فى موقعكم، وإكتشفت أنكم لستم سوى مدلسين محورين، وضحكتم الناس علينا)؟

هل هذا تنفيذا للحديث الشريف (مش فاكره دلوقت لكن ممكن أجيبهولك)، أن الكذب فى حالة الصلح بين الأطراف هو حلالا بلالا؟