View Full Version : اجــــــ سنوية ــازة
غلاباوي
14-08-2005, 06:34 PM
فعلا ... الضغط يولد الانفجار ..
مشاكل عمل + مشاكل عائلية + صراعات + انفعال + ملل + حر + نمطية +اختناقات + عدم صبر + توتر + ضغط عالي ( واحتمال سكر في القريب العاجل ) ادعو انتوا بس +
كلة دة = بوووووووووووووووووووووووم
وحتى لا يحدث هذا البووووووووم في شخصي الضعيف .. فقد قررت اخذ اجازة من العالم كة .. بل من الكون كله ... ( لا مش هموت نفسي ... انا اعقل من كدة بكتير )
الموضوع ببساطة اننى محتاج لاجازة عاجلة لمدة اسبوعين على اقل تقدير ... اقفل فيها على كل ما سبق سردة بالضبة والمفتاح وانسي تماما حتى اسمي واتذكر قليلا ان لي زوجة واطفال لهم حقوق علي كثيرا جدا ما ضاعت بسبب ظروف خاصة من جهة وظروف عمل من جهة اخري ... سأقفل الموبيل .. واي وسيلة اخري لاتصالي بالعالم وسأذهب في اجازة فورية لمدة اسبوعين للاستجمام وتغير الجو او بلغة بتوع الكمبيوتر اعمل (******* ) لنفسي .. عشان ارجع نشيط واستطبع مرة اخري معاودة الحياة بطاقة اكبر وقابلية احسن ..
صدقت يا سامي يا عزيزي .. ولم يكن سرعة غضبي وانفعالي الغير مبرر احيانا الا جرس تنبية داخلي بضرورة الاسراع بالاجازة ... فأسف لك ولأي شخص اخر قد انفعلت علية ..
بالمناسبة ومن سخرية القدر ان اجازتي ستكون في دولة مقربة اليكم جدا .. اما بالنسبة لي فلا احمل لها انطباعات جيدة ولكن ... انت تريد وانا اريد والله يفعل ما يريد
*********************************************
حيث سأقيم باحد فنادقها مع اسرتي الصغيرة لمدة اسبوعين .... ولا اخفي عليكم اسم الفندق ولكن الاحتياط واجب .. فانا لا اريد ان اصاب بطلقة في رأسي عبر بندقية مزودة بمنظار .. او طعنة في ظهري بسكين حاد في الظلام ... الاحتياط واجب ... وان لم اخف على نفسي فاني اخاف على اسرتي الصغيرة
وبالمناسبة لن اقيم بالفندق بأسم غلاباوي ...
هههههههههههههههههههههههههههههههههههههههههههههه
تمنوا لي اجازة سعيدة ... وعود حميد اليكم .... مرة اخري
-------------------------
ممنوع نشر بيانات شخصية )aAA:)
sammy
14-08-2005, 07:14 PM
الأخ الحبيب غلباوى ... بصراحة أنت راجل كبير فى عقلك وإعترافك بأنك تمر بظروف عصبية فهذا فى حد ذاته قوة وعقل.. أجازة سعية ياعم وخلى بالك من القمار اللى فى ****** أوعى تتكعور هناك... وترجع لنا بالسلامة
waterman
15-08-2005, 12:32 AM
ليه يا عم غلاباوي
هو انت شفنا قبل كدة بنضرب الناس بالرصاص لما يخالفونا في الرأي؟؟
الكلمة أمام الكلمة
بس المنهج اللي أنت خايف منه من منهجنا
ولا أسلوبنا في حل المشاكل
ده منهج البعدا اللي يبعدنا عنهم ويقينا شرهم ... المسلمون الإرهابيون
hema_c
15-08-2005, 02:33 AM
عطلة سعيدة وعودة سالمة . )dnc:(
saweres
15-08-2005, 02:51 AM
تروح وترجع بالسلامة يا غلاباوي
خد بااااااااااااااالك من نفسك
rizk nabil
15-08-2005, 05:15 AM
خلى بالك لما توصل الفندق وتصعد للحجرة
ما تفتحش دلفة الدولاب اللى على الشمال
واطلب دايما اكلك فى الحجرة ما تروحش
المطعم والجرسون اللى يجبلك الاكل يبقى
من ابناء البلد مش اجنبى ولو حبيت تبص
من البلكونة بلاش يكون فى النهار .
غير كده اتمنى لك رحلة سعيدة
Safnat_Fa3nash007
15-08-2005, 06:57 AM
انت رايح فين يا غلباوي ؟؟؟
انا مش حعملك حاجه من الي زكرتها انا بس كل ما اشوفك سوف اتبسم وانت بالتالي ستحترق من جوه هههههه
على العموماسمع مني متسافرش في قطار ولا بالسياره ولا بالاوتبيس ولا بالطياره ولا بالسفينه
لانه في سمعه قويه بعمل ارهابي في وسائل النقل
احسن حاجه اطلع في اوتبيس نمره 11 يعني رجليك
يعني خدلك سنه روحه وسنه رجعه علشان اعصابك تهدى
هههههههههههههههه
على العموم تروح وترجعلنا بالسلامه يا غلباوي
ومتنساش تجبلي معاك حاجه سيفونير للذكرى هههههه
يعني حاجه على قد المقام مش طالب منك كثير
يعني جهاز دي في دي وكاميرا ديجتل سوني وتلفزيون توشيبا وكمبيوتر بينتيوم 15 وبراد وفرن وبتجاز وعربيه كشف والخ الخ الخ ......
يعني ميهمكاش الجمارك انا رقبتي سداده
هههههههه ابقى قابلني لو اتعرفت عليك بعد ما يقفشك الجمرك هههههه
--------------------------------------------------
متنساش يا غلباوي لضروره الامن كل ساعه نام في اوتيل
وكل خمس دقائق بدل غرفه
علشان محدش يقدر يطولك ههههه
--------------------------------------------------
واخيرً ترجعلنا سالم وليس غلباوي او نيوغلباوي
متنساش تاخد حماتك معاك علشان تبسطك
وربنا يحميك ويحمي العائله من الاسلاميين المتطرفين
آمين
لان الارهاب الاسلامي لا يمزيز المسلم عن الكافر عندما يفجر
وياما راحوا ناس مسلمين في اعمال ارهابيه بالغلط
-------------------------------------------------
افكرك تاني
متنساش الي وصيتك عليه
)CRZ:) )CRZ:) )CRZ:) )CRZ:) )CRZ:) )CRZ:) )CRZ:)
شبيب رامه
15-08-2005, 07:58 AM
ولماذا لاتذهب إلى خيالستان..!
هناك ستجلس مع نيوتن ليشرح لك نظرياته وهو يدخن غليونه الذي أصابه بالسرطان..
وستدخل في المرآة العجيبة مع أليس لتذهبوا إلى بلاد العجائب...! وستغامر مع سمكة البهلوان مرهف في المحيطات بحثا عن نيمو.. وستذهب إلى الغابات الألمانية حيث الحيوانات الظريفة والتي ليست ظريفة كما تبدو..!
أرض خيالستان حيث تفعل ماتريد وتبني المدن والقلاع.. لتهدمها من بكرة..
خيالستان أرض المتعة والإثارة..
نراكم في خيالستان..!
شبيب
خيالستان
mena_hot
15-08-2005, 12:32 PM
وتروح وترجع بالسلامة يا غلاباوي
amoni
15-08-2005, 01:20 PM
الفندق دة حلو و مريح
اجازة سعيدة بس ساعات مش بينضفوا الاود كويس
elasmar99
15-08-2005, 01:38 PM
ربنا يصبرك عى الي جواك ويطول في عمرك لحد ما ترجع للمحروسة تاني, لاني بصراحة خايف يحصلك بووووم في الطيارة او في بلد نظيفة وتوسخ الحيطان او تضر احد الابرياء. تروح وترجع بسلامة
Ya Shero
15-08-2005, 01:51 PM
زي مقلتلك يا غلاباوي
وانت راكب الطيارة انسي انك مصري
وانت جي تقعد على الكرسي الي جنب الشباك حتي رقم الكرسي 56، بص تحتيك شوف لو فية قنبلة او لأ
لو لقيت قنبلة متخفش افتحها هتلاقي 40 سلك كلهم ملونين اطلب من المضيفة مقص
لو سئلتك لية قلها علشان في قنبلة هتنفجر كمان دقيقتين
لما تجيبلك المقص قص اللون... اللون... معلش يا غلاباوي انا نسيت اللون دلوقتي بس على العموم
ابعتلي رنة على الموبيل وانا هقولك (sml22)
لو يعني الطيارة وصلت ... متطلعش الباسبور المصري...
طبعا انت عارف لية....... بلاش فضايح
لو انت واخد معاك في الشنطة حمام وأوز وديك رومي وفطير مشلتت
حاول تخلص منهم (sml22)
بقولك اية لما توصل الفندق عوزك متنزلش من الغرفة خالص
يعني الأحتياط واجب
يكون في قشرة موزة على الأرض تتزحلق وتبقي مشكلة
ويفتكروك ارهابي (sml22)
بقولك اية الكيبورد بتعتي باظت هكتبلك بعدين
rizk nabil
15-08-2005, 01:57 PM
ولماذا لاتذهب إلى خيالستان..!
هناك ستجلس مع نيوتن ليشرح لك نظرياته وهو يدخن غليونه الذي أصابه بالسرطان..
وستدخل في المرآة العجيبة مع أليس لتذهبوا إلى بلاد العجائب...! وستغامر مع سمكة البهلوان مرهف في المحيطات بحثا عن نيمو.. وستذهب إلى الغابات الألمانية حيث الحيوانات الظريفة والتي ليست ظريفة كما تبدو..!
أرض خيالستان حيث تفعل ماتريد وتبني المدن والقلاع.. لتهدمها من بكرة..
خيالستان أرض المتعة والإثارة..
نراكم في خيالستان..!
شبيب
خيالستان
وخيالستان دى بيروحوها بايه بشوية بانجو وكوب شاى
ساخن فى ليلة مطيرة هو انت منهم .وانا باقول الجدع
ده احيانا بيكتب حاجات كويسة دلوقتى فهمت
سلم لى على الصراصير
amoni
15-08-2005, 01:58 PM
على فكرة يوجد تحت الكرسى بدلة لانقاذ الحياة
داهية يفكرها قنبلة
و بعدين ما فيش رقم كرسى 56 لازم يكون مسبوق بحرف
و بعدين انت حاجز بينيس و لا سردين
اصل انت لو حاجز سردين يبقى ها اغنى مع لطيفة لما بتقول تبقى انت اكيد المصرى ههههه
(sml9)
saweres
15-08-2005, 04:44 PM
وخيالستان دى بيروحوها بايه بشوية بانجو وكوب شاى
ساخن فى ليلة مطيرة هو انت منهم .وانا باقول الجدع
ده احيانا بيكتب حاجات كويسة دلوقتى فهمت
سلم لى على الصراصير
(hrt: (hrt: (hrt: (hrt: (hrt:
شبيب رامه
15-08-2005, 04:45 PM
وخيالستان دى بيروحوها بايه بشوية بانجو وكوب شاى
ساخن فى ليلة مطيرة هو انت منهم .وانا باقول الجدع
ده احيانا بيكتب حاجات كويسة دلوقتى فهمت
سلم لى على الصراصير
مش حقول لحد.. أنا عايز أكون لوحدي في خيالستان.. أممم..!أفففف
ezzzak
15-08-2005, 05:43 PM
تروح وترجع بالسلامه يا بشمهندس غلاباوي
بس ربنا يخليك تجيبلي وسكي معاك
عشان وسكي بيوجعني اليومين دول cr::
بس يا ريت متقوليش اديني اسمك وعنوانك عشان ابعتهولك )noP)
ولا اقولك انت باين عليك ابن حلال
الاسم ايزاك
محل الاقامه مصر
المهنه حاصل علي باكليريوس تجاره وفي روايه اخري حقوق اما عن ابي سفيان
فهو دبلون صنايع cr::
معلش انا كتبت كلمه
بكاليريوس
غلط ومكسل اصلحها cr::
يهههههههههههه
fanous2102
15-08-2005, 07:15 PM
الباشا غلباوي عندنا يامرحبا يامرحبا
انا ساكن في الشارع اللي فيه الفندق هازورك و اشرب معاك كبايتين شاي
و هاآجيب معايا ك ك عشان القعده تحلو و دمك يروق
و ترجع من الاجازه مجدد نشاطك
الا بتعرف تلعب شطرنج
انا اجيد الدفاع الصقلي
و كمان الهجوم بجامبيت الملك او الوزير
و وساعه الزنقه العب بطريقه بوبي فيشر العشوائيه لارباك الخصم
انما اعشق طريقه لعب سبارسكي ...قوه الدب و سرعه النسر
لاتلحق تفكر
ولاتحتاط ،،،حاجه كده زي قوه الانتشار السرييييييييييييييييييييييييييييييييييييييييييع
saweres
15-08-2005, 07:28 PM
الباشا غلباوي عندنا يامرحبا يامرحبا
انا ساكن في الشارع اللي فيه الفندق هازورك و اشرب معاك كبايتين شاي
و هاآجيب معايا ك ك عشان القعده تحلو و دمك يروق
و ترجع من الاجازه مجدد نشاطك
الا بتعرف تلعب شطرنج
انا اجيد الدفاع الصقلي
و كمان الهجوم بجامبيت الملك او الوزير
و وساعه الزنقه العب بطريقه بوبي فيشر العشوائيه لارباك الخصم
انما اعشق طريقه لعب سبارسكي ...قوه الدب و سرعه النسر
لاتلحق تفكر
ولاتحتاط ،،،حاجه كده زي قوه الانتشار السرييييييييييييييييييييييييييييييييييييييييييع
فكرتني ليه يا فانوس بالذي مضى
دفاع الياخين
وشرح كبابلانكا
عايز آخد اجازة من المنتدى انا كمان عشان أرجع العب شطرنج تاني )CRZ:)
غلاباوي
15-08-2005, 07:39 PM
عموما شكرا يا شباب ... على المشاعر الرقيييييييقة جدا دي .. وان شا الله اللى عايز اي سيفونير من امريكا من عنيا الاتنين ,,, يبعتلي بس اسمة وعنوانة ورقم تليفونة في رسالة خاصة ... وانا هجيبة بنفسي يستلم السيفونير .... ( اكيد هسمع تريقة .. وانت ظابط وانت امن دولة وانت مخبر .. ) هههههههههههههههههههههههههههههههههههههههههههه
اما بخصوص التفجيرات فانا مسلم الامر لله ...وربنا يستر ؟؟ ..
بجد احسن حاجة الاسترخااااااااااااااااااااااااااااااااااااااااااا ااااااااااااااااااااااااااااااااااااء في البلكونة هناك
احساس خطير انك فاقد الزمن والدنيا وكل حاجة
ادعولي انتو بس بنية طيبة .. عشان ربنا يبارك في عمركم كدة
اة بالمناسبة يا فانوس .. انا بلعب شطرنج من وانا عندي 12 سنة بس برضة على قدي .. مش محترف اوي
لو هتيجي نلعب اوكي ., بس لو جبت ك ك تأكد انى هحدفة من بلكونة الفندق .. وتحت البلكونة في سور حديد شائك ....
هههههههههههههههههههههههههههههههههههههههههههههههههه ههههه
هههههههههههههههههههههههههههههههههههههههههههههههههه هه
sammy
15-08-2005, 08:52 PM
شطرنح... هاها ها ها هاى... يابنى إنت رايح مدينة القمار... أتلانتك سيتى فيها يطلع عشرين فيندق وكازينو كل واحد أنقح من التان... عموما أنا تحريت وعرفت إنك رايح "تاج محل" حلو وهايل بس برضه خلى بالك من الزهر ... إلعب ماكينة من أم دولار أوعى من أم خمسة دولار دى خراب بيوت... والعب بلاك جاك دى شبه الواحد وتلاتين بتاعتنا بس هى واحد وعشرين فى أمريكا هاتتعلمها بسرعة وممكن تعمل منها قرشين لو حظك كويس.... وسلملى على الترماى....
(sml5) )dnc:( (sml20) (hrt:
fredy_kroger
15-08-2005, 11:56 PM
اخي الحبيب غلباوي....
رجاء اتباع التعليمات الاتية.....
1- لو هتزل في JFK يبقي اول ما تقرب من الحدود تلبس الايف جاكيت و تقول للمضيفة : انا مصري و عايز اصلي العصر علي الطائرة ....(هتبلغ عنك ال FBI و هايحولوا الطائرة الي مطار yow في كندا cr:: مجربين الحركة دي).
2- بمجرد نزولك في JFK اذا كان لك عمر و نزلت... روح علي المركز الاسلامي في منهاتن... وانت داخل هتلاقي عملاء FBI علي الرصيف الناحية التانية روح اعزمهم علي ساندوتش فول من اللي جايبهم معاك من مصر (كدا هيقبضوا عليك بتهمة حيازة اسلحة كيماوية (OPN:} )
3- يا ريت لو كنت فاضي .... عدي علي جورنال سكوير في نيو جرسي و هناك هتلاقي واحد بتاع عصير علي ايدك اليمين ( و حش متشربش من عندة (OPN:} )
4- في محطة بنزين في جورنال سكوير .... فيها ماكينة قمار تحط 5 دولار من هنا... تكسب 100 دولار (خلي بالك صاحب البنزيمة شايفك من خلال الهيدين كام.. و هيدفعك 200 دولار لو كسبت 100 cr:: )
5- اهم حاجة..... خليك في حالك و اتمسك بشعار (لا اري لا اسمع لا اتكلم)
و في النهاية نتمي لك اجازة سعيدة....
يا عم غلاباوى بأه بالذمة اللى عاوز يريح اعصابه يروح امريكا هههههههههه.
أينعم بلد جميلة بس مالها شرم الشيخ مثلا )tik:}.
مش تشجع السياحة هناك ولا انت صعيدى و منعوك تخش إلا بتصريح امنى (hrt:
على العموم اجازة سعيدة (sml11)
amoni
16-08-2005, 03:53 PM
من اربع سنين جاتلى هدية من ايطاليا مسدس صوت و لما المرة دى حطتها فى الشنطة علشان اجيبها معايا
لما الشنطة دخلت المطار لقيت الظابط بتاع جهاز التفتيش بيصوت و قالى افتحى الشنطة و رايحة فين
اول ما شاف المسدس صوت تانى
حاولت اقولة انة لعبة بس تقيل زى الحقيقى
المهم طلعت 20 جنية و حطتهم فى بنطلونة و قلتلة و النبى الطيارة طالعة
سلمت المسدس لناس قرايبنا برا
ممكن تجيبوا معاك??
و ازازة الوسيكى الامريكى عندى
مع انها ب 20 دولار فى سوق المطار ارخص من هنا
{{yawka]] {{yawka]]
power_40
16-08-2005, 04:26 PM
غلاباوى
انصحك و انصح نفسى
بعدم قضاء الاجازة داخل وطنك(لا اعلمه)فانا فى اجازه من اول اغسطس، وعشيه نزولى مطار الاسكندريه الى مش دولى ولا دياوله لقيت العربيات الحامله للشنط عايزه تتشال ،وطابور ختم الدخول زى طابور دخول الجنة،وفرش المتاع لملابسك الداخليه والنداء على ملابسك علنا (كله بجنيه وربع) ثم عمال المطار ده يسلمك لده وده يسلمك لده وكله فارد ايده ،وبعدين تاكسيات المطار من ايام شخ توع باخ والعدادات مافيش والاستهبال على ودنه ،وانا خارج من المطار على البوابه دفعت رسم خروج (حاجه تجنن)وعند البيت السواق طلب منى مائه جنيه و ردحتله ردح علنى ، والبواب نط ع الشنط والف مليون حمد الله ع السلامه وكل واحده منهم لازم تخبط ايدك فى جيبك وتطلع المونى ،وكان ابن خالة عمت مرات ابويا من جوز امى الاولانى واقف على باب الشقة ،وبعد السلام قالى عايزك فى سر ،اتاريه عايز يغير عربيته غاز وما حبكلهوش يغيرها الا لما جيت ،وطبعا عشمان الواد فى تلت تلاف جنيه ، وبعد توزيع الهدايا على الاولاد واقارب الدرجة الاولى ،وفى الصباح استيقظت ،وجدت اخوتى الثلاثة ، عقبال املتك لو سلطهم على المقطم هينقلوه من غير معجزه ، وكل واحد احضان وبوس ،وبعدين طلبات بعشرات الالوف ، وكأنى حلوف، والسيولة تخلص وتجرى على البنك ،طابور ولا يوم الحشر ،وصل النور فى البنك وفاتوره الكهرباء فى البنك والى عايز حقنه برده البنك ،وبعد خمس ساعات سحبت خمس تلاف ،على اخر النهار اكلهم الغراب وطار ، وتانى يوم من النجمه قدام باب البنك ، والاقارب بينوروا البيت برده اخر النهار ، وتالت يوم وقفت على سور البلكونة فى محاولة للتخلص من وجع الدماغ ،وكتبت كل فلوسى باسم الاقارب الى هيجوا فى الايام القادمة
واقسمت (كما حدث فى العام الماضى وكل عام) انى لن اعود الا وانا على المعاش
واهو يا ابن الناس بقالى اكتر من اسبوعين هنا ،خرجت تلت مرات ،مره رجعت من على اول الشارع يئسا من استطاعتى تحقيق اى امل وسط ملايين البشر الذين يملاون كل شئ وكل مكان حتى فى رباط الحذاء ،فى اى حته تبص ناس اكوام اكوام وكلهم طيبين جدا جدا ، ومش هتكلم واقولك اكتر ،عشان فعلا انا باقطع الاف الاميال كل عام لكى اشاهد الدش من مصر والذى لا يختلف عن الدش هناك ، كل ما هناك ان الكنبه زهقت من قعدتى عليها كل اجازة
ما عندكش حته تانيه نروحها سوى ،بس بشرط ما يكونش فيها البشر ده كله
ثلاث اشياء تزداد بشده فى مصر
الناس
الديون
المخدرات
وعجبى
sammy
16-08-2005, 05:57 PM
ياباور ياأخى والله أرعبتنى...الحقيقة نبرة الصدق واضحة فى كلامك
أنا كنت ناوى أنزل أجازة لمصر من بعد عشرين سنة بعاد... ودلوقت لازم أفكر تانى وتالت...
يادى الخيبة ياولاد...
ياخسارة مصر .
power_40
20-08-2005, 08:38 AM
ياباور ياأخى والله أرعبتنى...الحقيقة نبرة الصدق واضحة فى كلامك
أنا كنت ناوى أنزل أجازة لمصر من بعد عشرين سنة بعاد... ودلوقت لازم أفكر تانى وتالت...
يادى الخيبة ياولاد...
ياخسارة مصر .
سامى
كتير قوى عشرين سنة
وبجد حرام عليك
ارجع بص باصه وامشى ياعم وانا على استعداد اوفرلك مرشدين سياحيين يدلوك على البلد
لانها فعلا اتغيرت كتير قوى قوى
اولا لو انت من الارياف فعقبال املتك شالوا مسببات البلهاريسيا فتم ردم الترع والمصارف منعا للبلهاريسيا وايضا الزراعه فصرنا نستورد كل اكلنا من بلاد بره وحل محل الترع الدش والتليفزيون الكريستال وشالوا الطوب اللبن وحطوا بداله مكعبات الاسمنت وتم التخلص نهائيا من ال***** والبقر والحمير لان شوارع القرى اتسفلتت والحيوانات دى بتلقى بروثها على الاسقلت
اما اذا كنت من المدن فعقبال املتك نصيبك فى الطرقات والمناطق العامه انكمش الى تلاتين سم مربع يعنى ما ينفعش تمشى الا بالجانب وبرده هتتخبط ،والافراح زادت نسبتها ففى شارعنا يوميا اربع افراح وثلاث مأتم ، وده من قصد جلب السهر حتى الصباح ، والمطبات اصبحت من المعالم السياحيه ، ونظرا لتمكن قائدى السيارات فقد تم التخلص من علامات المرور الارضيه والفوسفوريه والضوئيه فسائقينا مفتحين واذا حدث لاقدر الله اى حادثه فهو من ضمن خطتنا للتغلب على مشكلة السكان وحلا لازمة المساكن،والكلاكسات تم تنوعها فقديما كانت على نغمة واحده اما الان فكلاكس السيارات اصبح سارينه او اغنيه لديانا حداد ،وبعدين من ايام السادات وطابور العيش (اسم الدلع بتاعه علف للحيوان) لسه الطابور موجود وهذا من ضمن خطة الدوله فى تعميق اواصر الصله بين الناس فيتم التعارف بينهم وايضا التزاوج ومش بعيد تطلع من الطابور اب لتوأم
فارجوك حرام عليك
عد يا ابنى
لازم تاخد جرعه تجعلك تتحمل اى اهانة فى بلاد الغربة ولو وصلت حتى ان اى حد من بلاد الغربه هبدك على قفاك لازم تبوس ايده واذا ما كنتش مصدق تعالى ادخل اى قسم شرطه وسوف يقوم الظابط لتحيتك بالتحية الواجبه اولا بشتيمة الام والاب ولو اعترضت فالمحترم يملك ورقه على بياض لاعتقالك باعتبارك تذمرت تذمر حاد -بكائك عند ما هبدك القفا-
ارجوك وانصحك كملهم ستين سنة لان يا ولداه الى هتشوفه لايسر عدو ولا حبيب