View Full Version : تهديد لمترو أنفاق نيويورك
yaweeka
06-10-2005, 08:02 PM
لو حدث أى عمل ارهابى آخر فى أمريكا ، قل على مسلميها ومساجدها يا رحمن يا رحيم
مشاعر الأمريكان محتقنة من المسلمين وعندما وقعت أحداث سبتمبر نجحت الحكومة فى احتواء غضب الأمريكان تجاه المسلمين وحفظت الأمن الاجتماعى ، لكن التيار الذى يطالب بمواجهة مباشرة مع الإسلام يتصاعد يوما بعد يوم ، فإن حدث عمل إرهابى آخر فإنى أعتقد والله أعلم ان يدفع المسلمين فى أمريكا الثمن غاليا
http://elaph.com/ElaphWeb/Politics/2005/10/95951.htm
نيويورك: قال توم كيلي المتحدث باسم وكالة ادارة النقل العام ان مدينة نيويورك تلقت تهديدات موجهة الى شبكة قطارات الانفاق.
واضاف كيلي "افهم ان هناك تهديدات موجهة للشبكة." وقال "نحن ننشر افراد شرطة اضافيين ووحدات مزودة ب**** بوليسية وكذلك تقوم ادارة شرطة نيويورك" بنشر مزيد من الشرطة.
وامتنع كيلي عن التعليق على اي تفصيلات بشأن التهديد. وامتنع ايضا رئيس بلدية نيويورك مايكل بلومبرج وقائد الشرطة راي كيلي عن التعليق على التهديد ولكن من المقرر ان يدليا ببيان قصير للصحافة.
قال مايكل بلومبرج رئيس مجلس بلدية مدينة نيويورك يوم الخميس ان شبكة مترو انفاق نيويورك عرضة لاكثر التهديدات تحديدا على الاطلاق.
وقال بلومبرج للصحفيين ان مكتب التحقيقات الاتحادي أبلغه في الأيام القليلة الماضية عن "تهديد مُحدد لشبكتنا لمترو الإنفاق" لكنه لم يبلغ الرأي العام حتى الآن لان الأجهزة الأمنية تحاول إحباطه.
وأضاف أن التهديد منبعه في الخارج.
وقال بلومبرج "لم يسبق لنا قط أن كان لدينا تهديد محدد لشبكتنا لمترو الأنفاق" مضيفا ان التهديد لا يترك مجالا للشك نظرا "للتفاصيل التي أُتيحت لنا من مصادر استخباراتية متعددة."
وقال راي كيلي رئيس شرطة نيويورك ان التهديد يتعلق بهجوم "في الأيام القادمة".
وقال بلومبرج انه لم يتم إلقاء القبض على أحد حتى الآن في نيويورك.
وتنقل شبكة قطارات الانفاق في نيويورك سبعة ملايين شخص يوميا
غلاباوي
06-10-2005, 08:35 PM
ربنا يستر وميحصلش حوادث .. ودة مش خوف على مسلمي امريكا ... انما عشان الضاحيا الابرياء عموما اللى ممكن يروحوا في عملية زي دي ... اما تواجد المسلمين في امريكا فدة رغم انف امريكا ورغم انف عمو بوش رضي الله عنه .... لان دون النظر للوافدين المسلمين شوف نسبة الامركيان المسلمين كام ... ياتري دول كمان هيرميهم في البحر .. ولا يضربهم بالكيماوي ؟؟
yaweeka
06-10-2005, 08:48 PM
ربنا يستر وميحصلش حوادث .. ودة مش خوف على مسلمي امريكا ... انما عشان الضاحيا الابرياء عموما اللى ممكن يروحوا في عملية زي دي ... اما تواجد المسلمين في امريكا فدة رغم انف امريكا ورغم انف عمو بوش رضي الله عنه .... لان دون النظر للوافدين المسلمين شوف نسبة الامركيان المسلمين كام ... ياتري دول كمان هيرميهم في البحر .. ولا يضربهم بالكيماوي ؟؟
يا عم اجرى كدة بلا غصب عنه
دول نصهم قاعدين غير قانونى وبيضربوا كريدت وبيسرقوا نظام الضمان الاجتماعى ، وفى التهليب ماشاء الله يعنى تمرير قانون صغنطوط كدة للغير قانونيين من دول بعينها ها يخليهم يرجعوا لك يغنوا ظلموه وابقى انفعهم جنابك
من اسبوعين تقريبا حضرت جلسات استماع ترحيل 7 مسلمين مصريين كانوا ها يبوسوا القدم عشان يقعدوا فى امريكا
بس دى عالم هبلة ، يعنى واحد فيهم اتصل بالبوليس عشان مشكلة بينهم وبين واحد امريكى ، اول البوليس ما شاف لهجتهم منيلة بستين نيلة قال لهم ورونى اثبات الهوية ...طبعا اكتشف انهم كلهم كاسرين فيزا واسماءهم ما شاء الله ، اللى عطا واللى محمد واللى عبد الله....المهم...القاضية شافت الموضوع كدة قالت ...ياللا...هش هش هش بعيد ياكتكوت منك ليه ...على بلادهم على طول...حاجات زى كدة ما كانتش بتحصل قبل 11 سبتمبر الا نادرا جدا
تخيل بأة لو حصل اعتداء ارهابى آخر خاصة فى وجود اغلبية محافظة كقضاة للمحكمة الدستورية العليا اللى ها تمشى اى حاجة عايزها عمو بوش رضى الله عنه
(hrt:
fanous2102
06-10-2005, 09:43 PM
ربنا يستر وميحصلش حوادث .. ودة مش خوف على مسلمي امريكا ... انما عشان الضاحيا الابرياء عموما اللى ممكن يروحوا في عملية زي دي ... اما تواجد المسلمين في امريكا فدة رغم انف امريكا ورغم انف عمو بوش رضي الله عنه .... لان دون النظر للوافدين المسلمين شوف نسبة الامركيان المسلمين كام ... ياتري دول كمان هيرميهم في البحر .. ولا يضربهم بالكيماوي ؟؟
لا يا خفيف زي ماعملوا مع اليابانيين في الحرب العلميه التانيه بعد ضربه
بيرل هاربور.... وبعدين عايز اقولك بقي كل الامريكان قرفانين مف المسلمين بصفه خاصه
و العرب بصفه عامه
amoni
06-10-2005, 09:54 PM
لا يا خفيف زي ماعملوا مع اليابانيين في الحرب العلميه التانيه بعد ضربه
بيرل هاربور
دى الحركة الوحيدة الى الامريكان و اليابانين لعبوا لعبة شطرنج بخطة حربية فاشلة
اليابان ما كانتش تعرف سعر الجندى الامريكى غير لما انضربت هيروشبما و نجزاكى راح الاتحاد الروسي كت هوا كمان
علشان كدا سموهاالحرب العالمية الباردة مليئة بتهديدات ووعيدات و ين يعمل قنبلة اكبر من اتانى
اما عن حال نيو يورك الان هو لعبة بيلعبوها شوبة عيال علشان يضحكوا شوية وها يتجابوا من قفاهم
مفيش حاجة ها تحصل
كانوا هددوا قبل ضرب مركز التجارة العالمى??
الاجابة لاء
GeorgeBoom
06-10-2005, 11:02 PM
انا من رأى الزعبلاوى باشا ان ربنا يستر على الضحايا ولازم ناخد بالنا من حاجة ان الضحايا هنا اكيد هيبقى معظمهم من اولاد المسيح وربنا يستر ..
iwcab
06-10-2005, 11:06 PM
يمكن تكون دعايات عاملينها علشان يبرروا حرب العراق
yaweeka
06-10-2005, 11:52 PM
يمكن تكون دعايات عاملينها علشان يبرروا حرب العراق
يا سلام عليك يا يوساب لما تقعد تمخمخ كدة
هى تهويش ولعب عيال فعلا بس كان تهويش حقيقى
يعنى كانوا محددين الهدف والمكان والاسلوب كمان
بس بما ان بوش شعبيته فى الحضيض بعد اعصار كاترينا فلازم يرفع من شعبيته شوية بالاعلان عن كام حاجة زى كدة عشان الناس تشعر انه بيعمل حاجة فى الداخل
والنهاردة فى خطابه لأول مرة يستعمل مصطلحات مثل الفاشية الاسلامية وان هدف المتطرفين هو اقامة امبراطورية (الخلافة) متخلفة تمتد من أسبانيا لأندونيسيا وان العالم لن يسمح لهم بذلك عشان دماره ها يكون على ايديهم
يا ترى انت فين يا هنتنجتون !
شكل بوش كده عايز يولعها على نار هادية او بيجس النبض لحاجة فى دماغه
ماهو كاوبوى دماغه ناشفه
حسنا ان أمريكا مازالت متيقظة
دي أخطر العناصر هي الشباب المهاجر حديثا
لسه أهوش ومعبأ بمشاعر كراهية فظيعة
غلاباوي
09-10-2005, 10:24 PM
انا من رأى الزعبلاوى باشا ان ربنا يستر على الضحايا ولازم ناخد بالنا من حاجة ان الضحايا هنا اكيد هيبقى معظمهم من اولاد المسيح وربنا يستر ..
بالمناسبة يا اسمك اية .... انا اسمي غلاباوي ... ياريت تقراها كويس وبلاش هزار معايا .. لاني معرفكش ولا انت تعرفني .. ومفيش اي سابق معرفة عشان تستخف دمك ...
اعتقد كلامي واضح ....
الخواجه
11-10-2005, 12:35 AM
بالمناسبة يا اسمك اية .... انا اسمي غلاباوي ... ياريت تقراها كويس وبلاش هزار معايا .. لاني معرفكش ولا انت تعرفني .. ومفيش اي سابق معرفة عشان تستخف دمك ...
اعتقد كلامي واضح ....
يا اخ غلاباوي ماتزعلش قوي كده - و براحه علي جورج بووم
و بعدين الزعبلاوي ده في اسكندريه مشهور قوي احسن واحد بيبيع مكرونه مطبوخه في اسكندريه - بس ده من 30 - 40 سنه فاتوا مش عارف لسه موجود ولا لاء و كل الاسكندرانيه بجد اللي همه يعرفوه كويس جنب سنيما الجمهوريه فكرتونا بايام زمان
ما تزعلش امسحها في ابونا يوساب
و اهلا بيك يا اخ جورج ماتزعلش الغلاباوي يا جورج
غلاباوي
12-10-2005, 06:57 PM
يا خواجة .. لا بتاع مكرونة ولا بتاع بطيخ .......... دة واحد لسة جاي وبيستخف دمة ...
المفروض يقف كدة ويشوف بيتكلم مع مين قبل ما يورينا ابداعته الاستظرافية ...
fanous2102
12-10-2005, 07:16 PM
يا خواجة .. لا بتاع مكرونة ولا بتاع بطيخ .......... دة واحد لسة جاي وبيستخف دمة ...
المفروض يقف كدة ويشوف بيتكلم مع مين قبل ما يورينا ابداعته الاستظرافية ...
فكرتني بحكايه حصلت لي وانا في مصر
واحد خبط العربيه و نزل و شدينا مع بعض في الكلام
و رايح قايل لي تعرف انا مينم وانت بتكلم مين
و رحت مديله لما الناس فطست علي روحها من الضحك
اسمع البقين دول انا لسه فاكرهم لحد دلوقت
يا ماما خوفتني
مين سعادتك تكونش صورتك بتطلع في الجرنال كل يوم وانا مش واخد بالي
تكونش كلينتون و انا مش واخد بالي
و الاابو رجل مسلوخه،،،تبقي انت مين بقي الجن المفزع بتاع اوضه الفئران
لاخوفتني ...خوفني ..خوف
و بعد الوصله و الضحك من الناس
الراجل حط ديله بين رجليه و قال لي
طلباتك ياباشا....
ezzzak
12-10-2005, 08:10 PM
فكرتني بحكايه حصلت لي وانا في مصر
واحد خبط العربيه و نزل و شدينا مع بعض في الكلام
و رايح قايل لي تعرف انا مينم وانت بتكلم مين
و رحت مديله لما الناس فطست علي روحها من الضحك
اسمع البقين دول انا لسه فاكرهم لحد دلوقت
يا ماما خوفتني
مين سعادتك تكونش صورتك بتطلع في الجرنال كل يوم وانا مش واخد بالي
تكونش كلينتون و انا مش واخد بالي
و الاابو رجل مسلوخه،،،تبقي انت مين بقي الجن المفزع بتاع اوضه الفئران
لاخوفتني ...خوفني ..خوف
و بعد الوصله و الضحك من الناس
الراجل حط ديله بين رجليه و قال لي
طلباتك ياباشا....
اشطه عليك المصرين مش عايزين غير كده
تديهم بالجذمه يحترموك
غلاباوي
13-10-2005, 05:21 PM
اشطه عليك المصرين مش عايزين غير كده
تديهم بالجذمه يحترموك
مش عارف ارد عليك واقولك اية .... لو انت مش مصري فدي مصيبة ... ولو انت مصري تبقي المصيبة اكتر ...... عموما في الاول والاخر .. دي تعتبر شتيمة للمصرين بالكامل مش مجرد بقي مسلمين او مسيحين ........
عيب كدة يا ايزاك وخليك شخص محترم ومتحاولش تقلد بعض اساليب الحوار القذرة التى ينتهجها فئة قذرة كأفكارها
fanous2102
13-10-2005, 06:15 PM
طب خد الحكايه الافكه
و حقيقي مش هجص
من يجي 15 سنه كده كان اول رمضان و انا مروح في امان الله
و لقيت واحد لزق لي العربيه نزلت بصيت لقيت العربيه الجنب اليمين بتاعها ضايع
و الحكايه تخش لها بالميت في 500 جنيه وقتها كنت لسه متخرج جديد و كام سنه كده شغل
و الحكايه ماشيه بالزق شفت المنظر الدم ضرب في نافوخي نهارك اسود يابعيد
الناس اتلمت الواد حبيب بابا اللي سايق العربيه ابتدي يبلضم بالكلام مش تحتاسب يا اعمي
انا للي اعمي ده انت خابطني في الجنب اليمين للعرييه في الفوانيس الورانيه مع الرفرف
ماانت مش عارف تسوق وو قفت فجاءه و معلهش الدنيا رمضان و كلنا مستعجلين
و الناس بقي اتلمت رمضان كريم ياباشا..انت هاتقبل عوض ...مين عوض ده
ده اانا بآحوش القرش علي القرش و طالع عيني عشان اعمل قرشين و يجي واحد مستهتر
يقول لي رمضان كريم
* بآقولكم ايه رمضان كريم او مش كريم ده مش مشكلتي اللي عنده كلمه يلمها
و اللي عايز يتفنجر بالكلام يحط ايده في جيبه و يصلح العربيه اللي مش عاجبه كلامي يفرجني عرض كتافه
واحد اتسحب من لسانه ...ايه ياعم الدنيا رمضان ..انت مش مسلم برضه و موحد بالله
ربنا يعوض عليك
* انا بقي بنرفزه
لاياعم ان مش مسلم و مش موحد بالله انا مسيحي ...و مش هايمشي الالما يصلح لي العربيه
قام واحد لمض ميل علي حبيب ابوه
وقال له خلص مع الراجل ده كافر و هايعكنن عليك في رمضان
*الواد سمع الناس في الشارع بتحميله قام شد حيله انا هكلم بابا و هايجي يطلع دين امك
ينهارك اسود انت بتشتم رحت ناطط في كرشه و فين يوجعك
قال ده انا ماشي و هافرجك
رحت ماسكه من قميصه و كان مفتاح العربيه في ايدي وقفشته من قميصه
و قلت له لو اتحركت من هنا هاجيبك من عينيك
و قلت له يالا يلا علي القسم ...الناس لمت الدور لما لقيتني عصبي
جه واحد سمكري وقال لي انا سمكري تقبل حكمي ماشي ياعم لف حوالين العربيه
و قال 500-600 جنيه هو يدفع 400 و انت تشيل 200
ماشي ..قلت له ماشي راح جاب ال 400 جنيه من حبيب ابوه
خدتهم و مشيت ...وانا ماشي قلت له رمضان كريم
انا مشيت هو جه يدور العربيه عربيته مامشيتش لان شنب العربيه اتفعص و الرادايتير طار
يالا بقي رمضان كريم
mena_hot
13-10-2005, 06:22 PM
انا مشيت هو جه يدور العربيه عربيته مامشيتش لان شنب العربيه اتفعص و الرادايتير طار
يالا بقي رمضان كريم
(sml22) احسن
ده الصح يااستاذ فانوس مع الاشكال دي مش ينفع غير كده احييك