الإعتذار للمسلمين

[iwcab]

قرأت إن يوسف سيدهم إعتذر للمسلمين ، وإن البابا مستعد للإعتذار إذا ثبت الخطأ

لا أعتذر عن المسرحية لأنها حسبما فهمت تصور الواقع ، وبالتالى لايوجد مبرر للإعتذار

كل مابأقرأ شتائم هنا فى المنتدى فى حق مسلمين ومن عدد من الأعضاء وبشكل متكرر أرغب فى الإعتذار لهم

لأنه هنا مفروض على المسلم الأدب ، لكن المسيحى يعمل مايريد

المسئول عن حالة التسيب والهرجلة والظلم الموجودة هى إدارة الموقع

فنرى عملية مصارعة مختلة القواعد .. حيث يسمح لطرف بالخروج عن القواعد ويمنع طرف آخر

إذا كانت كلمة المسلم غير مقبولة فيمكن منع المسلمين تماماً

وإذا كانت الإدارة عاجزة أو غير راغبة فى وقف المهزلة ، فيمكن وضع تحذير إن المكان متوحش وبرى ولاتوجد ضوابط ولاقوانين ، ومن يدخل ويكتب فهو مسئول عن نفسه
وأن كل الضوابط على المسلم .. لكن المسيحى بلا ضوابط

ويمكن منع الشتائم والإهانات وفرض حوار الرأى وليس مصارعة الثيران

فيه خيارات كتيرة .. لكن الوضع الحالى ظالم وغير مقبول

[Fi r]

عزيزى بالنسبة للاعتذار عن الاحداث الاخيرة فأنا افتكرت المثل ( جرحنى و بكى و سبقنى و اشتكى ) لان المفروض انهم يعتذروا على ما حدث لانهم فى تلك الافعال الاجرامية ذهبوا إلى الكنيسة الانجيلية و احضروا نسخ الكتاب المقدس و ألقوها و داسوا فوقها


أما لما يحدث بالمنتدى فأنا عن نفسى كنت مشترك فى قهوة كتكوت و كان المطلوب منى أنى اسمع السخرية منهم و لو عملت زيهم يلغوا عضويتى نهائيا

يعنى بالعربى المنتدى ده أكثر ديموقراطية من المنتديات بتاعتهم و انا عن نفسى أحافظ على مشاعر المسلمين الذين أكلمهم و أعتقد أيضا انه لو تطاول احد المسيحيين هنا فقد ألتمس لهم العذر فى معظم الوقت ( و ليس كل الوقت )

تحياتى

[hanna3]

يسوع ربي
يا تري لو حرقنا المساجد والمصاحف طيب اية رد فعلهم عي اي حال استغلال التسامح هو ايضا مرفوض )bom:)

[hanysamir]

ايه رأيك يا يوساب نسيب المنتدى انا و انت عشان متبقاش لوحدك؟؟؟

منتظر ردك الكريم.

[Fi r]

أنتم مش ملاحظين ان فى حاجات غريبة بتحصل فى تزامن مع بعضها ؟؟؟؟

يعنى أول حاجة لاحظت طوفان من جماعات الاخوان المرشحين رافعين رايات ( الاسلام هو الحل ) -- و كانت البداية فى منطقة دير الملاك و الزاوية الحمراء تحت رعاية رجال الشرطة -- و فى نفس الوقت يتم نشر خبر المسرحية - إللى بقالها سنتين و نص - و يدعون فيها ان المسرحية بتشتم الاسلام و محمد و كل المتظاهرين لم يشاهد أيا منهم أى جزء من المسرحية

و ييأس المرشح القبطى الموجود بمحرم بك و يسحب أوراقه , فالخطة وااااضحة يا أعزائى و هو السيطرة الاسلامية التامة

و من زاوية أخرى هو كثيرات من الفتيات ترتدى النقاب - على الرغم ان معظمهن غير مشهورات بالتدين - و الاغرب انهن بنفس سلوكهن بعد النقاب ... وربما يرجع هذا لشرائط توزع أو أشياء خفية لا ندركها

هل كل ده صدف ؟ طب ما الهدف ؟ و إلى متى ؟ الخبر بكرة ببلاش و بعد العيد نفت الكحك

[iwcab]

ايه رأيك يا يوساب نسيب المنتدى انا و انت عشان متبقاش لوحدك؟؟؟

منتظر ردك الكريم.

عاوز أعمل كده .. لأنى مش قادر أتحمل شلالات الشتيمة الموجودة .. لكن مش لاقى بديل

بالنسبة للى بيقول قهوة كتكوت .. إذا كان الخوارج بيشتموا وإحنا بنشتم .. فما هو الفرق بيننا ؟

واللى بيقول فيه مساحة للحرية والديمقراطية ، ممكن المساحة موجودة لكن غالباً مستعملة كحرية الشتيمة

عموماً المؤمن بالفكرة العلمانية من الطبيعى أن يتحول للشتيمة لأن العلمانية هو تمحور حول الذات ورفض لحكم الله وسلطانه

[Safnat_Fa3nash007]

يوساب الذي تفعله ليس تسامح
اعد حساباتك
وكفانا مسامحه عمال على بطال

سلام يا صاحبي

[ashrafb]

عاوز أعمل كده .. لأنى مش قادر أتحمل شلالات الشتيمة الموجودة .. لكن مش لاقى بديل

بالنسبة للى بيقول قهوة كتكوت .. إذا كان الخوارج بيشتموا وإحنا بنشتم .. فما هو الفرق بيننا ؟

واللى بيقول فيه مساحة للحرية والديمقراطية ، ممكن المساحة موجودة لكن غالباً مستعملة كحرية الشتيمة

عموماً المؤمن بالفكرة العلمانية من الطبيعى أن يتحول للشتيمة لأن العلمانية هو تمحور حول الذات ورفض لحكم الله وسلطانه
كويس انكم لسه ماسبتوش المندي وارجو انكم ماتسبوهوش، خليكم ضمير المنتدي الصاحي. مشكلة الشتائم موجوده وهي مزعجة ومخيفة فعلا. حتى اني بطلت اشترك واكتفيت بالقرأة فقط لان الالهام لما بيجي لواحد (منهم) بيبهدل اللي حواليه بضباشة وطبعا الباقي برافو برافو وزغاريد ونسيوا ابسط واهم المبادئ والقيم اللي لازم تفرقنا عن الباقين.

وعلي فكرة قبل مايبتدي حد يشتمني الاحتجاج والمطالبة بالحقوق ملهموش اي علاقة وبكرر ملهموش اي علاقة بالشتيمة.

وعموما انا صوتي معاكم ولو انت يا iwcab او hanysamir هاتسيوا المنتدي ادوني خبر اسيبه معاكم

ملحوظة
لو فيه حد عاوز يهاجمني علي الكلام ده ياريت يفكر مرتين ويقولي انا غلطت في ايه

[new born]

كويس انكم لسه ماسبتوش المندي وارجو انكم ماتسبوهوش، خليكم ضمير المنتدي الصاحي. مشكلة الشتائم موجوده وهي مزعجة ومخيفة فعلا. حتى اني بطلت اشترك واكتفيت بالقرأة فقط لان الالهام لما بيجي لواحد (منهم) بيبهدل اللي حواليه بضباشة وطبعا الباقي برافو برافو وزغاريد ونسيوا ابسط واهم المبادئ والقيم اللي لازم تفرقنا عن الباقين.

وعلي فكرة قبل مايبتدي حد يشتمني الاحتجاج والمطالبة بالحقوق ملهموش اي علاقة وبكرر ملهموش اي علاقة بالشتيمة.

وعموما انا صوتي معاكم ولو انت يا iwcab او hanysamir هاتسيوا المنتدي ادوني خبر اسيبه معاكم

ملحوظة
لو فيه حد عاوز يهاجمني علي الكلام ده ياريت يفكر مرتين ويقولي انا غلطت في ايه


انا عملت زيك برضة اكثر مشاركاتي الان القراءة فقط
لكن انت غلطان لو فكرت تسيب المنتدى ءي المنتدي بتاعنا بتاع الاقباط المكان الوحيد الي بنقدر نتكلم فيه بحرية وهو اول خطوة لجعل جميع الاقباط ان يتكلموا بلا خوف في اي مكان وليس في المنتدي ده لوحدة مش معني ان في ناس بتشتم المسلمين في المتدي ان دة صح لا ده غلط بس دي حرية شخصية وزي ما احنا بقالنا 14 قرن بنسامحهم عل قتلنا وحرق كنايسنا خليهم يسمحونا شوية على شوية الشتايم المتة دي مجرد كلام مش قتل وحرق وعموماً ربنا يهدي الجميع سواء الي بيشتموا المسلمين في المنتدي او المشليمن اللي بيقتلو ويحروقو المسيحيين

[CrocodileTearz]

الى كل من يرى ان اخلاقه احسن من سبابين المنتدى

لماذا تريدون ان لا تشاركوا و تريدون تتركوا النتدى, الا تعلموا ان بهذا الاسلوب سوف يظل السبابين هم الواجهة للمنتدى لان الكويسين ميشيول و تركوا المنتدى


الحل هو
الا تتركوا النتدى و تشاركوا كما نشارك نحن (السبابين) و بهذا يمكن ان يطغى ذو الاخلاق الحميدة على السبابين. و يظهروا لمن يقراء فى المنتدى اخلاقكم الحسنة.

ابو واحد صاحبى قال لى, عندما قلت له انى افكر فى الهجرة: لو كل الناس المصرية الكويسة هتسيب البلد لتجد فرص حيلة افضل, كيف تتوقع ان تتقدم البلد و كل الى هيفضلوا بها وحشين؟

الخلاصة من مداخلتى: ممكن انت (ذو الاخلاق الحميدة) ان تغير مسار المنتدى بمداخلاتك التى تخلو من السباب و الشتايم.

[hanysamir]

الى كل من يرى ان اخلاقه احسن من سبابين المنتدى

لماذا تريدون ان لا تشاركوا و تريدون تتركوا النتدى, الا تعلموا ان بهذا الاسلوب سوف يظل السبابين هم الواجهة للمنتدى لان الكويسين ميشيول و تركوا المنتدى


الحل هو
الا تتركوا النتدى و تشاركوا كما نشارك نحن (السبابين) و بهذا يمكن ان يطغى ذو الاخلاق الحميدة على السبابين. و يظهروا لمن يقراء فى المنتدى اخلاقكم الحسنة.

ابو واحد صاحبى قال لى, عندما قلت له انى افكر فى الهجرة: لو كل الناس المصرية الكويسة هتسيب البلد لتجد فرص حيلة افضل, كيف تتوقع ان تتقدم البلد و كل الى هيفضلوا بها وحشين؟

الخلاصة من مداخلتى: ممكن انت (ذو الاخلاق الحميدة) ان تغير مسار المنتدى بمداخلاتك التى تخلو من السباب و الشتايم.

لا يا كروكويدل انا مقصدتش الكلام ده خالص. )noP)

جميع اعضاء المنتدى احترمهم و احبهم و اقدرهم.

بس انا عاوز احل مشكلة يوساب و صدقنى مش بتريق عليه ولا حاجة. انا فعلا جاد فيما اقوله.

[elmafdy]

أخى يوساب و ايضا اخى هانى سمير

بداية احييك لأنى أرى فيك صورة المسيح الحيه . . . و بعد

أنا اتفق معك تماما فى سلوكنا المسيحى يتنافى تماما مع السب و الشتائم , كما اننى لا أعرف ان كنت تصنفنى ضمن لستة الشتامين أم لا , و لكنى فيما أعتقد أحاول دائما أن اتبع اسلوب الحوار الراقى البعيد كل البعد عن السب و الغلط . . . و لكن

1- مازال أغلب المسلمين يردون على الحوارات الراقيه بالغلط و الشتائم , و انا أحاول جاهدا الا اتدنى لمستوى الكثير منهم فى الغلط و لكن من جهه اخرى أرى ان ردود بعض اخوتى عليهم تعتبر رد فعل منطقى يتناسب مع مبادأتهم بالخطأ , او على الاقل اراهم معذورين اذا فقدوا اعصابهم .

2- مازال كل مسلم يتحدث بصوره متحضره و بدون اساءه يلقى كل احترام و تقدير من اغلبية رواد المنتديات و اخص بالذكر صديقى العزيز غلاباوى , الذى حتى و ان هاجمه احد , فأعتقد ان ذلك يكون من قبيل الدعابه و جر الشكل .

3- اتفق مع رأى اخى كروكوديل فى ان رد الفعل المنطقى ان تزيد من مشاركاتك و مداخلاتك لا أن تترك المنتدى , فالاراء الجاده المحترمه هى مقدره و لها احترامها من الكل , و هى التى تبقى و ليس السباب و الغلط .


4- انا و ان كنت ارفض الشتائم و السباب لكنى من جهة اخرى أؤيد تماما حرية التعبير عن الرأى حتى لو كان بطريقة حاده , فنحن فعلا اعتدنا ان ننضرب على قفانا و نسكت و نطنش طوال 14 قرنا من الاحتلال الاسلامى , انا مثلا ظللت طوال 3 او اربع ساعات ليلة امس غير قادر على النوم من صوت ميكروفون المسجد المجاور و الشيخ الذى يصرخ معذورا داعيا علينا طوال الليل بدعاء من عينة " اللهم يتم اطفالهم , اللهم رمل نسائهم , اللهم ولع فيهم فى نار جهنم , اللهم اللهم . . . . " يلوه صوت هادر من جموع المصلين بالتأمين على دعائه , لدرجة أننى نمت قبل ان اعرف ما الذى انتهى اليه من قائمة الدعاء و قلة الادب , اعتقد انك تسمع مثلى الكثير من ذلك السباب و اعتقد ان اكبر ميزه لهذا المنتدى ان نتعلم ان نعلن رفضنا على الاقل لمثل تلك السفالات و الخروج عن الادب .

لذلك ارجو ان تعيد تفكيرك فى فكرة ترك المنتدى لأننى انا شخصيا أحب وجودك فى المنتدى

و الرب يبارك ويهدى الجميع

المفدى

[CrocodileTearz]

لا يا كروكويدل انا مقصدتش الكلام ده خالص. )noP)

جميع اعضاء المنتدى احترمهم و احبهم و اقدرهم.

بس انا عاوز احل مشكلة يوساب و صدقنى مش بتريق عليه ولا حاجة. انا فعلا جاد فيما اقوله.

استاذى العظيم هانى سامير

لم اكن اقصد احد بكلامى, لكنى اردت ان ابين كيف يستطيع (كل من يرى ان المنتدى اتملى بالسبابين) ان يشارك و يغير ما يراه خطأ

انا بحترم المقدس يوساب جدا و برده لا اتريق عليه, فانا اعتقد انه اكثر حكمة منى بكثير و انا بتعلم منه حاجات كثيرة.

لكن ما اتكلم عنه هو كيف نعيش الديموقراطية و نحققها و نستخدمها بحرية لنغير ما نراه خاطئا.

هل اخذتم بالكم ان مشمش ترك المنتدى؟

و كل من يرى خطا يريد ان يترك المنتدى مع انهم عندهم فرصة فى تغيير ما يروه خطا.
لم اقصد ان اسىء لاحد بكلامى

و ارجو الا تكون زعلان من كلامى

[iwcab]

أولاً أشكر كل المشاركين
ثانياً ما يضايقنى إن المسلم ملتزم لأنه عارف إنه فى منتدى تبعنا ، لكن الردود عليه بتكون إهانات شخصية
اللى بيقول إن الشتيمة حرية .. طيب الحرية دى فى إتجاه واحد ولطرف واحد أم أنها للطرفين ؟

[الخواجه]

أولاً أشكر كل المشاركين
ثانياً ما يضايقنى إن المسلم ملتزم لأنه عارف إنه فى منتدى تبعنا ، لكن الردود عليه بتكون إهانات شخصية
اللى بيقول إن الشتيمة حرية .. طيب الحرية دى فى إتجاه واحد ولطرف واحد أم أنها للطرفين ؟

الاخوه الاحباء نحن جميعا لا نحب الشتائم او قلة الاحترام في المنتدي

و انا اتحدي اي شخص يقول اننا نشتم من هو محترم و ملتزم من المسلمين

و لكن من يدخل لازدراء مسيحيتناو منتدانا و يرفع علينا نرجيسته و ساديته هدا ما لا نتحمله في بيتنا

و منتديانا -- هدا شيئ و لاكننا نرفض رفضا تاما اسلوب المسكنه و تحقير الدات من اجل اناس اعمي ابليس حياتهم

هناك فرق بين ان تكون وديع و مسكين روحيا في حياتك و تحتقر و تقر زاتيا انك اقل شانا من غيرك
من يري انهو خير منك و انت زليل له بحكم دينه او شريعته
هده ليست مسكنه هدا زل و عار علي كل من يسلك اسلوب المسكنه المشين و المهين للكرامه

و الانسانيه -- و اخيرا نعم للاحترام المتبادل و لا للمسكنه المخزيه و لكل من ينشر هده الافكار الهدامه و خاصة يوساب

[iwcab]

أقول إن الشتيمة تلحق جميع المسلمين المشتركين معنا ، والمسلم بيسب مهما قال
إذكر واحد من المحترمين اللى إنت بتقول عليهم
الناس فاهمين الدنيا غلط .. فاهمين إننا فى معركة للدفاع عن الذات عن طريق إيذاء الخصم

[knowjesus_knowlove]

عاوز أعمل كده ..

عموماً المؤمن بالفكرة العلمانية من الطبيعى أن يتحول للشتيمة لأن العلمانية هو تمحور حول الذات ورفض لحكم الله وسلطانه


إعملها بقى يا شيخ وريحنا )Aa:)





مع تحياتى
أنا العلمانى غير المتمحور حول الذات وغير الرافض لحكم الإله الحقيقى وسلطانه

[Safnat_Fa3nash007]

إعملها بقى يا شيخ وريحنا )Aa:)





مع تحياتى
أنا العلمانى غير المتمحور حول الذات وغير الرافض لحكم الإله الحقيقى وسلطانه

مي توا يا خال

[hanysamir]

عاوز أعمل كده .. لأنى مش قادر أتحمل شلالات الشتيمة الموجودة .. لكن مش لاقى بديل

مين قالك ان مفيش بديل هو الى خلق المنتدى ده مخلقش غيره.

فيه منتديات مسيحية جميلة جدا عربى و انجليزى.

انا اعرف منتدى تبعنا انجليزى, حلو و هيعجبك جدا جدا

http://tasbeha.org/content/community/

وواحد عربى بس الناس اللى فيه قليلين شوية لكن ايد على ايد الناس هتزيد!!

http://www.ava-kyrillos.com/vb/

شاور عقلك بسرعة عشان انا خلاص باحضر الشنط !! بس يا ريت يا جماعة مفيش داعى للقلل و خلوها لناس تانية!!

[الخواجه]

الايمان و العلمانيه -- او الايمان و الليبراليه ( الحريه)

القلب و العقل -- ليس هناك تعارض او تضارب بينهما عندما نلم بالمعني الحقيقي

او بالاخد بالنافع من العقل و العلم للبشريه هدا لا ينافي و لا يعارض الايمان لان العقل هبه من الرب لنا و علينا استخدامه فيما يحقق الخير للبشريه و الرب اعطاناعلم معرفته

و الله سخر للانسان الطبيعه و فك رموزها و دراستها و قوانينها فكيف لا نستخدم العقل و ما توصل ليه من امور لوضع مناهج و قوانين و برامج متطوره في شتي المجالات و منها السياسه
و الاقتصاد و الثقافه -- و هدا ليس مرفوض من الايمان و الدين

[Origenos]

حتى لو قام أحد الأشخاص بالسباب فليس من خلقنا أن نرد الشر بالشر.
إن أهان أحد المسيحية يمكن أن ندافع بدون أن نخطأ أو يمكن أن نمسح مداخلته. وإلا فما هو الفرق بينا وبينه.
كلام الإنجيل واضح:
(إن كان أحد فيكم يظن أنه دين وهو ليس يلجم لسانه بل يخدع قلبه فديانة هذا باطلة) يع 1: 27

و اما اللسان فلا يستطيع احد من الناس ان يذلله هو شر لا يضبط مملو سما مميتا . به نبارك الله الاب و به نلعن الناس الذين قد تكونوا على شبه الله
من الفم الواحد تخرج بركة و لعنة لا يصلح يا اخوتي ان تكون هذه الامور هكذا العل ينبوعا ينبع من نفس عين واحدة العذب و المر
هل تقدر يا اخوتي تينة ان تصنع زيتونا او كرمة تينا و لا كذلك ينبوع يصنع ماء مالحا و عذبا




ليست هذه الحكمة نازلة من فوق بل هي ارضية نفسانية شيطانية

[الخواجه]

مين قالك ان مفيش بديل هو الى خلق المنتدى ده مخلقش غيره.

فيه منتديات مسيحية جميلة جدا عربى و انجليزى.

انا اعرف منتدى تبعنا انجليزى, حلو و هيعجبك جدا جدا

http://tasbeha.org/content/community/

وواحد عربى بس الناس اللى فيه قليلين شوية لكن ايد على ايد الناس هتزيد!!

http://www.ava-kyrillos.com/vb/

شاور عقلك بسرعة عشان انا خلاص باحضر الشنط !! بس يا ريت يا جماعة مفيش داعى للقلل و خلوها لناس تانية!!



لو ها تاخد يوساب معاك مش قلل بس لا ( زيييير ) اكبر زيو فيكي يا مصر ( هزار طبعا مش جد )

لا طبعا ايه التخريف ده ماتمشيش ماتمشيش
لما تمشي وتاخد معاك مللك المسكنه يعملوا ليه المتمسكنين الغلابه اوي جدا

[غلاباوي]

كلامك حكم يا ابونا يوساب ......... بجد والله من غير نفاق او مجاملة ان من الشخصيات القليلة هنا اللى بتفرض احترامها على الجميع حتى وان خالفوك الرأي او سفهوا ارأئك ..

تحياتي وتقديري

[الخواجه]

كلامك حكم يا ابونا يوساب ......... بجد والله من غير نفاق او مجاملة ان من الشخصيات القليلة هنا اللى بتفرض احترامها على الجميع حتى وان خالفوك الرأي او سفهوا ارأئك ..

تحياتي وتقديري

طبعا طبعا و احنا بنحبه جدا خالص علشان كده ها ابعتله دي (sml11) و hapbirth:) و 10():