الشباب وحوش الكنيسة

[الذهبيالفم]

عندما تقرأ هذا العنوان يخيل لك لأول وهله المعنى الآتي ، و هو أن الشباب هم وحوش الكنيســـــــة بمعنى أسود الكنيسة ، ولكن مع التفكير المتأني والتأمــــــــــــل البسيط تجد معنى آخر لهذه العبارة ألا وهو الشباب وفناء الكنيسة ، والحقيقة إنني أردت هذا العنوان عن قصد لأتحدث عن المعنيين معاً0
أولا : الشباب وحوش الكنيسة بمعنى اسود الكنيسة :
أتمنى من كل قلبي يا أيها الشباب أن تكونوا في احسن صورة واحسن حال ، أتمنى شباب واعي ، مثقف ، قادر على العطاء ، يخدم نفسه وبيته وكنيسته وبلده ، وعالمه ، وكوكبه إن أمكن ، شباب ليست حياته هى الأغاني الشبابية ، شباب بعيد عن الفيديو كليب ، وشرائط الرقص ،والصور والملصقات التي تعبر عن روح
شباب ضعيف ، صور وملصقات لممثلين ومغنين أجانب أو عرب ، شباب بعيد عن الشتائم والعبارات المقذذة ، شباب بعيد عن العبودية للسجائر والانهزام للحبوب والمخدرات ، شباب بعيد عن قنوات الـ ( ) على الدش ، شباب بعيد عن مواقع الـ ( ) على الانترنيت 0، شباب بعيد عن الانحراف العاطفي الذي قد يؤدى بك أحياناً إلى ترك الأيمان 0 يا ليتنا نقف وقفة جادة مع النفس ، نلجأ إلى الكنيسة وتعاليمها ،نلجأ إلي المسيح المحــــــــــــــــــــــــب لكل العـــــــالم ،،

و ها هو المسيح يفتح ذراعيه ويقول " تعـــــــــالوا إلى "" تعــــــــــالوا إلى "
" تعالوا إلى يا جميع المتعبين و الثقيلي الأحمال وأنا أريحكم" (مت 28:11)
تعالوا يا أسود الكنيسة ! 0000 تعالوا يا وحوش الكنيسة!
أما المعنى الثانى وهو الشباب وحوش الكنيسة بمعنى الشباب وفناء الكنيسة ،و الحقيقة إن فناء الكنيسة إنما وجد في الأساس للخروج والدخول من وإلى الكنيسة أما نحن الآن فقد جعلناه مكان للاجتماع والحوار والنقاش و يا حبذا أثناء الاجتماع ( اجتماع الشباب ) أو ( القداس ) لقد تعلمت شيئاً منذ طفولتي " لا أدخل الكنيسة إلا لممارسة العبادة و الصلاة ولآخذ بركة وعندما اخرج من الكنيسة أهرب بهذه البركة ، قبل أن تهرب منى" حقاً قبل أن تهرب منى ، قبل أن تهرب منى في حوش الكنيسة 00000 أقصد فناء الكنيسة

[kotomoto]

انت مالك يا عم الزعلان؟؟؟

ماتسيب الناس فى حالها !!

يعنى كل الناس لازم تشترك فى نادى الجزيره ولا الاهلى علشان مايقفوش فى حوش الكنيسه؟؟؟


شوف مين اللى بيقف فى الحوش!

كل الناس, اللى قادر و اللى مش قادر, لان اللى قادر يدفع, و مش بيروح, بيبقى ارحمله يقعد فى الكنيسه عن الاماكن التانيه(روحيا)
و اللى مش قادر, اهى احسن من الوقفه فى الشارع, او السنكحه فى النواصى...
والا اقترح ان حضرتك تتبرع لكل شعب الكنائس باشتراكات فى نادى الشمس, او لو كنت فى امريكا تبعتلهم دعوه..

حال الكنايس دلوقتى بيعكس ما وصل اليه المجتمع القبطى..
القبطى لا يشعر بالانتماء الا للكنسيه التى تحرتمه, لانه لو راح النوادى او الحدائق العامه هيكره اليوم اللى اتولد فيه- لاسيما الحريم - ولو انت حدق يبقى هتفهمنى.

سلاام

[نادر مرقص]

أسمحوا لي أن أشترك في هذا الموضوع :
الأخ ذهبي الفم لا يقصد تبكيت الواقفين في حوش الكنيسة هو فقط يريد أن يتذكر الموجود داخل الكنيسة أنه في حضرة الله سواء داخل الكنيسة نفسها أو بالحوش لان الكتاب المقدس يقول ببيتك يارب تليق القداسة ، وأيضا ماأرهب هذا المكان ما هذا الا بيت أيل .

[zoum]

اهلا ذهبي الفم

موضوع الوقوف بطريقة غير لائقة في حوش الكنيسة او الوقوف وعدم الدخول اطلاقا

دي امور خارجية زيها زي البنت اللي بتلبس قصير او ملابس غير لائقة

هذه الامور لابد من تجاهلها وعدم التركيز عليها

فكيف ننظف خارج الصفحة قبل الداخل

اغلب هؤلاء داخلهم اجوف ومحتاجين يسمعوا عظات روحية

يعني الكلام ده يقال لعينة معينة لا تجدها بسهولة ويجب اختيارها بعناية

مثل ان تكون بنت علي علاقة حقيقية بالكنيسة ولكنها لا تدري ان ملابسها معثرة

لكن بوجه عام تجاهل هذه الاشياء ولا تركز عليها

[Mrs 2ana 7or]

سلام المسيح اسمحلى الاخ ذهبى الفم ان اتفق معك وان اختلف ..........


أولا : الشباب وحوش الكنيسة بمعنى اسود الكنيسة :
أتمنى من كل قلبي يا أيها الشباب أن تكونوا في احسن صورة واحسن حال ، أتمنى شباب واعي ، مثقف ، قادر على العطاء ، يخدم نفسه وبيته وكنيسته وبلده ، وعالمه ، وكوكبه إن أمكن


لحد هنا تماااااااااااااام وكلام زى الفل بصراحه (brv1:


، شباب ليست حياته هى الأغاني الشبابية ، شباب بعيد عن الفيديو كليب ، وشرائط الرقص ،والصور والملصقات التي تعبر عن روح
شباب ضعيف

لو سمحت ليا ممكن اعرف من امتى الموسيقى والاغانى بقوا حرام ؟؟؟؟؟؟؟؟؟ على حد علمى الفن شيئ راقى وداخل كنايسنا بنستخدمها ..... حترد وتقولى الفيديو كليب والبنات اللى تبرقص حرد واقول الشباب شباب ومننساش ان الكبت مش صح لو شاب او شابه حب مغنى معين ويفضل الاستماع ليه مش غلط ومش حرام ولا عيب وبلاش كتمت النفس... الشباب مش ناقصين بصراحه ان حتى الاغانى نحرمها عليه


، صور وملصقات لممثلين ومغنين أجانب أو عرب

هو الصور حرام كممان ؟؟؟؟ مين منكم انتم ياللى بتقولوا كده وهو شاب مكانش عنده صورة للمثل او ممثله او مغنى او مغنيه ؟؟؟؟ يا ريت يا ريت اللى عملتوه وانتم شباب متحرموهوش على شبابنا دلوقتى لان كده مش عدل انا من الناس اللى وانا مراهقه صغيرة كنت طول منا ماشيه اجمع صور لعمرو دياب .... (sml23) لا كان عيب ولا حرام بلاش تعقدو الدنيا هى مش ناقصه يعنى الله يخليكم


، شباب بعيد عن الشتائم والعبارات المقذذة ، شباب بعيد عن العبودية

كلام صح وممتاز (brv1:

للسجائر

الحق يا ايزاااااااااااااااككككك (DOK:) طلعت كافر

والانهزام للحبوب والمخدرات ، شباب بعيد عن قنوات الـ ( ) على الدش ، شباب بعيد عن مواقع الـ ( ) على الانترنيت 0، شباب بعيد عن الانحراف العاطفي الذي قد يؤدى بك أحياناً إلى ترك الأيمان



برضه كلام صح وممتاز واظن الاهل ليهم دور كبير فى ده وربنا يحافظ على اولادنا {{yawka]]

بس سؤال ....... الكنيسه للصلاه اكيد بس ليه منعتبرهاش كمان مكان يتجمع فه الشباب مش بدل ما يتجمعوا فى نوادى ولا كوفى شوبس يعنى لو شاب معجب ببنت ليه لو عاوز يشوفها ميكونش تحت عين الكنيسه والاباء الكهنه مش على الاقل حيمنع اى تصرف خطا منهم وليه ميكونش تجمع الشباب فى الكنايس ونوادىيها سبيل ممتاز للتعارف والارتباط بالزواج بين شباب الكنيسه الواحده ؟؟؟؟؟؟؟؟؟؟؟ اظن الكنيسه مجتمع ومش بس للصلاه عارفه كتير حيختلفوا معايا بس ارجع واقول تحت عين الاهل والكنيسه احسن ميكون من وراهم وفى الكوفى شوبس والنوادى

[نادر مرقص]

أعتقد أن الشاب والفتاة اللي هم جايين أصلا عشان يتقابلوا لا يطبقوا هذه الاية ، هل سيكون عندهم فصل بين وقت الاجتماع الروحي وبين أنهم جايين النادي ، لا أعتقد ذلك ، أنما هيكون فية شوشره منهم علي الاجتماع الموجود بالكنيسة أو الصلاه .

[saweres]

يا عم
لو فصلت الواو عن الحوش هنعرف انه حوش
وبعدين الحوش ده بنستخدمه في الاجتماعات بين الخدام والأفراد والكلام اللي فيه مناقشات حادة اللي ما تنفعش جوا الكنيسة
وبنوقف أبونا وبنكلمه في الحوش
وبنكلم البنات في الحوش ( بطريقة صباح الخير ومساء الخير عشان ما تلقحش كلام )
والمسيحيين عامة بيتعرفوا على بعض في الحوش
بيت ربنا الناس كلها بتحترمه وما بنتكلمش فيه
هنعرف بعض ازاي يا أخ مشبك؟ ( الظاهر ان المسطرة في الكيبورد بتاعتك بايظة )

[christian-doctor]

سلام المسيح للجميع.........بص يا اخي الوقفة في حوش الكنيسة منقدرش نحكم عليها حكم عام ونقول انها غلط لان ممكن تكون اسباب كتير يعني ممكن مثلا خدام اي اسرة كنسية جامعية او غيرها يتقابلوا في حوش الكنيسة عشان حاجات خاصة بالخدمة مثلا وسواء الخدام دول ولاد وبنات او ولاد بس وطبعا اللي ميعرفهمش وهيشفوهم بيتكلموا في حوش الكنيسة هيغلطهم و ده غير زمايل الجامعة مينفعش نكلمهم او نقابلهم غير في مكان محترم زي الكنيسة سواء عشان السؤال عن اخبار الدراسة او حتي لمجرد القاء التحية والسؤال العابر...............و بعدين اللي وحش وعايز يعمل علاقات مشكوك فيها مش هيروح لغاية الكنيسة عشان يتقابل مع حد...........اما كلامك عن الوقفة في الحوش اثناء الاجتماع او القداسات فطبعا انا معاك انه غلط كبير وللاسف ده يمكن يكون تعود من الصغر وغياب التوجيه...........اما بالنسبة للترفيه في حضن الكنيسة برضه فاكيد كل كنيسة فيها نادي احنا كنيستنا فيها نادي ومواعيد لبنات و مواعيد للولاد ودي كانت اجمل حاجة الكنيسة لمتنا فيها...............وفي حاجة كمان ازا مكناش هنتعرف علي زمايلنا في الجامعة او حتي ثانوي من الكنيسة امال هنتعرف عليهم منين من الشارع دا غير الارتباط وخلافه (sml12)

[غلاباوي]

سلام المسيح اسمحلى الاخ ذهبى الفم ان اتفق معك وان اختلف ..........

موافق جدا .. على كلامك يا مدام .. ( غريبة صح ؟ )
لكن مع تعديل بسيط جدا .. لو احنا شايفين ان نتاج الحضارة الحالية والانفتاح الاعلامي ضارة بالشباب يبقي نحاول اننا بكل وسيلة نبعدهم شويه عن الحاجات دي .. طبعا مش معقول هنقول بلاش نت وبلاش فيديو كليب .. الخ ..
وموضع التقليد في فترة المراهقة شيء طبيعي جدا .لكن في نفس الوقت مش معقول اقول لبنت مصرية تبقي قدوتك مثلا روبي او هيفاء .. وتخرجي لابسة ملابس مثيرة مش لشيء الا للتقليد الاعمي .. يمكن موجة الفيديو كليب الخليع اليومين دول مستحدثة بعض الشيء في العالم اجمع .. فلم اري - باستثناء القليل جدا - في الكليبات الاجنبية كل الايحاءات والنظرات والكلامات التى تزخر بها للاسف كليباتنا هذه الايام .. ولا اعترض عن المضمون ذاته ولكن اعترض على شكلة واخراجة فقط .. فقد تكون مثلا المغنية ذات صوت رائع ( مثل روبي )
فبدون النظر لما تؤدية في الكليب ستجدون ان صوتها فعلا جيد .. ولكن التوظيف خاطيء حين ربطت صوتها الجيد بحراكتها وايمائتها .... الخ . ولا نستطيع ان نتجاهل الامر باكامل والا جاء اليوم الذي نسمح به لشبابنا برؤية افلام بورنو مؤكدين انهم شباب وان البورنو فن راقي !!!!!!!

تحياتي

[Mrs 2ana 7or]

متفقه معاك يا غلباوى ..... حقك تعمل فرح.... )dnc:( . بس انا كلامى كان عن الاوضاع الطبيعيه مش الاستثناءات
يعنى لو بنتى جت تعمل زى روبى فى اللبس والحركان حقطم رقبتها شيئ طبيعى واظن ان لو شاب حب يعمل زى جاد شويرى حيتحدف بالطماطم بس نرجع نقول الشباب له تفكيرة والمنع يولد الفضول واعتقد التربيه سواء فى البيت او الكنيسه ليها اثر كبير ان اولادنا اه يمشوا على الموضه وكله بس فى حدود المعقول
(كل الاشياء تحل لى ولكن ليس كل الاشياء تناسبنى)

وربنا يحافظ على شبابنا

[الذهبيالفم]

هو البيت عليه عامل اساسي في التربية


ولازم الأم والأب يتحملوا مسئولية سلوك ابنائهم .

[honeyweill]

الدوله هي من فرضت عليهم التقوقع في الكنائس وبعدين احسن للاقباط الكنيسه ولا الشارع مع **** الاسلام
.................................................. .
انا كنت في المرقصيه القديمه وشفت التجمع ساعت القداس بجد حاجه تفرح الرب يذيد ويبارك

[bemoi]

أنا شايف ان حوش الكنيسة هو مكان مهم جداً فى الكنيسة فهو يضم الأنشطة الاجتماعية و الألعاب و الى آخره و واجب علينا أننا نشجع الشباب فى الصيف أنهم يروحوا نادى الكنيسة بدل ما يروحوا القهوة و لا يتمشوا فى الشارع بلا هدف أو ... أو ... مما يقيهم من أخطار كتيرة زى الانحراف و السجائر .. الخ الخ لأنهم هيكونوا قاعدين فى مكان محمى و مشغولين بأنشطة نادى الكنيسة و مافيش وقت للفساد.

[besoo]

اتفق معاك يا اخ بموا
و احب اقول على اقتراح ياريت باقى الاعضاء يحاولوا يطبقوا فى كنائسهم
لماذا لا ننشىء نادى تابع للكنيسه و ليس بالضروره يكون داخل الكنيسه و لكن ممكن نستأخر مكان خاص و يكون تابع لاشراف الكنيسه المباشر
يلتقى فيه الشباب ليفرغ طاقاته و يكون ايضا سبب تقرب للشباب لربنا من الباعيدين عن الكنيسه

[الذهبيالفم]

انا مع فكرة النادي في الكنيسة .

انا مع كل نشاط كنسي او روحي او حتي اجتماعي في داخل الكنيسة .

لكن ضد الوقفات المُعثرة من الشباب .