+++ الى الرئيس حسني مبارك ..... بخصوص قرارك الاخير +++

[Safnat_Fa3nash007]

كلنا قد سمعنا عن قرارك الاخير والذي وان دل فإنه دل على بدء تحول في طريقه تعاملك

لا اعرف ان كان يجب ان اشكرك على اعطائك لنا حقنا المسلوب
فهو واجب عليك انت تأخرت في عمله
وهو حق صغير من سلسه حقوق سلبت منا
ان كان كأمه قبطيه
او ككنيسه قبطيه

حضره الرئيس
هل لي ان اسألك سؤال واحدً :
ما هو سبب هذا التحول المفاجئ ؟؟؟
طوال حكمك لم تفعل شيئ من هذا القبيل ... لماذا في هذا الوقت بالذات اعلنت عن قرارك الجمهوري الغير مكتمل !!!

الغير مكتمل لانه اولا لم نجربه على ارض الواقع
الغير مكتمل لانه يجب اتخاذ خطوات اكثر جديه ليصل المسيحي القبطي لمرحله المساواه مع اخيه المسلم في الوطن

فماذا عن بناء الكنائس الجديده
وماذا عن التحريض
وماذا عن الحكم بحسب الشريعه الاسلاميه
وماذا عن المنهاج التعليمي المدرسي
وماذا عن فتح باب المشاركه للاقباط في المعترك السياسي
وماذا عن رفع الحظر عن الوظائف الحساسه
وماذا وماذا وماذا .....

حضرت الرئيس حسني مبارك
كلنا نقدر ونحترم قرارك الرئاسي الاخير ..... فهلا اكملته من فضلك
دائما ما اقيس الاشياء بتعابير من 0-10

فلو اخذنا هذا المعيار وقسناه على قرارك الجمهوري الاخير وقلنا
ان الصفر يعني عدم نيل الحقوق بالمره
والعشره هي اخذ حقوق كامله

فهل لك ان تخبرنا في اي مكان نقع (كاقباط)اليوم بعد قرارك الاخير ,على هذا السلم

انها لبادره حسنه يا حضرت الرئيس وخصوص بعد سماعنا بنتائج الاخيره للانتخابات البرلمانيه .

لربما قرارك هذا اغضب الملايين من جماعه الاخوان المسلمين
ولكن فرح الملايين من ابنائك(الاقباط) المخلصين لك وللوطن

اقولها لك صراحه اعطي حقوق الاقباط كامله ونام على وسادتك وانت مطمئن
فالقبطي هو المخلص للوطن
وهو المخلص لرئيسه حتى لو كان الرئيس غير عادل
والتاريخ هو الشاهد
وانت احد الشهود على هذا التاريخ

----

احببت ان اقول لك يا حضرت الرئيس ان خطوه كهذه كان يجب ان تكون منذ زمن بعيد
ولا يجب ان نشغل ضغوط من الخارج حتى ننال حقوقنا
اقباط الخارج او المهجر هم ابنائك المخلصون ايضا

فصدقني لو كسبتهم الى صفك فستربح الكثير
فخير لك من اتكسب ابنائك اقباط المهجر من ان تخسر الاخوان المسلمين
فإخوان الخراب لا ظهر لهم والتاريخ يحكي الحقيقه لوحده
فلو اتخذتهم ظهرً لك فسوف تنام الليل وانت تفكر ومهموم وخائف
اما لو اتخذت من ابنائك الاقباط ظهرً حقيقيا فصدقني انك ستنام وانت مطمئن البال


ابنائك الاقباط لا يكنون لك سوى كل خير
سواء اقباط الداخل او اقباط الخارج
ان كانوا من حاملي الجنسيه المصريه ام لا

كلنا نريد لك الخير وطول العمر
فنحن لا نكره احدً ولا نحقد على احد كما علمنا ربنا ومخلصنا يسوع المسيح
فكل ما نطلبه منك هو المساواه

لا اكثر ولا اقل

ارجوا ان تكمل المشوار الذي بدأته بهذه الخطوه الصغيره
ونحن معك قلب وقالب في سبيل رؤيه مصر على احسن حال

وفقك الله
احد ابنائك من اقباط الخارج

[غلاباوي]

ايه يا غلاباوي مش هنبطل تريقة؟؟

[nonalovejesus]

اد ايه الكلام ده حلو لوي و انا معاك فيه
فعلا الرئيس محمد حسني مبارك انسان له قلب طيب علشان كده ربنا محافظ عليه و علي بلده,
مصر ام الدنيا وكل الاقباط بيحبوها و كمان بيحبوا رئسها الي بيديهم حريتهم في بلد المفروض انها مش اسلامي...
سلام الرب مع جمعكم

[وطنى مخلص]

المهم صدور اللائحة التنفيذية للقرار يا سادة
كل هذا كلام فارغ بدون اللائحة التنفيذية
سبق ان اصدر مبارك ثلاث قرارات لالغاء الخط الهمايونى اعوام98 و 2000 و 2003 نصت المادة الاخيرة من القرارات الثلاثة على" يحظر تنفيذ القرار الا بعد صدور لائحته التنفيذية" التى لم تصدر و لن تصدر
فى العادة تكون المادة الاخيرة من قرارات رئيس الجمهورية" ينفذ القرار بمجرد نشره فى الجريدة الرسمية" و تكون المادة قبل الاخيرة" ينشر فى الجريدة الرسمية صباح غدا"
و لكن هذه القرارات تخلو من المادتين فهى قرارات للاستهلاك الخارجى تبع المعونة

[حماده]

مش كفايه المهم يعمل كل حقوقو الاقباط في مصر ولازم تتطبق الائحه
وان شاء الي جاي خير
اخر الاهبار المجلس سيحل بعد سنه واحده فقط
والحكومه عامله حامله توعيه من الاخوان واكيد مصر تقدر تنضف نفسها والوطني هو الاغلبيه وهيمرر اي قرار
شكرا

[hanna3]

تحية لتعليقك يا اخ حمادة
10(): 10(): 10():

[Safnat_Fa3nash007]

قد قلت ما يلي :

ما هو سبب هذا التحول المفاجئ ؟؟؟
طوال حكمك لم تفعل شيئ من هذا القبيل ... لماذا في هذا الوقت بالذات اعلنت عن قرارك الجمهوري الغير مكتمل !!!
الغير مكتمل لانه اولا لم نجربه على ارض الواقع
الغير مكتمل لانه يجب اتخاذ خطوات اكثر جديه ليصل المسيحي القبطي لمرحله المساواه مع اخيه المسلم في الوطن

فماذا عن بناء الكنائس الجديده
وماذا عن التحريض
وماذا عن الحكم بحسب الشريعه الاسلاميه
وماذا عن المنهاج التعليمي المدرسي
وماذا عن فتح باب المشاركه للاقباط في المعترك السياسي
وماذا عن رفع الحظر عن الوظائف الحساسه
وماذا وماذا وماذا .....


هل ساعدني احدكم في توصيل هذه الرساله
اليس له مكتب وبريد للجمهور او ماذا ؟؟؟!!!


-----------
اما انت يا غلباوي
فمن شنصك اني لم اقرأ ما كتبت وإلا لما عدتهالك
بس الله يخلف على الادمن الي ستر عليك

على العموم خليك ماش عدل
احسن لاخلي كل واحد عدل يمشي عليك

سلام

[غلاباوي]

يا صفصف كلامي كلة كويس ومحترم ... بس الادمنز بيحجروا احيانا على روحي المرحة احيانا وغددي الفكاهية امام مواضيعك المرحة ....

[Safnat_Fa3nash007]

المره دي سماح يا غلبب والمره الجايه ادخلك التخشيبه قصدي بيت خلتك لو زعلت حد من الادمنز

وبعدين يا عم انت
شايفني كاتب موضوع جدي
لازم تحولوا لهزار

انا كنت ناوي اشد عليك السفون بس على الطراز الحديث
بس الادمن ساويروس حط تعليمات
واخاف يزعل
وكلوا إلا زعل ابو السوس

بس برضوا انا مصر إلحاح اعرف انت اتهبلت وكتبت ايه لتنوا الادمن محى مداخلتك
--------
غلباوي خليك محضر خير
وكون جدي ولو مره في حياتك
قبل ما يشغل مكانك واحد اخواني هههههههه وتروح عليك يا حزيط


لو تجيب ايميل مكتب الرئيس وتحطوا يكون احسن من التعليقات الي ملهاش شغلانه غير العبط
يعني اعمل خدمه ولو مره في حياتك

لانوا بصراحه كده الاخوان طمعنين بالمنصب بتاعك
ومخفيش عليك الرئيس ميقدرش يرفضلهم طلب خالص هههه

[غلاباوي]

عايز الايميل ... بسيطة اوي
President@kokowawa.co.il

هههههههههههههههههههههههههههههههههههههههههههههههههه ههههههههههه

[Safnat_Fa3nash007]

عايز الايميل ... بسيطة اوي
President@kokowawa.co.il

هههههههههههههههههههههههههههههههههههههههههههههههههه ههههههههههه

دوت سي او دوت اي إل

بششششششششششششش

هو حضرتوا من اسرائيل وانا مش عارف ههههه

بس لابقلوا ولابقلك اسم كوكو واوا هههههههههههه

خلاص ابدء بالتعزيل لانوا على كرسيك سيجلس رقيب قصدي فراش اخواني

وحينظف المكتب بلحيتوا ههههههههههه

انتظر التعميم في البريد

ولو سبقوا البريد وجولك وطلعوك بالطرق الـ لا سلميه انا مخصتنيش
هههههههههههههههههههههههههههههههههههههههههههههههههه هه

وقد اعذر من انذر cr::

[غلاباوي]

شوف يا صفنات ... هتكلم معاك بجد المرة دي ( بس ما تخدش عليها )

انا واحد من ضمن ناس كتيرة او قليلة مسلمين معترفين بان للاقباط في مصر حقوق كتيرة ضايعة او مهضومة ومقدرش انكر الكلام دة ولو ان ليا تحفظات كتيرة على الكلام دة لكن خلينى معاك ان فعلا ليكم حقوق مهدورة ... وفي ظل الحكم الحالي عملتوا المستحيل ونفختوا في الف قربة مخرومة وفي الاخر برضة مفيش حد بيعبر ....

وياريت على كدة وبس لا .. الاخوان المسلمين كمان طلعوا زي عفريت العلبة فجأءة وبين يوم وليلة مسكوا تقريبا ربع المجلس الموقر بعد ما كانوا 12 ولا 14 بالكتير .. ودة اللى قلق الجميع وخوفهم واولهم القيادة الكنسية في مصر .... يعنى بمعنى اصح في احتمالية يمكن مش كبيرة لكن قائمة ان الاخوان يمسكوا الحكم في مصر خلال ال 10 سنين الجايين .. وبمعنى اخر ان لو كنتوا في الوضع الحالي بتاكلوا عيش وملح ... بعد 10 سنين يمكن مش هتلاقوا العيش الحاف .. طبعا دة مش كلامي .,,دي قراءة بسيطة في تخوفكم من احتمالية حكم الاخوان المسلمين لمصر حكم فعلي ... وفي ظل الاحداث دي .. ممكن نقول جة الريس مبارك من غير ما حد يضربة على ايدة ولا يضغط علية واوعوا تتوهموا ان المؤتمر اياه هو السبب في القرار اللى حصل دة .. والا تبقي بتضحكوا على نفسكم ...
المهم في ظل الظروف دي .. ويجي الريس ويحط القرار دة ... يمكن هو معملش كتيير او لم يكسب المسيجين الكثير من حقوقهم المسلوبة .. ولكنه على الاقل كان بمثابة خطوة اولي وقد يتبعها خطوات بل وربما قفزات ... وقد تكون الاولي والاخيرة .. من يدري ...
وفي ظل ذلك .. لا ترضون ايضا بما حدث وتصرون على انه ما حدث تمثيلية ولعبة ومجرد كلام وانكم لم تحصلون علي حقوقكم ..... الخ ( يعنى لا كدة راضيين ولا كدة راضيين )
اعتقد وقتها قد يشعر الرئيس اذا لمس في حديثكم النكران والتمرد .. الا يسمح بما قد اقره هذا مرة اخري ....
على الاقل حاولوا ان تحسوا ان القرار لم يكن في صالح احد اللهم الا المسيحين .. وان موضوع الترميمات بعد ان كانت في يد شخص واحد وهو ريس الجمهورية اصبحت في ايدي عديدة .. وان امتنع هذا المحافظ عن مساعدتكم هنا .. فلن يمتنع الاخر .... الخ
حاولوا ان تكونوا موضوعيين وان تكسبوا كل نقطة في صالحكم بدلا من ان يكون مظهركم العام هو التمرد والنكران لشيء هو حقكم بالتاكيد ولكنه تلاشي مع مرور الزمن ...
حاولوا ان تجعلوا هذا القرار الذي صدر هو اول الغيث بالنسبة لرفع الضطهاد عن الاقباط وليس اخرة .....

تحياتي وشكرا

[sammy]

إيه ده؟ دا إنت بتعرف تتكلم زينا أهه.
أمال عامل زى فرقع لوز ليه وكل مشاركة أهيف وأرقع من اللى قبلها؟
خليك كده أحسن لأنى كنت قربت أبطل أقرا أى موضوع أنت مشارك فيه.

[Safnat_Fa3nash007]

عزيزي غلباوي ارجوا ان تستمر على هذه الوتيره من الجديه فهي تليق لك اكثر (حسب رأي وانت حر)


شوف ححطلك انا كتبت ايه علشان متقلش بضرب الايد الي بتنمد لي :

حضرت الرئيس حسني مبارك
كلنا نقدر ونحترم قرارك الرئاسي الاخير ..... فهلا اكملته من فضلك

غلباوي لاحظ انني اعيش في اسرائيل وان ليس لي اقارب في مصر او بالاحرى لا اعرفهم لانه مر علينا قرابه القرن ونصف دون اي اتصال
ومع هذا يربطني بإخوتي الاقباط رباط اقوى من الرباط العائلي الذي لا اعرف عنه شيئ سوى اسم البلد الي طلعنا منها والعرق

غلباوي من لم يجرب الاحسن لم يعرف ان يفرق ما هو الظلم
عزيزي ادعوك لترى الفرق بيننا وبيكم
تعال وشوف عندنا المسلمين او اي طائفه اخرى كيف ماخذه حقها وزياده مع العلم انهم ليسوا بيهود

حقولك على حاجه ,الحق ليس بشفقه نشحذها من سياده الرئيس وسبق وان قلت :
لا اعرف ان كان يجب ان اشكرك على اعطائك لنا حقنا المسلوب
فهو واجب عليك انت تأخرت في عمله

احببت ان اقول لك يا حضرت الرئيس ان خطوه كهذه كان يجب ان تكون منذ زمن بعيد

-------------------
غلباوي هل تعتقد اني كتبت الموضوع للاستهزاء ؟!!
او لمجرد الكتابه ؟!

لاحظ انني الوحيد الذي كتب بخصوص هذا الموضوع بعد المراسل.....
لا لاسمع تعليقك عليه

بل لاحفذ الرئيس على المتابعه على هذا النهج

لكي لا تعتبرونا سلبيين على طول الخط

مع انه لم يقم إلا بواجبه الذي تأخر في تأديته منذ زمن والذي لم يكتمل

--------
صراحه تحيرت في كتابه الرساله
فهل اقول له شكرا ً يا رئيس .... ويكفينا انك اتطلعت فينا
ام ماذا اقول

من ناحيه هو حق لا يجب ان يعطى بل يجب ان يكون موجود اصلا

ومن ناحيه ثانيه ..... اول مره يبدأ الرئيس بالتحرك ولو عُشر خطوه للامام
ومع اننا لم نلمس هذا القرار على ارض الواقع إلا اني ابديت سعادتي لعُشر الخطوه التي قام بها
وحثيته على الاستمرار بها

حضرت الرئيس حسني مبارك
كلنا نقدر ونحترم قرارك الرئاسي الاخير ..... فهلا اكملته من فضلك

غلباوي انا متأكد لو اجريت انتخابات نزيهه فعلا لحصل اخوان الخراب على اكثر من 3/4 المقاعد في البرلمان
عزيزي انا دائما اقول
دكتاتور عادل ولا ديموقراطيه غير عادله

تصور لو كان البرلمان بأكمله من جماعه الاخوان
والنظام ديموقراطي جمهوري ..... اكيد الاقليات سوف تظلم لان الاكثريه هي التي تقرر مصيرهم

-----------
غلباوي ان نعطى حقنا المسلوب لا يحتاج الى معايره
وان يعطي الرئيس حق للاقباط ليس لانه يتوقع منهم الشكر
فهذا الحق الذي لم يصلنا منه بعد سوى الكلام وحتى الكلام القليل لو وضع في بنك لخرج مع فوائد كثيره
نحن اليوم لا نريد هذه الفوائد
كل ما نريده هو حقنا كامل وفقط
لا ينقص
ولا يزيد

---------
اخوان الخراب لن يخوفونا كما تظن
فأنا قبل انتخابات الرئاسه قلت
لو طلع اخوان الخراب لنحلت مشاكلنا من زمان
لانه سيحصل اضطهاد واسع مما يستدعي تدخل الامم المتحده بشكل فعال اكثر
طبعا هذا لم يسرنا وليس هذا ما نريده
ولكن المستقبل جعلنا نفكر ونحسب كل الاحتمالات الممكنه في حال صعود اخوان الخراب

الحمد لله لم يصلوا الى سده الحكم
وفي اعتقادي ان هذه الانتخابات في حال لو كانت نزيهه فعلا فهي نصر لنا وللحزب الجمهوري
وخساره لاخوان الخراب
لانهم لعبوا بالورقه الطائفقه ومع هذا لم يحصلوا سوى على 20 % من المقاعد



اخيراً وليس اخراً

نحن ندعم يا سياده الرئيس حسني مبارك خطوه كالتي بدأت بها

ونحن خلفك في الوطن وخارجه
ونشد على اياديك لكي تكمل باقي الاصلاحات
ونحن ابنائك المخلصين لك وللوطن حتى ونحن مضطهدون
--------------

سلام يا غلباوي وارجوا ان تستمر في جديتك

اخوك 007

[fanous2102]

احسن حاجه في الانتخابات دي
انها طلعت الاخوان علي السطح وفي الصوره
دلوقتي اللعب ع المكشوف
و تحت الحزام و فوق الحزام و كله
و كمان ممكن دماء علي الطرفين

[غلاباوي]

كلامك ممتاز جدا يا صفصف وانا مؤيد لمعظمة .. لكن لما يكون دة رأيك لوحدك يبقي مش كفاية ...
اتفرج بنفسك اول ما القرار نزل شوف ردود افعال الاعضاء اية ... وانا بقولك الاعضاء بس لانهم بيمثلوا شريحة من المجتمع المسيحي .. فيهعم المتعصب وفيهم الحليم اللى بتسموه حزب المسكنة وفيهم اللى عندة امل في بكرة .. وفيهم اللى عايز يضرب المسلمين بنووي او كيماوي ...
عموما انا اوضحت كل اللى انا عايزة في المداخلة اللى فاتت ...
واتمنى لينا كلنا العدل والسلام ... وللمرة المليون اؤكد ان ( اخذ الحق فن )
عشان تاخد حقك مش بقلة الادب او طولة اللسان .. او تجري على ماما امريكا ...
يمكن الطريق طويل ومش سهل وصعب جدا ....
الموضوع مش انك تبعت شكوي للرئيس النهاردة هيصدر قرار لصالحك فيها بكرة الصبح ..
الموضوع معقد جدا ... واي مكاسب جديدة حتى ولو كانت متواضعة .. هي مكسب ممهد لمكاسب جديدة وارض صلبة اخري نستيطع الوقوف عليها للمطالبة بتلك الحقوق ...
تحياتي

[fanous2102]

اخد الحقوق خاصه لو كان مع الذئاب مايبقاش فيه لاتهاون و لاتساهل و لاطوله بال

[NAWAL]

اقباط مصر.....هم المصريين الحقيقين هم اللى فضلوا من 7 الاف سنة حفظهم اللة طوال السنين هم
المعجزة الحقيقية الماثلة فى الحياة الى اليوم .....حفظهم من الاحتلال والظلم والاطهاد دائما يعتمدون
على اللة يحرسهم طوال السنين .....يتدرعوا الى اللة فى صلواتهم ويطلبوا من اللة لان الشكوى لغير
اللة مذلة .....الصبر هو مفتاح حياتهم والعلم هو سلواهم فى الحياة ينظروا الى المستبد والمفترى ويشكوة الى اللة والسنيين والتاريخ يوضح لنل .....ماذا ينفع الانسان لوكسب العالم كلة وخسر نفسة
وقد قال لنا السيد المسيح........ ثقوا انا كسبت العالم....تعالوا الى يامتعبين وكثير الاحمال وانا اريحكم.....اللة معى فمن على..............
مريم

[غلاباوي]

اخد الحقوق خاصه لو كان مع الذئاب مايبقاش فيه لاتهاون و لاتساهل و لاطوله بال

لو بتاخد حقوقك من الشيطان نفسة مش من ذئاب زي ما قلت لازم تكون عاقل وذكي جدا وصبور ...... اما العنتريات والخطب العصماء والكلمات الرنانة فقط فستؤثر بالسلب على القضية وستزيد الطين بله ...

[الخواجه]

كل اللي حصل ده عباره عن مسكن مش حل او ابرة مخدر في جسد المريض

فهدا الفتات و فتات الفتات لا يحل مشكله- لابد من المصداقيه و الجديه و الجرائه في مواجهة

المشكلات لانه ان لم تحل تزداد تعقيدا و في يوم ممكن ان تصبح المعضله التي تكسر هدا البلد

و تعرضه للازمات داخليا و دوليا -

[غلاباوي]

كل اللي حصل ده عباره عن مسكن مش حل او ابرة مخدر في جسد المريض

فهدا الفتات و فتات الفتات لا يحل مشكله- لابد من المصداقيه و الجديه و الجرائه في مواجهة

المشكلات لانه ان لم تحل تزداد تعقيدا و في يوم ممكن ان تصبح المعضله التي تكسر هدا البلد

و تعرضه للازمات داخليا و دوليا -


كلامك صح ولكن من وجهة نظري ( الفتات في المرحلة الحالية افضل من لا شيء )
هو لا يكفي بالتاكيد ولكنه جيد كبداية

[zaki]

فجأة كدة مبارك طلعلوا جناحات وبقا ملاك

فوقوا

فين الحقوق اللى ادهالنا ولا حتى الفتات انتوا بتفكروا منين
(OPN:}

علشان حتة قرار حمضان مفهوش جديد كلكم بتصقفوا

اولآ : القرار ينص على ان ترميم الكنائس او هدمها واعادة بنائها فى نفس مكانها يكون تابع للمحافظين ويتم اخذ الجهات المعنية

ممكن حد يؤلنا من هى الجهات المعنية ؟؟؟؟؟
ويا ترا المحافظين فية واحد منهم مسيحى علشان نضمن حيادية رأيهم ؟؟؟؟؟؟
نفس القرار هو المعمول بة ومفيش جديد .
الجهات المعنية هى الرئيس و امن الدولة . ولو الرئيس رفض او امن الدولة قالت كالعادة ان الحالة الامنية لا تسمح يبقى مفيش شكارة اسمنت واحدة هتدخل من باب كنيسة
ثانيآ : ما هى اجراءات بناء الكنائس الجديدة ؟؟؟؟؟؟؟؟؟؟؟
هى هى ومفيش تغيير

ابوا اخر لا فية حق اتاخد ولا حتى فية فتات ومستنيين الباقى بشوية مدح وعظمة لمعالية

يعنى من الاخر الراجل اللى انتوا بتعظموا فية لو ناوى تغيير هيغير
لكن هو أستخدم اسلوب الفلاحين بتوع المنوفية عليكم ونجح

ولا انتوا نسيتوا اراضى الاديرة الاثرية اللى موجودة قبل احتلال الاسلام لمصر لما الحكومة كانت بتنط فيها كانوا بيخلوا الكنيسة تدفع تمنها
الكنيسة بتدفع تمن اراضى اديرة قبطية مملوكة للاقباط من قبل دخول الاسلام مصر واخرهم دير الانبا انطونيوس بالبحر الاحمر

بلاش تبقوا طيبين اوى كدة وتنسوا اوام ويضحك عليكم بكلام عبيط

[Safnat_Fa3nash007]

فجأة كدة مبارك طلعلوا جناحات وبقا ملاك

فوقوا

فين الحقوق اللى ادهالنا ولا حتى الفتات انتوا بتفكروا منين
(OPN:}

علشان حتة قرار حمضان مفهوش جديد كلكم بتصقفوا

اولآ : القرار ينص على ان ترميم الكنائس او هدمها واعادة بنائها فى نفس مكانها يكون تابع للمحافظين ويتم اخذ الجهات المعنية

ممكن حد يؤلنا من هى الجهات المعنية ؟؟؟؟؟
ويا ترا المحافظين فية واحد منهم مسيحى علشان نضمن حيادية رأيهم ؟؟؟؟؟؟
نفس القرار هو المعمول بة ومفيش جديد .
الجهات المعنية هى الرئيس و امن الدولة . ولو الرئيس رفض او امن الدولة قالت كالعادة ان الحالة الامنية لا تسمح يبقى مفيش شكارة اسمنت واحدة هتدخل من باب كنيسة
ثانيآ : ما هى اجراءات بناء الكنائس الجديدة ؟؟؟؟؟؟؟؟؟؟؟
هى هى ومفيش تغيير

ابوا اخر لا فية حق اتاخد ولا حتى فية فتات ومستنيين الباقى بشوية مدح وعظمة لمعالية

يعنى من الاخر الراجل اللى انتوا بتعظموا فية لو ناوى تغيير هيغير
لكن هو أستخدم اسلوب الفلاحين بتوع المنوفية عليكم ونجح

ولا انتوا نسيتوا اراضى الاديرة الاثرية اللى موجودة قبل احتلال الاسلام لمصر لما الحكومة كانت بتنط فيها كانوا بيخلوا الكنيسة تدفع تمنها
الكنيسة بتدفع تمن اراضى اديرة قبطية مملوكة للاقباط من قبل دخول الاسلام مصر واخرهم دير الانبا انطونيوس بالبحر الاحمر

بلاش تبقوا طيبين اوى كدة وتنسوا اوام ويضحك عليكم بكلام عبيط

10(): 10(): هذا لا يتنافا مع ما ذكرت

ولكننا نحاول ان نشجعه

لكي لا يقال عنا اننا سلبيين على طول الخط

[prayan]

نفس الفكر داخل المنتدي هو هو
عايزين نفصل بين ( الاخوان ) والمصرين كاملتا
المصرين ينقسموا الي مسلمين ومسيحين
ليه حاطيب كل المسلمين في كفه واحده مع الاخوان
الاخوان قله في الاسلام عامه الشعب مش اخوان
في ناس ادت صوتها للاخوان انتقاما من الاحزب الوطني واحزاب المعارضه الهشه
وفي ناس ادتهم لانهم فقراء وانضحك عليهم بسهوله
وفي اقباط اترشحوا كاخوان ود ي حصلت وناس بتادها وفي ناس اقباط ادتهم صوتهم كمان لنفس االاسباب فقر او انتقام او اي شيء
لكن الكل نسيييي
الاغلبيه الصامته كلها مش تبع الاخوان
الاخوان كل من يتبعهم واخدين اسمه وبينزلوا بالعافيه طيب وبيجبروه انه يعمل بطاقه انتخاببيه جزء من حكمهم الدكتاتوري داخل تيارهم الارهابي الوهابي ده
اذن
الاخوان ملهمش اي كتله في الغالبيه الصامته نهائي وده مش في مصلحتهم وفي مصلحتنا احنا
يعني الغالبيه الصامته بنسبه 90% من الشعب يعني 60 مليون
مش بتوع الاخوان ومستنين حزب فعلا يطمنولوا ويتشدوا ليه ومش معن ي ان اغلبيه الناس في الوطني الا انهم كرهوه واول حزب عملاق ينزل الساحه ويكون له وجه جديد زي مثلا الحزب الفرعوني لو فكرته اتطبقت هيز البلد وهيبلع الكل والناس هترحلوا بالافواج وحتي الي مشتركين في الحزب الوطني
واولهم انا هسيبه وهروح الحزب ده وانا كنت من الغلبيه الصامته بس غصب عني لان القوات المسلحه الي انا اتجندت فيها لمده سنه وكانت هي سنه الانتخابات ممنوع اي حد فيها ينتخب لانها محايده ولا ياخذ باصواتها
وشكرا

[prayan]

ويارت الناس مترهنش علي حزب مصر الام لانه مش هيعرف يعمل حاجه من الاخر اسمه مينفعش يطفش الدبان حتي
وحزب الغد اخد شهره جامده بس هنا لو قدرو اقباط المهجر يسعدوا ومسلمين المهجر المعتدلين والمعتدلين في مصر مسلم او مسيحي يتحدوا ويوحدوا الحزبين دول وتبدا المشوار هتكون فكره مختلف وخاصه لو بدات الاحزاب في الانضمام