نداء هام إلى رابطة الفجلاوية [الصفحة الرئيسية] - منتدي منظمة أقباط الولايات المتحدة

View Full Version : نداء هام إلى رابطة الفجلاوية

sammy

11-12-2005, 10:28 AM

إخوانى الفجلاوية القدامى والمنتسبين لهم والمرشحين لعضوية رابطة الفجل المحترمة...
نظرا للظروف الطارئة على المنتدى (الذى أصبح فجأة يدخله ناس محترمة, غير الزبالة أعضاؤه - حسب رأى البعض-) أرجو تحديد مكان وزمان لتدارس الأمر.
قهوة الفجلاوية ستفتح اليوم الساعة 4 مساء بتوقيت واشنطن, العاشرة بتوقيت الشرق الأوسط.
إجتماع هام لإتخاذ قرارات مصيرية, يرجى عدم التخلف للأهمية...
سامى

sammy

11-12-2005, 10:34 AM

إن كنت غير فجلاوى فاخرج من دلوقت ولا تكمل قراءة باقى المشاركات بدال مانقل أدبنا عليك.

sammy

11-12-2005, 10:43 AM

إخوانى الفجلاوية:

هناك مشاكل فى المنتدى بين الأعضاء بينهم وبعض, وبينهم وبين الإدارة... لا تفكروا إن سبب المشاكل هو الأخ ساويرس... ساويرس بينفذ "توجيهات" (بلاش أقول تعليمات).
شغلة الإدارة الأولى هى الحفاظ على حد أدنى من الإحترام فى المنتدى وهذا لا يجب أن يكون عليه أى خلاف.
وسيلة الإدارة الأولى هى حذف الكتابات والألفاظ الخارجة, وإن كان الموضوع كله إساءة فيمكن حذف الموضوع بكامله.
ممكن الإدارة تكون مش فاضية ومتهاونة كتير وفجأة تصحى فتقوم تتخذ إجراءات متعسفة بشكل فجائى.
طرد الأعضاء يكون آخر الحلول لمن يصر على مخالفة شروط المشاركة وبطريقة لا يصلح معها أى حل إلا الطرد.
تعالوا نتداول فى المشكلة ونحاول إيجاد حل لها بدون أن نخسر الإدارة ولا طبعا منتدانا قدر الإمكان.

catia

11-12-2005, 01:23 PM

saweres

11-12-2005, 02:42 PM

اولا احب اوضح اني عندما اشتركت في المنتدي حبيت اشترك فيه علشان هو منتدي للأقباط مش علشان هو منتدي عادي يعني الأساس (اقبــــــــــاط) مش حد تاني ..وماشي موافقه ان اللي يغلط يتعاقب ,بس مانجيش علي بعض علشان واحد من ديانه تانيه وكفايه القهر اللي احنا فيه في الحياه العاديه مايبقاش كمان قهر هنا كمان وراي الخاص ان المسلمين ماشي علي عينا وعلي راسنا بس الأوليه لينا ولآرائنا احنا (dig:{ وكمان فين موضوعmrs ana 7or حذفتوا ليه ...ولا علشان بتهاجم واحد من الأدمن ....(bay:))
للأسف أخطأتي المكان ، فالمنتدى ليس " للأقباط فقط " بل هو مفتوح للجميع ، مهما كانت جنسياتهم مهما كانت عقيدتهم ، وبعدين انتي قرأتي شروط التسجيل عندما سجلتي في المنتدى؟!! اذا لم تقرأيها فأنصحك أن تقرأيها هذه المرة بتمعن

fanous2102

11-12-2005, 02:51 PM

لا ياساويرس المنتدي للاقباط
و اسمه المنتدي القبطي
و لكن التسجيل والحوار مفتوح للكل
مش ده اسم المنتدي
www.copts.net/forum/
و الا انا غلطان

saweres

11-12-2005, 03:02 PM

لا ياساويرس المنتدي للاقباط
و اسمه المنتدي القبطي
و لكن التسجيل والحوار مفتوح للكل
مش ده اسم المنتدي
www.copts.net/forum/
و الا انا غلطان
أظن عنوان الصفحة مكتوب عليه ، منتدى منظمة أقباط الولايات المتحدة ، بنفس الطريقة بقى ، تعالى نقفله بس على الأقباط القاطنين بالولايات المتحدة الأمريكية ، ولا يسمح للمسلمين ولا لأقباط مصر بالتسجيل فيه
المنتدى للكل يا عم فانوس ، والمنتدى هو عنوان الأقباط ، نعبر عن كل اللي نفسنا فيه بس بأدب بدون غلط في حد ، يكفي ما يقال عننا في المنتديات الأخرى اننا مجرد غوغاء لا نتفاهم مع أحد

fanous2102

11-12-2005, 03:11 PM

حلو قوي يقي عايزني اخد علي قفايا
و يقول لي نصراني و احفاد قرده و خنازير وا سكت له
مش هايحصل و باقلهالك بصوت عالي وفي وشك
لو حد شتمني او شتمنا هاشتمه و هاشتم نبيه وهابهدله من كتابه
و بعد كده تحب تطرد و تمارس حقوقك كآدمن انت حر

sammy

11-12-2005, 03:13 PM

للأسف أخطأتي المكان ، فالمنتدى ليس " للأقباط فقط " بل هو مفتوح للجميع ، مهما كانت جنسياتهم مهما كانت عقيدتهم ، وبعدين انتي قرأتي شروط التسجيل عندما سجلتي في المنتدى؟!! اذا لم تقرأيها فأنصحك أن تقرأيها هذه المرة بتمعن

لامؤاخذة ياأخونا الحبيب ساويرس
الم تقرأ المشاركة الثانية من هذا الموضوع؟
إن كنت قرأتها فإيه اللى أدخلك هنا؟
هل انت فجلاوى ولا عايز إيه بالضبط؟؟؟؟؟؟؟؟
هذا موضوع للفجلاوية فقط والمنتسبين لهم وليس فجلاويا من لم يحصل على توصية من إثنين من الفجلاوية على الأقل, ويمكن التقدم بالطلبات للأستاذ فانوس أو ك.ك. أو أى فجلاوى آخر.

عاوز تدير دير لكن هذا الموضوع مقفل على الإعضاء الفجلاوية فقط لا غير...
وأرجو الإخوة الفجلاوية عدم الرد أو المناقشة مع أى غير فجلاوى...
كاتيا وأنا حر والمدام كمان أنا عازمهم على حسابى بعد ساعتين.

saweres

11-12-2005, 03:30 PM

عم فانوس ، اللي يقرب لك هطيره وملوش عندي انذار
---
عم سامي ، انا خارج التقسيم ، ولا أؤمن به ولا أعترف بوجوب تقسيم الأقباط بعضهم لبعض لفرقتين، وان سألتني فأنا أرى فيك فكراوي أصيل (BAY:)

fanous2102

11-12-2005, 04:04 PM

عم سامي تقبل اعتذاري
عن هذا الاجتماع لارتباطي بموعد هام

غلاباوي

11-12-2005, 04:25 PM

هل هناك تعريف محدد للفجلاوية ؟؟!!

pharon d'egypte

11-12-2005, 04:28 PM

بجد انتوا حلوين قوى وانا فخور بكم جدا

اولا بما اننا ضد المبداء الاسلامى انصر اخاك ظالما ومظلوما فالابد ان لا ناخد به
بمعنى اللى يغلط ياخد جزاءه بصرف النظر عن ديانته

بقول لكل الادامن اللى هنا ان كل الاقباط اللى موجودين فى المنتدى موجودين عشان اسمه وطبعا عشان نتكلم براحتنا عن مشاكلنا وكيفية حلها والا كنا دخلنا الازهر او اى منتدى تانى

طبعا انا مع العضو اللى قال ان اى مسلم يشتم او يغلط هايشتم محمده وانا كمان هاعمل نفس الشىء خصوصا لو الادمن ماخدش خطوة ايجابية لاننا مش هانتشتم كمان فى منتدى الاقباط اللى كل واحد مننا حاسس انه حر الى حد ما ومن حقه يطلع اللى جواه ناحية تعصب بعض المسلمين

اسف لدخولى المناقشة دى لانى مش فجلاوى بس حسيت ان المناقشة دى لازم يناقش فيها كل عضو مسيحى فى المنتدى

وللمرة المليون بقول كل الاقباط اللى موجودين فى المنتدى موجودين عشان اسمه

غلاباوي

11-12-2005, 04:51 PM

كلامك ممتاز جدا يا اخ pharon d'egypte
خصوصا فقرة
طبعا انا مع العضو اللى قال ان اى مسلم يشتم او يغلط هايشتم محمده وانا كمان هاعمل نفس الشىء
طيب لو المسلم اتشتم ؟؟! او اتهان .. بنفس الاسلوب يبقس ساعتها بمبدأ المساواة يبدأ يشتم هو كمان ويتحول المنتدي اللى المفروض بيعرض وجهة نظر ناس بتفهم وعلى مستوي عالي من الرقي والاحترام الي ساحة شتائم وقذارة وقلة ادب .....
اذن الحل الجراحي هو الاصواب دائما لكلا الطرفين .. فانت كمسيحي تعاليم دينك تنهيك عن السباب او الشتم .. الخ .... وانا كمسلم كذلك ... فمن يتعدي تلك الخطوط الحمراء فلا يوجد عذر له ...

تحياتي وللادمن ولكل شخص محترم بالمنتدي يحاول ان يجعل من المنتدي مكان للحوار النظيف والعقلاني

pharon d'egypte

11-12-2005, 04:58 PM

كلامك ممتاز جدا يا اخ pharon d'egypte
خصوصا فقرة

طيب لو المسلم اتشتم ؟؟! او اتهان .. بنفس الاسلوب يبقس ساعتها بمبدأ المساواة يبدأ يشتم هو كمان ويتحول المنتدي اللى المفروض بيعرض وجهة نظر ناس بتفهم وعلى مستوي عالي من الرقي والاحترام الي ساحة شتائم وقذارة وقلة ادب .....
اذن الحل الجراحي هو الاصواب دائما لكلا الطرفين .. فانت كمسيحي تعاليم دينك تنهيك عن السباب او الشتم .. الخ .... وانا كمسلم كذلك ... فمن يتعدي تلك الخطوط الحمراء فلا يوجد عذر له ...

تحياتي وللادمن ولكل شخص محترم بالمنتدي يحاول ان يجعل من المنتدي مكان للحوار النظيف والعقلاني
ارجع اقرا اللى انا كتبته كويس او بمعنى اصح اكتب الجملة لغاية اخرها

عموما انا قلت ان انا كمان اللى هايشتم هاشتمه خصوصا لو الادمن ماخدش رد فعل

يعنى اعتقد ان الشتيمة بتاعتى متوقفة على رد فعل الادمن
فهمت؟

ثانيا مين اللى قالك انى مع شتيمة وسب المسلمين ؟
اقرا اللى انا كتبته تانى

sammy

11-12-2005, 08:56 PM

إخوانى الأحباء
أنا ضد الفرقة والتفرق على طول الخط. وداعيى لفتح هذا الموضوع أنى أرى بوادر فرقة وتفرق.
أنا فكراوى أو فجلاوى مش فارقة معايا, لكن أنا شايف وجهات نظر متعارضة جدا, أنا لا اشجع السب والشخصنة زى ماانتم كلكم عارفين, لكن أحيانا أعدى واحدة للأقباط وهنا أنا غير عادل طبعا... وزى ما سبق وقلت لأحد الإخوة الذى عاتبنى, هناك عناصر وقيم أخرى غير العدل ينبغى مراعتها.
يعنى واحد قبطى طالع عينه ومتضايق على الآخر أعدى له واحدة هنا وواحدة هناك, لكن لا أعامل الأخ المسلم بنفس الطيبة لأنه لو عاز يشتم يروح مكان يشتم فيه غير هنا والأمكنة اللى يقدر يشتم فيها كتيرة لكن الأقباط الأمكنة اللى يستطيعوا يتفكوا فيها بكلمتين مش متوافرة.
كمان عيب قوى إن واحد يبقى كل همه الشتم والسب وبالذات أشخاص وأعضاء وأحيانا يكونوا محترمين جدا وكونهم مسلمين فلا يعطى ذلك حق شتمهم عمال على بطال.
الوضع كان متساهل جدا لغاية قريب لكن الظروف تغيرت قليلا...
الأخ مايكل مؤسس هذا السايت النهاردة ليه سمعة ومكانة وقيمة وبينطلب هنا وهناك ومش معقول يروح يقولوا له شوف السايت بتاعك بيقول إيه على الرسول وعلى المسملين عموما..
الحل إيه؟
الحل إنه يبقى من الممكن محافظة على شكلنا الذى أصبح عليه العين زيادة عن زمان أننا ممكن نتناقش ولو بسخرية شديدة لكن من غير سب وشتم عمال على بطال.
كمان بعض الأعضاء المسلمين مكسب للمنتدى ولينا فمش معقول كل واحد يبقى له قانون لوحده يشتم وقت ما يحب ويرحب وقت مايعوز.

Gregory

11-12-2005, 09:03 PM

وجهة نظر سليمة يا أستاذ سامى
و عموما الاهانات الشخصية عمرها ما كانت حل

بس ايه حكاية الرابطة الفجلاوية دى ؟ ؟ ؟
هو ايه الفجل ده ؟ ؟ ؟
الموز بتاعكوا ده ؟ ؟ ؟ ... على رأى مسرحية المتزوجون ...

ينفع جرجير بدل الفجل ؟

sammy

11-12-2005, 09:14 PM

كمان فيه ناس هنا فى المنتدى ليها مميزات.
يعنى مش ممكن يتساوى واحد من الأعضاء المؤسسين بواحد لساك داخل من يومين, كمان فيه ناس أثبتوا ولاء لا يتطرق اليه الشك للقضية القبطية ومش معقول حتى ولا طبيعى أن يتعامل معاملة واحد مش عارفين ايه الكريدابيلتى بتاعته, وهل هو بالغ ومسؤول ولا يمكن عيل ولا يتحمل المسؤلية.
يعنى أخونا ياويكا مثلا وهو عزيز جدا علينا مشى لأنه إختلف مع مايكل صاحب السايت ورغم إنه يعنى عمز ولمز على مايك لكن مايك نفسه لم يرى مناسب إنه يتخذ إجراء (ولو بصورة مباشرة) وإلا كان شكله مايبقاش يعنى حلو. كمان مثلا فانوس وك.ك. وغيرهم من الأعضاء شبه المؤسسين فماحدش يقلدهم ولا يجيب راسه براسهم حتى ولو كان آدمن أو غيره, لأن المسموح لهم ممكن يبقى مش مناسب من واحد غيرهم, فالتقليد هنا مش مستحب. يعنى لو هم قالوا كلمتين كده ولا كده فده مش معناه إن باب الشتم اتفتح للكل.
المنتدى ده أكتر من بيتنا, ويهمنا نحافظ عليه لكن طبعا كل شىء له حدود... يعنى مثلا غلباوى ساقها شوية كتير وفى مداخلات كتيرة ظل يستفز كثير من الأعضاء, وكان واجب على الآدمنز أنهم يبدأوا يحذفوا له مشاركاته المستفزة والمليئة بسخرية لاذعة مش كل الأعضاء يقدروا يستحملوها, ولما يشتموا ويخرجوا عن أعصابهم حضرة الموديروتر يطردهم! طب كان فين لما الإستفزاز بلغ مدى مريب جدا؟
هذا طبعا ضايق كتير من الأعضاء الذين ظنوا أن فيه حد على رأسه ريشة ومدلع آخر دلع وهات ياإستفزاز وماحدش عارف يقول له عيب. والاعضاء ليس فى يدهم الا الرد باستفزاز مماثل وهذا يتطلب مقدرة ليست لدى الكثرة وإلا السب والشتم ويجب على الآدمن أن يقدر ذلك أيضا. الموضوع تقدير وحصافة وليست عصا ومزاج...

غلاباوي

12-12-2005, 04:41 AM

مداخلتك الاولي يا عزيزي سامي حملت الكثير من الوضوح والصراحة وصدقنى لمست فيها نبرة صدق شديدة .....

اما الاخيرة فاحسست انك جانبك الصواب كثيرا فيها ... فمهما كان العضو قديم او العضو له ثقلة فلا يمنعه هذا ان يتساوي في الواجبات والحقوق مع الاعضاء الجديدة .. بل علية ان يكون قدوة لباقي الاعضاء والعكس هوالصحيح .... يعنى لو العضو " X " شتم وقل ادبة يستاهل ايقاف يومين .... طب لو العضو " sammy" ?!! من وجهة نظري وبما انه عضو قديم يبقي ياخد ايقاف اسبوع على الاقل .. لانى مش بحاسبة على تواجدة بس لأ
انا باحسبة على انه عضو له ثقلة وغلط غلطة كبيرة متخرجش من واحد قديم زية

اما موضوع الشتايم فعجبنى جدا جدا كلمتك اللى بتقول
الأخ مايكل مؤسس هذا السايت النهاردة ليه سمعة ومكانة وقيمة وبينطلب هنا وهناك ومش معقول يروح يقولوا له شوف السايت بتاعك بيقول إيه على الرسول وعلى المسملين عموما..

اما موضوع غلاباوي الذي صار حديث المنتدي هذه الايام فأقول لك وبكل صدق ....
استطيع ان احيي الجميع واغادر المنتدي بهدوء شديد جدا مع تمانياتى القلبية الصادقة للجميع بالخير .. ولو تتذكر كنت قد فتحت موضوع بهذا الشأن وكان هناك تصويت .. وفوجئت بان الجيمع يتمسك بي ويطلب منى عدم المغادرة .. قد يكون حبا في شخصي وقد يكون لصعوبة وجود مسلم يحتمل كل ذلك ويظل متواجد ...وندرة وجود مسلمين يتلقون الشتائم والاستهزاء بصدر رحب ........

اعلم يا عزيزي سامي اننى اكن للجميع احترام بمثل ما يكنون لي وكل شخص بقدر احترامة لي ومع ذلك عند حدوث مخالفات او شتائم او اهانة لا ارد بالمثل وانما افعل ما يفعلة اي عضو عادي جدا واضغط زر ( التبليغ عن مشاركة مخالفة ) وللامانة الشديدة فأن 97 % من المشاركات التى ابلغ عنها يتجاهلها تماما الادمنز ...والمشرفين وكان كوني مسلم يجعلنى بمثابة قاعدة تنشين لكل من يريد ان يسب ويشتم ويهين ......

المشكلة ليست في غلاباوي ... فغلاباوي قد يختفي تماما اليوم ويظهر غدا 1000 غلاباوي
المشكلة الحقيقية هي كيفية تعاملكم مع الجميع بابسط حدود الاداب والخلق الكريم معلنين وبكل وضوح وصراحة عن قيمة نبيلة في الدين المسيحي انتم نتيجتها ونتاجها ....
وكما قلت انت .....
تخيل اي شخص الان يسمع مايكل منير ويقتنع بكلامة ...ثم يفاجأ بما يحدث هنا .....
فهل ستكونون مصدر احراج لمايكل ام شوكة في ظهرة تكسرة بدل من ان تدعمة ....
موقف مايكل الان اصبح دقيقا جدا ويحتاج في كل خطوة الحذر والدقة لان كل نقطة يكسبها هي ارض جديدة ومكسب جديد للمسيحين ... فملذا نضعة في موقف حرج جدا قد يعصف تماما بدعوتة او يدمر مصداقيته امام الجميع ..؟!!!!!!!!

تحياتي

catia

12-12-2005, 06:08 AM

الأخ ساويرس )noP) انا قرات الشروط كويس وفاهماه كويس ... بس متهيالي بقي غيروا اسمه الي منتدي المقهورون علي الأرض اللي ملهومش حق يتكلموا او يدافعوا عن نفسهم ..... الهمه نفسهم ظالمين بعضهم ...اللي مش عارفين ياخدوا اي حق من حقوقهم سواء في الواقع اوحتي ابسط وسيله (النت) .....(bob:)
اما الأخ سامي فانا موافقه علي اغلب الكلام اللي انت قولتوا ماعدا التفرقه بين القديم والجديد (MM:}

Mrs 2ana 7or

27-12-2005, 03:56 PM

وأرجو الإخوة الفجلاوية عدم الرد أو المناقشة مع أى غير فجلاوى...
كاتيا وأنا حر والمدام كمان أنا عازمهم على حسابى بعد ساعتين.

بما ان العزومه دى كانت وانا واخده استماره سته من المنتدى (do:)

فكده انا ليا عندك فنجان شاى وجاتوة يا سامى

ولا انتم بتوع عزايم مراكبيه يعنى (hrt:

بس بما انى اتعزمت فى قعده الفجلاويه فاتمنى افهم موضوع الفجلاويه ده ايه ينوبك ثواب يا سامى)Aa:)

sammy

27-12-2005, 07:39 PM

بس بما انى اتعزمت فى قعده الفجلاويه فاتمنى افهم موضوع الفجلاويه ده ايه ينوبك ثواب يا سامى

على عينى يامدام استمارة ستة دى. ويمكن بسببها أنا فتحت هذا الموضوع...
مش هاقدر افيدك كتير فى تساؤلك عن حكاية الفجلاوية, لكن أخونا ك.ك. هو بتاع محرك البحث وهو اللى يقدر يحط الرابط لكى تاخدى فكرة عنه.
لكن باختصار الفجلاوية دى رابطة عملناها لما المنتدى كان فى وقت من الأوقات زى اليومين دول كده, جم فيه شوية آدمنز من عينة عيب وغلط وأساتذة مدارس الأحد اللى عاوزين يمشوا الكون على مزاجهم وكانوا عاملين صحاب فكر وممنوع كذا وكذا وكذا لما خنقونا, فسمناهم الفكراوية نسبة الى الفكر الخلاق بتاعهم واحنا طبعا الفجلاوية اللى ماعندناش لا فكر ولا دياولو حسب تهيآتهم.
فاحنا عملنا اجتماع كده فى قهوة قديمة بقينا نتقابل فيها وممنوع حد من حزب الأعدقاء ييجى فيه, وبقينا نقول هناك اللى احنا عوزينه من غير عزال.
عموما لما تقرى الرابط اللى هايضعه اخونا ك.ك هاتفهمى الحكاية اكتر.

Mrs 2ana 7or

28-12-2005, 07:13 AM

تشكر يا سامى

بس ك ك محطش حاجه ونحب نعرف القهوة فين وليه وازاى وبالمشاريب ولا القعده ساده ولو معاها شندوتشات (مش ساندتشات) يكون افضل

هههههههههههه

sammy

28-12-2005, 08:01 AM

http://www.copts.net/forum/showthread.php?t=2020&highlight=%C7%E1%DD%CC%E1%C7%E6%ED%C9

http://www.copts.net/forum/showthread.php?t=4811&highlight=%C7%E1%DD%CC%E1%C7%E6%ED%C9
وأهم الروابط كان أشار ليها ك.ك وهى:

#2 02-11-2005, 04:32 PM
knowjesus_knowlove
God Is Love تاريخ التّسجيل: May 2003
الإقامة: On the top of ISLAM
المشاركات: 5,409

بس كده ياصياد الدبان... إنت يعنى جيت فى فجلة ياخى...
رغم إنك فكرتنا بالذى مضى لكن معلش... لازم نتعلم من الدرس لذلك يستحسن أن كل واحد فى المنتدى يحدد إتجاهه قبل الدخول فى معمعة المنتدى
خد عندك بعض الروابط الهامة بكل صفحاتها (صفحة 1 من 3 1 2 3 > )
عن أهل الفجل وأهل الفكر والأصل التاريخى لهذه الحركات المجيدة ...

http://www.copts.net/forum/showthrea...C7%E1%DD%CC%E1

http://www.copts.net/forum/showthrea...C7%E1%DD%CC%E1

http://www.copts.net/forum/showthrea...C7%E1%DD%CC%E1

http://www.copts.net/forum/showthrea...C7%E1%DD%CC%E1