وجهة نظر [الصفحة الرئيسية] - منتدي منظمة أقباط الولايات المتحدة

iwcab

11-12-2005, 04:29 PM

من فترة كتبت عن موضوع المنتدى
والأوضاع غير الطبيعية الموجودة فيه من ناحية سب المسلمين المشاركين
المنتدى حالياً ( ومن زمان ) مفتوح على البحرى للشتائم والعنتريات ولا وجود فعلى للأدمنز

المسلم السخن بيتشتم وبينطرد
والمسلم البارد بيتشتم حتى الهرب
فى حالة عدم الهرب بيطالب الأعضاء بطرد المسلم

متهيألى أحسن التوقف عن الحوار مع المسلمين لأنه مافيش منه فايدة

مدام أنا حر جرحت ساويرس

pharon d'egypte

11-12-2005, 04:34 PM

رغم انى مافق على كل كلامك الا انى بعترض على عدم الحوار مع المسلمين

لابد من الكلام معهم عشان نعرف ليه بيكرهونا عشان نفهم التعصب ده مصدره ايه واهم من ده كله ان انا ضد فكرة الانغلاق خليهم يشتموا بس اكيد فيهم ناس محترمة يعنى مش كل المسلمين ..... انت فاهم انا عايز اقول ايه طبعا

غلاباوي

11-12-2005, 04:46 PM

وانا كرجل مسلم أؤيد كلام الاخ يوساب

iwcab

11-12-2005, 05:21 PM

iwcab

12-12-2005, 05:57 PM

الناس اللى بيقولوا المشكلة إنتهت كلامهم غير صحيح
المشكلة قائمة وهى كيفية التعامل مع المسلمين
ما آراه عملياً إنه لم يستطع أى مسلم الإستمرار فى المنتدى
وهم يغادرون بعد أن تتدفق عليهم الشتائم والتهزيق على نحو متواصل وغير محتمل
ومطلوب من المسلم أن يكون ملجماً ومؤدباً أمام شراسة الأعضاء ولايشتم حتى لو تعرض للشتائم
وإذا تحمل مسلم وإستمر .. يطالب الأعضاء بطرده
فهل العيب فى المسلمين ؟
أم أن السبب هو عدم إمكانية التفاهم مع المسلمين ؟
وإذا كان الحوار فاشل دائماً .. فلماذا لايتم إيقافه ؟

sce37

12-12-2005, 07:46 PM

الصراخ و التشنج هو تنفيث لكبت و ضغط
و سبب الكبت بيكون في جزء منه سببه داخلي - يعني القبطي شاعر أنه مكبوت حتى قبل أن يكبته أحد.

سر المسيحية الخفي - يعنى اللي تأثيره معنوى و ليس مادي - سرها أن الأنسان يشعر أنه حر - ختى و هو في المقطرة

كثير مما وجه للمسلمين مما أعتبره البعض من فواحل العلم - ممكن أفنده أنا ببساطة
لكن - كما لا أطيق أهانة جاري - أيضا عففنا عن أستحلال دم القبطي و رفضت أن أدخل في مهاترات مع من لا يملك الا صوتهم ليطلقوه

لن نجرم و لن نحرم القبطي و لن نتشاحن مع بعض - لكن رجاء أن تتجنبوا حدة اللسان و نواجه حياتنا بشجاعة الضمير

iwcab

14-12-2005, 07:33 PM

موضوع مايكل أنا مش فاهمه
لكن لو كان موضوع العلمانية صحيح ، وموضوع التعاون مع المسلمين المعتدلين صحيح .. يبقى مايكل بيتصرف صح
ممكن أتخيل إنهم دعوه لتأسيس حزب علمانى لمواجهة الإخوان ، وكلامه كان صحيح لما قال إن 75 % من المصريين لايشاركوا فى الإنتخابات
والناس لاتشارك فى الإنتخابات لأنهم فاهمين إن اللعبة السياسية خطرة ، كما أن مجلس الشعب هو مجرد ديكور ، والساعين لإنتخابهم ما هم إلا لصوص
لكن لو تقرر إعطاء كل من ينضم للحزب مبلغ 1000 جنيه فأضمن دخول من 20 إلى 50 مليون مصرى للحزب

iwcab

15-12-2005, 07:40 PM

يبدو أن الهجمة المسيحية على الإنترنيت إبتدأت تضعف
فى موقع الفكر العربى فى القسم الدينى .. فى الصفحة الأولى كل العناوين من وضع مسلمين ماعدا موضوع واحد ، وفى الصفحة التانية 3 مواضيع لمسيحيين والباقى لمسلمين

--------------------

الفائض المالى الهائل الذى توفر لدول البترول ( ومعظمها إسلامية ) سيصب جزء محترم منه للدعوة الإسلامية وتمويل دعاة يصرخون ليل نهار بالإسلام ، ومنظمات وأجهزة إلخ

-------------------

لماذا لايتم التخفيف من الموضوعات المثبتة .. 7 و 8 مواضيع تبتلع نصف الصفحة !!؟

sce37

16-12-2005, 07:05 AM

أنا مش عارف أقرا موضوعك يا يوساب ++++ فأنت تنتقل من أخطر موضوع لموضوع أخطر منه +++ دون أن نري مشاركة حقيقية
تمهل و فهمني
النت أصبح محاصر بأموال العرب - صح
تدخل أي شات - تجدهم بنشرون غسيلهم - حتي لو شات أباخية -
الأفباط يحشروا نفسهم - و يتقمصوا نفس الأسلوب التعصب - التلاعب بالقضايا المحرجة - نتش الفضائح - الندب
ينجح البوق الشيطاني في تحويل بعض الصورة العامة للمسيح لصورة الشيطان ذاته و خلاص بقسنا كلنا زي بعض

لكن لسه أصوات أخرى في هذا العالم - تحب و تتحرر و تتعقل
و الأيام دي ترى من لبنان أب يطلب من وطنه أن يدفن طلب الثأر و الأنتقام و تربية المتعدي
مع جسم أبنه القتيل

ياتري يوساب أنت بتطلب منا نفوق و لا موضوعك لسه ما كمل

iwcab

16-12-2005, 08:47 AM

هى مجرد ملاحظات لتوضيح صورة مايحدث حولنا

sce37

16-12-2005, 12:23 PM

ملاحظاتك دي أسخف من أن تكون ولولة من غير موضوع

دا أهم تحليل للموقف
و أهم كتير من حفلات زواج الرسول و رضاع الصغار
أحنا بننسحب و سايبيين الشيطان يغرر بنا
أحنا بنعتمد أكثر و أكثر عل ذراع البشرية
و كل يوم نصير بلا لون و لا خصائص و نصير أدعياء
لا رفي و لا ثقافة و

iwcab

16-12-2005, 12:36 PM

هذه هى الغلبة التى تغلب العالم إيماننا
وفى هذه جمبعها يعظم إنتصارنا بالذى أحبنا
فمهما زاد مالهم وسيتقووا أكتر ويأجروا ناس أكتر .. لكن ربنا أقوى وإمكانياته لانهائية
وربنا لم يترك نفسه بلا شاهد لكن يرسل شهوده فى الوقت المناسب
بالنسبة إلى إن الحالة العامة بتتعب أكثر وأكثر .. فده صحيح .. لكن إعتمادنا ليس على بشر لكن على الله .. وهو لايتغير

sce37

16-12-2005, 01:16 PM

نحن لا نثق ف الله لنعتمد عليه
نحن نجهل كيف يمكن أن يتصرف ف الأمور الصعبة دي
نحن أذكي من أن نثق ف كلام المسيح

تصور مثلا أن قال مين أبناء الله؟!؟ - صانع السلام: يعني شامير زي محمد طالما قال لا تقتل

Maged Morcos

16-12-2005, 06:27 PM

أنا أرحب بالمناقشة مع المسلمين سواء كان معتدل أو غير معتدل فمثلا أنا أعيش فى مصر و أصدقائى مسلمين مثقفين و متعلمين و بالتالى فهم معتدلين أما من هم غير معتدلين فعادة هم من وسط آخر لا أعرفه يعانى أما من فقر شديد أو جهل ثقافى و أنا فى هذه الحالة أصلى للرب أن يرحمهم من عذاب الحقد و الكره لكل ماحولهم

Mrs 2ana 7or

16-12-2005, 06:44 PM

بلاش تلميحات ملهاش لازمة اذا سمحتي يا مدام

Mrs 2ana 7or

17-12-2005, 02:08 AM

ههههههههههههههههه

كنت متاكده انك حتعمل كده يا ساويرس بس خلينى اقولها بطريقه تانيه بصورة اوضح مدام الكلام المختصر مش بيعجب

بس لو مسحته تانى تبقى بالفعل قاصد تغلوش على اصل الفصه يا ادمن ساويرس

نرد ...
يوساب
من فترة كتبت عن موضوع المنتدى
والأوضاع غير الطبيعية الموجودة فيه من ناحية سب المسلمين المشاركين
المنتدى حالياً ( ومن زمان ) مفتوح على البحرى للشتائم والعنتريات ولا وجود فعلى للأدمنز

المسلم السخن بيتشتم وبينطرد
والمسلم البارد بيتشتم حتى الهرب
فى حالة عدم الهرب بيطالب الأعضاء بطرد المسلم

متهيألى أحسن التوقف عن الحوار مع المسلمين لأنه مافيش منه فايدة

مدام أنا حر جرحت ساويرس

بص يا اخ...
الفترة اللى سبقت المشكله اللى حصلت كنت دخلت بيات شتوى وكنا مرتاحين بصراحه من اللغاريتمات بتاعتك بس اول معرفت ان مدام انا حر ادت ضهرها طلع صوتك وهات يا هبهبه مالهاش داعى
عشان كده بقولك متفتيش فى اللى متعرفوش وبدل مكنت تشعللها وانا مش موجوده وتعمل فيها جدع اوى كده على اعتبار انى مش راجعه تانى فتاخد راحتك فبقولك كلمه واحده (عيب) عليك كراجل اولا انك تتكلم فى اللى متعرفوش ولا تعرف خلفياته وكمدعى للمسيحيه اللى طول النهار داوشنا عن المحبه والاخلاق لكن طلعت اول واحد بيقوم الدنيا فلو عندك كلمه عنى بعد كده قولها فى وجودى مش من ورايا يا استاذ

لان اللى ميعرفش بيقول عدس

اما عن حزب المسكنه بتاع حضرتك فاتاكد مهما عملت فهو فى الارض واللى بيؤيدوه فياحسرة عليهم بجد

وخليك فى المحلسه للمسلمين لحد ماتشبع مدام ده ماشى مع قناعاتك بس لو سمحت متلزقش تصرفاتك فى المسيح والمسيحيه لان المسيحيه تعرف محبه بس متعرفش نفاق ومسح جوخ وفرحتك بتأييد المسلم بتاكد كلامى وخليك (....) وهما يرقصوا كده

اتمنى يا ساويرس متشلش الكلام ده لانه راى حر فى شخص وفى وجوده مش من ورا ضهرة زى مهو عمل

وسلام وحته كمان

غلاباوي

17-12-2005, 04:13 AM

2ana 7or

17-12-2005, 04:56 AM

سؤال بسيط اريد اجابتك يا مدام علية في كلمة واحدة نعم او لا . فقط
واكرر ... بنعم او بلا فقط ...

( هل تتفق تعاليم وقيم الدين المسيحي وصميم عقيدتة مع سب وشتم الاخرين والستهزاء بهم ايا كان دينة او عقيدتة ) ......

انتظر كلمة واحدة ... وليس موضوع انشائي

أولا مدام أنا حر لا تسب و لا تشتم كما ذكرت أرجوك خليك دقيق فى كلامك ... مدام أنا حر تقول الحق ... و الحق دائما بيزعل يا استاذ...

Mrs 2ana 7or

17-12-2005, 07:42 AM

سؤال بسيط اريد اجابتك يا مدام علية في كلمة واحدة نعم او لا . فقط
واكرر ... بنعم او بلا فقط ...

( هل تتفق تعاليم وقيم الدين المسيحي وصميم عقيدتة مع سب وشتم الاخرين والستهزاء بهم ايا كان دينة او عقيدتة ) ......

انتظر كلمة واحدة ... وليس موضوع انشائي

انا ارد براحتى مش انت اللى تقولى ارد ازاى ده اولا
ثانيا السب الشتم مش من العقيده المسيحيه فى اى شيئ

بس انت السب عندك ايه ؟؟؟

انا اعرف حسب اهلى معلمونى انى ابقى بشتم لما اقول يا ابن .... ويا ابن .... ويا ابن...
او الوصف والتشبيه بالحيوانات وحسب الحيوان كمان يعنى لو قلت يا بوبى تبقى شتيمه بس لو قلت يا اسد تبقى مدح وبنفس المقدار لما الاسلام يقول عن ال***** واليهود احفاد قرده وخنازير يبقى دى شتيمه قله ادب فهمت قصدى ....
اما لو قلت مثلا ان المسلم المؤمن مرادف للارهابى ده مش سب ده وصف واقع له دلائل
دلو قلت مثلا يعنى يعنى ان رسول الاسلام مدلس ومدعى نبوة ده برضه حقيقه وليها ما يثبتها وهكذا
يبقى نوضح قواعد السب الشتم كويس قبل متسال اسئله الاجابه عنها مش من مصلحتك

اما السخريه من شيئ فده اسلوب وطريقه بتميز انسان عن التانى والغريب ان كتير هنا اجمعوا انك زى حلاتى غاوزى سخريه يبقى زعلان من ايه حضرتك يعنى؟؟؟؟
وعلى راى انا حر كلمه الحق بتقف فى الزور وبالذات زور المسلم

وبالمناسبه اى شتيمه بتطلع فى المنتدى بالرمز ده **** يبقى ما عاداها لا يعد سب وشتم

وعن نفسى حوصيهم يبقوا يشيلوا كلمه الغللام المخلد اللى بتوجعك ويطلع بدالها **** ****

ها ارتحت يا غلاباوى ولا لسه عندك سؤال واقف فى زورك

ملحوظه كل ال **** انا اللى حطاهم مش الادمن لحد يقول المدام شتمت ولا بتاع حاكم هنا ناس بتتلكك كتير اه

غلاباوي

17-12-2005, 10:01 AM

2ana 7or

17-12-2005, 10:09 AM

ومين بقي اللى خلاكي انتى او غيركم حكم ؟؟؟؟؟
مين اللى نصبك انك تعرفي اية اللى بيعتبر شتيمة او لا ؟!!!

اذا عايزة تكوني متهمة وقاضي في نفس الوقت ....
لما تقولي على رسولي صفات قذرة مستحيل تكون فية دي مش تكون شتمة ؟!! ولا انتى عايزة تحلليها لنفسك وتحرميها على غيرك ..

طيب أنت أسئل نفسك سؤال فيما يقال على لسان محمد أنه سب ال***** و اليهود و قال عنهم قردة و خنازير ... هل هذه ألفاظ ممكن تصدر عن نبى؟؟؟؟؟؟؟؟؟؟؟؟؟؟؟
مش برضه ده سب و شتيمه و أستفزاز ... يعنى الى بيته من زجاج ما يحدفش الناس بالطوب ...

غلاباوي

18-12-2005, 04:26 AM

طيب أنت أسئل نفسك سؤال فيما يقال على لسان محمد أنه سب ال***** و اليهود و قال عنهم قردة و خنازير ... هل هذه ألفاظ ممكن تصدر عن نبى؟؟؟؟؟؟؟؟؟؟؟؟؟؟؟
مش برضه ده سب و شتيمه و أستفزاز ... يعنى الى بيته من زجاج ما يحدفش الناس بالطوب ...

اعتقد موضوع البيت الزجاجي دة مش بيتنا يا انا حر ... واللى يقرأ الانجيل يلاقي حاجات مشابهه بل اكثر بكثير ... ومش عايزن نقلبها حوار للاديان هنا .. لكن هقولك على حاجة بسيطة ... انت عارف كويس موضوع بتاع القردة والخنازير وان الرسول صلي الله علية وسلم مش هو اللى اخترعة ولا جابة من عندة ......... لكن انا عايز اسأل سؤال ....
ابناء القردة والخنازير المقصود بيهم اليهود الممسوخون في القصة المعروفة ....
طب انتوا مالكم بقي بيهم ......... زعلانين لية وبتحاولوا تلزقوا الموضوع ليكم رغم ان المعروف انه المقصود بيهم اليهود وليس المسيحين او كما يقال ( النصاري ) ..
ياريت اسمع ردك

Mrs 2ana 7or

18-12-2005, 06:10 AM

اعتقد موضوع البيت الزجاجي دة مش بيتنا يا انا حر ... واللى يقرأ الانجيل يلاقي حاجات مشابهه بل اكثر بكثير ... ومش عايزن نقلبها حوار للاديان هنا .. لكن هقولك على حاجة بسيطة ... انت عارف كويس موضوع بتاع القردة والخنازير وان الرسول صلي الله علية وسلم مش هو اللى اخترعة ولا جابة من عندة ......... لكن انا عايز اسأل سؤال ....
ابناء القردة والخنازير المقصود بيهم اليهود الممسوخون في القصة المعروفة ....
طب انتوا مالكم بقي بيهم ......... زعلانين لية وبتحاولوا تلزقوا الموضوع ليكم رغم ان المعروف انه المقصود بيهم اليهود وليس المسيحين او كما يقال ( النصاري ) ..
ياريت اسمع ردك

قصه مشهورة عن يهود انسخطوا؟؟؟؟ده مين بقى اللى الفها ؟؟؟ ولا تكونش من الف ليله وليله؟؟؟

غلاباوى انت مش واخد ان اليهود دول احفاد سيدنا ابراهيم؟؟؟؟؟؟؟؟؟؟؟
وانتم كمسلمين من نسله كمان ؟؟؟؟؟؟؟

يعنى رسولك شتم اب الانبياء

سلملى على القرود والخنازير

2ana 7or

18-12-2005, 07:04 AM

اعتقد موضوع البيت الزجاجي دة مش بيتنا يا انا حر ... واللى يقرأ الانجيل يلاقي حاجات مشابهه بل اكثر بكثير ... ومش عايزن نقلبها حوار للاديان هنا .. لكن هقولك على حاجة بسيطة ... انت عارف كويس موضوع بتاع القردة والخنازير وان الرسول صلي الله علية وسلم مش هو اللى اخترعة ولا جابة من عندة ......... لكن انا عايز اسأل سؤال ....
ابناء القردة والخنازير المقصود بيهم اليهود الممسوخون في القصة المعروفة ....
طب انتوا مالكم بقي بيهم ......... زعلانين لية وبتحاولوا تلزقوا الموضوع ليكم رغم ان المعروف انه المقصود بيهم اليهود وليس المسيحين او كما يقال ( النصاري ) ..
ياريت اسمع ردك

يا ريت يطلع كلامك صح و يطلع محمد بيحب الناس ؟!
بس يا ترى ... ممكن تكون هناك أيات أو أحاديث غير مكتشفة حتى الأن تثبت محبة محمد للناس كلهم مهما كانت أنتمائتهم و ضحى من أجلهم ...

غلاباوي

18-12-2005, 07:34 AM

بسم الله الرحمن الرحيم
(ما كان ابراهيم يهوديا ولا نصرانيا ولكن كان حنيفا مسلما) سورة آل عمران آية‏67.

فالإسلام لدي سيدنا إبراهيم عليه السلام ليس هو دين الاسلام المعروف بشعائره الحالية‏,‏ ولكنه الايمان بوحدانية الله وبالمثل والقيم السليمة القائمة علي الاخاء والمحبة والقائمة علي العمل والجهاد واعمار الارض كما جاء في آية استخلاف آدم وإذ قال ربك للملائكة إني جاعل في الأرض خليفة‏..‏ آية رقم‏30‏ سورة البقرة‏.

ولا تنسي انه جاء في الآية القرآنية الكريمة من النهي عن سب آلهة المشركين والكفار حتي لا يسبوا الله ولا تسبوا الذين يدعون من دون الله فيسبوا الله عدوا بغير علم‏..‏ سورة الأنعام آية‏108.

وايضا حديث الرسول صلي الله علية وسلم (من اذى ذميا فقد اذاني)
ولا دة مش بتحبوا تذكروة وبتخلوه يسقط سهوا كدة من حساباتكم ..

sammy

18-12-2005, 07:58 AM

الأخوة الأحباء مدام أنا حر والسيد أنا حر والسيد غلباوى
بصراحة نقاركم معا وردكم على بعض شىء لا نستفيد منه فى المنتدى والذى هو أصلا منتدى حوار وليس نافذة شات أو تبادل رسائل فى أغلبها الأعم خاصة.
من فضلكم إما الكلام يكون عمومى أو تتبادلوا هذه الرسائل الخاصة فى حوار خاص بينكم لأنه بصراحة لا يخص أحدا آخر وله عامل مسىء هو تشويه اى حوار أو موضوع.
يعنى رسالة هنا وتعليق خاص هناك أو كى لكن هذا الموضوع زاد فعلا عن حده وبدأنا نتململ منه, كل موضوع وكل نقاش يتحول الى رسائل خاصة بينكم!
هذا رجاء بصفتى قارىء ليس أكثر.

Mrs 2ana 7or

18-12-2005, 08:47 AM

2ana 7or

18-12-2005, 11:22 AM

وايضا حديث الرسول صلي الله علية وسلم (من اذى ذميا فقد اذاني)
ولا دة مش بتحبوا تذكروة وبتخلوه يسقط سهوا كدة من حساباتكم ..

إذا كان الأمر كذلك لماذا المسلمين يصرون على أذية الناس بالقول و الفعل و التهميش ...
أعتقد أنتم اللذين تسقطون ذلك من حساباتكم ليس نحن ... لأن الأمر لا يتعلق بالكلام أو الكتب أو الأحاديث و النواية فقط بل بالعمل و الفعل و الواقع ... "و من أعمالهم تعرفونهم و ليس من أقولهم أو كتبهم ؟!"

sce37

18-12-2005, 12:13 PM

أذكر أن في قول معين للوعاظ المسيحيين كان يتضمن أشاره غير لطيفة عن البوذيه
و قد أستخدمها البابا جان بول في الفلبين
رغم أن رئيسة الدوله السريلانكا كانت كاثوليكية
ألا أن البوذيين طلبوا من البابا جان بول عدم التزول لجزيرتهم - سيلان
و بعد حوالي الساعة في الطائرة عل أرض المطار
خرج البابا من باب الطائرة - و طلب أن يوجه كلمة للزعماء الرهبان البوذيين أسفل سلم الطائرة
و كانت كلمته أعتذار عن أستخدامه لهذه العبارة - فصعدوا اليه و ساعدوه للنزول الي الأرض - و أحتفلوا به أحتفال لا أعرف أن كان ضم مسيحيين مع البوذيين

يا سلام عل الأنسان لما يلفه شوية تواضع - و لما القلوب تمتلئ بالأحساس.

Einshtein

19-12-2005, 06:58 PM

اعتقد موضوع البيت الزجاجي دة مش بيتنا يا انا حر ... واللى يقرأ الانجيل يلاقي حاجات مشابهه بل اكثر بكثير ... ومش عايزن نقلبها حوار للاديان هنا .. لكن هقولك على حاجة بسيطة ... انت عارف كويس موضوع بتاع القردة والخنازير وان الرسول صلي الله علية وسلم مش هو اللى اخترعة ولا جابة من عندة ......... لكن انا عايز اسأل سؤال ....
ابناء القردة والخنازير المقصود بيهم اليهود الممسوخون في القصة المعروفة ....
طب انتوا مالكم بقي بيهم ......... زعلانين لية وبتحاولوا تلزقوا الموضوع ليكم رغم ان المعروف انه المقصود بيهم اليهود وليس المسيحين او كما يقال ( النصاري ) ..
ياريت اسمع ردك
غلاباوي بمناسبة الرسول (صلى الله عليه وسلم) نفسي أسأل سؤال نفسي أسألة من زمان و أعتقد أن Catia زوجتي سألته قبل كدة و انت مردتش --- هو ربنا سايب كل حاحجة و مفيش غير أنه يصلي على الرسول
لو ممكن تشرح لي ايه معنى الجملة اللي أنتوا لازقينها دي دايماً في كل كلامكم عن الرسول يعني ربنا صلي لمين بالضبط ,هو في حد تاني ربنا بيصلي له (do:)

2ana 7or

20-12-2005, 03:36 AM

غلاباوي بمناسبة الرسول (صلى الله عليه وسلم) نفسي أسأل سؤال نفسي أسألة من زمان و أعتقد أن Catia زوجتي سألته قبل كدة و انت مردتش --- هو ربنا سايب كل حاحجة و مفيش غير أنه يصلي على الرسول
لو ممكن تشرح لي ايه معنى الجملة اللي أنتوا لازقينها دي دايماً في كل كلامكم عن الرسول يعني ربنا صلي لمين بالضبط ,هو في حد تاني ربنا بيصلي له (do:)

أهلا بك يا أينشتين أنت و زوجتك كاتيا ... ربنا يحافظ عليكم ...
مردش علي قبل كده و مش حيرد عليك ... معلش مزنوق 10(): 10(): 10(): 10(): 10():

غلاباوي

20-12-2005, 04:33 AM

الخواجه

20-12-2005, 04:47 AM

للمرة المليون انا مش رجل دين ومش بتكلم في الحوارات الدينية ولا انا من هواة القص واللزق ... عموما حاول تبحث بنفسك على الاجابة في الموضوع دة
http://www.islamicfinder.org/articles/article.php?id=310&lang=arabic

وعلى فكرة غلاباوي مكنش مزنوق ولا حاجة ... غلاباوي مريض

الاخ غلاباوي بالشفاء ان شاء الله - و ياريت تقول علي نوعية مرضك

ربنا يستر و ما يكنش زيي -- و تكون لعنة منتدي الاقباط

و يكون منتدي عاهات -- الف لا باس و خير ان شاء الله

توكل علي الله الشافي الحقيقي - قلبي معاك ( انا عارف ان قلبي تعبان ) لكن معاك برضه

2ana 7or

20-12-2005, 05:10 AM

للمرة المليون انا مش رجل دين ومش بتكلم في الحوارات الدينية ولا انا من هواة القص واللزق ... عموما حاول تبحث بنفسك على الاجابة في الموضوع دة
http://www.islamicfinder.org/articles/article.php?id=310&lang=arabic

وعلى فكرة غلاباوي مكنش مزنوق ولا حاجة ... غلاباوي مريض

برضه ما رديتش !!! عموما الف لابأس عليك ... و ربنا معاك و يشفيك و تقوم بالسلامة بحق صيامنة يا رب ... و كل سنة و أنت طيب و أحنا كمان طيبين ... بالنيابة عنك يعنى ...

Einshtein

20-12-2005, 09:06 AM

يعني محدش رد عليا - نفسي حد يرد و لو لمرة واحدة

Mrs 2ana 7or

20-12-2005, 01:37 PM

يعني محدش رد عليا - نفسي حد يرد و لو لمرة واحدة

انسسسسسسسسسسسسى يا استاذ اينشتاين

كان غيرك اشطر على كل حال خلى نفسك طويييييييييييييييييييل اوى لحد محد يحن ويرد علينا عليك وقتها نسمعك وانت تصرخ
وجدتهااااااااا وجدتهاااااااا

سلامى للمدام

Einshtein

20-12-2005, 04:39 PM

من ناحية نفسي طويل فأنا نفسي طويل و هفضل وراهم لحد ما واحد شجاع يرد عاليا

أنا اتخنقت من اللي بشوفه كل يوم ده لو أحكيلكم ولا بلاش أكيد هم عرفين نفسهم كويس

got:)( Anyway I will be waiting for their reply as long as they can (sml3)

غلاباوي

21-12-2005, 04:49 AM

شكرا يا عزيزي الخواجة , ولاخي العزيز انا حر ودعواته لي بالشفاء والامر يا عزيزي للاسف له علاقة بالقلب ...... واضح ان الشخص يستطيع العيش بكلية واحدة او رئة واحدة او بدون طحال او بدون بنكرياس .. ولكن لا يستيطع العيش بنص قلب حتى ... دعك من مواضيع المضخات الصناعية اياها ...

عموما شكرا لزوقكم ....
وتحية للاستاذ اينشتين واقولك كلمة متقلقش ولا تستعجل علي رزقك ... ان شاء الله تدخل في بؤرة الاحداث وتشوف المعمعة بجد ... ووقتها تقول انا اية اللى دخلنى هنا ...
هههههههههه تقبل تحياتي ...

اما مدام انا حر فغلطت غلط تاريخي كبير جدا جدا جدا لما قالت
كان غيرك اشطر على كل حال خلى نفسك طويييييييييييييييييييل اوى لحد محد يحن ويرد علينا عليك وقتها نسمعك وانت تصرخ
وجدتهااااااااا وجدتهاااااااا

حيث ان اللى صرخ وقال وجدتها هو عمنا الكبير ارشميدس .. اما اينشتين دة بتاع عقبال امالتك كدة النسبية ...

Mrs 2ana 7or

21-12-2005, 08:06 AM

ماشى يا غلباوى مع الاعتذار لاينشتين وارشميدس عن روحى العيال خلونى حبرطم بالهندى واليابانى وانسى اسمى

رفعنا القبعه اسفين

iwcab

21-12-2005, 07:40 PM

اليومين اللى فاتوا كانوا مشحونين .. حلقة التليفزيون اللى ذكر فيها مذيع إنه هيقتل أبونا زكريا ، وإزاى ماحدش سجل الحلقة ، ولا حد علق عليها ، وفى موقع الأقباط المتحدين لم يذكروا عنها شىء

وفى تعليق ابونا زكريا على حلقات هالة سرحان .. لا أتفق معه فى عشمه فى هالة سرحان وأعتقد إنها إهتمت بالموضوع للدفاع عن الإسلام ولأن الموضوع يتصل بالشأن الجنسى

بالنسبة لموضوع البنات المخطوفين اعتقد إنهم إهتموا بالموضوع بعد مؤتمر واشنطن وبعد زيارة مايكل ، وطبعاً لقوا إن الموضوع ده بيشوه الصورة وليس له أهمية عندهم فقرروا يوقفوه
فهل معقول إن الأم لم ترسل لحسنى مبارك قبل كده ؟

iwcab

22-12-2005, 03:42 PM

حديث لأبونا زكريا عن التطور فى العالم الإسلامى

الموضوع هنا
http://www.islam-christianity.net/pt/pt.htm

يوم الخميس 24 / 11
بإسم : تطور العقل الإسلامى

iwcab

22-12-2005, 04:48 PM

حوادث البنات اللى بنسمع عنها .. كتير منها يمكن لاينطبق عليه مفهوم الخطف لكن ممكن نسمى الموضوع : تغرير
فخدعة الوحدة الوطنية ، والوحدة العملية القائمة يمكن 24 ساعة فى اليوم بتؤدى إلى إن أفراد معينة نتيجة ظروف أسرية أو عدم تربية دينية إنهم يبحثوا عن الحب خارج النطاق المسيحى ، وإحنا بواسطة خدعة الوحدة بنهيىء الظروف لنجاح عملية التغرير
عملية التغرير لاتقتصر على مجموعة من البنات .. عملية التغرير تشمل الأمة القبطية بأسرها وذلك منذ إعلان الوحدة سنة 19
الوحدة مخالفة للمسيحية وهى ضد مصلحة الوطن ، وغير منطقية ، ونتائجها واضحة فى دمار الوطن والمسيحيين
إحتفالات برمضان ، وميلاد حنا بيصلى معاهم ، والشباب القبطى بيقاتل فى الجيش الإسلامى ضد الغرب وإسرائيل ، وواحد من البطريركية بيصلى على النبى فى التليفزيون ، ولسه ياآما نشوف

iwcab

22-12-2005, 06:13 PM

زى ما بنسمع إن البنات المخطوفين بيكونوا متخدرين ، فالأمة القبطية كلها متخدرة بخرافات الوحدة الوطنية والعلمانية والقومية العربية ، وإمكانية الإصلاح تحت ظل الحكم الإسلامى ، ووهم الحصول على حقوق ، وغير ذلك من خرافات
-----------------
من أبسط قواعد حب الوطن هو شكر وتكريم من يخدمون الوطن ، الأوربيين بنوا الوطن بعد ما كان خرب ، ومحمد على إستعملهم لتحسين الإقتصاد والحياة بهدف بناء دولة إسلامية قوية تحارب الغرب بسلاح الغرب
وفشلت خطط محمد على وفى النهاية سيطر الأوربيين على الوطن وبنوا الدولة الحديثة ، وجزائهم كان محاربتهم وطردهم وإنكار كل فضل لهم ، وبعد إنقصالنا عنهم وتدهور المرافق ، رجعوا لهم تانى وصالحوهم وأتى الغربيون بأموالهم ومعداتهم وأصلحوا المرافق ، ومع ذلك لم يذكرهم أحد ، ولم يشكرهم أحد ولم يعرف أحد فضلهم فهم كفار أثمة وإهمالهم واجب إسلامى .. لقد تنكروا لهم كعادتهم مثلما أنكروا فضلا أجدادنا فى تمويل دولة الإسلام على مر العصور

afanous

22-12-2005, 10:38 PM

Saweres

23-12-2005, 08:08 AM

أظن يا يوساب ان محمد علي بنى امبراطوريته لمجده الشخصي لأنه حارب خلافة المسلمين في ذلك الوقت ( الخلافة العثمانية ) واستفاد من الاوروبيين وارسل لهم بعثات ، محمد علي نفسه اوروبي ( من ألبانيا ) ، وعارف ايه اللي في اوروبا مش موجود في مصر
استغل كل المصادر في مصر لعمل تطوير صناعي ضخم عشان البلد تبقى الأفضل
طبعا لولا التدخل الاوروبي الغربي ، لكان محمد على استطاع احتلال تركيا

iwcab

23-12-2005, 08:45 AM

هو كان عاوز يبقى الخليفة لرفع شأن الإسلام ومواجهة الغرب

iwcab

23-12-2005, 09:03 AM

- الإطار العام اللى أصبحنا بنعيش فيه منذ الوحدة ، وهو أن المسلم أخو الوطن ، وبنسلم أولادنا لهم للتعليم والتثقيف وأخذ الشهادة ثم العمل فى الحكومة ، أو العمل بالشهادة ، والوصول للعمل السهل والمال الكثير
- فى الفترة الأولى قبل سنة 1975 لم يكن التليفزيون منتشر ، وكان الأولاد يرجعوا من المدرسة يقعدوا مع الأهل ويستقوا منهم بعض العلم والثقافة والعادات والقيم إلخ ، لكن تفاقم الوضع بعد التليفزيون ، فالولد عايش مع جيران أغلبهم مسلمين وفى المدرسة مع المسلمين ومناهج بيد مسلمين وفى البيت مع التليفزيون ، وإذا كبر شوية يقرأ جرائد مسلمين .. الخلاصة أصبح الإنسان يعيش مغموساً فى المجتمع الإسلامى من المهد لللحد ، لا عندنا مدارس ولا إعلام ولا جرايد ولا وظايف ولا أحزاب .. بمعنى أننا دائما بنكون فى أماكن مع الغالبية المسلمة وإحنا مجرد ديل أو " طيشة " نقول نعم آمين وخلاص .. نظير الأمن والحصول على مرتب
- وإتصالنا مع المجتمع بتاعنا لاتتأتى إلا من الإحتكاك مع الأسرة ، ووقت الأسرة بقى صغير جداً للإنشغال فى المدرسة والمذاكرة والتليفزيون ، أو الكنيسة .. ووقتها برضه صغير وتأثير محدود
- ممكن يفلت من الفخ اللى غاوى يروح الكنيسة ويروح 3 - 4 مرات فى الإسبوع ، وتبقى الكنيسة بيته التانى
- لكن الغالبية لاتوجد لديهم إمكانية للهرب من الفخ المحكم

iwcab

23-12-2005, 03:24 PM

فعلياً .. أصبحنا نعيش بدون حقوق
ليس لنا حق التعليم ( تعليم ثقافتنا وتراثنا )
وليس لنا حق الإعلام ( الإعلام عن آرائنا ورؤيتنا وأهدافنا )
وليس لنا حقوق سياسية ( أى أن تكون لنا رؤية سياسية خاصة بنا ووجهة نظر فى كيفية تشكيل حياتنا ومجتمعنا ، أو أن تكون هناك أحزاب نتجمع فيها وتعبر عنا ، أو أن يكون لنا ممثلين فى البرلمان )
وليس لنا حق التجمع لأى هدف إلا ممارسة الصلاة فقط
وليس لنا الحق فى إدارة أى مؤسسات .. إلا المؤسسة الدينية ومؤسسات لرعاية الطوائف التى تحتاج لرعاية خاصة كالمسنين والأيتام والفقراء
مطلوب إن كل المؤسسات تكون مملوكة للمسلمين وهم يضعون سياستها ويحددون أهدافها وهم الغالبية ويكون المسيحيين مجرد أقلية محطوطة للزينة وإستكمال الديكور ، ونستمتع بالدلدلة والهامشية حتى يشعر المسلمون أنهم الأعزة الأعلون
ولو فكرنا نعمل مشروع ( ليس القصد مشروع إقتصادى ) مع بعض يقولوا كده خطر .. لأن المسلمين ممكن يهجموا ويحرقوا المكان ده .. لكن الأحسن عمل مشاريع مشتركة لتجنب الهجوم والحرق
فتخيلوا أبناء الوطن مستعدين يحرقونا لو فكرنا ننفصل عنهم وتكون لنا إرادة منفصلة عنهم

iwcab

24-12-2005, 06:23 PM

سياسة المسلمين معنا بتطبق مبدأين إسلاميين : مبدأ " وهم صاغرون " ، ومبدأ " المؤلفة قلوبهم "
وهم صاغرون تعنى إنه لايكون لنا اماكن خاصة بنا ، وكل الأماكن مشتركة حيث يتسيدون المكان ونصبح معهم أقلية مستضعفة وهامشية وديكور
ومبدأ " المؤلفة قلوبهم " وهو تقديم وظائف خفيفة أو بدون عمل للمسيحيين على أمل إجتذابهم وربطهم بالمجتمع الإسلامى الذى يقدم لهم ما لا يستطيع أى مجتمع أن يقدمه لهم وهو : عمل بلاعمل
----------------------
موضوع المساواة قدمه المسلمون للمسيحيين لظروف محددة ولأسباب خاصة وقد إنتهت هذه الإسباب ، وآن الأوان للعودة للوضع الأصلى " وضع الإضطهاد المكشوف "
المساواة أبتدأ يقدمها محمد على فى ظروف ضغط ساحق أوربى على العالم الإسلامى ، ورغبة محمد على فى التطور وتقليد الأوربيين

وحكم الأوربيين أسس المساواة ، والرغبة فى التخلص من الحكم الأوربى هى التى دفعت المسلمين للتودد للمسيحيين ومسياستهم
لكن حالياً لايوجد ضغط أوربى ولا حكم أوربى وبالتالى سياسة المسياسة والمهادنة لازم تنتهى ويظهر الإسلام والمسلمين بوجههم الحقيقية
------------------
موضوع البنتين المختطفتين يبدو إنهم قالوا إنهم راحوا بمزاحهم ، والسؤال هل يسمح القانون للبنت بالزواج العرفى قبل 18 سنة

iwcab

24-12-2005, 06:52 PM

http://www.swissinfo.org/sar/swissinfo.html?siteSect=105&sid=6341010&cKey=1135350960000

فى الرابط أعلاه ناس بيلوموا أمريكا أنها لم تصر على تنفيذ ديمقراطية إنتخابية كاملة فى مصر

تنفيذ الديمقراطية الإنتخابية الكاملة سيؤدى لكوارث فى الظروف الموجودة حالياً وهى :
عدم وجود حرية فكرية
عدم وجود حرية دينية
عدم وجود حرية إعلامية
عدم وجود حرية تكوين الأحزاب السياسية

مطالب هؤلاء الناس أى ( الديمقراطية الإنتخابية الكاملة ) فى الظروف الموجودة حالياً ستؤدى لسيطرة إسلامية شديدة على المشهد السياسى

ليتم تطبيق كل انواع الحريات الأخرى وبعد ذلك ليتم تطبيق الديمقراطية الإنتخابية ، وذلك حتى تستقيم الأمور

iwcab

25-12-2005, 05:42 PM

أبونا زكريا بيتكلم عن الأمور المعتم عليها دينياً
ويوسف سيدهم بيتكلم عن الأمور المسكوت عنها " دنيوياً "
الأمور المسكوت عنها هى أن المسلمين ضموا المسيحيين لمعسكرهم على أساس يعاملوهم بالمساواة والعدل ، لكنهم كالعادة أخلوا بإتفاقهم ، وبدل مايعطوهم حقهم وهو 10 % فهم يعطوهم 2 % فقط ، وبدلاً من إعطاهم حقوقهم فى الشى الوحيد المسموح لهم به وهو بناء الكنائس .. لكن يحدث تأخير وتعنت فى هذا الموضوع أيضاً
ولست أدرى ما هى الفائدة فى الوصول للحق الكامل وهو 10 % من الوظائف ؟
هل هى رغبة فى إثبات أن التحالف صحيح وأعطانا حقوقنا ؟
أم أنها مجرد رغبة فى جنى المكاسب الدنيوية السهلة ؟
وما هى إنجازات الأقباط وهم فى كنف حكومة المسلمين ؟ وما هى إنجازات المسئولين الأقباط " الوزراء " ؟ هل كان لهم أداء مميز ؟
هل اخذ الحقوق دليل على إلزام المسلمين بإحترامنا وعدم التعدى على حقوقنا ؟ وإثبات اننا مساوين لهم ؟

iwcab

26-12-2005, 05:36 PM

كنت كتبت من فترة إن جهاد المسيحيين معظمه جهاد إعلامى
وفيه جهاد آخر هو الجهاد القانونى
المصريين إستعملوا الجهاد الإعلامى والقانونى مع الإنجليز بهدف قالوا إنه التحرير .. لكن فعلياً حصل إستعباد كبير بعد خروج الإنجليز
المهم إن الجهاد الإعلامى والقانونى ضد الإنجليز لم يؤدى لشىء لكنه فقط هيأ الطريق للحركة المسلحة ، فالحركة المسلحة هى التى قامت بالتغيير
الجهاد الإعلامى والقانونى والسياسى أدى لتغييرات شكلية وعلى الورق
لكن الحركة المسلحة قامت بالتغيير الفعلى

الأمر التانى ان التغيير لايمكن أن يتم بمجرد تقديم أوراق .. التغيير يحدث فقط تحت الضغط
والضغط ده ممكن يكون روحى ، أو إعلامى أو مالى أو قوة إجبارية

iwcab

29-12-2005, 12:57 AM

كمال غبريال
http://www.metransparent.com/texts/kamal_ghobrial_text/kamal_ghobrial_islamistes_of_women_copts.htm

مدحت قلادة
http://www.copts-united.com/wr/go1.php?subaction=showfull&id=1135796447&archive=&start_from=&ucat=2&

----------------------------
يصدع أقباط العلمانية رءوسنا كل يوم بنظرياتهم الجوفاء ( ومنهم الإتنين اللى فوق ) ، وإن التقدم يعنى اللادينية ، وأن المجتمعات التى تتمسك بالدين هى مجتمعات متخلفة
وكتير من الناس ، ومنهم واحد كتبها هنا صراحة وقال إن الدين هو افيون الشعوب
عموماً إيمانى إن العلمانية والشيوعية إخوات ، الشيوعية بيسموها " المادية الجدلية " والعلمانية وهى المادية وإحتقار الله والدين والروحيات
وطبعاً فيه فرق بين دين خاطىء والدين الصحيح .. الدين الخاطىء يقود الإنسان والمجتمع للضلال ، لكن الدين الصحيح يقود الإنسان والمجتمع لأعمال صالحة تنفع المجتمع وتمجد الله
أقباط العلمانية تعلموا عند العلمانيين وأخذوا شهادات علمانية ، ويكسبوا الأموال بهذه الشهادات وبالتالى فهم يحتقروا الدين والمتدينين
العالم الذى يعيشون فيه سيتقوض ، لأنه مبنى على تطبيق مبادىء الدين الصحيح ( الذى ينكرونه الآن ) ، وكذا على مخترعات الغرب التى تهيىء للناس حياة رغدة بغير تعب ولا معاناة
ولكن البعد عن الدين الحقيقى سيمحو الصفات الجيدة الموجودة الآن ( صفات موجودة حالياً مؤقتاً بفعل تأثير القصور الذاتى ) ، كما أن إختراعات الغرب لها تأثيرات جانبية ستتفاقم مع مرور الوقت وستهدد إستمرار الحياة نتيجة الغازات السامة وتجريف الغابات وإستنفاذ الثروة السمكية إلخ
وهكذا ستنتهى المزايا الموجودة والتى تجعلهم يظنون أن العلمانية .. وإختراعات الإنسان هم خير بالمطلق

sce37

29-12-2005, 05:31 AM

تحباتي للكاتبين للمقالين " كمال غبريال|" و مدحت قلاده
موقفك يا يوساب من العلمانية يفكرني بالحال لما وصل الحزب الأشتراكي للحكم في فرنسا
لكن يبدو يا يوساب أنك فقدت سلسال الحوار - و لا الأدمنز بيمسحوا الردود اللي بترد عليك؟
أرجوك توقف - الى أن يجاوبك حد - !!!

iwcab

29-12-2005, 08:29 AM

إنت موافق إن الدين تخلف ؟
أنا بأكتب كأنى بأكتب فى بلوج ؟ هل لازم حد برد عليك لو عندك بلوج ؟
من زمان بأكتب والردود غالباً بتكون قليلة لكن فيه ناس بتقرأ ( حوالى 5 - 6 )

iwcab

29-12-2005, 04:16 PM

شفت التسجيل اللى عملوه البنتين الهربانيين ، وكنت حاسس بإطمئنان لأنهم ظهروا كأنهم أطفال هربانيين وإنحصروا فى زاوية ، فكلامهم طفولى ، ومهم إنهم إحتفظوا بأسمائهم وده له دلالة

iwcab

30-12-2005, 01:22 AM

مش عارف سبب طرد عدة مسلمين مؤخراً
لكن واضح إن علاقة المنتدى مع المسلمين تنحصر فى الشتائم أو الطرد
وإن المسلم المطلوب ، وهو " المسلم المسيحى " غير متوفر ( أى المسلم الذى يتفق مع الرأى المسيحى دائماً )
المسلم المسيحى غير متوفر فى المنتدى أو فى الحياة ، لكن المسيحى المسلم متوفر وموجود فى الحياة وفى أجهزة الإعلام ، المسلمين بيقدموا الجزرة والعصاية وبيقدروا يخلقوا المسيحى المسلم ، لكن إحنا ماعندناش الجزرة ولا العصاية وبالتالى بنفشل فى خلق " المسلم المسيحى "

iwcab

30-12-2005, 03:04 AM

قرأت إن 65 % من الأمريكان عاوزين أن يتم تدريس نظرية بجانب نظرية التطور ، وهى نظرية وجود كائن متفوق خلق الأرض ، ولكنهم فشلوا فى تنفيذ رغبتهم
ومن مدة كان فيه مناقشة لقوانين زواج المثليين ، وقالوا إن غالبية الناس ضد هذه القوانين ومع ذلك يتم إقرارها
فمش عارف إزاى ديمقراطية وتسن قوانين ضد رغبة غالبية السكان ؟
أو كيفية وجود ديمقراطية يفشل فيها غالبية السكان فى إقرار قوانين وأنظمة تنسجم مع آراؤهم وميولهم

iwcab

05-01-2006, 06:16 PM

الكلام اللى بتقوله الكنيسة أن منظمات أقباط المهجر هم أعداد قليلة .. أعتقد إنه كلام صحيح
والمشكلة القبطية قائمة لأن مجمل المسيحيين لايرغبوا فى الحرب أو الجهاد ( الروحى أو العالمى ) وعاوزين يعيشوا فى سلام وراحة وهدوء وتربية الأولاد
الجهاد يعنى التعرض للخسائر والتضحيات .. وهم امور لايرغب فيها 99 % من المسيحيين
فيه ناس بتلوم الكنيسة أو بيلوموا المسيحيين التابعين للسلطة وبيعملوا كأبواق للحكومة ومجتمع المسلمين ، وبيتناسوا ملايين الأقباط العائشين فى كنف الحكومة ولايرغبوا فى أى مواجهات لئلا تؤثر عليهم
-------------------------------
سمعت رد ابونا زكريا على عمرو أديب وضيوفه ، عندى بعض ملاحظات :
صابرين بتقول : مافيش حد بيتعاطف مع ابونا زكريا ، وهذا الكلام غير صحيح
فيه ناس كتير بيتعاطفوا معاه ، ولكنهم لايستطيعون إعلان ذلك لئلا يعاقبوا
وطبعاً فيه ناس كتير معترضين عليه
لكن الملاحظ أنه من الكهنوت لايوجد سوى أسقف واحد هو المتحمس ضده ، والباقى ساكت
فيه كلمة قالها عمر أديب وأعتقد إنه لايقصدها ( أنا سمعت جزء من الفيديو مرة واحدة ) ، هو كان بيتكلم عن " جيبان " ناس للمحاورة ، ولكن طار منه حرف واصبحت الكلمة " الجبان " بدلا من " الجيبان "

iwcab

07-01-2006, 05:56 PM

بوش عمل إجتماع جمع فيه وزراء الدفاع والخارجية القدامى لتقديم افكارهم عن الوضع العراقى ، ودى أول مرة يتعمل الإجتماع ده ، وده دليل على المأزق الموجودة فيه أمريكا نتيجة الغرور ، ووزير الخارجية البريطانى أعلن إن الإنسحاب هيكون خلال شهور

وهنا رابط بيقول إن تكاليف الحرب ستصل إلى تريليون أو 2 تريليون دولار ( التريليون 1000 مليار )

http://news8.thdo.bbc.co.uk/hi/arabic/press/newsid_4589000/4589862.stm

iwcab

10-01-2006, 06:34 AM

لاتعجبنى أبداً ( وحقيقة أنها تصيبنى بالمرض ) الروح الموجودة فى الوسط القبطى وفى المواقع والكتابات
هذه الروح هى روح الإعتراض واللوم والشكوى
وسبب هذه الروح هى النظرة العالمية الذاتية الوقتية للكون
لكن ممكن يبقى عندنا روح أخرى لو أخذنا النظرة الإلهية الروحية الأبدية
والنظرة الروحية هى :
كل ما يعمل يعمل للخير
فى هذه جميعها يعظم إنتصارنا بالذى أحبنا
لاتسقط شعرة من روؤسكم إلا بإذن ابيكم
من يصبر للمنتهى فهذا يخلص
كوب ماء لايضيع أجره
لايدعكم تجربون فوق ما تستطيعون
إفرحوا فى الرب كل حين

النظرة الروحية ( والأهداف الروحية ) ممكن تعطينا شخصية مختلفة تماماً وروح مختلفة ( روح صحيحة ومتفاءلة ) بدلاً من روح الشكوى والتذمر والدوران العقيم حول الذات والأرضيات والوقتيات

iwcab

10-01-2006, 06:40 AM

تساءلت صابرين فى البرنامج مع عمرو أديب قائلة : لمصلحة من ؟ ( أى مايقوم به أبونا زكريا )
وما يقوم به أبونا زكريا هو لمصلحة المسلمين ( إنهم يأخذوا الخلاص )
ولمصلحة المسيحيين الذين سيستفيدوا من تفكيك المنظومة الإسلامية
أما إن مناقشة الإسلام والإعتراض عليه ستؤدى لمذابح وقلاقل ، فهذا أمور تعنى أن المسلمين يرفضون حرية الفكر والعقيدة ، وأنهم ديكتاتوريين يريدون فرض رؤياهم ( بالعنف ) على الناس ، وهذه أمور ليست من حقهم ، ولابد من تقرير الحرية الفكرية والدينية ، وأن يتعودوا على المناقشات وحرية الرأى والدين

iwcab

11-01-2006, 05:45 PM

لما الواحد بيقرأ فى الكتاب المقدس بيكتشف عالم آخر غير العالم الذى تم تعريفنا عليه فى المدارس
عالم المدارس هو عالم المادة ، وإنجازات الإنسان للتعرف على المادة وقوانينها ، وإختراع الإختراعات المادية ، فعالم المدارس هو عالم المادة وخبرة الإنسان مع المادة
لكن عالم الكتاب المقدس محوره الله وعمله ، وسيطرته على الأرض وكل ما فيها فهو الذى يمنح النجاح أو الفشل ، يعطى الغنى أو الفقر ، يهب الصحة أو المرض .. كل شىء بأمره وبرأيه وبحكمته وبمشورته ، يقيم ملوكاً ويعزلهم ، يرفع ويخفض ، وكل شىء عنده له أسباب روحية
لقد طغى عالم المدارس على عالم الله والروح
طغت المادة وقوانينها على الله وقوانينه
عالم المدارس هو عالم الموت والتفاهة والضلال

iwcab

11-01-2006, 06:32 PM

عمرو اديب والشيخ خالد ردوا على أبونا زكريا
الرد موجود فى موقع إسلاميات .. لكن التسجيل ردىء

الشيخ خالد كان بيتكلم إنه غير زيه للدعوة فى أوربا علشان مايفهموش إن الإسلام جلابية وعمة
وواحد إتصلت قالت : بدل ما ندعو أوربا ندعو المسيحيين ( الشرقيين )
والشيخ خالد قال : إن أبونا زكريا بارع فى الشتيمة ، وإنه يردح لمحمد كل يوم ، وإن حسابه عند الله
وقال إنه مش هيرد على أبونا زكريا على الهواء لكن فى كتيبات

وعمرو أديب قال إن أبونا زكريا ردحله ، وإنه إتكلم عن صباعه ( صباع عمرو أديب ) 40 دقيقة ، وإنه أهان صباعه وإداله طريحة ، والشيخ خالد كان بيضحك على كلام عمرو أديب

sce37

11-01-2006, 11:15 PM

لما الواحد بيقرأ فى الكتاب المقدس بيكتشف عالم آخر غير العالم الذى تم تعريفنا عليه فى المدارس
لكن عالم الكتاب المقدس محوره الله وعمله ، وسيطرته على الأرض وكل ما فيها فهو الذى يمنح النجاح أو الفشل ،طغت المادة وقوانينها على الله وقوانينه

يعني أنت حر في البلوج بتاعك - لكن حكاية العالمين غريبة شوية بعد مصالحة الأبن
كمان موضوع الرجوع للجبرية و كله بأمر الله و مقدر و مكتوب - يبدو كلام بعيد عن روح العهد الجديد

iwcab

12-01-2006, 04:05 PM

شعور روؤسنا محصاة . ولايسقط عصفور إلا بأمر الله ، وهو يفتح ولا أحد يغلق ويغلق ولا أحد يفتح ، وهو يعلم إحتياجتنا قبل أن نسأله ، وهو يعطى نعمة للمتواضعين ويقاوم المستكبرين ، والسلطات هى من الله إلخ
------------------------
يمكن فيه موقع إسمه : الأقباط متحدين ، ولا أريد التعليق على الموقع لكن على الإسم
- يعنى لو واحد عايز يعمل موقع يعبر عن الأقباط المفروض يسميه : الأقباط متفرقين
- فنتيجة الخوف من الإرهاب الإسلامى أصبحت لنا شخصيتين ( ظاهرة وباطنة )
- والناس اللى سافروا وتحرروا من الضغوط وعايزين يظهروا الذات الباطنة .. يقاومهم أهل الداخل خوفاً من ردة الفعل الإسلامية
- بالإضافة للإتجاهات المتعددة نتيجة الأفكار المختلفة .. كإسطورة حب الوطن ، وإسطورة الإنسان الطبيعى الحلو الطيب ، وإسطورة تعاطف الغرب أو أمريكا معنا ، وإسطورة العلمانية ، وإلى غير ذلك من أفكار متضاربة تخلق تيارات متعاكسة

El-Samreyah

12-01-2006, 08:11 PM

الخواجه

14-01-2006, 01:47 AM

إستمر يا أخ يوساب..
أتابع كل ما تكتبه و من وجهة نظرى أنت كنجمة فى ليلة سوداء..
تحياتى و إحترامى..

الاخ يوساب - انا كمان من متابعينك و معجب بثبات افكارك و استمرارية المسيره و الافكار

التنبيهيه التي تيقظ الداخل و الروحانيات بداخل كل واحد و توضيح الهدف الاسمي لحياة كل فرد

و للجماعه كا كل - و معجب بعدم خروجك عن روحك و اسلوبك الهادي -

رغم اختلافي في كثير مما تدعوا اليه من تجاهل للامور الحياتيه البشريه الدنياويه و متطلبات

اليوم و الساعه للاقباط و مشاكلهم و نظرتك للعلمانيه و المطالبه بالحقوق - و هدا ليس اتهام لك بعدم الواقعيه و لكن بالتقصير في ايجاد الحلول العمليه دون الرجوع للمسكنه و خلافه

sce37

14-01-2006, 05:08 AM

شعور روؤسنا محصاة . ولايسقط عصفور إلا بأمر الله ، وهو يفتح ولا أحد يغلق ويغلق ولا أحد يفتح ، وهو يعلم إحتياجتنا قبل أن نسأله ، وهو يعطى نعمة للمتواضعين ويقاوم المستكبرين ، والسلطات هى من الله إلخ
------------------------

افهم من كدا أنك من الجبريين و لا من المتهودين

فكل شئ بأمر الله سبحانه و تعال - و الأنسان ليس بيده شئ - مقدر و مكتوب عل الجبين و لازم تشوفه العين - أجري يا أبن آدم جري الوحوش و عزتي غير رزقك لن تحوز

لن أتناقش معك ف الجبرية و عودتها مع نهاية القرن الأول الهجري
لكن أحذرك يا يوساب - البلوج بتاعك بقي ممل !!!
عارف ليه - لأنك عملت منه مندبة - و هو بيحظي بأقل عدد من المتابعين لأنك ما بتعملش حاجة

بس و لا يهمك - ربنا موجود و هو اللي ها يبقى يعمل

iwcab

14-01-2006, 04:47 PM

افهم من كدا أنك من الجبريين و لا من المتهودين

فكل شئ بأمر الله سبحانه و تعال - و الأنسان ليس بيده شئ - مقدر و مكتوب عل الجبين و لازم تشوفه العين - أجري يا أبن آدم جري الوحوش و عزتي غير رزقك لن تحوز

لن أتناقش معك ف الجبرية و عودتها مع نهاية القرن الأول الهجري
لكن أحذرك يا يوساب - البلوج بتاعك بقي ممل !!!
عارف ليه - لأنك عملت منه مندبة - و هو بيحظي بأقل عدد من المتابعين لأنك ما بتعملش حاجة

بس و لا يهمك - ربنا موجود و هو اللي ها يبقى يعمل

الآيات المكتوبة من الإنجيل ولاعلاقة لها باليهودية
ربنا هو بيخطط وبيسيطر على كل شىء لكن إحنا لنا دور فى خطة الخلاص
دورنا نسمع الوصية وننفذها ، ورسالتنا هى شهادة لله أمام العالم .. جزء منهم سيسمع ويتغير والباقى سيتقسى وسيهلك
فلانستطيع تغيير العالم .. ممكن نغير جزء من العالم ، ونشهد للباقى حتى يكونوا مسئولين عن انفسهم وعن حياتهم الأبدية
الشرير سيستمر فى شره ، وسيجد عقابه هناك
دورنا إننا نتمسك بالخلاص لأنفسنا وندعو الآخرين للخلاص ، لأنه بيقول تضيئون بينهم كانوار فى العالم ، .. انتم ملح الآرض أنتم نور العالم
لكن لو نخصص حياتنا للذات وتحصيل الجائزة المجعولة لنا للموافقة على الكذب والغش والتزوير والتخريب ، فهذه انانية وتفاهة وتصاغر لايليق بالمسيحيين الأمناء