التجربة الدانماركية [الصفحة الرئيسية] - منتدي منظمة أقباط الولايات المتحدة

Mena0064

22-12-2005, 05:28 PM

وقع فى إيدى هذا الفيلم و كان كلى إشتياق أشوف فيلم عربى لأنها فرصة لا تتكر كثيرا حيث أعيش، و كنت فرحان إنة فيلم لعادل إمام الممثل البارع. و يا خيبة أملى فى الفيلم و فى عادل إمام اللى عامل فيلم مفيهوش أى فكرة و زى ما بيسموة فى مصر فيلم "مناظر".
كل الفيلم عبارة عن بنت شقراء المفروض إنها دانماركية راحت مصر و سكنت فى بيت عادل إمام الوزير المحترم اللى عندة أربع أولاد فى مقتبل العمر، و يصور لك الفيلم هذة الأجنبية على إنها عريانة طول الوقت و مفيش فى دماغها غير الجنس و كيف إن أولاد عادل إمام كانوا هيضربوا بعض علشانها لكن دة أغضب أبوهم اللى زعق لهم و ضربها أثناء مشادة فترد علية "أنا أول مرة حد يضربنى، إنت أكيد راجل بصحيح" و طبعا تقع فى حبة و يحبها هو كمان لكن عن وقت سفرها يسيبها تركب الطيارة لوحدها لأنة ما يقدرش يسيب أولادة ولا مصر.

أنا مش هعلق على مضمون الفيلم اللى أفرغ من عقل مرشد الإخوان، لكن فى حاجات معينة تستحق التعليق:
- تصوير المرأة الأجنبية على إنها عاهرة لا تفكر إلا فى الجنس و لا تعرف الهدوم لدولابها طريق.
- تصوير إن اللى يضرب واحدة ست دا أكيد راجل حقيقى و إنها أكيد هتقع فى حبة.
- الأولاد و الآب وقعوا فى حب نفس الفتاة لكن مفيش مشاكل إننا نسيبها لبابا المرة دى بروح رياضية رغم إنها فى سن أولادة، و على رأى المثل عاهرة فى البيت خير من عشرة عند الجيران.

الفيلم أحزننى على عادل إمام و أكثر على عقلية الشعب المصرى المريضة اللى هتتفرج على هذا العفن، لكن كل هذا لا يضاهى حزنى و تعاطفى من المرأة المصرية اللى هتتحجب غصبا و تنضرب قهرا و يغتصبها زوجها علشان هو "راجل" و لن تتجرأ بفتح شفتيها.

و فى الآخر زعلانين إن حد فى الدانمارك أساء للإسلام طب ما إنتوا مسحتم بشرفهم البلاط، ما يبقاش دة رد فعل؟ على رأى شوية الصيع بتوع إخوان إسكندرية.

Saweres

22-12-2005, 06:01 PM

انت شكلك بتهزر يا مينا
أو يمكن ما شفتش أفلام لعادل امام من ايام ما كانت أبيض واسود
ده من أول ما دخل الالوان وكل أفلامه مناظر مناظر مناظر
وكل فكرتها بتدور حوالين الجنس ، سواء أفلام أو مسرحيات ، وله ايحاءات جنسية بشعة ، المفروض يمنعوا افلامه لمن هم دون الاربعين بصراحة
طبعا لكل قاعدة شواذ ، يعني فيه فيلم " احنا بتوع الاتوبيس " شذ عن القاعدة ، وفيلم " طيور الظلام " تقريباااااااااااا شذ عن القاعدة أيضا
اما بقية افلامه ومسرحياته ، فحدث ولا حرج ، مسلسلاته محترمة لأنها تلفزيون زي " احلام الفتى الطائر " أنا فاكر المسلسل ده مع اني شفته من حوالي 17 سنة ، ومسلسل تاني " دموع في عيون وقحة " ( حتى الاسم فيه كراهية ، بس المضمون بيدور أثناء الحرب ) ، على أي حال اللي متابع لأفلامه يلاقي مصايب ، يعني عندك " الواد محروس بتاع الوزير " ، وعندك " عنتر شايل سيفه " وغيرهم ، أفلام مش محترمة
ربنا يبعدنا عن افلام عادل امام ، وكل الأفلام العربي تماما
---
عايز نصيحتي ، لما تحب تتفرج على فيلم عربي ، نقي الأبيض والاسود ، اسماعيل ياسين ، نجيب الريحاني ، يوسف وهبي ، أنور وجدي ، فريد شوقي ، محمود المليجي ... الخ ، ابعد عن الجديد نهائيا!

SonOfAthanasius

22-12-2005, 06:28 PM

نادر مرقص

22-12-2005, 06:43 PM

هذه المناظر لايخلوا منها فيلم سواء عربي أو أجنبي وحتي الافلام العربية القديمة لاتخلوا من مناظر الرقص البلدي .
ولكن الذي يميز عادل امام أنه يسرد الواقع الحاصل في المجتمع ، وانا في رأي الخاص هو وأحمد زكي استطاعوا ان يسردوا عن طريق افلامهم واقع يحدث في المجتمع هناك كثيرون خافوا أن يقتربوا منه ، فمثلا التجربة الدانماركية تكلم عما يفعلوه أولاد الوزراء ولا أحد في مصر يقدر ان يتكلم عن ما يفعله اولاد الوزراء في مصر ، وهناك افلام ايضا تسرد الواقع والمشاكل الحاصله في وقتها ، فيلم الهلفوت وايضا فيلم الافوكاتوا ، فيلم الارهابي ، كراكون في الشارع ........

mena_hot

23-12-2005, 06:07 AM

وفيلم النوم في العسل نسيتوه )noP)

غلاباوي

23-12-2005, 10:14 AM

Mike1

23-12-2005, 10:54 AM

هههههههههههههههههههه

لا انت اكيد فهمت غلط ......

هو لما جاب نيكول سبا في الفيلم على انها البنت الشقرا الدينماركية ...
لم يقصد انها تكون عاهرة او محبة للجنس ......................... الخ
لكن حاول ببساطة انة يرصد مدي التصادم اللى هيحصل في الموقف دة من واحدة جاية من دولة متحررة اخلاقيا وممكن ممارسة الجنس تكون شي عادي جدا وبين اشخاص اتربوا في مصر على عادات وتقاليد المجتمع المصري ....

دة رأيي

من الآخر كده يا غلاباوي ,

انت تعلم جيدا ان افلامنا المصريه دائما تصور الآجنبي الغربي كاشخص بدون مبادئ , ضعيف , شاذ , سكير , اي حثاله

والمرأه الآجنبيه الغربيه كا انسانه ضعيفه , سهله المنال , خائنه , لايعتمد أو يؤتمن لها

والآجانب العرب , كل الصفات الحميده الراقيه

الحقيقه هي العكس والجميع يعلم هذا ولا تعليق !!!

Mrs 2ana 7or

23-12-2005, 12:27 PM

قال يعنى الانحطاط الاخلاقى مستوردينه من بره بس

الله يرحم افلام الست ناهد شريف ونجلاء فتحى ومرفت امين اللى اول مظهروا كانوا عاهرات رسمى بلا نيله

العرب مش مستنين الاجانب عشان يعلموهو الانحلال لانهم ببساطه منحلين جاهزين بس ماشين حسب الايه الكريمه اذا بليتم فاستتروا

وكله من وراء الستار بلاوى مهببه

عادل امام ده شخصيا له افلام زمان قمه الانحطاط الاخلاقى وكلها مناظر سافله وقرف
فترة الستينات والسبعينات بعد النكسه كانت بشعه فى الفن عموما

بس يا ساويرس بلاش اسماعيل ياسين احسن انا بكرهه وانا حر بيموت فيه ومكرر رسمى علينا فى البيت بعيد عنك وعن السامعين (sml18)

Saweres

23-12-2005, 12:33 PM

بس يا ساويرس بلاش اسماعيل ياسين احسن انا بكرهه وانا حر بيموت فيه ومكرر رسمى علينا فى البيت بعيد عنك وعن السامعين (sml18)
حد مايحبش اسماعيل ياسين؟؟
وماله مايكون مقرر في البيت يعني
هقولك على سر
وانا صغير ، والدي الله يرحمه كان بيسمح لي أغيب عن المدرسة في اليوم اللي كان فيه فيلم لاسماعيل ياسين ، أصله أهم من المقرر الدراسي )CRZ:)

Ya Shero

23-12-2005, 12:40 PM

بتزوغ يا ساويرس(sml22)

Mike1

23-12-2005, 12:58 PM

بس يا ساويرس بلاش اسماعيل ياسين احسن انا بكرهه وانا حر بيموت فيه ومكرر رسمى علينا فى البيت بعيد عنك وعن السامعين (sml18)

هوبااااااا , ليه كده بس يا مدام انا حر , حد مايحبش اسماعيل يس ؟؟؟ وانا اللي دايما اقولك اختي العزيزه !!!!! عشان خاطر انا حر وكل محبي (سمعه) حاولي تتقبلي عملاق الكوميديا المصريه , ينوبك ثواب فينا

Ya Shero

23-12-2005, 01:04 PM

مش كل افلام اسماعيل ياسين حلوة يا ميك1
انا بصراحة بحب نجيب الريحاني اكتر من اسماعيل يا سين

Mrs 2ana 7or

23-12-2005, 02:45 PM

هوبااااااا , ليه كده بس يا مدام انا حر , حد مايحبش اسماعيل يس ؟؟؟ وانا اللي دايما اقولك اختي العزيزه !!!!! عشان خاطر انا حر وكل محبي (سمعه) حاولي تتقبلي عملاق الكوميديا المصريه , ينوبك ثواب فينا

منتاش فاااااهم انا كنت بحبه لحد ماتجوزت(sml13)
انا حر مغررم بيه لدرجه خلتنى اشوفه من هنا الضغط يعلا يعنى لو حطيت له فيلم كليوباترا واسماعيل ياسين تلاقى سمعه يكسب
والمصيبه العيال وارثين بجدارة
بس حاضر عشانكم بس حعيد نظر

ولى لييييلللى على راى سمعه

knowjesus_knowlove

23-12-2005, 03:12 PM

يكفي عادل امام انه قدم افلام تعتبر من علامات السينما المصرية مثل
احنا بتوع الاتوبيس
الارهابي
طيور الظلام ( هل يوجد ثمة شبه بين ما يحكيه أو قل ان شئت يتنبأ به الفيلم و ما نعيشه الآن ؟؟؟؟؟ )
الارهاب و الكباب

انه رجل وقف وقفه صارمة ضد الارهاب و الاخوان و اذنابهم طول مشواره الفني
كما انه ممثل متمكن وبارع
ويستحق من جمهوره أن يغفر له حتة ( الأباحة ) دي ولا مؤاخذه : )

سبق أن ناقشنا مواقف عادل إمام هنا
http://www.copts.net/forum/showthread.php?t=2470&highlight=%DA%C7%CF%E1+%C7%E3%C7%E3

وطبعا إلتمست له العذر فى أفلامه الإباحية ... فعلى الأقل هو لم يدعى النبوة
إقرأ ردى على الرمة فى آخر الموضوع

Safnat_Fa3nash007

24-12-2005, 01:31 AM

حد مايحبش اسماعيل ياسين؟؟
وماله مايكون مقرر في البيت يعني
هقولك على سر
وانا صغير ، والدي الله يرحمه كان بيسمح لي أغيب عن المدرسة في اليوم اللي كان فيه فيلم لاسماعيل ياسين ، أصله أهم من المقرر الدراسي )CRZ:)

هههههههههههههههههههههههه

العمى في قلبهن بعرفوش ايحطوا الافلام غير خلال النهار وتحديد خلال الدوام المدرسي

ايه البلد دي هههههههههههههههه

------------
انا كمان بحب احضر لسماعيل ياسين
بس المشكله مبحفظش اسامي افلام ههههه

غلاباوي

24-12-2005, 05:27 AM

يمكن بتكرهية يا مدام عشان اسماعيل يس مسلم ولا حاجة . هههههههههههههه

اما بخصوص الافلام .. مفيش فيلم جاب واحد خليجي ولا عربي عدل ... ولو تفتكروا دايما لما بيجي مشهد لكبارية او رقاصة .. لازم واحد بعقال ودشداشة يطلع يرمي النقطة على الرقاصة .....

ولا انا غلطان