View Full Version : تهنئة قلبية بالعام الجديد 2006
غلاباوي
31-12-2005, 11:21 AM
الاخوة الاعزاء ....
احب ان اهنئكم جميعا واكرر جميعا وبلا استثناء برأس السنة الميلادية 2006
اعرف جيدا ان العيد سيكون طبقا للاقباط سيكون 6 يناير تقريبا او 7 يناير .. ولكن لا خلاف ان الجميع يحتفل ايضا في ليلة رأس السنة ..
اتمنى من الله ان يعيد علينا تلك الايام بالخير والسلام والحب ولتكن دعوة للجيمع للتسامح والحب وندعو من الله العلي القدير ان يمنحنا السلام مع انفسنا اولا ومع الاخرين .....
الحقيقة انا خرجت من المستشفي من ساعتين بس رغم التحذيرات والنصائح الا اننى لا اطيق جو المستشفيات اطلاقا ... ومع وعود بالراحة والاستراخاء ( لن تحدث طبعا ) ... ولا اجد شيء لطيف كهدية للعام الجديد سوى الشخصية اللطيفة التي يحبها اولادي وانا قبلهم
CRAZY Frog وكليب صغير جدا بمناسبة الكريسماس واغنية Jingle Bells
http://www.crazyfrogchristmas.com/images/video_xmas.jpg
ودة اللينك http://gut-wmv.bsky.net/gutrecords/cfxmas_30sec.wmv
كل سنة وانتم طيبين
تحياتي
Mike1
31-12-2005, 12:38 PM
الاخوة الاعزاء ....
احب ان اهنئكم جميعا واكرر جميعا وبلا استثناء برأس السنة الميلادية 2006
اعرف جيدا ان العيد سيكون طبقا للاقباط سيكون 6 يناير تقريبا او 7 يناير .. ولكن لا خلاف ان الجميع يحتفل ايضا في ليلة رأس السنة ..
اتمنى من الله ان يعيد علينا تلك الايام بالخير والسلام والحب ولتكن دعوة للجيمع للتسامح والحب وندعو من الله العلي القدير ان يمنحنا السلام مع انفسنا اولا ومع الاخرين .....
كل سنة وانتم طيبين
تحياتي
كل سنه وانت وعائلتك وكل المصريين بكل خير وسلام راجيا من رب المجد ان يحفظ مصر ام الدنيا من كل الآشرار المخربيين , اجعل يارب من 2006 سنه طيبه لمصر واهل مصر
{{yawka]]
Ya Shero
31-12-2005, 12:44 PM
كل سنة والجميع بخير
وكل سنة وانت طيب يا غلاباوي
Safnat_Fa3nash007
31-12-2005, 01:44 PM
الاخوة الاعزاء ....
احب ان اهنئكم جميعا واكرر جميعا وبلا استثناء برأس السنة الميلادية 2006
اعرف جيدا ان العيد سيكون طبقا للاقباط سيكون 6 يناير تقريبا او 7 يناير .. ولكن لا خلاف ان الجميع يحتفل ايضا في ليلة رأس السنة ..
اتمنى من الله ان يعيد علينا تلك الايام بالخير والسلام والحب ولتكن دعوة للجيمع للتسامح والحب وندعو من الله العلي القدير ان يمنحنا السلام مع انفسنا اولا ومع الاخرين .....
الحقيقة انا خرجت من المستشفي من ساعتين بس رغم التحذيرات والنصائح الا اننى لا اطيق جو المستشفيات اطلاقا ... ومع وعود بالراحة والاستراخاء ( لن تحدث طبعا ) ... ولا اجد شيء لطيف كهدية للعام الجديد سوى الشخصية اللطيفة التي يحبها اولادي وانا قبلهم
CRAZY Frog وكليب صغير جدا بمناسبة الكريسماس واغنية Jingle Bells
http://www.crazyfrogchristmas.com/images/video_xmas.jpg
ودة اللينك http://gut-wmv.bsky.net/gutrecords/cfxmas_30sec.wmv
كل سنة وانتم طيبين
تحياتي
الف حمد لله على السلامه يا غلبب
ليك وحشه يا عم بالمنتدى
على العموم كل سنه وانت بخير وعافيه
ارجوا ان تكون سنه خضراء على الجميع
تملأها المحبه ويحميها السلام لك وللعائله ولباقي المصرين مسلمين واقباط
فنحن لا نريد سو كل خير وسلام فكلنا ابناء 9 شهور وكلنا ابناء لادم وحواء
سلام الرب يسوع يشفيك ويقويك ويحرسك
آمـــــــين
واهديك ترنيمه ليله الميلاد
كلماتها جميله تغذي الروح وتشبعه ..... لا اعرفها كلها ولكن ارجوا من احد الاخوه ان يضعها
ليله الميلاد يمحى البغض ليله الميلاد تزهر الارض
ليله الميلاد تدفن الحرب ليله الميلاد ينبت الحب
................ممممممم
عندما نسقي عطشان كأس ماء نكون في الميلاد
عندما نكسي عريان ثوب حب نكون في الميلاد
عندما تذوب فيا روح الانتقام نكون بالميلاد
عندما نكفف الدموع بالعيون نكون في الميلاد
(حد يكملها يا اخونا لاني مش حافظه كويس وهي بجد تجنن )
-----------
اخوك 007
lover michal
31-12-2005, 01:45 PM
habby new year
الي كل الاعضاء الحلوين هابي نيو ير لكل الدنيا ولكل المنتدي
وبحبكوا جدا
واهداء خااااااااااااااااااااااص لحبيب قلبي مايكل منير وقوله كل سنه وانت طيب يا جميل ويارب تكون سنه سعيده عليك وعلينا وربنا يذيدك من النعيم والخير عليك حبيبي مايكي وعلينا
تحياتي للجميع(CAK:}
Gregory
31-12-2005, 02:22 PM
كل سنة و أنت طيب يا أستاذ غلاباوى
و ربنا يتمم شفاءك باذن ربنا
و كل سنة و أنت طيب يا حمادة
سنة حلوة على الجميع بمشيئة ربنا
hema_c
31-12-2005, 02:59 PM
حمدالله بالسلامة يا غلباوي , وكل سنة وانت طيب .got:)(
nabilms
31-12-2005, 05:50 PM
حمد الله على السلامة يا غلباوى وكل سنة وانت وأسرتك وأعضاء المنتدى الكرام بالف خير وسلام وعلى مصر كلها مسيحيين ومسلميين ويسود الحب بيننا ليس فى هذا المنتدى الجميل فحسب ولكن على مستوى العالم كله وخصوصا مصر وأحب أشكرك على روح المودة والحب وأيضا أكون أول المهنئين لك بعيد الآضحى المبارك ويكون بداية تعرف جميل بينا نبيل
10():
lover michal
31-12-2005, 06:05 PM
thank u gergory
habby new yaer
my dear
lover michal
31-12-2005, 06:13 PM
10)10 thak u غلاباويgot:)(
لانك كتبت الموضوع في الميعاد المظبوط وخلقت روح بنفتقدها في المنتدي
وهي الي شايفنها في الردود الجميله دي وخاصه ايمان الاعضاء بوحده مصر
رغم كل الظروف الصعبه وياله نشوووووووووووف العالم بيعمل ايه
http://www.aljazeera.net/mritems/images/2004/12/31/1_518251_1_34.jpg
شيء غايه في الروعه جميله القارات 10)10
استراليا الجميله
بلد جنسيات واديان العالم مجتمعه تحتفل بعيد البشريه عيد راس السنه الميلاده الكريمسماس
بجد فرش جدا الحظه الجميله الي عشناها كلنا بروح جميله في الوقت ده والموضوع ده
fanous2102
31-12-2005, 07:52 PM
ربنا يفرح اولادك برجوعك
و كمان ربنا يفرح زوجتك و يبارك في اسرتك
حمدلله على سلامتك يا غلاباوى و كل سنه و انت طيب و كل اعضاء المنتدى طيبين و بخير
Happy new year
غلاباوي
01-01-2006, 04:33 AM
شكرا يا جماعة على زوقكم وربنا يحفظكم من كل شر
jesus_4_us
01-01-2006, 04:54 AM
اولا حمدالله على السلامة ياغلاباوى وكل سنة وانت طيب وشكرا لك على التهنئة لنا براس السنة الميلادية الجديدة
بس على فكرة ياترى عندك علم بالمكتوب ده والا انت مش من اياهم
أتود أن يحشرك الله مع ال***** ؟! فقل لا لعيد رأس السنة
{ وَمَن يَتَوَلَّهُم مِّنكُمْ فَإِنَّهُ مِنْهُمْ إِنَّ اللّهَ لاَ يَهْدِي الْقَوْمَ الظَّالِمِينَ} (51) سورة المائدة
الحمد لله رب العالمين والصلاة والسلام على خير البرية أجمعين محمد بن عبد الله وعلى آله وصحبه ومن والاه أما بعد:
يقول رسولنا صلى الله عليه وسلم " لعن الله اليهود وال***** إتخذوا قبور أنبيائهم وأوليائهم مساجد".
أخي المسلم\ أختي المسلمة :
إن للمسلم شخصيته التي تميزه عن غيره من الناس, ونحن مسلمون لنا هويتنا فكتابنا واحد وربنا واحد , ونظرا ً لإن أعداء الإسلام يريدون الإطاحة بهذه الوحدانية في جميع المجالات فهم يريدون أن يفرقونا بأساليب عدة ومنها إحتفالانا بأعيادهم الشركية الكفرية وخاصة عيد رأس السنة الـ(Christmas) وهنا نقوم بوضع عدة أدلة لينتفي عن كل مسلم أي شبهة تدور بخاطره والله المستعان...
* هل تعرف ماهو " الكريسماس " :
إنه عيد ال***** للإحتفال بقيامة المسيح المزعومة بحسب إيمانهم بعد أن فدى البشرية من الخطيئة حاشاه, وهل تعرف أخي المسلم ماذا تعني كلمة "بابا نويل" التي يطلعوا بها في إحتفالاتهم ؟ هيت لك المعنى :
يقول النبي إشعياء عليه السلام في كتابه :
( هاهي العذراء تحبل وتلد إبنا ً ويدعى إسمه عمانويل الذي تفسيره الله معنا )
(הָרָה וְיֹלֶדֶת בֵּן, וְקָרָאת שְׁמוֹ, עִמָּנוּ אֵל)
"عما نويل" كلمة عبرانية تفسيرها بالعربي "إلهنا معنا" ومعناه عند ال***** "الله معنا" وفي العبرانية "عمانوا": تعني "معنا"، و"نيل": تعني الإله. و "بابا نويل": أي "بابانوئيل"، وتعني "بابانو"، و "نيل": أي "الإله". فكلمة "بابا نويل" تعني "الإله أبونا". فهذا الشيخ الكبير ذو اللباس الأحمر واللحية البيضاء الذي يسمونه " بابا نويل" هو الإله الأب الذي ولد له مولود من مريم وهو عيسى الإبن. فيقوم الأب الإله بتوزيع الهدايا في يوم ولادة إبنه عيسى عليه السلام (الإله الإبن) تثليث كامل، تعالى الله عما يقولون علواً كبيراً. قال تعالى: {تَكَادُ السَّمَاوَاتُ يَتَفَطَّرْنَ مِنْهُ وَتَنشَقُّ الْأَرْضُ وَتَخِرُّ الْجِبَالُ هَدًّا} (90) سورة مريم
* أدلية تحريم الإحتفال بأعياد اليهود وال***** :
- قال خير البرية صلى الله عليه وسلم لما رآى بعض الناس يحتفلون بأعياد اليهود : " لقد أبدلكم الله بهما عيد الفطر وعيد الأضحى" – متفق عليه.
- قال الله تعالى ( والذين لا يشهدون الزور) قال المفسرون "أعياد اليهود وال*****".
* نصيحة ختامية لكل مسلم ومسلمة :
أما نصيحتي لكل مسلم ومسلمة هي :
1- إياكم والإحتفال بهذا العيد كالخروج في يوم رأس السنة وغيره من مشاركة ال***** في كفرهم حفظنا الله.
2- من إحتفل بهذا العيد مدركا ً لواقع أنه عيد نصراني حشره الله مع ال***** لقول أبا القاسم صلى الله عليه وسلم " يحشر المرء مع من يحب" وهذه الإحتفالات دليل ولاء وحب.
3- سارع بتوعية من حولك بعدم الإحتفال بهذه الشركيات والترفع عنها.
{ وَاللّهُ غَالِبٌ عَلَى أَمْرِهِ وَلَكِنَّ أَكْثَرَ النَّاسِ لاَ يَعْلَمُونَ}
elmafdy
01-01-2006, 05:44 AM
العزيز Jesus_4 _ us
أخونا غلاباوى لسه طالع من المستشفى و زى ما قال لسه تعبان و فى نقاهه , و ما عملش حاجه اكتر من انه بعت لنا يهنينا بالسنه الجديده , و اعتقد ان الرد المناسب عليه اننا نشكره على التهنئه اللطيفه دى , و نهنيه احنا من ناحيتنا بشفائه و عودته بالسلامه و نتمنى له تمام الشفاء و انه يبقى فى اتم صحه .
لكن انت دخلت فيه ناشف قوى و كلام كبير و مستنى منه يرد علينا , انا ها ارد عن غلاباوى بعد اذنه , انا متوقع انه لواتخير انه يحشر - مع انى مش عارف يحشر دى يعنى ايه , معناها اللى أعرفه حاجه كده جو اتوبيسات و زحمه و حاجات من دى - المهم ان غلاباوى لو اتخير انه يحشر مع اقباط زى اغلبنا اللى بعتوا يتمنوا له كل خير و شفاء أيام ما كان تعبان , و بعتوا له تانى يهنئوه بأنه قام بالسلامه , و بين انه يحشر مع الاخ الضايع المغيب اللى انت ناقل فتواه ده , اللى بيقول ان الكريسماس هو الاحتفال بقيامة المسيح و ان بابا نويل هو الله الاب , انا متأكد ان غلاباوى ها يختار انه يحشر معانا احنا عن انه يحشر مع هذا ال. . . . , اللى عاوز اقوله ان واحد بالجهل و الضحاله و الحموريه دى - ولا مؤاخذه يعنى - ما يشرفش حد انه ينتمى له و لا انه يدافع عنه , و لا غلاباوى و لا أى انسان صاحب عقل ها يقتنع بالكلام ده او ها يدافع عنه أو عن صاحبه بأى كلمه , و عموما ربنا هو الشافى للمرضى جسديا امثال صديقى غلاباوى و عقليا امثال صاحب هذه الفتوى .
أخى العزيز غلاباوى
ألف حمد الله على السلامه يا عزيزى , معلش ما لحقتش اسلم عليك لأنى حبيت الاول ادافع عنك و اجاوب نيابة عنك على اخى Jesus_4_us , و ميرسى جدا على التهنئه بالعام الجديد , و ان شاء الله 2006 ها تكون سنة خير عليك و على أولادك و على كل اخوتى فى المنتدى و ربنا يحقق لنا جميعا كل امانينا .
كمان عاوزك تطمنى اكتر على صحتك , اوعى يكون الدكاتره غلطوا و عملوا لك العمليه اياها اللى قلت لك عليها (hrt: (hrt: (hrt:
و الرب يبارك و يهدى الجميع
المفدى
غلاباوي
01-01-2006, 06:14 AM
اولا حمدالله على السلامة ياغلاباوى وكل سنة وانت طيب وشكرا لك على التهنئة لنا براس السنة الميلادية الجديدة
بس على فكرة ياترى عندك علم بالمكتوب ده والا انت مش من اياهم
أتود أن يحشرك الله مع ال***** ؟! فقل لا لعيد رأس السنة
{ وَمَن يَتَوَلَّهُم مِّنكُمْ فَإِنَّهُ مِنْهُمْ إِنَّ اللّهَ لاَ يَهْدِي الْقَوْمَ الظَّالِمِينَ} (51) سورة المائدة
الحمد لله رب العالمين والصلاة والسلام على خير البرية أجمعين محمد بن عبد الله وعلى آله وصحبه ومن والاه أما بعد:
يقول رسولنا صلى الله عليه وسلم " لعن الله اليهود وال***** إتخذوا قبور أنبيائهم وأوليائهم مساجد".
أخي المسلم\ أختي المسلمة :
إن للمسلم شخصيته التي تميزه عن غيره من .................................................. ..................... الخ الخ الخ الخ
شكرا ياعم jesus_4_us على كلامك الحلو وتهنئتى بالسلامة والعودة مرة اخري ...
اما الكلام اللى بعد كدة انا مش عارف لزمتة اية او سببة اية في موضوع انا شخصيا فاتحة عشان الكل يهنى بعضة بمناسبة زي دي حتى لو كانت مش من القلب بس على الاقل الكل يتشارك في حاجة واللى زعلان من حد او شايل منة ينهى الكلام دة كلة ...
اما افتوي اللى انت جايبها دي مش عارف ارد عليك واقولك اية ....
في فتاوي مشابهه تخلينى اضربك واقتلك واعتبرك كافر ومتعاملش معاك واحاربك وقت اللزوم لو لسانك طول ولو مشيت في حتة اضطرك تمشي في اضيق الطرق واركبك حمار بالمقلوب واعتبر لمؤاخذة اي حمـار في زريبة انضف منك لانك كـافر ونجـس و و و و و .. الخ وفي اكتر من كدة كمان .............
لكن تفتكر انا بعمل كدة او بفكر في كدة لما بتعامل معاك او مع اي شخص تانى ؟!! موضوع الافتاء والفتاوي دة موضوع كبير اوي ومتشعب ومش اي حد يقول اي حاجة ويفتى وفي النهاية الانسان ربنا منحة عقل عشان يفكر صح ويعمل الصح ... فكونة يغلط او يفكر غلط دي مشكلتة هو ......
يارب تكون فهمت قصدي في الكلام ...
واخي العزيز المفدي شكرا يا عم على كلامك الحلو ودفاعك عنى رغم انى اعرف ادافع عن 10 زيي وانا عيان حتى .. لكن انت قمت مشكورا بالواجب وزيادة ..
تحياتي
غلاباوي
01-01-2006, 10:10 AM
وخد دي كمان فوق البيعة يا اخ jesus_4_us عشان تتاكد من كلامي ..
http://www.w6w.net/users2/24-12-2005/w6w_20051224164448405323bdae368.jpg
jesus_4_us
01-01-2006, 01:09 PM
اخى العزيز غلاباوى
اعلم انك لسه خارج من المستشفى
وانا لم اجد غيرك لارسلها لك لانك المسلم الوحيد العاقل فى هذا المنتدى
وعلى العموم ياسيدى شكرا على مجاملتك الرقيقة الخاصة لى ومردودة لك فى عيد الاضحى بس اوعى تنسانا بحتة من الخروف !!!!!!!!!!!
غلاباوي
01-01-2006, 02:37 PM
متشكر يا عم jesus_4_us ولو انى مش عاقل اوي زي ما انت متصور .,..
هههههههههههههههههه
اما عن الخروف هحاول ابعتلك طبق فتة بالخل والتوم وفوقة كام حتة هبر
بس اللى بيقدم السبت بيلاقي الحد قدامة ..... والعيد الجاي عيدكم انتم
وكلك نظر
nabilms
01-01-2006, 06:46 PM
غلاباوي
اما افتوي اللى انت جايبها دي مش عارف ارد عليك واقولك اية ....
في فتاوي مشابهه تخلينى اضربك واقتلك واعتبرك كافر ومتعاملش معاك واحاربك وقت اللزوم لو لسانك طول ولو مشيت في حتة اضطرك تمشي في اضيق الطرق واركبك حمار بالمقلوب واعتبر لمؤاخذة اي حمـار في زريبة انضف منك لانك كـافر ونجـس و و و و و .. الخ وفي اكتر من كدة كمان .............
الاخ الفاضل غلباوى
اقدر أعرف من وجهة نظرك كمسلم عاقل إزاى نقدر نتغلب على حاجة زى دى ونمحوها بقدر الامكان من عقول الراوى والمتلقى على السواء مع العلم أن من يوافقوك على هذا الرأى نسبة لاتتعدى 20% من أجمالى المسلمين ونحن نعيش فى مجتمع كل ما يقال أو يكتب بأسم الدين واجب التنفيذ بدون أعتراض أو مناقشة.
من وجهة نظرى المطلوب الحب يا جماعة للأخر وقبول الأخر حتى لو ليس على دينى أو لونى أو جنسيتى فالله محبة!!!!! مش كده والا ايه
freeman
01-01-2006, 09:02 PM
[B][I](CAK:} الاخ العزبز .......غلاباوى
الف حمدالله على السلامة .....وكل عام بصحة و عافية وخير أنت وجميع الأخوة المصرين
مسلمين+مسيحين
(عيد ميلاد+اضحى)=سعــــــــــــــــــــــــــــــيد
اخيك freeman(sml21)
غلاباوي
02-01-2006, 11:13 AM
شكرا يا اخ فري مان وكل سنة واحنا كلنا طيبين ...
اما العزيز nablism ... دائما وابدا اؤكد على الحب والاحترام المتبادل بين جميع الاطراف ...
على سبيل المثال محنتى الاخيرة في موضوع العملية زادت من احترامي للكثير ممن كنت قد اسقطهم عمدا من حساباتى كمخلوقات قد يمكن التحاور معاها يوما ما ... ولكن مع الحب والاحترام الذي لمستة احسست بقدر الاحترام المتبادل بين الطرفين ... وهذا هو المطلوب تحقيقة دوما ..
واستشهد بذلك على قصة اليهودي الذي كان يضع القاذورات والاذي فى طريق الرسول صلي الله علية وسلم كل يوم .. وفي يوم مرض الشخص .. فسأل الرسول عنه في مرضة واطمئن علية وكان ذلك سبب في هداية الرجل واسلامة لما لقي من دماثة الاسلوب والحب والاحترام
mena_hot
02-01-2006, 11:22 AM
كل سنة وانتا طيب يا غلاباوي
وميرسي علي المعايدة الرقيقة دي
2ana 7or
02-01-2006, 11:30 AM
اما افتوي اللى انت جايبها دي مش عارف ارد عليك واقولك اية ....
في فتاوي مشابهه تخلينى اضربك واقتلك واعتبرك كافر ومتعاملش معاك واحاربك وقت اللزوم لو لسانك طول ولو مشيت في حتة اضطرك تمشي في اضيق الطرق واركبك حمار بالمقلوب واعتبر لمؤاخذة اي حمـار في زريبة انضف منك لانك كـافر ونجـس و و و و و .. الخ وفي اكتر من كدة كمان .............
لكن تفتكر انا بعمل كدة او بفكر في كدة لما بتعامل معاك او مع اي شخص تانى ؟!! موضوع الافتاء والفتاوي دة موضوع كبير اوي ومتشعب ومش اي حد يقول اي حاجة ويفتى وفي النهاية الانسان ربنا منحة عقل عشان يفكر صح ويعمل الصح ... فكونة يغلط او يفكر غلط دي مشكلتة هو ......
يارب تكون فهمت قصدي في الكلام ...
تحياتي
عزيزى غلاباوى أسمحلى أحييك على رأيك هذا ... لو كل المسلمين فكروا مثلك ... تأكد أنه ستنتهى 90% من مشاكل الأقباط و يمكن مشاكل مصر أيضا ... ربنا يطرح البركة فيك و فى ولادك ...
كل عام و أنت بخير و أن شاء الله سنة 2006 يكون عام خير علينا كلنا على المستوى الشخصى و على الحبيبة مصر ...
Mrs 2ana 7or
02-01-2006, 01:21 PM
غلاباوى نويت تشترى خروف العيد ولاااااااااااااا
احم احم
انت فاهمنى اكيد ههههههههههه
وعموما سنه حلوة عالكل يا رب بكل الطوائف ولااديان والجنسيات ولالوان والعقليات
nabilms
02-01-2006, 09:54 PM
=غلاباوي= شكرا يا اخ فري مان وكل سنة واحنا كلنا طيبين ...
اما العزيز nablism ... دائما وابدا اؤكد على الحب والاحترام المتبادل بين جميع الاطراف ...
على سبيل المثال محنتى الاخيرة في موضوع العملية زادت من احترامي للكثير ممن كنت قد اسقطهم عمدا من حساباتى كمخلوقات قد يمكن التحاور معاها يوما ما ... ولكن مع الحب والاحترام الذي لمستة احسست بقدر الاحترام المتبادل بين الطرفين ... وهذا هو المطلوب تحقيقة دوما ..
واستشهد بذلك على قصة اليهودي الذي كان يضع القاذورات والاذي فى طريق الرسول صلي الله علية وسلم كل يوم .. وفي يوم مرض الشخص .. فسأل الرسول عنه في مرضة واطمئن علية وكان ذلك سبب في هداية الرجل واسلامة لما لقي من دماثة الاسلوب والحب والاحترام
أفهم من كده أنك بترسم على هداية المنتدى كله ودخوله للأسلام بنفس الطريقة خللوا بالكم يا جماعة أنا بحذركم من الآن
(hrt: (hrt: (hrt:
مار مينا
02-01-2006, 09:57 PM
كمان عاوزك تطمنى اكتر على صحتك , اوعى يكون الدكاتره غلطوا و عملوا لك العمليه اياها اللى قلت لك عليها (hrt: (hrt: (hrt:
المفدى
اوعي كان قصدك علي العملية اللي عادل امام خلي الدكاترة يعملوها للجواهرجي في فيلم حمادة وتوتو ..هههههههههههههه(hrt:
وانت طيب يا غلاباوي .......... علي فكرة للاسف مش كتير اللي بيعيدوا علينا في راس السنة .. مع انهم بيجولنا في العيد ... غريبه الحكاية دي ..
تعرف .. لما اجي اقول لواحد كل سنة وانت طيب يقولي واحنا مالنا . لقوله دي سنة جديدة ... بتغير فيها النتيجة وبتجيب اجندة جديدة وبلوك مكتب جديد .. يعني سنة جديده يقولي لا دي مش بتاعتنا ............
بقولك ايه ابقي هات اللمبي يدبحلك الخروف هههههههههههههههه(hrt:
وكل سنة وانت طيب
غلاباوي
03-01-2006, 07:51 AM
اختى العزيزة مدام انا حر .... انا شخصيا بتبع مبدأ الطيب احسن وامشي جنب الحيطة ..
وبالفعل اشتريت - لمواخذة - بقرتين وسايبهم عند الجزار ياكلوا براحتهم خالص لحد يوم العيد ... وكدة المدام بتاعتى مش هتتكلم في الموضوع دة ... وهقولك على حاجة غريبة اوي .. رغم اني كل سنة ربنا بيقدرني وبدبح لكن عمري ما دخلت من اللحمة دي البيت ولا حتى كيلو .. بوزعها كلها والجزء الخاص بالبيت بوزعة هو كمان .. مش كرم . بس تقدري تقولي لو ربنا مقدرني اكل اللحمة مرتين في الاسبوع في ناس للاسف مش بيشوفوها ولا حتى مرة في الشهر ...
اما الاخ nabilms انا لا شيخ ولا داعية ولا زي ما بتقولوا تقية ... واللى بيسلم بيسلم لنفسة واللى بيتنصر بيتنصر لنفسة وكل واحد بيتعلق من عرقوبة ... وعمري لا قولت ولا هقول لحد اسلم
nabilms
03-01-2006, 08:04 PM
غلاباوي
اما الاخ nabilms انا لا شيخ ولا داعية ولا زي ما بتقولوا تقية ... واللى بيسلم بيسلم لنفسة واللى بيتنصر بيتنصر لنفسة وكل واحد بيتعلق من عرقوبة ... وعمري لا قولت ولا هقول لحد اسلم
ياعم غلاباوى أنا بضحك معاك ماتزعلش قوى وانا بتعجبنى روحك لان الدين لله المهم بنعامل ربنا أزاى