عاجل : تعيين أول محافظ قبطي في مصر . [الصفحة الرئيسية] - منتدي منظمة أقباط الولايات المتحدة

fredy_kroger

01-01-2006, 09:43 AM

القاهرة - 1 يناير 2006

اصدر السيد الرئيس محمد حسني مبارك قرار جمهوريا بعد ظهر اليوم يشمل حركة المحافظين الجديدة و لقد استجاب الرئيس مبارك للمطالب المشروعة للمؤتمر القبطي الثاني و جهود مناضلين الحركة الوطنية القبطية و أولهم المهندس مايكل منير حيث قام الرئيس مبارك بتعين :

السيد / مجدي أيوب اسكندر

محافظ لمحافظة قنا ذات الكثافة القبطية .

حان الوقت ليسكت كل من هاجم زيارة المهندس مايكل منير للقاهرة و لقأءاتة مع المسؤلين و خاصة بعد ان اثمرت تلك اللقأءات عن تحقيق احد المطالب القبطية من احقية تولي الاقباط للوظائف العامة .

نشكر قادة الاقباط في الداخل و الخارج و الي المزيد من تحقيق المواطنة للاقباط .

سلام المسيح .

غلاباوي

01-01-2006, 10:06 AM

خبر جيد جدا ويعتبر هدية الكريسماس في العام الجديد ...
ولكن مع احترامي لكم ولمايكل منير .. ومع عدم تقليلي من قدرة او قدر دعوتة ونضالة الا انى اري انه ليس له دخل في الامر بتاتا ... فان تم تعيين المحافظين مسلمين مثل كل عام لما كان هناك جديد ولم يكن هناك من سيجرؤ على الاعتراض كالعادة .... واعتقد ايضا انها ليست منة او عطية من الرئيس للاقباط .. ولكنه قرار سليم في وقت حرج .. ومع ذلك فاعتقد ان المهمة الان الملقاة على عاتق هذا المحافظ المسكين .. واصر على كلمة المسكين ثقيييييييييييييييلة جدا وطبعا عارفين انا قصدي اية

Mrs 2ana 7or

01-01-2006, 10:29 AM

خبر جيد جدا ويعتبر هدية الكريسماس في العام الجديد ...
ولكن مع احترامي لكم ولمايكل منير .. ومع عدم تقليلي من قدرة او قدر دعوتة ونضالة الا انى اري انه ليس له دخل في الامر بتاتا ... فان تم تعيين المحافظين مسلمين مثل كل عام لما كان هناك جديد ولم يكن هناك من سيجرؤ على الاعتراض كالعادة .... واعتقد ايضا انها ليست منة او عطية من الرئيس للاقباط .. ولكنه قرار سليم في وقت حرج .. ومع ذلك فاعتقد ان المهمة الان الملقاة على عاتق هذا المحافظ المسكين .. واصر على كلمة المسكين ثقيييييييييييييييلة جدا وطبعا عارفين انا قصدي اية

برافو غلاباوى

elasmar99

01-01-2006, 10:41 AM

الف الف مبروك ونحن واثقين ان الإخوان سيقفون له بالمرصاد زارعين في طريقه الاشواك ونحن في إنتظار قراره اما ان يهادن إخوان الخراب ويصير واحد منهم ويعيش مرتاح او ان يعاندهم ويعمل من اجل مصلحة البلد والناس وبس وده معناه عمل شاق وكفاح ومقالب سخنة من اللصوص وقطاع الطرق الحاقدين. الف مبروك, تصرف ذكي من المبارك.

kotomoto

01-01-2006, 10:48 AM

جايبين الخبر ده منين؟

sammy

01-01-2006, 11:24 AM

حقيقى محافظ مسكين, لكن أتمنى أن يكون من النوع القوى الغير باك على الدنيا وعلى "هايقولوا إيه؟" لو عملت كده او كده.
الموضوع ده فكرنى بصديق لى كان يعمل وكيل نيابة بالأقصر, وبيقول لى انه مرة سأل ضاب المباحث "ليه كل خناقة المسلمين هم اللى يكسبوا رغم ان المسيحيين اكثرية؟"
فقال له يابيه المسلمين صيع لكن الأقباط مهذبين وولاد ناس.
المهم رنا يوفقه.

Mrs 2ana 7or

01-01-2006, 11:50 AM

المهم اكتر ميكونش من عينه الاقباط اللى عشان خايف من كلام الناس يقولوا عنه بيحامى للمسيحين زيه يقون يجى علينا اكتر قال يعنى حقانى ومش بتاع وسايط ولا عنده خيار وفقوس ويبقى القرف منا وفينا والاضطهاد منا وفينا برضه

وللعلم العينه دى كتيييييييييييييييييييييييييير اوى

واللى عايشين فى مصر يحسوها اوى واللى فى غربه يحسوها لماا المصرى يجى على المصرى على حساب اى حد تانى قال يعنى واحد جد وميحبش الوسايط

ربنا يوفقه بس يطلع حقانى لا عاوزين اكتر ولا اقل

Safnat_Fa3nash007

01-01-2006, 12:06 PM

فينك يا فريدي وايه اخبارك
وفين ايامك يا جدع ........ انت مش قولتلي انك حتيجي تعيد العيد عندنا
مالك ماجتش ؟؟؟
--------------
إلا بالحق هو كام محافظ في وهل دا يعني انوا هو الاول والاخير ؟؟؟
وهل سيكون كنبيل بابوي او اتباعه ؟؟؟
ام سيقول للاعور اعور في عينوا ؟؟؟؟؟؟؟؟؟

خطوه جيده ارجوا ان تكمل
انا لا ادري ما هي صلاحيات المحافظ فعندنا مفيش محافظات
بس انشاء الله تكون بادره خير وحسن نيه
وليست عظمه لنسكت !!!

سلام رب المجد معاكوا
اخوكوا 007

غلاباوي

01-01-2006, 02:43 PM

على فكرة صفصف قال حاجة انا كنت متردد اقولها عشان على الاقل يكون عندي تفاؤل وامل .....

ماذا لو كانت القيادة اختارت محافظ من عينة بباوي وميلاد حنا وجمال اسعد .... ؟!!
ووقتها يستطيع وضع اصبعة في عين اي شخص يقول لا يوجد محافظين مسيحين ....
الامر في حد ذاته مفزع... وما اكثر امثال بباوي .... حتى انة قد يعين بدل المحافظ 10
ويكونون محسوبين عليكم اقباط ووقتها سيكون المحافظ المسلم رغم انه مسلم افضل منة بمراحل .... عموما دعونا لا نسبق الاحداث ونتمنى التوفيق للسيد / مجدي أيوب اسكندر

jesus_4_us

01-01-2006, 02:53 PM

جنا ( قنا ) مرة واحدة عجبال اسيوط وسوهاج
وتبجوا ياجبط بجى لجم امبراطورية كبيرة جوى جوى

مش جولت لك يااختى مدام انا حر كل حاجة باوان بس انت خليكى ماسكة فى يده وهاتشوفى عمايل ايديه

نتكلم جد دلوقت . الرجل ده غلبان ومحتاج صلاتنا ان ربنا يقويه ويكفيه غدر الصعايدة

وعلى العموم ده بداية وايد ربنا ممدودة

الخواجه

01-01-2006, 03:14 PM

الاخت jesus 4 us - كلمة غدر الصعيده دي مش لطيفه بتاتا

عمري ما سمعت ان فيه غدر مخصوص للصعيده - و معروف ماهية اخلاق الصعيده و صفاء و نقاء الصعيده العيب الوحيد هي الدماغ النشفه و ده من وضوح مواقفهم و ليس

لخباثتهم و مسكنتهم و نفاقهم كغيرهم من المصريين - و تدكري ان الاغلبيه القبطيه في مصر

صعيده حتي لو عايشين في الاسكندريه او القاهره او اي مكان في مصر

Mrs 2ana 7or

01-01-2006, 03:38 PM

جنا ( قنا ) مرة واحدة عجبال اسيوط وسوهاج
وتبجوا ياجبط بجى لجم امبراطورية كبيرة جوى جوى

مش جولت لك يااختى مدام انا حر كل حاجة باوان بس انت خليكى ماسكة فى يده وهاتشوفى عمايل ايديه

نتكلم جد دلوقت . الرجل ده غلبان ومحتاج صلاتنا ان ربنا يقويه ويكفيه غدر الصعايدة

وعلى العموم ده بداية وايد ربنا ممدودة

يالهوى بالى جيتى تكحليها عميتيها (noo:))

غدر الصعايدة؟؟؟(bob:)
ده اخر انسان يوصف بالغدر هو الصعيدى لان لا اطيب ولا اخلص منه
هو مودينا فى داهيه الا طيبه القلب والمشى دوغرى ؟؟؟
هو النكت طلعت من الغدر ولا من الجدعنه ونشوفيه الراس ؟؟؟
عموما باسمى واسم كل الصعايده اشجب واندد واطالب بالديه المطلوبه لاهانتنا كولاتنا

فيييييينك يا زيييييييكو تاخد بتارنا كلاتنا
ولا انت يا مينا هوت تعالى شوف بيقولوا علينا غدارين
جال غدارين جال

هازولت

Ya Shero

01-01-2006, 03:46 PM

ويكفيه غدر الصعايدة

(MM:} دية هتحصل مجزرة{{yawka]]

هي يا حرام حولت تغير لسانها زي الصعايدة بس وقعت (sml22)

jesus_4_us

01-01-2006, 04:16 PM

يادماعة مالكم كده زى مايكون بينا تار
احسبوها معايا عمركم شوفتوا انه كان فيه عمدة مسيحى لبلد فيها صعايدة مسلمين
هو ده كان قصدى اخواننا الصعايدة المسلمين مش هايجبلوا هذا المحافظ حتى ولو كان بقرارجمهورى زى قرار بناء الكنائس

قرار مبهم ودة طعم وفخ . بس اللى يفهم

وكلنا يااحبائى من الاصل صعايدة

jesus_4_us

01-01-2006, 04:24 PM

ماهو انا اللى ودانى فى داهية الا نشوفية راس الصعايدة والا كان زمانى عايشة عيشة الملوك فى قصر من قصور السعودية

ودمتم

2ana 7or

01-01-2006, 04:37 PM

أعتقد قبل الثورة كانوا الأقباط بيشغلوا مناصب جيدة ... من عمد الى محافظفين الى أعضاء فى البرلمان الى بشاوات الى وزراء الى زعماء ثوريين الى مصلجيين أجتماعيين و حتى رئيس وزراء ....

jesus_4_us

01-01-2006, 05:07 PM

قبل الثورة

ولو انى ماوعاش على الثورة دى لكن فعلا كان لنا وجود فى كافة المجالات

john_602003

01-01-2006, 06:23 PM

قرار رائع لازم كلنا نشكر فيه الرئيس مبارك وده يدل على انه انشاء الله الأمور ها تتحسن ويختفى التعصب شوية والناس المتخلفة تبدأ تعرف أنه فيه ناس تانية عايشة معاهم لهم ديانة مختلفة عنهم . ،ندعى كلنا ونصللى أن الرئيس يستمر فى أحداث التغيير وان الناس المتعصبة تقيل تلك الأمور لأن بدون التغيير فى العقلية الشعبية مافيش حاجة ها تنجح وانتم عارفين ان منصب المحافظ حساس جدا أكثر بكثير من أى منصب آخر ليس له أرتباط بالشارع . عموما لازم نكون أيجابيين ونفرح بالخبر ده ونحيى الرئيس فيه لأن الرجل ده عظيم لكن الناس اللى حوالثه مش مساعدينه ونتمى من كل قلوبنا النجاح للواء مجدى أسكندر وخصوصا أنه تقلد مناصب كبيرة كثير فى مجال الشرطة ومحافظة قنا من المحافظات التى شهدت بعض الأحداث المؤسفة من قبل ضد المسيحيين ولذلك نتمنى له التوفيق وان يتعامل بالمساواة بين كل المواطنين

hanna3

01-01-2006, 06:43 PM

يسوع ربي
اولا واخيرا ننشكر الهنا
وبعدين شكرا يا غلباوي واحييك علي ما كتبت
ويا سيادة الرئيس لن تندم ابدا فسوف تري من الاقباط اكثر مما فعلوة لجمال عبد الناصر (sml1)
وللاقباط هنا اخوتي لا نريد امبراطورية وهبل وسذاجة ودولة مثل ما يروج لة اعدائنا وعلي حسب كلام الكتاب انتهت امبراطورية مصر بامر الرب مثلها مثل اليونان وفارس هذا امر الهي ولن تعود ابدا ابدا
ان كل ما نامل فية هو العدل والمساواة بيننا وبين المسلمين لا اكثر ولا اقل
وتحية مرة اخري لمبارك علي قرار جرئ مثل هذا ونتمني ان تتبعة قرارات اخري اكثر جراة حتي نقود مسيرة الجضار ة جنبا الي جنب مع المسلمين كمصريين اولا وقبل كل شئ
وفي انتظارك في امريكا لنقابلك بترحاب لم يراة ولا حتي بوش او كينيدي
(sml21) (sml21) (sml1) (sml11) (sml11)

maged4m

01-01-2006, 06:52 PM

هذة اجمل هداياالعام الجديد وليس اخرها

maged4m

01-01-2006, 06:55 PM

ان كل ما نامل فية هو العدل والمساواة بيننا وبين المسلمين لا اكثر ولا اقل

fanous2102

01-01-2006, 07:08 PM

ربنا يسند المحافظ الجديد
وياريت يكون
صعيدي قبطي جامد بصحيح
لان الاخوات المسلمين مش هايسيبوه في حاله
لافي الجرائد و لافي محيط عمله و لا في محافظته

fayoumy

01-01-2006, 09:37 PM

يجب ان نعطي لكل ذى حق حقه ...الشكر واجب للرئيس مبارك علي هذه الخطوه ..ونحن في انتظار المزيد من هذه الخطوات الشجاعه

ممكن تكون الخطوه دى نتيجه لزياره مايكل لمصر ....

ربنايكون مع الحق والانصاف

fredy_kroger

01-01-2006, 10:16 PM

فينك يا فريدي وايه اخبارك
وفين ايامك يا جدع ........ انت مش قولتلي انك حتيجي تعيد العيد عندنا
مالك ماجتش ؟؟؟

اخوكوا 007

اخي الحبيب صفصف كل عام و انت طيب ....

لم اتمكن من السفر الي مهد المسيح لظروف خاصة تحتم بقائي في مصر .

نشوفك علي عيد القيامة (sml1)

jesus_4_us

02-01-2006, 12:15 AM

معلش يااخوتى حد ممكن يقولى كم عدد محافظات مصر ?

اصل انا كنت شعبة علمى علوم يعنى لاافقه شئ فى الجغراقيا

وكمان لو امكن اين تقع قنا على الخريطة وكم عدد السكان ?

فى انتظار الرد قبل ان نهلل بارسال التهانى لادارة التشريفات

Cancopt

02-01-2006, 01:09 AM

شكراً لله علي هذا و نشكر سيادة الرئيس

ان هذه خطوة جيدة في بداية طريق العدل و المساواة بين المصريين اعضاء الوطن الواحد

Safnat_Fa3nash007

02-01-2006, 01:25 AM

اخي الحبيب صفصف كل عام و انت طيب ....

لم اتمكن من السفر الي مهد المسيح لظروف خاصة تحتم بقائي في مصر .

نشوفك علي عيد القيامة[/COLOR][/B][/SIZE] (sml1)

اهلا وسهلا بك في اي وقت تشرفنا به
زيارتك لنا شرف لنا

سلام رب الكائنات معاك
اخوك 007

boraee

02-01-2006, 02:31 AM

http://www.ahram.org.eg/Index.asp?CurFN=fron4.htm&DID=8719

Safnat_Fa3nash007

02-01-2006, 04:09 AM

http://www.ahram.org.eg/archive/2006/1/2/43491_80m.jpg

(sml7) (sml7) (sml7)

(sml7) (sml7)(sml7)
(sml7) (sml7) (sml7)

Ya Shero

02-01-2006, 04:43 AM

(sml7) (sml7)

yaweeka

02-01-2006, 08:50 AM

شكرا لمبارك على هذه الخطوة الجريئة

حتى لو كان المحافظ الجديد من أمثال بباوى
فالخطوة بحد ذاتها تكسر حاجز عنصرى فرض على الأقباط ، وعلينا ان نرحب بهذا القرار تشجيعا لمبارك ضد التيار الذى يريد ان يذهب بنا جميعا الى الجحيم
نتمنى ان تشجع هذه الخطوة الأقباط على الانخراط فى العمل العام ويخرجوا من قوقعتهم التى فرضت عليهم وفرضوها على انفسهم

ABDELMESSIH67

02-01-2006, 09:18 AM

القرار جاء متأخرا أكثر من عشرين عاما بعد تغيير اللواء فؤاد عزيزي غالي محافظ جنوب سيناء
و قد كان قائد الجيش الثالث الميداني في حرب أكتوبر و لكن لا بأس كبداية .

المفروض أن يتولى أيضا محافظ قبطي محافظة أسيوط و سوهاج لكي تكون النسبة مقبولة
3 من 26 أي بين 10 % و 15 % و هي نسبة مقاربة لتعداد الاقباط .

نقول للأقباط : ما ضاع حق وراءه مطالب و زلزال الاخوان جاء بفائدة فقد أفاق
النظام الحاكم و اعطاه جرس انذار لما سوف يحدث بمصرنا الحبيبة مستقبلا
على يد الاخوان المجرمين .

عبد المسيح

Mike1

02-01-2006, 09:52 AM

شكرا للرئيس مبارك علي هذه البدايه الطيبه لسنه 2006 , أول محافظ قبطي منذ عده سنوات رساله قويه جريئه منك يا مبارك لآخوان الخراب.

لا ننسي يا اخواتي الاعزاء ان رحله الآلف ميل تبدئ بخطوه صغيره

10(): 10(): 10():

مار مينا

02-01-2006, 09:06 PM

سلام المسيح معاكم
احنا من حقنا انه يبقي مننا ناس في كل مناصب الدولة وفي اي منصب مهما كان له من حساسية لاننا مصريون ...وحكاية المحافظ دي حاجة كويسة
لكن تعالوا كده نفكر ممكن يحصل ايه .. لو الاقباط في قنا ارادوا ان يجددوا ويرمموا الكنائس .. ورفعوا طلب للمحافظ ((( القبطي ))) وجاء قراره برفض الطلب لدواعي امنيه لان طبعا امن الدوله هتدخل .....ايه رايكم ....؟؟؟؟؟؟؟ هل ممكم ده يحصل ...؟؟؟

Saweres

02-01-2006, 10:53 PM

سلام المسيح معاكم
احنا من حقنا انه يبقي مننا ناس في كل مناصب الدولة وفي اي منصب مهما كان له من حساسية لاننا مصريون ...وحكاية المحافظ دي حاجة كويسة
لكن تعالوا كده نفكر ممكن يحصل ايه .. لو الاقباط في قنا ارادوا ان يجددوا ويرمموا الكنائس .. ورفعوا طلب للمحافظ ((( القبطي ))) وجاء قراره برفض الطلب لدواعي امنيه لان طبعا امن الدوله هتدخل .....ايه رايكم ....؟؟؟؟؟؟؟ هل ممكم ده يحصل ...؟؟؟
انت بتقول فيها
ما هو ده اللي هيحصل
أول محافظ قبطي ، يجيله طلب بناء كنيسة لو عداه المسلمين هيقوله آه ما لازم يعديهم عشان هو منهم ... الخ الخ(dig:{
لو قال لأ هيقولوا آه ده حقاني وعادل وابن حلال ومش بتاع كنايس (bay:))

Safnat_Fa3nash007

03-01-2006, 01:20 AM

القرار جاء متأخرا أكثر من عشرين عاما بعد تغيير اللواء فؤاد عزيزي غالي محافظ جنوب سيناء
و قد كان قائد الجيش الثالث الميداني في حرب أكتوبر و لكن لا بأس كبداية .

المفروض أن يتولى أيضا محافظ قبطي محافظة أسيوط و سوهاج لكي تكون النسبة مقبولة
3 من 26 أي بين 10 % و 15 % و هي نسبة مقاربة لتعداد الاقباط .

نقول للأقباط : ما ضاع حق وراءه مطالب و زلزال الاخوان جاء بفائدة فقد أفاق
النظام الحاكم و اعطاه جرس انذار لما سوف يحدث بمصرنا الحبيبة مستقبلا
على يد الاخوان المجرمين .

عبد المسيح

10(): 10(): 10(): 10():

لاحظوا اننا منشكر الرئيس على اعطائه حقنا
اي وضع وصلنا له
على العموم مع انها خطوه غير مكتمله ولكن تشجيعا منا للرئيس للقيام بكمان خطوات سوف نرحب بهذا القرار
--------------------
ولكن يا خوفي يا جماعه من حاجه وحده !!!
انوا هذه الشخصيات تكون بس شغل منظره قدام العالم علشان ينقال انوا مفيش اضطهاد في مصر
يعني يحطلنا عينات علشان يزيل من قدامه الاتهامات بالعنصريه واضطهاد الاقباط

الايام تحكي
فلو كانت هذه خطوه ستتليها كمان خطوات فنحن معك يا رئيس جنب الى جنب
اما لو كانت فقط لمره فهذا ما لا نقبله

سلام رب المجد مع الجميع
اخوكم 007

New_ManII

03-01-2006, 06:05 PM

سؤال للاخوة
هل نصلي من اجل ان يعينه روح الله علي تحمل مسؤلياته حتي وان كان غير مؤمن حتي لا يكون سبب لعنه علي اسم المسيح؟؟؟
اعتقد ان الكتاب المقدس يعلمنا ان نصلي لكل من في السلطة لانه موضوع بحسب خطة الله لحياتنا لكي نحيا حياة امنة... فهل نفعل هذا؟؟

وعدنا يسوع له المجد ان كل ما طلبنا من الاب باسمه يكون لنا. فهل نطلب ان يكون المحافظ الجديد نموذج جيد؟
تحياتي

honeyweill

04-01-2006, 11:40 AM

مكنتش مصدق اول مسمعت الخبر مزل عليا كالصاعقه فضلت اضحك

بجد حسيت ان مبارك متابع للي بيحصل وبيعمل كده علشان يسكت الالسنه الكتير

ويسكت الاخوان ويعرفهم السياسه القادمه 10(): 10(): 10():

برافو... السيد الرئيس مبارك وجابت نتيجه كبيره مجهوداتك مايكل منير ربنا معاك

وكلمه عتاب للاعضاء

ليه مركزين علي فكره نسب في الدوله هو احنا في لبنان هنا
مش عايزن نسب)noP) )noP) )noP)
مصر واحدهhapbirth:) hapbirth:) hapbirth:)
وليه كله بيقول محافظين علي سوهاج و اسيوط علشان نسبه المسيحين كبيره بالعكس
فكره المواطنه هي اننها نعكس الكلام ده مش المسيحين محافظهم مسيحي والمسلمين محافظهم مسلم وهي دي عقده الحكومه الي خايفه منها ولازم ناكد علي اننا مع المواطنه
والتساوي الكامل بين المواطنين المصرين كل واحد حريه عباده وبناء دور عباده و خوف علي الاخر واحترامه وعمل اختلاط كامل كي نكون قوه في وجهه اعداء الوطن مصر
وليه ميبقش محافظ القاهره مسيحي لو مؤهل لذلك او اسكندريه او المنصوره او الشرقيه او اي محافظه من 26 (sml4) (sml4)
الفكره في المؤهل للامساك بالمنصب مش بدافع ديني طائفي والا نبقي كلنا مسلمين ومسيحين بناقض مطالبنا hi:) hi:) hi:)
وشكرا للجميع

para`o

04-01-2006, 04:33 PM

قنا تقع جنوب سوهاج و شمال أسوان
عاصمتها مدينة قنا
بها مدينة الأقصر الشهيرة و هى تحصل على ادارة مستقلة عن المحافظة
تعداد قنا 3 مليون و حوالى 200 ألف نسمة
يوجد بقنا على الأقل مليون و نصف قبطى
معظم مسلمى قنا عرب ينتمون الى قبائل بدوية جائت من مئات السنين من شمال شبه الجزيرة العربية و كذلك من موريتانيا
قنا ثانى أكبر محافظة فى الصعيد بعد أسيوط

Miro

04-01-2006, 06:29 PM

نشكر ربنا
و نطلب منه انه يكون مع المحافظ و يقويه