ازاي تعمل منشورة سياسية تجيب نتيجة
 

[B][CENTER][SIZE="5"][COLOR="Red"][URL="http://www.tarekshalaby.com/2011/05/create-political-flyer-arabic/"]ازاي تعمل منشورة سياسية تجيب نتيجة[/URL][/COLOR][/SIZE][/CENTER][/B]

ترجمة مريم عثمان

زمان كان توزيع المنشورات ده بيتعمل في الاستخوبس واللي كان ماشي فيه ياما شاف. أما دلوقتي ده بقة العادي عشان تعلن عن فكر أو نشاط وتعرف الناس بيه، ويعتبر مهم لأي مجموعة سوا كانت اتحاد مستقل أو قوة سياسية أو حزب . ويعتبر أهم من المواقع الاجتماعية م الناحية العملية.

الورق ده كان موجود منه ع الأرض، هو أساسا ماكنش يشجع ع القراية. عشان كدة قررت أكتب التدوينة ديه عن الخطوات اللي لازم نعملها وإحنا بنصمم منشور يكون له قيمة ويقدر يوصل الرسالة بتاعتك. وحتى لو كانت الماديات مش قد كدة. دي كام نقطة لازم تاخد بالك منها لما تيجي تصمم وتطبع منشور ناوي توزعه في الشارع:

[B][COLOR="red"]1. الإنجاز مش طالبة وجع دماغ[/COLOR][/B]
لازم تركز على شوية نقط من غير كلام كتير. محدش عنده دماغ يركز معاك كام ثانية على بعض، شوية وهيسرح في حاجة تانية. فكر في المنشور ده على إنه حاجة معبرة، إعلانية مش تفاصيل كاملة عن حركة مثلا. لو إنت قعدت تنتع في قلبك عشان تزنق كل حاجة في ورقة واحدة فده معناه في الغالب إنك حاطت معلومات أكتر م اللازم.

[B][COLOR="red"]2. قطع أقل، جمل قصيرة أكتر[/COLOR][/B]
محدش عايز يدخل في كلام كتير. الجمل القصيرة أسهل في القراية عشان بتخلي اللي بيقرا يطنش نقط أو يقف عند نقط. يعني قمة التفاؤل لو إنت فاكر إن في كتير مستعدين يقعدوا يقروا كلام كتير ويحاولوا يطلعوا كام معلومة مهمة من وسط السطور. أحسن حاجة، إن المنشور يكون في صورة خمس نقط أساسية تحت كل نقطة سطرين شرح.

[B][COLOR="red"]3. استخدم الألوان لو ممكن، بس من غير شخلعة[/COLOR][/B]
أكيد الطباعة الأسود والأبيض هي الأرخص، بس لو الميزانية تسمح ممكن تستخدم لون أو اتنين كمان، هيخلي المنشور يشد العين أكتر. بس ابعد عن الألوان المفرقعة اللي بالعادة بتضايق العين، ده غير تكلفتها.

[B][COLOR="red"]4. مقاس A5 أحسن من A4[/COLOR][/B]
مش لازم المنشور يكون مقاس A4. إحنا قلنا قبل كدة الكلام اللي هتحتاجه عشان تملا صفحة بالمقاس ده هيكون زيادة عن اللزوم. غير إن لو واحد عايز يطبق ورقة بالمقاس ده أو يمسكها عشان يقراها هيعاني. أما مقاس A5 (وده نص مقاس A4) يناسب الجيب بعد ما يتنى مرة واحدة، ومكن تمسكه بإيدك بسهولة وقت القراية. ممكن تطبع على الناحيتين، وتخلي ناحية للنقط الأساسية ومعاه تفاصيل للتواصل للي عايز معلومات زيادة.

[B][COLOR="red"]5. استخدم رسم توضيحي أو مخطط[/COLOR][/B]
ما تفكرش تطبع صورة. هتكون مكلفة غير إن جودتها نادرا ما هتساعدك توصل رسالتك. مع ذلك ممكن رسمة كارتون بسيطة أو كاريكاتر يشد جمهورك بطريقة تشجعهم يقروا باقي الرسالة. أحيانا ممكن المخطط يساعدك توضح وجهة نظرك.

[B][COLOR="red"]6. خليه ياخد موقف، أعمل إيه دلوقتي؟[/COLOR][/B]
عمر ما كان الهدف من أي منشور قرايته ورميه. دايما مطلوب يتعمل حاجة. ركز ع النقطة ديه. وخليها واضحة في آخر رسالتك (عشان ف الأول ممكن يكونوا لسة مش مقتنعين). وكل ما تكون العبارة قصيرة تأثر بشكل أحسن. مثلا عبارة “قول لأ” تعمل أثر أحسن بكتير من جملة طويلة بتطلب نفس الشئ.

[B][COLOR="red"]7. أروح فين لو عايز أعرف تفاصيل أكتر؟[/COLOR][/B]
إوعى تنسى إن المنشور بيقول رسالة محددة، اللي هيتشد بيها هيكون محتاج إن حد يقول له فين ع الانترنت يلاقي معلومات زيادة. وأحسن مكان تبعته ليه هيكون الموقع بتاع الحركة أو المنظمة ع الانترنت أو صفحة ع الفيس بوك أو هاشتاج على موقع تويتر (مش لازم دايما حساب على موقع تويتر عشان تتابع الكلام المكتوب في الهاشتاج)

مثال
منشور كان بيتوزع أيام الكلام على التعديلات الدستورية، أنا عن نفسي أديله 8 من 10

[B][CENTER][SIZE="3"][COLOR="red"][IMG]http://www.tarekshalaby.com/wp-content/uploads/2011/05/front-520x390.jpg[/IMG]
Front side
[IMG]http://www.tarekshalaby.com/wp-content/uploads/2011/05/back-520x390.jpg[/IMG]
Flip side[/COLOR][/SIZE][/CENTER][/B]

مميزاته:
مقاسه مثالي
فيه شوية ألوان من غير فرقعة
فيه دعوة قوية تحركك
جدول بيعرض الكلام في نقط
مفيش كلام كتير ملزق في بعضه
العيوب:
مش مكتوب ولا موقع ع الانترنت ولا صفحة فيس بوك ولا تويتر
كان ممكن على ضهر المنشور يكون في رسمة توضيحية أو ممكن استخدام ألوان أكثر شوية تعمل فرق بين نصين الجدول.

[B][COLOR="red"]إتعلم من غلطك[/COLOR][/B]
قياس نجاح المنشور بتاعك هيكون عن طريق التعليقات بتاعت الناس اللي اتوزعت عليهم في الشارع. لما تبقى حتة ورقة حديث الشارع فأكيد إنت عامل حاجة كويسة. مش ضروري تكون دي الوصفة الوحيدة عشان تعمل أجمد منشور، بس أظن لو إنت جربت تطبق الكلام المكتوب فوق، فإنت كدة عرفت السكة.