محاولة لأزالة وحل جزء من مشكلة الأحتقان الطائفى اذا صدقت النوايا
 

لاحظت فى الاونة الاخيرة ان اهم سبب للأحتقان الطائفى بعد مشكلة دور العبادة وبنائها هو تحول بعض الفتيات المسيحيات الى الاسلام او العكس ثم زواجهن الفورى من اصحاب الدين الاخر مما يسبب تهيج للشارع المصرى لوجود شبهة اغتصاب او خطف او ابتزاز جنسى للبنت وبجلسة هادئة مع النفس بعيدة عن التعصب لأى دين بعينة لكن تغلب عليها مصلحة الوطن الحبيب مصر اقترح الاتى لحل تلك المشكلة الخاصة بالبنات والسيدات المتحولات للدين الاخر مسيحيا او اسلاما
اولااذا كان التحول بغرض الزواج فلا يتم الزواج الا بعد مرور سنة على الاقل من التحول للدين الاخر حتى تكون البنت قد تأكدت من اقتناعها الكامل بالدين الجديد والمامها بشعائرة وحتى لا يكون الزواج نتيجة شبهة اغتصاب او ابتزاز جنسى
ثانيا لو كان الزواج مع احتفاظ البنت بدينها القديم يكون زواجا مدنيا ويحق للزوجة مثل الرجل تماما فى اتخاذ قرار الانفصال مع الاحتفاظ بحضانة الاطفال الناتجة عن هذا الزواج وذلك لفترة انتقالية مدتها خمس سنوات يمكن بعدها ثوثيق الزواج دينيا وتطبق الشريعة علية ويمكن للزوجة فى حالة الرغبة اتباع دين زوجها دون اجبار او قهر وفى جميع الحالات لا يجوز للفتاة اتخاذ اى من القرارين الا بعد بلوغها سن الرشد طبقا للقانون وهو واحد وعشرون سنة اويتم ذلك بموافقة الولى الشرعى لها فالزواج بالشريعة الاسلامية لا يتم للبنت الا بموافقة الولى الشرعى او بلوغها سن الرشد ويمكن تقنين تلك الشروط بقانون مثل قانون حماية الاسرة مع دراسة التفاصيل المكملة لة والتى تحافظ على التعادلية بين المواطنين المصريين وتلغى نهائيا ادعاءات الخطف والاغتصاب وتوقف محاولات الاسلمة او التنصير بسبب ابتزاز جنسى او اخلاقى وتزيل جزء كبير من الاحتقان بالشارع المصرى هذا رأى قد اكون مخطئا بة لكنى ارحب بالنقاش والرأى الاخر واشكركم _ بيتر المصرى

مشاركة: محاولة لأزالة وحل جزء من مشكلة الأحتقان الطائفى اذا صدقت النوايا
 

حلو جدا وحل مميز

مرحبا بك في المنتدي

الرب معك

مشاركة: محاولة لأزالة وحل جزء من مشكلة الأحتقان الطائفى اذا صدقت النوايا
 

[center][font="arial black"][size="5"]الحكاية مالهاش علاقة بالدين الموضوع ومافية ان المسيحيات شكلهم احلى من المسلمات لان المسيحين اختلطوا بالرومان واليونان والفرنسيين والانجليز فتلاقى بناتهم ( شكلهم حلو ) اما المسلمين اختلطوا بالعرب والفرس عشان كدا بناتهم شكلهم عادى لكن الدين خلاص مبقاش يفرق مع الجانبين فانا ممكن اتجوز واحدة مسيحية واوصلها كل يوم حد للكنيسة وهى تصحينى كل يوم جمعة عشان اروح اصلى ( فالاحتقان الدينى دا مش اكتر من مصالح وناس بتستفاد منة ) فا انا لو هستفاد من الخلاف الطائفى اية اللى يخلينى اعمل على انهاءة لكن المشكلة ان ناس قليلة هى اللى بستفاد لكن الاغلبية بنتضر فتخيل لو حصلت حرب اهلية بين المسلمين والمسيحيين مش هيعدى 5 سنين الا والمسيحين حصلهم زى ما حصل لليهود فى مصر لان 60 مليون مسلم امام 15 مليون مسيحى تعنى كارثة بالنسبة للمسيحيين لو فى اى شارع فى بيت مسيحى فى مائة بيت مسلم ( وانا شخصيا نادم جدا على ان اليهود خرجو من مصر ومش عايز يحصل دا مع المسيحيين لان المسيحيين جابو عباقرة امثال نجيب محفوظ ومجدى يعقوب وبطرس غالى ) واليهود لما خرجوا من مصر راحوا اسرائيل وخلوها قوة مفزعة وراحوا هوليود وجعلوا منها مدينة اسطورية بعد ما كانت مصر بفضل حسن ومرقص وكوهين بلد عظيمة خرج كوهين وخايف جدا على مرقص ليخرج هو كمان هتبقى مصيبة [/size][/font][/center]

مشاركة: محاولة لأزالة وحل جزء من مشكلة الأحتقان الطائفى اذا صدقت النوايا
 

تحياتى للأخ مؤمن بالحب وارحب بك لكن لى تعقيب على سيادتك المسيحين المصريين لن يتركوا مصر تحت اى ظرف لأن حب مصر يسرى كالدم بداخلهم والقصد من الفكرة بالمقال هو حل علمانى بعيد عن التعصب لدولة نتمنى ان يكون نظامها الدستورى علمانى يحافظ على حق المواطنة فالانسان حر رجلا كان او امرأة فى الزواج بما يريد مسيحى او مسلم ودة بيحصل فى دول راقية بمنطقتنا ***نان دون اى فتن طائفية لأنة بيحدث بكامل الحرية ودون تمييز لدين معين وكمان اذا شعر احد طرفى الزواج برغبتة فى العودة لدينة القديم لا يهدر دمة لكن فى مصرنا العزيزة دايما اللى بيغير دينة للزواج هو المسيحى الرجل او المرأة ودة بيحصل بمباركة الدولة والامن اما لو حاول احد قلب الصورة فياويلة وسواد ليلة وعدم المساواة والكيل بمكيالين هو اللى بيعمل الاحتقان الطائفى وبيدى الاحساس للطرف الاخر ان ابنة او بنتة اتخطفوا منة وعلشان كدة لازم يبقى فية خط رجعة واضح ويقنن هذا الموضوع اللى انا بأعتقد انة فى نفس اهمية قانون بناء دور العبادة الموحد وشكرا لك على اطراءك على جمال القبطيات المسيحيات والمسلمات اللى تصحيحا لمعلوماتك هم كلهم من اصل واحد والجد واحد وانفصلوا بس باسلمة احد الجدود اللى ما قدرش يحافظ على مسيحيتة لعجزة عن دفع الجزية

مشاركة: محاولة لأزالة وحل جزء من مشكلة الأحتقان الطائفى اذا صدقت النوايا
 

[center][font="arial black"][size="5"]انا لم اطرى على جمال القبطيات ( فقط كنت اريد ان اوضح لك لماذا يقبل كثير من المسلمين على الزواج بمسيحيات لانهم يتمتعن بجاذبية شكلية افضل وليس بسبب ان يجعلها تغير دينها عشان يكثر من عدد المسلمين فالمسلمين بيزيدوا كل يوم بالالاف عن طريق الانجاب )

اما بالنسبة ان المسيحيين لن يخرجوا لان عشق البلد يجرى فى دمهم فا انا واثق من ذلك ولكن ماذا يفعلوا اذا وجدوا انفسهم محاصرين داخل حرب اهلية اذا قتل فيها 20 مليون مسلم سيبقى خمسين اما اذا قتل عشرة مليون مسيحى لن يبقى لهم سوى ان يغادروا وهذا ما يفزعنى ( فلن استطيع ان ارى اولاد بلدى يتقاتلون اولا والبعض الاخر مهاجر يبنى ويشيد فى بلد ليس وطنة ) فالاحتقان الطائفى ياتى اولا واخيرا فى مصلحة المسلمين المتشددين الذين يريدون الوصول الى السلطة واستخدمو الدين ليصلوا الى اغراضهم فارجو من المسيحين المعتدلين ان يتكاتفوا مع المسلمين المعتدلين لكى يقفوا ضد التعصب والتشدد فلا نريد ان يحدث لنا ما يحدث فى لبنان او العراق [/size][/font][/center]

مشاركة: محاولة لأزالة وحل جزء من مشكلة الأحتقان الطائفى اذا صدقت النوايا
 

يا أخى الحبيب ما دة اللى احنا بنؤذن بية فى مالطة مهو علمانية الدولة هى الخالق الناطق تعاون المسلم المعتدل مع المسيحى المعتدل برضة لقيام دولة الحب والمواطنة البعيدة عن التعصب لأى من الدينين لكن عشق اهلها يكون خالصا لمصر ولريحة اى مصرى وانا ارحب بك وامد يدى لك مؤيدا لذلك اما عن قتل الاقباط فأحب اطمنك ان السيد المسيح قال ان ابواب الجحيم لن تقوى عليها قاصدا الكنيسة لكنة برضة لة المجد حذرنا بأن فى العالم سيكون لكم ضيق لكن ثقوا انا قد غلبت العالم ودة اللى خللى المسيحيين يتحملوا الاضطهاد على مر التاريخ واللى ها يخليهم يتحملوة اذا حدث اليوم دون ان يفكروا فى الهروب اوهجرة من مصر فدمائنا تسفك وتسيل بمصر اذا اراد اللة لتروى شجرة شهدائنا وللحفاظ على الايمان الغالى اللى سلموا لنا جدودنا القديسين لكن لى ملاحظة لك ولكل المصرين الشرفاء ما نحاول ننسى موضوع الدم دة ونفكر فى بلدنا شوية وازاى نحاول نرتقى بيها بين الامم الاخرى لأن فية مواضيع هامة جدا تؤثر على بقاء مصر اهم من قضية مسيحى ومسلم اللى ها تودى البلد فى داهية ودى امثلة للقضايا المصيرية اللى بتواجها مصر ومحتاجة جهد كل وطنى مثلا قضية الطاقة والطاقة النووية وقضية الاكتفاء الذاتى من القمح والغذاء وقضية التعليم والبطالة وقضية عنوس الشباب والشابات وعزوفهم عن الزواج كذلك الغام الساحل الشمالى وطرق تطهير تلك البقعة الغالية من ارض مصر للأستفادة منها زراعيا بالزراعة عن طريق المطر وتعدينيا وسياحيا وقضايا اخرى كثيرة تحتاج الى فكر واعى وتكاتف ايادى كل المصرين اعتذر عن الاطالة واشكر لك سعة صدرك ومرة اخرى امد يدى لك ولكل حر بقلب مفتوح لحب كل مصرى