رسالة خاصة لقداسة البابا شنودة
 

حضرة صاحب الغبطة والقداسة البابا شنودة الثالث آدام الله رئاستكم للكهنوت سنين عديدة
أطلب من الرب يسوع المسيح ألأن تصل اليكم هذه الرسالة

لماذا حتي الآن لا توجد قناة فضائية باسم الأقباط لنشر الوعي بين الشعب القبطي في الداخل والخارج
هل من المعقول انه للآن لا توجد قناة واحدة قبطية مصرية لبث العظات والقداسات لكل المصريين في الداخل والخارج .

أني أعلم أن تكلفة ايجار القناة الفضائية مكلف جدا . لكن هل هذه التكاليف لا يقدر عليها كل الأقباط في مصر والعالم
نرجو يا سيدنا النظر في هذا الموضوع نظرة جادة حيث قداستكم كنتم قبل رسامتكم بطريركا كنت أسقفا للتعليم .. وهنا يأتي دور الكنيسة في التعليم والوصول للبيوت في بقاع العالم

صلي عني
ابنكم الخاطيء
بولا

لا يا عم بولا الموضوع علشان يبقى أحسن وأحسن
يبقى قناة أرثوذكسية لأرثوذكس الشرق الأوسط من كل الطوائف
( أقباط ويونان وأرمن وسريان وروم وغيرهم من اطوائف الأرثوذكسية فى الشرق الأوسط )
علشان على الأقل التكاليف تتوزع ونبين اننا متحدين فى العقيدة ونقف فى وشف أى خلاف

ياريت يا ساويرس الموضوع دا يصل لكل القيادات الدينية في العالم كله سواء البابا شنودة أو أي بطريرك أرثوذوكسي في العالم كله .. لازم صوتنا يصل للعالم ..

ياريت حد علي صلة قريبة للبابا شنودة يصل له هذا الموضوع وتلك الآراء

وليه ما يكونشي فيه اتحاد اعلامي علي الكنائس الأرثوذكسية في كل العالم .
ربنا يوفق الجميع

سلام و محبه ربنا يسوع المسيح

عزيزى بولا يمكنك ارسال هذة الرساله لقداسه البابا علي الموقع الخاص به.




[url]www.copticpope.org[/url]

احنا يا أخوتي لازم نوصل صوتنا للبابا كلنا مش لوحدي

فكرة جميلة , بس انا راي بلاش ندخل السلطات الكنسية في الموضوع , علشان نقدر نقول الي احنا عاوزينه و بحرية و بدون اية ضغوط. يعني تصبح قناة مستقلة بتمويل رجال اعمال اقباط , والمواضيع الروحية تحت اشراف للكنيسة

يا آثا نقصد قناة دينية وليست قناة سياسية
قناة تجمع الأرثوذكس كلهم بمختلف طوائفهم
ليست سياسية لأن الأقباط يعتبروا فى مصر رهينة اذا اتكلمت فى السياسة والحقوق هتلاقى الحكومة خرّجت فجأة من معتقلاتها حوالى 10000 ارهابى من أسوأ الأصناف وهيولعوا البلد
طبعا لازم تكون على القمر الأوروبى إسوة ببقية القنوات
والفائدة منها هو نشر الوعى الأرثوذكسى وكل كنيسة تاخدلها يوم فى الأسبوع أو حاجة تستخدمه فى تعليم لغتها وتاريخها وتاريخ شعبها إلخ ......
ده فعلا اللى نفسى فيه وربنا يوفق

صدوقني انا اتبح صوتي هنا ولية مثلا منظمة اقباط الولايات المتحدة ماتكونش متولية للموضوع لية او تجمع الافكار والناس وتوديها لقداسة البابا
قناة للتعاليم الارثوذكسية والقدسات واسبوع الالام كاملا ياريت الف مليون دشليون مرة ولكن بعيدا عن السياسة فناة هدفها الوعي الديني والعمق الديني وتعليم اللغة القبطية وطقس الكنيسة الجميل وممكن كمان يكون فية ندوات تسال فيها الناس عن ما يحيرها سواء بالميل او البريد الالكتروني وكمان ممكن للقناة ان تعمل نغمات مسيحية جميلة لكل انواع الموبيل وكمان لوجو مسيحي ويمكن بيعةويكون مصدر من مصادر الدخل للقناة
نتمني ان نراة في القريب العاجل