Mirage Guardian
 

أولا أسف لوضع الموضوع هنا لكن لضمان سرعة الرد..
أحاول أرسال رسائل خاصة لك و صندوق رسائلك مغلق أو وضعتني علي قائمة التجاهل أو صندوقك ممتلأ و يجب تفريغه ..
و أدي الرسالة :

فيه موضوع شاركت فيه أسمه ( أريد حلا ) و لا أجده و غالبا تم حذفه أو نقله لمنتدي المشرفين أو الـ Gold User >>
كنت فقط عايز أعرف سبب نقله أم هو الخوف من رجوع الأهلاوية ..يييه .. أقصد الفجلاوية ..
(kill:
(bay:))
سلام المسيح يكون معاك

الخوف من رجوع الأهلاوية ..يييه .. أقصد الفجلاوية ؟؟؟؟

ومين قال إن الفجلاوية مشيوا يا كوبتيك؟؟؟

كل الحكاية إن الأمور هادية حاليا لأن مفيش فكراوية يعكروا صفونا زى الأول...



(kill:

سلام ومحبة للجميع..

صباح الخير يا كوبتك نايت..
الموضوع تم نقله بالفعل للمحذوفات بكل أسف..
[url]http://copts.net/forum/showthread.php?s=&threadid=2746[/url]

والسبب يا عزيزى ليس خاص بالفجلاوية أو غيره.. أنا رافض موضوع التقسيم ده وشايف كل واحد فينا أوقات بيبقى موضوعى وجاد وفى اوقات تانيه بيبقى دمه خفيف

سبب الحذف (أسباب الحذف) كثيرة جداً.. لكن بكل أسف الأسباب دى واضح انها منتشرة لدرجة انها أصبحت عادة وسمة للمكان لدرجة اننا تعودناها ونسينا ان ده عيب..

- مافيش موضوع أصلا.. ده منتدى للحوار وانا قريت المكتوب لا لقيت تساؤل مهذب ولا استفسار برئ ولا أى حاجة يرد عليها الطرف الآخر (اللهم إلا بالبسملة والحوقلة أو تبادل الشات بنفس المستوى بلا موضوع)

- الاستخفاف بعقيدة الغير.. كونى أنظر للمسلم على انه شخص أحمق مضحوك عليه دون تقدير للموروثات يعنى أننى أتيت إلى حوارات الأديان أما بطريق الخطأ أو من أجل تفريغ على حساب مشاعر الآخر

- إزدراء الرموز الدينية.. طريقة التحدث عن رسول الاسلام انه "شارب زبيب" طريقة مرفوضة تماما


وصدقنى يا كوبتك عجبنى ردك جدا لأنه واقعى:
[quote]أخيرا ظهر المهدي المنتظر خليفة المعتزل بوش المنتصر في قيادة شعب الفجلاوية المستتر للسع قفا أتباع الوحش المندثر بأدبيات الهجاء المقتدر .. وسلملي علي من أتبع الهدي و المني و الفيفي و ألأحمد
و من النهاردة أخونا زجل يتبعه لقب صلعم زي بقية القيادة
موافقين يا جماعة؟؟[/quote]

كثير من رواد المنتدى يرون أنه مصمم (للسع قفا المسلم)..
نحن لسنا فى ساحة حرب أو سيرك كل واحد يتتريق على مسلم من خلف الشاشة محتمياً بالكثرة العددية (وأبو مين ما يخدم فى المواضيع دى)
طبعاً دى لا شطارة ولا جدعنة.. ده تفريغ كبت..
وياريته بفايدة.. (اللهم الا كسب سخط الآخر وعدم احترامه)

أناس كثيرون من المسلمين وجهة نظرهم أن المنتدى (بلطجى - همجى - بيعمل فتنة - بينشر أكاذيب - الخ الخ)
وبرغم خطأ وجهة نظرهم.. إلا أنى لا أجرؤ على لومهم على أن يصل تفكيرهم إلى هذه الصورة.. هم على حق فى ظنونهم إن كانت مثل هذه المواضيع شعبية ومثار ترحيب..
لمصلحة من كل هذا؟ لما قصر النظر فى رد فعل مداخلاتك مستقبلاً؟
أنتم تمثلون المسيحية.. لذا رجاء المحافظة على هذه السمعة..
فما نرفع به رأسنا فى خيلاء من شهداء ماتوا من أجل الايمان.. يسقط فى قصيدة زجل حينما نرى ايمان اليوم..
كيف يمكن أن أحذف موضوعاً لمسلم يستهزئ فيه بالمسيحية إن تركت مثل هذا الموضوع؟
كيف أصلى لربى طالبا منه المعونة فى الردود هنا إن كنت أقضى وقتى فى المرح والتريقة على خلق الله؟

عفواً اخوتى فى المسيح..
فمن سيحاول (لسع قفا مسلم) لن يجد منى سوى صفعات وتوبيخ وانتهار وعظات.. عله يدرك من هو.. وماذا يفعل هنا.. ومن أجل من..

تحياتى ومحبتى

سلام المسيح معك
أشكرك علي محبتك و لطفك و هذا الرد المقنع مع تحفظي بأهمية لسع قفة أتباع الوحش لكن بالمنطق و الدليل ..
فيه نقطة لم توضحها و هي الخاصة بصندوق الرسائل الخاص بك
تحياتي و محبتي

محبة وسلام يا عزيزى..

اتفق معك فى تحفظك (بس بلاش المسمى ده).. واعتقد انك فاهم وجهة نظرى تفصيلاً فى الغسيل والمكوه من حوار سابق فى القسم الخاص..


بالنسبة للرسائل الخاصة..

انا من فترة وتواجدى على المنتدى قل بسبب ظروف شغل زى الزفت.. بادخل تخاطيف ومش بالحق اتابع كل المواضيع..

فى الأول كنت بافضى الرسائل أول باول.. طبعا نتيجة تباعد فترات دخولى ممكن أدخل ألاقى 10 رسائل مع بعض مثلا.. وماكنتش بالاقى وقت أرد على الكل (لأنى داخل تزويغ)

ناس كتير زعلت منى وافتكرت انى باطنشها زى فانوس مثلا.. وبصراحة عنده حق أنا اللى ملخبط.. انا فاكر انى رديت على رسالة لـbola بعد 20 يوم مثلا.. وعندى بتاع رسالتين من نت مان مارديتش عليهم من كام شهر (زمانه بيقول عليا كلام فى العضل وانا استاهله فعلا)


الفترة دى.. أزمة الوقت زادت أكتر.. فكرت انى أسيب الرسائل تملا الصندوق لآخره علشان صاحب الرسالة يعرف ان الصندوق مليان وبالتالى مايزعلش ويقول مطنشة

طلعت انت دلوقتى بحتة مافكرتش فيها انا.. انه يظن انى حاطه فى قائمة التجاهل (do:)

أحب اوضح ان فى منتديات php عموما.. الموديراتور لا ينفع يحط حد فى التجاهل ولا ينفع حد يحطه فيه

عموما هالف أمسح كام رسالة ونمشيها مطنش أحسن من حكاية ضايف ناس فى التجاهل دى

تحياتى ومحبتى

God bless you