منتدي منظمة أقباط الولايات المتحدة

[CENTER]
[SIZE=4][COLOR=DarkRed]رباعيات
****

أقلع غماك يا ثور ....وارفض تلف

اكسر تروس الساقية...واشتم و تف

قال: بس خطوة كمان ...والصبر حلو

هوصل نهاية سكتى وللبهايم...هردح وازف

********

من ارض الهروب بكتب وخطوتى ترتعش...تئن

من ارض الكروب بكتب بقلم يبكى....يحن

من ارض مصر بكتب ...بفضح الفاجرين

اكتب لكل قلب حزين ..لكل انسان وجن

*******

طربة فخمة فيها الغنى .....اندفن

وحفرة ضلمة فيها الفقير...من غير كفن

عديت عليهم.....وقلت :عجبى..والف عجب

لاتنين ريحتهم فيها نفس....ريحة العفن

*******

صحيت فى يوم شعرت براحة وصفا

الغم زال.... والهم راح..واختفا

خدنى العجب وسألت روحى سؤال

هو أنا مت؟؟والا وصلت للفلسفة؟؟

********

بلدى...بلد الضيق..... والمزلة

بلدى...بلد السبى....... والقلة

بلدى...مبقتش.......... بلدى

بلدى..لا ليها ......دين ولا ملة

********

بين الحياة والموت ....بين لهيب ونيران

ع الحبل ماشين...الجدع ...وال****

عجبى على دة حياة......والف عجب

ازاى انا ..الصياد....بقيت بهلوان[/COLOR][/SIZE][/CENTER]