يابو الهول ...أتحزم وهز
************
يابو الهول ياللى قاعد ع الرمل من زمان
أحكلنا عن أحولنا ....عن كل شبر فى مصر
عن كل بيت وكل ركن وكل مكان
يابو الهول ...ياساكت ع الظلم
ودايماُ نظرك للفضا ...نظرة السرحان
هو عقلك معانا ..ولا صبح فى حالة التوهان
هى نظرتك دة تفكير....وشغل نفوخ
والا نظرتك تدبير.....وفعل شيوخ
هى قاعدتك كدة....قاعدة حارس للانسان
والا قاعدتك....قاعدة فارس أو سلطان
ياعم سفنكس....ياللى الكل بيهابك
أرجوك ...قلب صفحاتك
وأفتح بقى كتابك
أرجوك أنطق ...أتكلم ...وقول الحق
قول الصدق ...حتى ولو ع صحابك
ياعم يابو الرعب والخوف
هو الخوف بقى الايام دة صابك
واللى يكنش الزمن دة.. هو اللى أمرك
تكون راكع لعهدة...والسكات هو عملك
ياعم يابو الفراعنة .....ياجامد
مين خلاك كدة .....هامد
وخلاك للزمن والظروف ..حامد
قوم أرجوك ...مش علشان
تهجم وتتحدى
لا...قوم علشان
تتحزم ....وتهز وسطك شمال ويمين
ترقص ع بلد الحرمية فيها متحكمة
والنصابين فيها بقوا هم الحاكمين
خلاص ...مابقاتش رمز يابو الهول
بقى رمز الجيل ...هو الريس ...أبو الكدابين
تحياتى
صائد الذباب من أمام أبو الهول الحزين