|
كلامك يا حنا عين العقل و أتفق مع كل حرف منة. أكرة أن أكسر مجاديفك لكن فية كذا عقبة واقفة قدام هذة الأفكار الجميلة و أهمهم:
1. خمول الشعب القبطى، أنا مش بتكلم عن كسل الأقباط أو سلبيتهم هنا بل عن غالبية -نعم غالبية- أقباط المهجر اللى لا يهتمون بحاجة إسمها الأقباط، كام مرة أجمع بعض الناس و أطرح كلام مثل كلامك و يقولولى بمنتهى البجاحة إنهم مش مهتمين بالموضوع دة أو مشغولين أو غيرها من الردود الإستفزازية.
2. الكنيسة لها إتجاة لوحدها ساعات يتفق مع الجمعيات القبطية و ساعات يختلف، يعنى تقعد تبنى و تعضد لحد ما تكون جبهة و بعدين ييجى واحد بعمة يقول كلمتين مفرغين من كل منطق لكنهم كافيين لهدم البنية التحتية و تشتيت كل ما عملتة.
طول ما الأقباط معتبرين موضوع حقوقهم دة شئ ثانوى و طول ما الكنيسة لا تعطى ما لقيصر لقيصر فى ظل دروشة الأقباط كأننا نبنى حائط من القش، تيجى أول عقبة من الداخل أو الخارج تهدمة.
أنا عارف إنكم أقباط أحرار و نفسكم تمسكوا فاس و تبنوا مصر جديدة من بكرة و أنا مثلكم لكن أظننا أقلية و لو كنا أغلبية لكان الوضع مختلف. علشان كدة أرى إنة من الأهمية نشر الوعى لهذة الأمور بين أقباط الخارج و الداخل.
الأقباط لازم يفهموا:
- إضطهاد الأقباط فى مصر تحول من مضايقات إلى عمل منظم مدعم بالقانون و قوات الأمن.
- بعض الأقباط يدفعون حياتهم ثمنا لسكوتنا.
- نعم، يمكننا تغيير هذا الوضع.
|