[BAVLY]

زكام بس يارب0000؟؟؟ طب فين السرطان ؟ ولا فيروس (سى)؟ ولا الفشل الكلوى؟ ولا إنفلونزا الطيور؟ ولا الجلطات اللى بتيجى من إرتفاع ضغط الدم اللى سببهولنا ؟ ولا أى حاجة من بعض الحاجات اللى هدانا بيها طول 24 سنة ولسة ست سنين يارب ما تسمحش بيهم علشان خاطر الشعب الغلبان اللى مالوش غيرك ينجده من مبارك وآل مبارك ورجالة مبارك وحكومة مبارك وكدابين الزفة بتوع مبارك ومجلس شعب مبارك ومجلس شورى مبارك وداخلية مبارك ووزارة عدل مبارك ونائب عام مبارك ولجنة سياسات مبارك ومجلس وزراء مبارك 0اللى جابوا لنا إحباط من كتر الفشل بكل أشكاله 0 فشل كلوى 0فشل كروى 0 فشل سياسى 0 فشل تعليمى 0فشل إسكانى 0فشل أمنى0 فشل فى توفير فرص عمل 0 فشل فى الذمة والضمير0 ونجحوا فى حاجة واحد بس يارب 0 هى مص دمنا اللى بيعيشوا من مكوناته0 بقى يرضيك يا رب اللى بيحصلنا ده ؟ يرضيك يارب إن وزير العدل فى مصر يبقى إسمه أبو الليل ؟ طب القضاة يعدلوا إزاى فى الضلمة ؟ 0 إذا كان النور اللى طل علينا سجنه أبو الليل بالزور علشان يضلمها أكتر وأكتر 0 والنائب العام يبقى إسمه عبد (الرئيس) الواحد ؟ ده يرضيك يارب ؟ يا مخلصنا خلصنا منه بقى000000 قولوا ورايا 000 آمـــــــــــــــــــــين