إقتباس:
|
المشاركة الأصلية بواسطة bomboo
.....................
|
بص يا بمبوا انت صدقني جواك انسا ن كويس انت انسان حاسس ان الناس دي هدفها تدميرك
صدقني لا
انت المفروض تنقل صوره حلوه عن الدين وتبعد عن الخطوط الحمراء في الدين
والله الناس دي مهتاذيك انت زعلان علشان بيشتموا تنفيس عن الغضب مش اكتر الناس دي مننا اخواتنا مصرين زينا الدين وصانا بيهم ودينهم وصاهم بينا الاسلام قال علي لسان الرسول لكم في الاقباط خيرا * والدين المسحي قال حبوا الاخرين* صدقني المصرين السميحين واستحملوا ازلال اسلامي كتير علي مر سنين ومن الستينات وهما في حاله مش مظبوطه وقبل كده كانوا بيهانوا وفين في بلدهم تخيل كم التعب الي يكون الانسان فيه لو تتزل في بلدك لان الي كان هنا من العثمانيني كانوا محتلين الشعب وانت معاهم محتل بس هما بسبب ان دينهم مختلف اتزلوا اكتر وتعبوا التمسلهم ولو عزر بسيط وانت هتشوف جمالهم الحقيقي قول بعلو صوتك ان في مسلمين غلطوا والدين منهم بريء وانقل للعالم صوره حلوه عن الاسلام مش بالتبشير والتكفير لا باسلوبك المحترم بالابتعاد عن الخطوط الحمراء في الاديان حب الناس اتعلم تحب يا بمبوا وانت هتدوق طعم السعاده وهتحس بشخصيتك
ثانيا . ا يا بمبوا يا حبيبي انت هجمت اجمل شيء خرج منهم في الفتره الاخيره
اعرفك بيه شاب من المنيا في الصعيد مصري صميم حس بغلطات كتير سافر وهاجر واشتغل وتعب ونجح وبقي عنده ماله وعمله ودراسته وبقي مهندس عنده شركه وربنا اوهبه حب الناس وانا من اشدهم اسمه مايكل منير مصري حاصل علي االجنسيه الامريكيه بسبب الاقامه في امريكا وحقق منظمه كبيره لمطالبه بحقوق الاقباط وهو من ناحيه وايمن نور بيطالب ببقيت الاصلاحات من ناحيه تانيه واديهم بيكافحوا ويحاربوا علشان يخلوا بلدك حلوه مش انت نفسك بلدك تبقي حلوه يا بمبوا
وبعدين طالب بحقوق المصرين ومنهم الاقباط لانهم مهانين في حاجات صغيره بس ليها اثر في النفس لانها تمس معتقداتهم ودينهم وانت زي منتا مش راضيها لنفسك مترضهاش لغيرك يا بمبوا وشوف المسلمين جن جنونهم علشان شويه صور كاركاتيور لا تودي ولا تجيب لكن المسلمين في ارجاء العالم عملوا قلق طيب شتايئم الاعضاء تنفيس من غضب قديم وصبر علي الفرج ان ياتي وتفك العقول المتعصبه التي تحاول هدمهم الناس دي استحملت كتير ومع كل الي بيحصلهم من اهانات في الكلام من المتعصبين عايشين وساكتين وصابرين زي بقيت الشعب لكن هما اكتر لانهم بيهانوا في دينهم
تخيل جزء من نسيج بلدنا بيهان ويهمل زي المصرين المسيحين اخواتنا الي عاشوا في وسطنا واحنا عشنا في وسطهم حاربنا الاحتلال مع بعض وحاربنا اسرائيل مع بعض حررنا اراضينا ونفسنا مع بعض اتبسطنا مع بعض وزعلنا في نكستنا مع بعض اليس من حقهم انت يحترموا في ارضهم يا بمبوا
فكر تاني ومعن النظر واسكت شويه وارجعلنا بثوب جديد يلقيق بالمكان المحترم الي احنا فيه
اتمني ان تكون عن حسن ظني وتعقل كلامي يا بمبوا وتبدا من جديد لو انت فعلا بتحب مصر وشكرا ليك
hamada
آخر تعديل بواسطة sammy ، 05-02-2006 الساعة 06:45 PM
|