|
انا متهيألى ركوب الدين عالسياسة هايخرب الدنيا و اظن مش محتاجين مصايب تانية بعد تسلط الكنيسة الكاثوليكية فى العصور الوسطى و ماحدث من خراب بنعانى منه لحد دلوقت
أو تسلط الكنيسة الارثوذكسية فى روسيا مماادى الى موجات تحول للالحاد رهيبة
او تسلط الجوامع و الشيوخ المسلمين على الفرد المسلم و السياسة و التشريع و القانون للدولة بداية من اوائل السبعينات و خلت حالهم ألعن من الاول مليون مرة
كل دى امثلة تورينا ان الدين لما بيركب السياسة بيبقى زى المسيحى اللى متجوز مسلمة بينتجوا اطفال مشتتة مضللة تلجأ للالحاد فى اخر الأمر غالبا
اللى عاوز ينجح يبعد عن الدين تماما انا مش بقول نكفر بربنا انا بقول نفصل بس مابين الدين و الدنيا
ابسط مثال على كده صدقوا او لا تصدقوا فى الانتخابات الاخيرة فى مصر اسقف أرثوذكسى فى الوجه البحرى دعم الحزب الوطنى لأنه من وجهة نظره بيلبى مطالبه و أسقف تانى فى صعيد مصر كان بيدعم الاخوان المسلمين لأن مرشحهم كان بينفذ طلباته ... عمركم شفتم خيبة و تخبط و جهل اكتر من كده؟؟
|