[وطنى مخلص]

المشاركة الأصلية بواسطة كشكش بيه

سيبوه يغنى، كان غناه رجع فلسطين، الراجل شغلته مكوجى، وأهو كله مكوى وكل اللى عمله انه بخ له كلمتين، وفرش الكلمات وسخن الناس وداس على الوتر الحساس للمسلمين، بس هو طبق اللى حصل فى اغنيته اللى فاتت، فجاء اللحن جاف وكلمات الاغنية محتاجة تنظيف.

مشهد من فيلم مواطن و مخبر و حرامى
المخبر(صلاح عبد الله) و الكاتب الروائى(خالد ابو النجا) يذهبان لزيارة شريف المرجوشى الحرامى(شعبان عبد الرحيم) فى وكره فى محاولة لإقناعه بإعادة رواية الكاتب الروائى التى سرقها
المخبر (صلاح عبد الله) جالسا على الدكة بجوار الكاتب الروائى (خالد ابو النجا) داخل الوكر المظلم فى انتظار الحرامى(شعبان عبد الرحيم)
*صلاح عبد الله [مشيرا لمكتبة ضخمة يمتلكها الحرامى من الكتب المسروقة]: شريف المرجوشى ده راجل مثقف و مطلع شايف الكتب اللى عنده دى كلها ؟ شايف معقول قدر يقرأ كل الكتب دى؟؟ مش عارف بيعمل ايه بالكتب دى كلها
[بينما الكاميرا تصور الحرامى(شعبان عبد الرحيم ) و هو يسحب كتابين من المكتبة و يشعل فيهما النار و يصنع على نيرانهما الشاى لضيوفه و يتوجه لضيوفه مرحبا]
*المخبر(صلاح عبد الله): يا معلم شريف الاستاذ جاى يعتذر لك و يترجاك ترجع لع روايته
- الحرامى(شعبان عبد الرحيم): رواية ؟؟؟؟ رواية ايه؟؟؟؟ هو اللى الاستاذ كاتبه ده يتقال عليه رواية؟؟؟؟ الرواية عشان تبقى رواية لازم تكون بتعلم الناس الدين
يعنى رواية "الفرسان الثلاثة " لويليام شكسبير كتبها علشان يعرفنا على شغل الفتونة و الجدعنة بتاع رجالة زمان و كمان علشان يعرفنا ان الاسلام ده أحسن دين؟ هو مش خلا القسيس فى الفيلم ذمته واسعة؟؟؟ يبقى قصده بالتأكيد ان الاسلام ده احسن دين علشان رجل الدين فيه ما أسمهوش قسيس
يعنى مثلا رواية"شباب أمرأة" أمين يوسف كتبها علشان يقولنا ان اللى يخرج عن سكة الرسول ربنا يفرمه هو مش الحمار فرم الولية فى آخر الرواية؟
يعنى مثلا رواية "الزمردة القرمزية"
*المخبر (صلاح عبد الله)مقاطعا: مين؟؟
-الحرامى: " الزمردة القرمزية نسبة الى قرمز ابن ابى يكن رضى الله عنه و ارضاه و سموه قرمز ابن ابى يكن علشان كان بيحط عطر ريحة حلوة يعنى!!!
*المخبر: آآآآه
-الحرامى: فى رواية "الزمردة القرمزية "موريس لبلان خلا" الارش دوق"
*المخبر مقاطعا: مين؟؟؟
_الحرامى:الارش دوق الارش دوق رجل فى الرواية اسمه الارش دوق
*المخبر: آآآآه
-الحرامى: الارش دوق قال" لأرسين لوبين " أقابلك فى جهنم و بئس المصير
و قالهاله بإيه؟؟؟ بالعربى فى الرواية اللى معايا و العربى ده لغة القرآن و كمان الرسول بيقول ان من آمن منكم بجهنم و بئس المصير فقد اسلم؟؟ يبقى موريس لبلان كتب الرواية دى علشان يعرفنا ان ارسين لوبين أسلم و وحد باللات قبل ما يموت!
+الكاتب الروائى: طيب رجعلى روايتى بقى
-الحرامى: رواية رواية ايه هى دى رواية ؟؟ يعنى فى اللى انت بتقول عليها رواية دى مش البت سنية متجوزة الواد فتوح؟
+الكاتب الروائى: آه
_الحرامى: و مع ذلك سابته و زنت مع صاحبه و لا خليتها تموت و لا تنشل و لا تتعمى و لا تنزل عليها اى مصيبة من السما
*المخبر غاضبا بشدة: البت سنية دى تستاهل قطم رقبتها آه بس لو ايدى تتلايم عليها بت الكاااالب دى
-الحرامى : الرواية قعدت احداثها شغالة خمسة و عشرين سنة
*المخبر: مدة برضه؟
-الحرامى: و مع ذلك ماحدش طول الرواية قرأ آية من القرآن طوال الخمسة و عشرين سنة و لا واحد قرأ حديث للرسول فى الخمسة و عشرين سنة و ولا واحد ركع ركعة فى الخمسة و عشرين سنة و ولا واحد صام يوم رمضان فى الخمسة و عشرين سنة
يبقى انت عاوز تقول ان بلد الالف مأذنة دى بلدة كافرة و كل أهلها كفرة دى بقى تتعد رواية
+الكاتب الروائى بعدم أقتناع: طيب ادينى روايتى علشان اصلحها
_الحرامى: رواية ايه ما هو انا حرقتها و عملتلك عليها الشاى اللى شربته ده
[ثم يشير الى مكتبته الطويلة المملوءة بالكتب] روايتك دى زى الكتب الكافرة دى كلها مؤلفيها كتبوها علشان يشككونا فى الاسلام لكن انا بأعمل عليها أحلى شاى