ليه ما فيش تفاهم الأول...
يتكررأسلوب التعامل بصورة محيرة مع الأقباط من المسؤلين فى مصر
عادة قبل ما يتخذ اى اجراء بالقوة يتم التفاهم اولا و بعدين " يضطروا " ياجأوا للقوة الجبرية اللى شفناها فى كل من دير القديس أنبا أنطونيوس و الكنيسة الأثرية فى أسيوط.
لكن المثير للحيرة و التعجب هو ان السلطات لم تبالى على الأطلاق بأى نوع او وسيلة للتفاهم مع الأقباط و خاصة الأباء الكهنة و الأساقفة اللى لهم وضعهم الدينى اللى يميزهم فى التعامل امام السلطات. ما سمعناش عن مكالمة تليفون او جواب وصل اى من هذه الأماكن " الدينية " للأعلام بوجود مشكلة او خلاف او تعدى على املاك الحكومة او اى سبب من ابتكارهم. لكن دائما ما تكون القوة هى الأختيار الأول للسلطات للتفاهم مع قبط مصر و بالأخص حول الأماكن الدينية اللى لها مكانة فى قلوب الأقباط زيهم زى المسلمين فى تقدير مكان العبادة و عدم الميل للتعامل معه كباقى المبانى. على الأقل اظهار الأحترام فى دخولها و التعامل معها امام اهل الأيمان بها. فما بالكم بالتعدى على من هم داخل الكنيسة و الطقوس المقامة فيها!!
يبقى السؤال...ليه ما فيش تفاهم الأول و استخدام الغشومية فى التنفيذ؟؟؟
أليس من امثال هذه التصرفات نجد الدليل ان أقباط مصر ليسوا فقط دون مستوى اخوتهم المسلمين امام السلطات فى التعامل و لكن ايضا انهم دون مستوى البشر فى الحفاظ على المقدسات و مكانة رجال الدين لدرجة استخدام القوة الجبرية معهم كالمجرمين.
هل هو أعلان من السلطات انه لا تعامل او تفاهم و لا " رحمة مع أمثالكم "
و لا نظام اذا كان عاجبكم؟!!!!!!!
آخر تعديل بواسطة LittleOne ، 24-09-2003 الساعة 11:16 AM
|