|
عزيزي أنا حر.....
أعتقد أن أهدافنا واحدة لكن الطريق مختلف. كلانا ضدد الحكم
الديني أو مع الخنوع لخزعبلات الوهابيين و تهميشنا لكن. أنا
أريد أن تكون المعركة بالعقول بالأستنارة بتحريك كل
العناصر المهمشة. معركتي صعبة لأنها لا ترتكز علي تدخل أمريكا
أو حتي إستغلاله. التدخل الامريكي أجج جروح الحقبة الامبريالية
رجعنا تاني لعصر تستغل فيه القوي العظمي تقدمها للإستيلاء
علي موارد الدول الاخري.
يعني دول مستغلة تتحرك لسد إحتياجتها و دول مستغلة
متأخرة تكون فريسة لأطماع دول أخري.
أنا حر لا تحاول أن تقنعني أن أمريكا تتصرف من منطلق إهداء
الديمقراطية مجانا للدول العربية. أمريكا خلقت أنظمة في
حقب مختلفة كان منها علي سبيل المثال صدام و السعود و حتي
مبارك و بعد كده فجأة أصبحت بابا نويل الديمقراطية.
يا عزيزي العقل البرجماتي للعم سام هيظل دائما بتاع مصلحته
أوروبا و العالم الاول دفعوا دمهم عشان حريتهم مش حرية
غيرهم. أنا معاك أن أمريكا شعرت بتهديد أمني جراء الكبت
السياسي و الاجتماعي لأنظمتنا الاوتوقراطية. لكنها لم تتعلم
من دروس الماضي يعني مثلا الان يتصلوا بالأخوان في مصر و بحماس
في فلسطين و بيدعموا المعارضة الاصولية في سوريا. الله طاب فين
بقي القيم اللي "بيحاربوا" عشانها.
الحقيقة أن أمريكا تحاول التواصل مع أي قوة سياسية لضمان
التابعية السياسية ليها و لبسط النفوذ علي المجتمع الدولي
تفتكر يا أنا حر
نظام صدام أخطر من كوريا الشمالية؟
تفتكر الحروب الاهلية في أفريقيا لم تخلف أضعاف القتلي
بالنسبة للأنظمة الاستبداية في الشرق الاوسط؟
و ليه ديمقراطية هنا بس و سايبة بقيت العالم؟
كلها أسئلة بتدور في ذهني ولا أجد لها أجابة لأستطيع أفتراض
حسن النية لأمريكا.
يا جماعة شوفوا فيلم 9/11 لمايكل مور عشان تعرفوا مدي
تناقد سياسة ادارة بوش.
أنا بأرجع أي حرب أو صراع عالمي لأسباب أقتصادية و مش
بتأثر بالحروب الكلامية عن الاهداف " السامية و الراقية و الجميلة" للحرب.
تحياتي و ديه من أحسن المرات التي خضت فيها حوار في هذا
المنتدي.
سلام
آخر تعديل بواسطة bolbol ، 25-02-2006 الساعة 11:19 AM
|