[حسن صالح]

الاخ /ماجد منيب وعليكم السلام ورحمة الله وبركاته
ما كنت اتمنى ان تصدر منى كلمه او حرف فى حق احد لست صغير السن ولست متهورا ولى اصدقاء وزملاء مهنه مسيحيين بعدد شعر راسى ولا اخجل ان اقول حقيقه اننى ارتاح للتعامل فى تجارتى مع بعض المسيحيين وربما يتعبنى المسلم! فلا المسلمين كلهم ملائكه ولا المسيحيين كلهم شياطيين
ولكن وكما نقول فى مصر هناك خضار لايصلح الا بالسباخ!! هو كده طبيعته كده لو ماكنش يتسبخ ما ينفعش عفانا الله واياكم ولكن هل هذا يمنع من وجود ناس محترمين وعقلاء ابدا ابدا ازورهم ويزورونى فى مقر عملى وفى المنازل ولا اتردد ابدا فى الذهاب الى الكنيسه فى مناسباتهم افراح او احزان
ولكنها الامراض النفسيه عفانا الله واياكم وحتى لا اكون ظالما النوعيات المريضه موجوده فى كل مكان واحكى لك واقعه بسيطه كنت انوى شراء محل بمصر الجديده وبعد ان توصلت مع صاحبه لاتفاق شبه نهائى على الثمن فؤجئت بان احد المسيحيين ويعمل فى تجارة الادوات المنزليه رفع السعر ليشترى هو المحل
اعتبرت ان الامر عادى وانه مفيش نصيب وربنا يعوض باحسن منه وفى نفس اليوم حضر السمسار ومعه بعض اصحاب المحلات المجاوره لى وقالوا ازاى تسيب واحد مسيحى زى ده ياخد منك المحل انت مش عاوف هما بيخططوا ايه دول بيجيبوا بعض والكنيسه بتدعمهم بالفلوس وعايزين يشتروا الشارع كله طبعا كان كلام تسخين والمطلوب منى ان اتحمس وارفع السعر لدرجه ان واحد منهم قال لى لو محتاج فلوس نديلك ببساطه قلت لهم ان المحل لا يلزمنى مش محتاجه ولن ارفع مليم واحد وان شاء الله ربنا حيعوضنى خير وربنا يسهل للجميع
انا مامتش لما ما اخدتش المحل والمقدس اللى اشتراه ما بقاش ملياردير من ورا المحل كل واحد اخد نصيبه والحمد لله رب ضارة نافعه المهم ان ربنا اعطانا عقل نميز بيه لان الانسان لو ترك نفسه وراء غضبه او انفعالاته حيكون الحيوان افضل منه
المشكله ليست وليدة النهارده لها سنين وسنين وحلها برضه محتاج وقت وعزيمه ونيات صادقه ورحمه من الله ادعو الله لنا جميعا بالهدايه والسلام عليكم ورحمة الله وبركاته