[Mena0064]

يا أخ حسن صالح، لا أستطيع إخفاء دهشتى من بعض كلامك

المشاركة الأصلية بواسطة حسن صالح

هل هذا الامر جديد الم يسب ويهاجم الرسول منذ قرون طويله وتم محاربته وايذائه فى حياته وبعد وفاته حتى فى عصرنا الحديث وما يقوم به المستشرقين وكل من يقف ضد الاسلام
يبحثون محاولين العثور على نقائص يهاجمون بها الاسلام هل كل ذلك هدم الاسلام او زعزع مكانة النبى فى قلوب المسلمين اننى كنت من اشد المعاضين على تحول مظاهرات الغضب للمسلمين الى قتل وتخريب لان من قام بذلك حقق بالفعل ما يتمناه اعداء الاسلام اين علماء الملمين ليردوا ويدافعوا عن الرسول وعن الدين ليخرسوابعلمهم وحجتهم الاقلام والالسنه القذره
اما ان تتحول الامور الى غوغاء فهذا غاية ما يتمناه الحاقدين ليقال انظروا انهم ارهابيون!!!!

نظرية المؤامرة ضد الإسلام دى مالهاش أساس من الصحة، مش عارف إنت بتستند على إية فى كلامك. الواقع هو إن الإسلام هو الدين الوحيد الذى يفرض نفسة على التشريع و القانون و لهذا تجد الدول التى يدين غالبية شعبها بالإسلام هى الوحيدة التى تتبنى التفرقة على أساس الدين بإستناد قوانينها على القرآن مع زيادة مقدار التفرقة تناسبا مع مقدار الإستناد على القرآن. فتجد دولة مثل السعودية تمنع دخول الإنجيل لأرضها من أساسة و علنا على الملأ.
كل دول العالم الأخرى أى تعصب أو تفرقة فيها تكون بأيدى أشخاص و ضد القانون مهما إن كانت، إزاى إنت مقتنع إن هذا ظلم للإسلام و المسلمين بل و مؤامرة على الإسلام؟ لو كان فية مؤامرة كانت هذة البلاد منعت بناء الجوامع و منعت المسلمين من الصلاة الجماعية ومنعت الجمعيات و الأنشطة الإسلامية و منعت دخول القرآن و منعت توطين المسلمين و منعت الإذاعات و القنوات و الكتب الإسلامية و وضعت قوانين للتضيق على كل ما هو إسلامى! هتلاقى كل الكلام دة و زيادة حبتين بيحصل فين؟...فى السعودية ضد المسيحيين التى هى منبع الإسلام. ممكن تقوللى أى دولة فى العالم تقنن التفرقة ضد المسلمين؟ سيبك من الأحداث الفردية و خلينا فى القوانين علشان ما نتوهش. أقدر أعد لك على الأقل 20 دولة فيها التحول عن الإسلام جريمة بالقانون ممكن تلاقيلى دولة واحدة فيها التحول عن أى ديانة أخرى جريمة؟ أرجوك أجبنى.

المشاركة الأصلية بواسطة حسن صالح

يكفى ان يسب مسيحى الدين او الرسول ليقوم فيرد عليه مسلم سواء بالسباب او بالضرب او العكس بالعكس فيتدخل الالوف من الطرفين وفى لحظات تخرب الدنيا مثال اخر يكفى ان يعتلى احدهم منبر من المنابر ليلقى خطبه بشكل استفزازى متعمدا اهانة ال***** او الطعن فى عقيدتهم بمكبرات الصوت ويا سلام لو كان هذا المسجد او تللك الزاويه قريبه او ملاصقه لكنيسه! ايضا فى لحظات ممكن جدا تنقلب ضلمه

أعطنى مثال واحد لشيخ شتم فى المسيحية من منبر جامع و المسيحيين "قلبوها ضلمة" على حد تعبيرك؟

المشاركة الأصلية بواسطة حسن صالح

ان الكنائس قد تحولت الى ترسانات اسلحه وتقوله ازاى ياعم فلان يقولك انت مش شايف عاملين اسوار عاليه زى القلاع ازاى وابواب فولاذيه وحراسات ده كمان بتجيلهم فلوس من بره تسد عين الشمس ياعم دى الكنائس بقت بنوك مركزيه وكل مسيحى بياخد اللى هو عاوزه عاوز يعمل مشروع او يشترى محل او اى شىء المهم يسيطروا على البلد واقسم لكم ان واحد مسيحى كان بيدور على شغل قاللى ان الكلام ده ما بيحصل وان الامر لا يتعدى عن بعض المساعدات الخيريه تماما عما يحدث فى اى مسجد او جمعيه خيريه!!

سور الكنائس العالى دة عار على مصر، الكنائس بتبنى سور عالى من قرون عديدة لعدة أسباب أهمها "إحتراما لمشاعر المسلمين" و لا يخفى عليك حماية من البطش. أتمنى أن أرى اليوم اللى تبقى الكنيسة فية زى الجامع فى أمان بدون سور.
بالنسبة لموضوع ترسانة الأسلحة، طبعا إنت راجل عاقل مستحيل تصدق هذا الهراء لكن المدعى بهذة الخرافة ممكن يقوللى إمتى إستخدمنا هذة الأسلحة؟ لو كانت الكنائس فيها حتى عصيان ما كانت الدولة عينت على باب كل كنيسة عسكرى -عار آخر على مصر- ولا يا ترى حتى أمن الدولة مش عارف.