|
فكرة الوطن والوطنية فكرة حديثة مش موجودة لا فى الإسلام ولا فى المسيحية ولا فى التاريخ الإسلامى ولا فى التاريخ المسيحى ، الإسلام بيقول لا فضل لعجمى على عربى إلا بالتقوى ( كلام ) وبيقول بعدم ولاية غير المسلم على المسلم .. يعنى المسلمين لهم الكرامة وغير المسلمين لهم الهوان وما فيش أى كلام عن موضوع القومية ، وفى المسيحبة الناس نوعين : أهل العالم وأهل الملكوت .. أهل العالم همهم فى الأرضيات وأهل الإيمان عاوزين الوطن الأفضل السماوى ، وبيقول لا تحبوا العالم ولا الأشياء التى فى العالم ، وايام الخلافة الإسلامية العثمانية كان كل المسلمين بيقولوا على أنفسهم عثمانيين ومحمد فريد عمل كتاب عن تاريخ الدولة العثمانية ( على أساس إنه عثمانى ) وكان بيتكلم عن الخليفة على أساس إنه ظل الله فى أرضه وأن أعظم ذنب هو الطعن فى الخليفة أو محاربته ، ولم يحارب المصريون دفاعا عن الوطن بعد سقوطه تحت الإحتلال اليونانى والرومانى ( المرة الوحيدة اللى سمعنا إنهم حاربوا كان أيام الهكسوس حيث إستطاعوا طردهم بعد عدة مئات من السنين ، الثورات اللى حصلت من الأقباط كانت نتيجة زيادة الظلم من المسلمين ولم تكن مخططة لذلك فشلت ) ، القومية القبطية كانت هى الحفاظ على الإنتماء للآباء الأقباط وحفظ اللغة فى الكنيسة والتمسك بالهوية القبطية ( الكلام ده كان فى الماضى ) ، والمسلمين ( الأقباط ) كانوا بيتركوا الإنتماء القبطى لينضموا للغزاة المسلمين فى قوميتهم وديانتهم ، يعنى كل الحركة كانت بتتم على محور الدين ، والقومية ( بشكلها الحالى أى الدفاع عن الأرض ) لم تكن موجودة لا عند المسيحيين ولا عند المسلمين ، الغزوات اللى قام بها المسلمين هى غزوات دينية قالوا إن دافعها الأول نشر الدين واللى يموت فى الحرب يروح الجنة لأنه بيحارب من أجل الله ( بيقولوا كده )
إذن كل أعمال المسلمين كانت بدافع الدين وبأمر الدين ، وكل أعمال المسيحيين كانت بالمبادىء الدينية المسيحية مع التمسك بالهوية القبطية ، وموضوع القومية ماكانش موجود ولا معروف
موضوع القومية ( المصرية ) ظهر نتيجة عدة عوامل : 1 - هزيمة وتفكك دولة الخلافة الإسلامية العثمانية ( يعنى الوحدة الإسلامية وتجمع المسلمين فى دولة واحدة إنتهى ) .
2 - التأثر بالأفكار القومية الأوروبية
3 - الإحتلال الإنجليزى لمصر وطلب إنجلترا البقاء فى مصر لحماية المسيحيين وعجز المسلمين عن إخراجهم بالقوة
فيعمل إيه المسلمين لمعالجة الموقف ؟ قرروا ضم المسيحيين لحركة المقاومة ضد الإنجليز لإبطال حجة الإنجليز بالبقاء فى مصر لحماية المسيحيين ، وقالوا إنهم مش عاوزين الإنجليز ليس بسبب عدم جواز حكمهم للمسلمين ولكن بسبب إنهم وطنيين وعاوزين يحكموا نفسهم بنفسهم ، وتم رفع الصليب بعد أن أمر الإسلام بإخفاؤه ألف سنة
|