[ماجد منيب]

العزيز المفدي،
أتفق معك تماماً في أولاً.
وثانياً، مش عارف طبعاً من يسمح لنفسه ان يهين الآخرين من حيث تحقير معتقداتهم والبصق عليها مثل ماذكرت سواء من عندكم أو عندنا فده انسان وضيع وماترباش في بيته اولاً واخيراً. صدقني العملية مش مسيحي ومسلم، العملية، متربي ومش متربي.
عزيزي المفدي يمكن كل واحد بيشوف الناس بشاكلته، أنا لا اضطهد المسيحيين، وقابلت كثير مسيحيين كويسين وبرضه قابلت مسيحيين سيئين، وقابلت مسيحيين رفضوني كمسلم، وقابلت مسيحيين قبلوني كأنسان، ولكن باذكر الجانب الطيب، فلما باقابل مسيحي سئ بأقول برضه فيه مسلمين سيئين.ده اللي عايزك تبصله، أما الاسلام الذي تريده أن يتغير،مش عارف اقولك ايه، فعلاً. طب ماانا مسلم ، يكفي ذلك.
أما حكاية الدولة المنفصلة، أقولك مانقدرش نستغنى عنكم، والدولة المنفصلة دي حتكون كارثة للطرفين.
مش عارف أقول ايه تاني، اكثر من ان ربنا يديم تراث التعايش اللي ورثناه ونورثه للأجيال القادمة.
ماجد منيب