|
رد على محمد موديل السنه دى
الأخ محمد
ماشى يا عم , الطلاق حاجه قشطه جدا و حلو موز و زى الفل , يا رب كل نسائكم تتطلق من كل رجالتكم و تستمعوا بالطلاق و عظمته , و ليك عليا يا عم انى ها ادعى لك ان ربنا يوعد . . .بطلاقها عن قريب .
بس ممكن تحلوا عننا و مالكوش دعوه بينا , هو احنا كنا حكمنا عليكم و اجبرناكم انكم تبطلوا طلاق و قلنا لكم انه حرام عندنا و بالتالى ممنوع عليكم , احنا لينا ديننا و تعاليمنا و بنطبقها , تاعباكم و مولعاكم ليه الحكايه دى .
علشان نتكلم بجد انا ها اقولك شوية امثله و عاوز ردك عليها . . . .
لقد اكتشف الاطباء ان لحم الخنزير مفيد و صحى , و قد قررت ان ارفع قضيه لأخذ حكم عليكم انتم المسلمين يجبركم على اكل لحم الخنزير , ده لمصلحتك , أوعى تطلع جاهل و ترفض , خليك فريش و نفذ حكم المحكمه .
القضيه الجايه ها اخلى الدوله تحكم عليكم انكم تشربوا خمره , و هكذا دواليك .
هل تقبل تلك الامور يا عم محمد , لو قبلتها نبقى نفكر فى الخطبه العصماء اللى اتحفتنا بيها دى.
المفدى
|