|
كل مسيحى بيدعو كل يوم ويقول : لتأتى مملكتك ، فالمسيحى بيطلب مملكة المسيح وحاليا فيه نوعين من مملكة المسيح : مملكة داخلنا ومملكة الدهر الآتى .. لكن فيه نوع ثالث من مملكة المسيح وموجود فى سفر الرؤيا وهو عندما تصير جميع ممالك الأرض ( أكرر : الأرض ) للرب ولمسيحه
وبعد ما تبقى الأرض كلها بتاعة المسيح .. الشيطان هيحاول يعمل إنقلابات على المملكة وبعدين هيجىء الملك الألفى ( والشيطان هيكون مسجون فى وقت الملك الألفى ) وبعدين يطلق سراحه ويخرج يعمل ثورة أخيرة وبعدين يجىء المسيح شخصيا وينتهى العالم على كده وتنتهى مملكة الأرض الزمنية لتبدأ مملكة السماء الأبدية
فإحنا لازم نعيش لمملكة المسيح ( عيشوا كما يحق لإنجيل المسيح ) ووظيفتنا ( إكرزوا بالإنجيل للخليقة كلها ) ، طالبين سرعة مجيئه ( آمين تعال أيها الرب يسوع ) فزى المسيح ما عاش وسلك نسلك إحنا أيضا بعمل الخير والشهادة للحق لنكون نور وملح للأرض وهيكون لنا نصيب فى مملكة المسيح على الأرض وفى السماء
|